အဓိကအကြောင်းအရာ skip

ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

ဝမ်းချုပ်ခြင်း

ဝမ်းချုပ်ခြင်းဆိုတာ ဘာလဲ။

ဝမ်းချုပ်ခြင်းသည်  ဝမ်း (အီအီး) မာနေသော၊ သွားရန်ခက်ခဲနေသော၊ သို့မဟုတ် အစာခြေလမ်းကြောင်းမှ အလွန်နှေးကွေးစွာ ရွေ့လျားနေသော အခြေအနေတစ်ခု ဖြစ်သည်။ ဝမ်းချုပ်ခြင်းသည် ကင်ဆာများနှင့် သွေးရောဂါများကဲ့သို့ ပြင်းထန်သော ကလေးဘဝဖျားနာခြင်းများအတွက် ကုသမှုအချို့၏ အဖြစ်များသည့် ဘေးထွက်ဆိုးကျိုးတစ်ခု ဖြစ်သည်။

စားနေကျအစားအစာပြောင်းလဲခြင်းများ၊ အရည်များများသောက်ခြင်းနှင့် ကိုယ်ကာယလှုပ်ရှားခြင်းတို့သည် ဝမ်းချုပ်ခြင်းကို စီမံကိုင်တွယ်ရန် ကူညီပေးနိုင်သည်။ သင့်ကလေး၏ ပြုစုကုသရေးအဖွဲ့သည်လည်း အကူအညီပေးရန် ဆေးဝါးများကို အကြံပြုပေးနိုင်သည်။

ဝမ်းချုပ်ခြင်း ရောဂါရှာဖွေဖော်ထုတ်ခြင်း

လူတိုင်း၏ ဝမ်းသွားသည့်အလေ့အထမှာ မတူညီကြပါ။ သို့သော် ယေဘုယျအားဖြင့် သင့်ကလေးသည် တစ်ပတ်လျှင် ဝမ်းသွားခြင်း 3 ကြိမ်နှင့်အထက် ရှိသင့်ပါသည်။

ဝမ်းချုပ်ခြင်းရောဂါလက္ခဏာများတွင် အောက်ပါတို့ပါဝင်သည်-

  • တစ်ပတ်လျှင် ဝမ်းသွားခြင်း 2 ကြိမ်နှင့်အောက် ရှိခြင်း
  • မာသော၊ ခြောက်သော၊ စလုံးစခုဖြစ်သော ဝမ်း
  • ဝမ်းတုံးသည် ပုံမှန်အရွယ်အစားထက် ပိုကြီးနေသည် သို့မဟုတ် အတုံးငယ်လေးများ ဖြစ်နေသည်
  • ဝမ်းထွက်သွားနိုင်ရန် နာကျင်ခြင်း သို့မဟုတ် အားစိုက်ထုတ်နေရခြင်း
  • အစာအိမ်အောင့်ခြင်းများနှင့် နာကျင်ခြင်း
  • လေဖောင်းသော၊ ရောင်ဖောင်းသော၊ ရောင်ရမ်းသော ဝမ်းဗိုက်
  • ဝမ်းသွားပြီးနောက် ဝမ်းကျန်သေးသည်ဟု ခံစားရခြင်း
  • ပျို့အန်ချင်လာခြင်းနှင့် ပျို့အန်ခြင်း

ဝမ်းချုပ်ခြင်းကိုအတည်ပြုနိုင်ရန် သင့်ကလေးသည် ဆေးစစ်မှုတစ်ခု လိုအပ်နိုင်သည်။ ဆေးစစ်မှုတွင် ကျန်းမာရေးမှတ်တမ်း၊ ဝမ်းဗိုက်ခံစားချက်၊ ဓာတ်ခွဲခန်းစစ်ဆေးမှုများ၊ သို့မဟုတ် ပုံရိပ်ဖော်စစ်ဆေးမှုများ ပါဝင်နိုင်သည်။

အစာခြေစနစ်၏ ဆေးပညာဆိုင်ရာ သရုပ်ဖော်ပုံ

လူတိုင်း၏ ဝမ်းသွားသည့်အလေ့အထမှာ မတူညီကြပါ။ သို့သော် ယေဘုယျအားဖြင့် သင့်ကလေးသည် တစ်ပတ်လျှင် ဝမ်းသွားခြင်း 3 ကြိမ်နှင့်အထက် ရှိသင့်ပါသည်။

ဝမ်းချုပ်ခြင်းအကြောင်းအရင်းများ

အပြင်းအထန်ဖျားနာသော ကလေးများတွင် အကြောင်းအချက်များစွာသည် ဝမ်းချုပ်ခြင်းကို ဖြစ်စေနိုင်သည်။

  • အမျှင်ပါဝင်မှုနည်းသော အစားအစာများ
  • အစားလျှော့စားခြင်း
  • အရည်သောက်နည်းခြင်း သို့မဟုတ် ‌ရေဓာတ်ခမ်းခြောက်ခြင်း
  • ကိုယ်လက်လှုပ်ရှားမှု မရှိခြင်း
  • ကင်ဆာအလုံးက အစာအိမ် သို့မဟုတ် အူများအပေါ် ဖိထားခြင်း
  • ဆီးချိုသိုင်းရွိုက်ဟော်မုန်းနည်းခြင်း၊ သို့မဟုတ် ကစီဓာတ်ပါသောအစာစားမိ၍ အူများရောင်ရမ်းစေသည့်ရောဂါတို့ကဲ့သို့သော အခြားဆေးကုသမှုဆိုင်ရာ အခြေအနေများ

ဝမ်းချုပ်ခြင်းကို ဖြစ်စေနိုင်သော ဆေးဝါးများ

ဝမ်းချုပ်ခြင်းသည် အသုံးများသော ဆေးဝါးအချို့၏ ဘေးထွက်ဆိုးကျိုးတစ်ခု ဖြစ်သည်။

  • ဘိန်းကဲ့သို့သောဆေးများ (opioids) နှင့် NSAIDS ကဲ့သို့ အကိုက်အခဲပျောက်ဆေးများ
  • ပျို့အန်ခြင်းကို သက်သာစေသော ဆေးများ
  • အက်စစ်ဓာတ်ကို ခြေဖျက်ပေးသည့် ဆေးများ
  • ဆီးဆေးများ
  •  ဓာတ်မတည့်ခြင်းအတွက် ကုသဆေးများအပါအဝင် ဓာတ်မတည့်မှုပျောက်ဆေးများ
  • စိတ်ဓာတ်ကျခြင်းကို ကုသပေးသည့် ဆေး
  • သံဓာတ်အားဆေးများ
  •  vincristine နှင့် vinblastineတို့ကဲ့သို့သော ကီမိုဆေးသွင်းခြင်းကုထုံးဆေးဝါးများ

အသုံးများသော ဆေးတစ်ချို့မှာ codeine (ကိုးဒင်း)၊ fentanyl (ဖန်းတနိုင်းလ်)hydrocodone (ဟိုက်ဒရိုကိုဒုန်း)methadone (မီသာဒုန်း)morphine (မော်ဖင်း)နှင့် oxycodone (အောက်ဆီကိုဒုန်း)တို့ ဖြစ်ကြသည်။

ဘိန်းကဲ့သို့သောဆေးများသည် အောက်ပါတို့ကို ဖြစ်နိုင်သည်-

  • အူများ၏လှုပ်ရှားမှုကို နှေးစေခြင်း
  • အူများထဲရှိ အရည်ကို လျော့ကျစေခြင်း
  • ကြွက်သားညှစ်အားကို လျော့ကျသွားစေခြင်း၊ ဝမ်းသွားစေရန် ထိန်းချုပ်ထားသည့် ကြွက်သားတုံ့ပြန်မှုများကိုလည်း အားပျော့သွားစေခြင်း

သင့်ကလေးကို ဘိန်းကဲ့သို့သောဆေးကိုသောက်ရန် ညွှန်ကြားထားလျှင် သင့်ကလေး၏ပြုစုကုသရေးအဖွဲ့သည် ဝမ်းနုတ်ဆေးတစ်မျိုးကို အကြံပြုပေးနိုင်သည်။  

ဝမ်းချုပ်ခြင်းအတွက် ကုသမှု

ယေဘုယျအားဖြင့် မပြင်းထန်သော ဝမ်းချုပ်ခြင်းကို ရေများများသောက်ခြင်း၊ အမျှင်ဓာတ်များများစားခြင်းနှင့် ကိုယ်ကာယလှုပ်ရှားမှု တိုးမြှင့်ခြင်းတို့ကဲ့သို့ စားနေကျအစားအစာနှင့် ဘဝပုံစံပြောင်းလဲမှုများဖြင့် ဦးစွာကုသပေးသည်။

ကုသမှု၏ နောက်တစ်ဆင့်သည် ဝမ်းသွားခြင်းကိုအားပေးသော ဆေးဝါးဖြစ်နိုင်သည်။

ဝမ်းချုပ်ခြင်းအတွက် ဆေးဝါးများ

ဝမ်းနုတ်ဆေးများသည် ဝမ်းချုပ်ခြင်းကို သက်သာစေသော ဆေးဝါးများဖြစ်သည်။ သင့်ကလေးသည် ၎င်းဆေးများကို ပါးစပ်ဖြင့် သောက်ရနိုင်သည်။ သို့သော် သင့်ကလေး၏ဆရာဝန်သည် ဝမ်းချူခြင်း သို့မဟုတ် စအိုထဲထည့်ရသော ဆေးတောင့်ကိုလည်း ညွှန်ကြားနိုင်ပါသည်။

ဝမ်းနုတ်ဆေးများစွာကို ဆရာဝန်ညွှန်ကြားစာမလိုဘဲ ဝယ်ယူရရှိနိုင်သည်။ သင့်ကလေးအား မည်သည့်ဆေးဝါးကိုမဆို မသောက်ခိုင်းမီ ပြုစုကုသရေးအဖွဲ့နှင့် တိုင်ပင်ပြောဆိုပါ။

ဝမ်းချုပ်ခြင်းသက်သာစေရန် စားနေကျအစားအစာပြောင်းလဲခြင်းများ

ကင်ဆာကုသနေစဉ်တွင် ပျို့ခြင်း၊ စားသောက်ချင်စိတ်မရှိခြင်း၊ နုံးခွေခြင်းစသည့် လက္ခဏာတို့ကြောင့် ကယ်လိုရီပြည့်ဝရန်နှင့် အမျှင်ဓာတ်များသော အစားအစာတို့ကို လုံလောက်စွာ စားသောက်ရန်မှာ လူနာများအတွက် အခက်အခဲဖြစ်စေသည်။ ဝမ်းချုပ်ခြင်းသက်သာစေရန် စားသောက်ပုံပြောင်းလဲသည့် နည်းလမ်းတစ်ချို့မှာ-

  • အမျှင်ဓာတ်များများပါသော အစားအစာများ စားခြင်း။ ဤအရာများတွင် သစ်သီးများ၊ ဟင်းသီးဟင်းရွက်များ၊ အစေ့အဆန်များ၊ ပဲများနှင့် အခွံမာသီးများ ပါဝင်သည်။
  • အရည်များများသောက်ပါ။
  • အစားပုံမှန်စားပါ။
  • မနက်စာအတွက် ဖျော်ရည်အပူ သို့မဟုတ် အုတ်ဂျုံအပူ သောက်ပါ။

ဘေးထွက်ဆိုးကျိုးများ လျော့ပါးသက်သာစေရန် အာဟာရအကြံပြုချက်များကို ထပ်မံလေ့လာပါ

အိမ်၌ ဝှီးချဲလ်ပေါ်တွင် မနက်စာ အစေ့အနှံစားသောက်ဖွယ်ကို စားလျက် စာအုပ်ဖတ်နေသော အထာကျသည့် မသန်စွမ်းဆယ်ကျော်သက်ကလေး။

အမျှင်ဓာတ်များသော အစားအစာများစားခြင်းသည် ဝမ်းချုပ်ခြင်းကို တိုက်ဖျက်ရန် ကူညီပေးနိုင်သည်။

ဝမ်းချုပ်ခြင်း၏ နောက်ဆက်တွဲရောဂါများ

အဓိကအချက်များ

  • ဝမ်းချုပ်ခြင်းသည် ကင်ဆာများနှင့် သွေးရောဂါများကဲ့သို့ ပြင်းထန်သော ကလေးဘဝဖျားနာခြင်းများကုသမှု၏ အဖြစ်များသည့် ဘေးထွက်ဆိုးကျိုးတစ်ခု ဖြစ်သည်။
  • မိဘများသည် ပြုစုကုသရေးအဖွဲ့နှင့် စကားပြောဆိုခြင်းဖြင့်၊ မိမိကလေးကို အမျှင်ဓာတ်များသော အစားအစာများ ကျွေးခြင်းဖြင့်၊ ကုသမှုအစီအစဉ်များကို လိုက်နာခြင်းဖြင့် ကူညီပေးနိုင်သည်။
  • မိဘများသည် ဝမ်းချုပ်ခြင်းဆိုင်ရာ စိုးရိမ်ပူပန်စရာများရှိပါက ပြုစုကုသရေးအဖွဲ့ထံ အသိပေးသင့်သည်။
  • ဝမ်းချုပ်ခြင်းကို မကုသဘဲထားလျှင် အူများထဲတွင် အညစ်အကြေးများ ကြွင်းကျန်ခြင်းကဲ့သို့သော ပိုမိုပြင်းထန်သည့်ပြဿနာများကို ဖြစ်စေနိုင်သည်။


Together
သည် ဤဆောင်းပါးအတွင်း ဖော်ပြထားသော မည်သည့်တံဆိပ်ရှိ ထုတ်ကုန်များကိုမှ ထောက်ခံအတည်ပြုခြင်းမရှိပါ။


ပြန်လည်သုံးသပ်သည့်ရက်စွဲ- ဧပြီလ၊ 2022 ခုနှစ်