အသုံးပြုမှုဆိုင်ရာ စည်းမျဉ်းများ

စတင်သက်ရောက်ချိန် 2018 ခုနှစ် ဇွန်လ • ပြင်ဆင်ဖြည့်စွက်ချိန် 2020 ခုနှစ် စက်တင်ဘာလ

ဤအသုံးပြုမှုဆိုင်ရာ စည်းမျဉ်းများ (“စည်းမျဉ်းများ”) သည် အတူတကွ ဝက်ဘ်ဆိုက်  https://together.stjude.org၊ အတူတကွ အွန်လိုင်းအသိုင်းအဝိုင်းနှင့် အခြားဝက်ဘ်ဆိုက်များ၊ ချိတ်ဆက်ထားသောစာမျက်နှာများ၊ အင်္ဂါရပ်များ၊ အကြောင်းအရာများနှင့် St. Jude Children’s Research Hospital, Inc. (“St. Jude”၊ “ကျွန်ုပ်တို့”၊ “ကျွန်ုပ်တို့၏” သို့မဟုတ် “ကျွန်ုပ်တို့ကို”) မှ ရရှိနိုင်ပြီး ပိုင်ဆိုင်သော မိုဘိုင်းအပလီကေးရှင်းများ အပါအဝင် အတူတကွ (“အတူတကွ”)နှင့် ဆက်စပ်၍ ပံ့ပိုးပေးသော မည်သည့်ဆက်စပ်ဒစ်ဂျစ်တယ်ဝန်ဆောင်မှုများကိုမဆို သင် ဝင်ရောက်ကြည့်ရှုခြင်းနှင့် အသုံးပြုခြင်းကို စီမံခန့်ခွဲပါသည်။ အတူတကွ နှင့် သက်ဆိုင်ရာ အခြားဝန်ဆောင်မှုများ (“ဝန်ဆောင်မှုများ”) ၏ တစ်စိတ်တစ်ဒေသသို့ ဝင်ရောက်ခြင်း သို့မဟုတ် အသုံးပြုခြင်းဖြင့် သင်သည် ဤစည်းမျဉ်းများကို သဘောတူပြီး သက်ဆိုင်ရာဥပဒေအားလုံးကို လိုက်နာရန် သဘောတူရာရောက်ပါသည်။ ဝန်ဆောင်မှုများကို ဝင်ရောက်အသုံးမပြုမီ စည်းမျဉ်းများကို သေချာစွာ ဖတ်ရှုပါ။ ဤစည်းမျဉ်းများကို နားမလည်ပါက အောက်ပါအချက်အလက်များအား အသုံးပြု၍ ကျွန်ုပ်တို့ထံ ဆက်သွယ်ပါ။ ဤစည်းကမ်းချက်များကို လိုက်နာရန် သင်သဘောမတူပါက သင်သည် ဝန်ဆောင်မှု၏ တစ်စိတ်တစ်ဒေသကို ဝင်သုံးခြင်း၊ ဝင်ရောက်ခြင်း သို့မဟုတ် အသုံးပြုခြင်းတို့ကို ပြုလုပ်ခွင့်မရှိပါ။ သင့်အချက်အလက်များကို ကျွန်ုပ်တို့ရယူစုဆောင်းမှုနှင့် အသုံးပြုမှုအတွက် ကိုးကားရန်နှင့် ထိန်းချုပ်ရန်အတွက် တစ်ပါတည်းပါဝင်သော  အတူတကွ ကိုယ်ရေးလုံခြုံမှုမူဝါဒ ကို ဖတ်ရှုပါ။

အရေးကြီးသည့် သတိပေးချက်များ

• စည်းမျဉ်းများတွင် သင့်အခွင့်အရေးများအပေါ် သက်ရောက်မှုရှိသော အရေးကြီးသည့် လိုအပ်ချက်များ၊ ကန့်သတ်ချက်များ၊ သတ်မှတ်ချက်များနှင့် အခြားပြဋ္ဌာန်းချက်များ ပါဝင်ပါသည်။ ၎င်းတို့ကို သေချာစွာ ဖတ်ရှုရန် တိုက်တွန်းအပ်ပါသည်
• ဤစည်းမျဉ်းများတွင် သင့်အပေါ် ကျွန်ုပ်တို့၏ တာဝန်ယူမှုကို ကန့်သတ်သော၊ အငြင်းပွားမှုများကို တစ်ဦးချင်းအနေဖြင့် ခုံသမာဓိဖြင့် ဖြေရှင်းရန် လိုအပ်ပြီး အုပ်စုကိုယ်စား သို့မဟုတ် ကိုယ်စားပြုမှုအလိုက် အရေးယူမှု၏ အစိတ်အပိုင်းအဖြစ် မဖြစ်စေရန် သတ်မှတ်ထားသော ပြဋ္ဌာန်းချက်များ ပါဝင်သည်။
• ဝန်ဆောင်မှုများနှင့် အကြောင်းအရာများသည် သင်၏ အထွေထွေ၊ တစ်ကိုယ်ရေနှင့် ပညာပေးရန် ရည်ရွယ်ချက်များအတွက်သာ ဖြစ်ပါသည်။
• ဝန်ဆောင်မှုများသည် ဆေးကုသမှုပြုလုပ်ရန် သို့မဟုတ် သတ်မှတ်ထားသော ဆေးဘက်ဆိုင်ရာ အကြံပြုချက်များပေးရန် မရည်ရွယ်ပါ၊ ထို့အပြင် သုံးစွဲသူတစ်ယောက်အတွက် ကုသရေးနည်းလမ်းအဖြစ် အသုံးပြုရန် သို့မဟုတ် ဆရာဝန်-လူနာ ဆက်ဆံရေး တည်ဆောက်ရာတွင် အဆိုပါဝန်ဆောင်မှုများကို အသုံးပြုစေရန် မရည်ရွယ်ပါ။
• သင့်ရောဂါလက္ခဏာ သို့မဟုတ် အခြေအနေသည် အရေးပေါ်ဖြစ်သည် သို့မဟုတ် အသက်အန္တရာယ် စိုးရိမ်ရသည်ဟု ယူဆပါက 911 သို့မဟုတ် ဒေသတွင်းအရေးပေါ် ကျန်းမာရေးစနစ်ထံသို့ ချက်ချင်းဖုန်းဆက်ပါ။

ဝန်ဆောင်မှုများကို အသုံးပြုရန်အတွက် သတ်မှတ်ချက်ကိုက်ညီမှု

အဆိုပါစည်းမျဉ်းများသည် ဝန်ဆောင်မှုများရှိ အကြောင်းအရာ၊ အချက်အလက်နှင့် အခြားပစ္စည်းများ သို့မဟုတ် ဝန်ဆောင်မှုများကို ပံ့ပိုးသူများလည်းဖြစ်သော အသုံးပြုသူများ အပါအဝင် ဝန်ဆောင်မှုကို အသုံးပြုသူအားလုံးအတွက် အကျုံးဝင်ပါသည်။ သက်ဆိုင်သည့်အခါ “သင်” သို့မဟုတ် “သင်၏” ဟု ရည်ညွှန်းချက်အားလုံးသည် ဝန်ဆောင်မှုကို မည်သည့်အပြုအမူဖြင့်မဆို ဝင်ရောက်ကြည့်ရှုသူ သို့မဟုတ် အသုံးပြုသောသူနှင့် သင်၏ အမွေခံ၊ လွှဲအပ်ခံရသူနှင့် ဆက်ခံသူ တစ်ဦးစီကို ဆိုလိုပါသည်။ သင့်တွင် လုပ်ပိုင်ခွင့်ရှိပြီး အခြားသူတစ်ဦးကို ကျွန်ုပ်တို့၏ ဝန်ဆောင်မှုအား ဝင်ရောက်ကြည့်ရှုရန် ကူညီပါက ဤစည်းကမ်းချက်များသည် အကူအညီပေးသူနှင့် အကူအညီပေးခံရသူနှင့် St. Jude နှစ်ဦးစလုံးအကြား တရားဝင်ဖြစ်သော သဘောတူညီချက်တစ်ခုဖြစ်သည်။

ဝန်ဆောင်မှုများကို ဝင်ရောက်ကြည့်ရှုခြင်း သို့မဟုတ် အသုံးပြုခြင်းဖြင့် သင်သည် အသက် တစ်ဆယ့်ရှစ် (18) နှစ်နှင့် အထက်ရှိပြီး သက်ဆိုင်ရာဥပဒေအရ တရားဝင် တာဝန်ခံမှုရှိသော စာချုပ်များတွင် ပါဝင်ခွင့်ရှိကြောင်း ကိုယ်စားပြုပြီး အာမခံရာရောက်ပါသည်။ သင်သည် အသက် တစ်ဆယ့်ရှစ် (18) နှစ်အောက်ဖြစ်ပါက သင်၏မိဘ သို့မဟုတ် အုပ်ထိန်းသူက ဤစည်းမျဉ်းများကို ဖတ်ရှုပြီး သဘောတူရပါမည်။ သင့်မိဘ သို့မဟုတ် တရားဝင်အုပ်ထိန်းသူက စည်းမျဉ်းများကို သဘောမတူပါက (သို့မဟုတ် မလိုက်နာနိုင်ပါက) သင်သည် ဝန်ဆောင်မှုများကို အသုံးပြုခြင်း သို့မဟုတ် အသုံးပြုရန်ကြိုးပမ်းခြင်း မပြုလုပ်ရပါ။

ကိုယ်ရေးလုံခြုံမှု အလေ့အထများ

ဝန်ဆောင်မှုများကို ဝင်ရောက်ကြည့်ရှုခြင်း သို့မဟုတ် အသုံးပြုခြင်းဖြင့် ဤစည်းမျဉ်းများတွင် ရည်ညွှန်းချက်အဖြစ် ပါဝင်သည့် ကျွန်ုပ်တို့၏ ကိုယ်ရေးလုံခြုံမှုမူဝါဒတွင် ဖော်ပြထားသည့်အတိုင်း သင့်ကိုယ်ရေးကိုယ်တာ အချက်အလက်များနှင့် သုံးစွဲမှုအချက်အလက်များအား ကျွန်ုပ်တို့ ရယူစုဆောင်းခြင်း၊ အသုံးပြုခြင်းနှင့် မျှဝေခြင်းကို သဘောတူရာရောက်ပါသည်။ ကျွန်ုပ်တို့၏ ကိုယ်ရေးလုံခြုံမှု အလေ့အထများနှင့် ကျွန်ုပ်တို့က သင့်ကိုယ်ရေးကိုယ်တာ အချက်အလက်များကို မည်သို့ကာကွယ်ကြောင်း သိရှိရန်အတွက် ကျွန်ုပ်တို့၏ ကိုယ်ရေးလုံခြုံမှုမူဝါဒကို ဖတ်ရှုရန် တိုက်တွန်းအပ်ပါသည်။ ဤကိုယ်ရေးလုံခြုံမှုမူဝါဒသည် ပြင်ဆင်ထားသည့် 1996 ခုနှစ် ကျန်းမာရေးအာမခံဆိုင်ရာ ရွှေ့ပြောင်းနိုင်မှုနှင့် တာဝန်ခံယူမှု အက်ဥပဒေ ("HIPAA") အရ အကျုံးဝင်သော အဖွဲ့အစည်း သို့မဟုတ် စီးပွားရေးလုပ်ငန်းတွဲဖက်အဖြစ် St. Jude မှ စုဆောင်းနိုင်သည့် ကာကွယ်ထားသည့် ကျန်းမာရေးဆိုင်ရာ အချက်အလက် (“PHI”) နှင့် သက်ဆိုင်ခြင်း မရှိပါ။ St. Jude သည် ၎င်း၏ ကိုယ်ရေးကိုယ်တာ အလေ့အထများဆိုင်ရာ သတိပေးချက်နှင့် သက်ဆိုင်သည့်အတိုင်းအတာအထိ၊ လုပ်ငန်းတွဲဖက် သဘောတူညီမှုများများတွင် ဖော်ပြထားသည့် ၎င်း၏ စာချုပ်ဆိုင်ရာတာဝန်ဝတ္တရားများနှင့်အညီ PHI ကို ထိန်းသိမ်းထားပါသည်။ သင်၏ PHI ကို St. Jude မှ အသုံးပြုခြင်းနှင့် ထုတ်ဖော်ပြောဆိုခြင်း သို့မဟုတ် သင့် PHI နှင့် ပတ်သက်၍ သင့်အခွင့်အရေးများနှင့် ပတ်သက်၍ မေးခွန်းများရှိပါက ကျွန်ုပ်တို့၏ ကိုယ်ရေးလုံခြုံမှု အလေ့အထများဆိုင်ရာ သတိပေးချက်အား ဖတ်ရှုပါ။ သင်သည် သင့်ကိုယ်ရေးကိုယ်တာအချက်အလက်များ သို့မဟုတ် PHI ၏ ကိုယ်ရေးလုံခြုံမှုနှင့် စပ်လျဉ်း၍ မေးမြန်းလိုသည်များရှိပါက အောက်တွင်ပါရှိသော “ကျွန်ုပ်တို့ကို ဆက်သွယ်ရန်” ကဏ္ဍအတွင်းရှိ အသေးစိတ်အချက်များကို အသုံးပြုပြီး ကျွန်ုပ်တို့ထံ ဆက်သွယ်နိုင်ပါသည်။

ဝန်ဆောင်မှုများသည် ဆေးဘက်ဆိုင်ရာ အကြံပေးချက်များ မဟုတ်ပါ

စာသားများ၊ သရုပ်ဖော်ပုံများ၊ ရုပ်ပုံများ၊ ပြင်ပအဖွဲ့အစည်းအရင်းအမြစ်များသို့ လင့်ခ်များနှင့် အခြားသောအကြောင်းအရာ (“ပါဝင်သောအကြောင်းအရာ”) အပါအဝင် ဝန်ဆောင်မှုများတွင် ပါဝင်သောအကြောင်းအရာများသည် သတင်းအချက်အလက်ပေးရန် ရည်ရွယ်ချက်များအတွက်သာ ဖြစ်ပါသည်။ သင်သည် အကြောင်းအရာတစ်ခုခုအပေါ် မှီခိုအားထားပါက ဖြစ်လာသမျှ ကိစ္စအဝဝသည် သင့်တာဝန်သာ ဖြစ်ပါသည်။ ကျွန်ုပ်တို့သည် ဝန်ဆောင်မှုများမှတစ်ဆင့် သင်လက်ခံရရှိသော အချက်အလက်များ၏ တိကျမှု၊ စိတ်ချယုံကြည်ရမှု၊ ရရှိနိုင်မှု၊ ထိရောက်မှု သို့မဟုတ် အချက်အလက်များကို မှန်ကန်စွာ အသုံးပြုမှုအတွက် တာဝန်မရှိပါ။ ဝန်ဆောင်မှုများသည် ကျွမ်းကျင်သူပညာရှင်များ၏ ဆေးကုသရေးဆိုင်ရာ အကြံပေးချက်၊ ရောဂါရှာဖွေဖော်ထုတ်ခြင်း သို့မဟုတ် ကုသမှုကို အစားထိုးရန် မရည်ရွယ်ပါ။

သင့်ရုပ်ပိုင်းဆိုင်ရာ သို့မဟုတ် စိတ်ပိုင်းဆိုင်ရာ ကျန်းမာရေးနှင့် ပတ်သက်သော၊ အထူးသဖြင့် ရောဂါရှာဖွေခြင်း သို့မဟုတ် ဆေးဝါးကုသခြင်းတို့ လိုအပ်နိုင်သည့် ရောဂါလက္ခဏာများနှင့် စပ်လျဉ်းသည့် ကိစ္စရပ်များအတွက် အရည်အချင်းပြည့်မီသော ကျန်းမာရေးစောင့်ရှောက်မှု ဝန်ဆောင်မှုပေးသူတစ်ဦးဦးနှင့် တိုင်ပင်ဆွေးနွေးရန် အကြံပြုပါသည်။ အရည်အချင်းပြည့်မီသော ကျန်းမာရေးစောင့်ရှောက်မှု ဝန်ဆောင်မှုပေးသူကသာလျှင် သင့်အတွက် ဘေးကင်းပြီး ထိရောက်သော အကြံပြုချက်များကို ပေးနိုင်ပါသည်။ ဆေးဘက်ဆိုင်ရာ အခြေအနေတစ်ခုနှင့် ပတ်သက်၍ သင့်တွင် မေးခွန်းများရှိပါက သင်၏သမားတော် သို့မဟုတ် အရည်အချင်းပြည့်မီသော အခြား ကျန်းမာရေးစောင့်ရှောက်မှု ဝန်ဆောင်မှုပေးသူထံမှ အကြံဉာဏ်ကို အမြဲတောင်းခံပါ။ သင့်တွင် ဆေးဘက်ဆိုင်ရာအရေးပေါ်အခြေအနေတစ်ခု ရှိနေသည်ဟု ယူဆပါက၊ သင့်ဆရာဝန် သို့မဟုတ် 911 ကို ချက်ချင်းခေါ်ပါ။ St. Jude သည် ဝန်ဆောင်မှုများပေါ်တွင် တင်ပြထားသည့် တိကျသည့် စမ်းသပ်စစ်ဆေးမှုများ၊ ဆရာဝန်များ၊ ထုတ်ကုန်များ၊ လုပ်ထုံးလုပ်နည်းများ၊ ထင်မြင်ချက်များ သို့မဟုတ် အခြားသတင်းအချက်အလက်တစ်ခုခုကိုမျှ အကြံပြုခြင်း သို့မဟုတ် ထောက်ခံခြင်းမရှိပါ။ St. Jude မှ တင်ထားသည်ဖြစ်စေ သို့မဟုတ် အခြားဝန်ဆောင်မှုများအသုံးပြုသူများမှ တင်ထားသည်ဖြစ်စေ ဝန်ဆောင်မှုများအပေါ် တွင် ပံ့ပိုးပေးထားသော မည်သည့်အချက်အလက်ကိုမဆိုကို မှီခိုအားထားခြင်းသည် သင်၏ ကိုယ်ပိုင်အန္တရာယ်ဖြစ်နိုင်ခြေသာ ဖြစ်ပါသည်။

အကောင့် မှတ်ပုံတင်ခြင်း

သုံးစွဲသူများသည် အကောင့်မှတ်ပုံမတင်ဘဲ ဝန်ဆောင်မှုများကို ဝင်ရောက်အသုံးပြုနိုင်ပါသည်။ သို့သော် အကြောင်းအရာများကို တင်သွင်းခြင်း၊ အပ်လုဒ်လုပ်ခြင်း သို့မဟုတ် အကြောင်းအရာကို အခြားနည်းဖြင့် ရရှိနိုင်အောင် ပြုလုပ်ခြင်းအပါအဝင် ဝန်ဆောင်မှုများ၏ သတ်မှတ်လုပ်ဆောင်ချက်အချို့ကို ဝင်ရောက်ကြည့်ရှုပြီး ပါဝင်နိုင်ရန်အတွက် သင်သည် စကားဝှက်တစ်ခုဖြင့် ကာကွယ်ထားသော အတူတကွ အသိုင်းအဝိုင်းအကောင့် (“အကောင့်”) တစ်ခုကို ပြုလုပ်ရပါမည်။ သင်သည် ဝန်ဆောင်မှုများ၏ ထိုကဏ္ဍများကို အသုံးပြုလိုပါက မှန်ကန်၍ တိကျပြီး ပြည့်စုံသည့် လက်ရှိမှတ်ပုံတင်ခြင်းဆိုင်ရာ အချက်အလက်များကို St. Jude သို့ပေးရပါမည်။ သင်သည် အကောင့်မှတ်ပုံတင်ချိန်အတွင်း တိကျမှန်ကန်သော၊ လက်ရှိဖြစ်သော၊ ပြည့်စုံသော အချက်အလက်များကို ပေးအပ်ရန်နှင့် ထိုအချက်အလက်များ ဆက်လက်၍ တိကျမှန်ကန်စေရန်၊ လက်ရှိဖြစ်စေရန်နှင့် ပြည့်စုံစေရန်အတွက် ၎င်းတို့ကို ပြင်ဆင်ဖြည့်စွက်ရန် သဘောတူပါသည်။ ကျွန်ုပ်တို့သည် သင့်အကောင့်နှင့် ဝန်ဆောင်မှုများအား သင် ဝင်သုံးခွင့်အပေါ် ရပ်ဆိုင်းခွင့် သို့မဟုတ် ပယ်ဖျက်ပိုင်ခွင့်ရှိသည်၊ သို့မဟုတ် မှတ်ပုံတင်ခြင်းလုပ်ငန်းစဉ်အတွင်း သို့မဟုတ် လုပ်ငန်းစဉ်နောက်ပိုင်း ပေးအပ်သော အချက်အလက်တစ်စုံတစ်ရာသည် တိကျမှန်ကန်မှုမရှိခြင်း၊ လိမ်လည်ခြင်း၊ လက်ရှိမဟုတ်ခြင်း သို့မဟုတ် ဤစည်းမျဉ်းများကို အခြားနည်းဖြင့် ချိုးဖောက်ကြောင်းကို သက်သေထင်ရှားပါက ကျွန်ုပ်တို့သည် သင့်အကောင့်နှင့် ဝန်ဆောင်မှုများအား သင် ဝင်သုံးခွင့်အပေါ် ရပ်ဆိုင်းခွင့် သို့မဟုတ် ပယ်ဖျက်ပိုင်ခွင့်ရှိပါသည်။

သင် ကျွန်ုပ်တို့အား ပေးအပ်သော အချက်အလက်များပေါ်မူတည်၍ ဝန်ဆောင်မှုများကို သင်အသုံးပြုရန်အတွက် အတူတကွ အသိုင်းအဝိုင်းအကောင့်နှင့် အတူတကွ အသိုင်းအဝိုင်း ပရိုဖိုင်စာမျက်နှာတစ်ခုကို ဖန်တီးပေးပါမည်။

အကောင့်စကားဝှက်နှင့် လျှို့ဝှက်မှု

သင်၏ အတူတကွအသိုင်းအဝိုင်းအကောင့် စကားဝှက်နှင့် တကွ သက်ဆိုင်မှုရှိပါက သင်၏ ပြင်ပအဖွဲ့အစည်းအကောင့် စကားဝှက်ကို လုံခြုံစွာထားရှိရန်မှာ သင့်ထံတွင် အပြည့်အဝ တာဝန်ရှိပါသည်။ သင်၏ အတူတကွ အသိုင်းအဝိုင်းအကောင့်တွင် ဖြစ်ပေါ်သော လုပ်ဆောင်ချက်အားလုံးအတွက် သင့်ထံတွင် အပြည့်အဝတာဝန်ရှိပါသည်။ သင်၏ အတူတကွ အသိုင်းအဝိုင်းအကောင့်ကို ခွင့်ပြုချက်မရှိဘဲ အသုံးပြုခြင်းရှိပါက St. Jude သို့ ချက်ချင်းအကြောင်းကြားရန် သင်သဘောတူပါသည်။ သင်၏ အတူတကွ အသိုင်းအဝိုင်းအကောင့်ကို ခွင့်ပြုချက်မရှိဘဲအသုံးပြုခြင်း သို့မဟုတ် ခိုးယူခြင်း၊ ခွင့်ပြုချက်မရှိဘဲအသုံးပြုခြင်း၊ အသုံးပြုရန်ကြိုးပမ်းခြင်း သို့မဟုတ် လက်ဆော့ခြင်းကဲ့သို့သော သတိပြုမိသော အခြားအကောင့်လုံခြုံရေးချိုးဖောက်မှုကြောင့် ဖြစ်ပေါ်လာသည့် မည်သည့်အဖွဲ့အစည်းမဆို၏ ဆုံးရှုံးမှုများအတွက် St. Jude တွင် တာဝန်မရှိပါ။ အထက်ဖော်ပြပါ အချက်များ ရှိသော်လည်း၊ သင့်အကောင့်အား ထိုကဲ့သို့သော ခွင့်ပြုချက်မရှိဘဲ အသုံးပြုခြင်းကြောင့် ဖြစ်ပေါ်သည့် St. Jude သို့မဟုတ် အခြားသူများ၏ ဆုံးရှုံးမှုများအတွက် သင့်တွင် တာဝန်ရှိနိုင်ပါသည်။

အီလက်ထရောနစ် ဆက်သွယ်မှုများအတွက် သဘောတူညီချက်

ဝန်ဆောင်မှုများအား သင် အသုံးပြုမှုတစ်စိတ်တစ်ပိုင်းအဖြစ် သင်သည် အလိုအလျောက် ခေါ်ဆိုခြင်း သို့မဟုတ် ကြိုတင်အသံသွင်းခြင်း ပြုလုပ်ထားသည့် အကြောင်းကြားချက်များ၊ စာသားမက်ဆေ့ဂျ်များ၊ ဖုန်းခေါ်ဆိုမှုများ၊ အီးမေးလ်များနှင့် အခြားအီလက်ထရောနစ်ဆက်သွယ်မှုများကို လက်ခံရရှိနိုင်ပါသည်။ ကျွန်ုပ်တို့နှင့် ကျွန်ုပ်တို့၏မိတ်ဖက်များနှင့် တွဲဖက်အဖွဲ့အစည်းများသည် ဈေးကွက်မြှင့်တင်ရေး ဆက်သွယ်မှုများ၊ ဝန်ဆောင်မှု ကြေညာချက်များနှင့် စီမံအုပ်ချုပ်မှုဆိုင်ရာ မက်ဆေ့ဂျ်များကဲ့သို့ ဆက်သွယ်မှုအချို့ကို သင့်ထံပေးပို့ရန် လိုအပ်နိုင်သည်၊ သို့မဟုတ် ဆန္ဒရှိနိုင်သည်။ သင်သည် ထိုကဲ့သို့သော ဆက်သွယ်မှုများကို လက်ခံရန် သဘောတူပြီး သင့်ထံ ကျွန်ုပ်တို့ပေးပို့သည့် ထိုကဲ့သို့သော ဆက်သွယ်မှုများသည် ပေးပို့ချိန်တွင် တရားဝင်သက်ရောက်မှုရှိမည်ဖြစ်ကြောင်း သင် သဘောတူပါသည်။ အီးမေးလ်ဖြင့် ကျွန်ုပ်တို့ပေးပို့သော အသိပေးချက်ဟူသမျှသည် အသိပေးချက်များကို စာဖြင့် ရေးသားပေးပို့ရန်ဟူသော သတ်မှတ်ချက်ဟူသမျှနှင့် ကိုက်ညီမှုရှိကြောင်း သင်သဘောတူသည်။ သင်သဘောမတူပါက ဤသဘောတူညီချက်ကို လက်မခံပါနှင့်။

သင်သည် အချို့သော အီလက်ထရောနစ် ဆက်သွယ်မှုများကို လက်ခံရန် သင်၏သဘောတူညီချက်ကို ရုပ်သိမ်းပိုင်ခွင့်ရှိပြီး ဥပဒေအရ လိုအပ်သည့်အခါတွင် တောင်းဆိုမှုအရ စာရွက်စာတမ်းများနှင့် မှတ်တမ်းအားလုံး၏ စာရွက်မိတ္တူများကို ပေးအပ်ပါမည်။ သင်သည် ဤစည်းမျဉ်းများ၏ အဆုံးရှိ “ကျွန်ုပ်တို့ကို ဆက်သွယ်ပါ” ကဏ္ဍအောက်တွင် ဖော်ပြထားသော ဖုန်းနံပါတ် သို့မဟုတ် အီးမေးလ်ဖြင့် ကျွန်ုပ်တို့ထံ ဆက်သွယ်ပြီး ထိုသို့ပြုလုပ်နိုင်ပါသည်။ သင့်သဘောတူညီချက်ကို ရုပ်သိမ်းပါက ကျွန်ုပ်တို့သည် သင်နှင့် သဘောတူညီချက်များကို ဖျက်သိမ်းပိုင်ခွင့်ရှိပါသည်။ ကျွန်ုပ်တို့ အီးမေးလ်ဖြင့် ပေးပို့သော အကြောင်းကြားစာများကို လက်ခံရန် သို့မဟုတ် ဝင်ရောက်ကြည့်ရှုရန်အတွက် သင့်ထံတွင် အင်တာနက်အသုံးပြုခွင့်နှင့် ကွန်ပျူတာ သို့မဟုတ် ကိုက်ညီသော ဝဘ်ဘရောက်ဇာရှိသည့် စက်ပစ္စည်းတစ်ခု ရှိရပါမည်။ သင်သည် ဖိုင်များကို အိတ်ဆောင် စာရွက်စာတမ်း ဖောမက် (Portable Document Format၊ “PDF”) ဖြင့် ကြည့်ရှုနိုင်သော ဆော့ဖ်ဝဲလည်း လိုအပ်သည်။ ကျွန်ုပ်တို့ သင့်ထံပေးပို့သော အသိပေးချက်များကို ထိန်းသိမ်းထားရန်အတွက် သင့်စက် သို့မဟုတ် ကွန်ပျူတာသည် PDF ဖိုင်များအပါအဝင် အီလက်ထရောနစ် ဆက်သွယ်မှုများကို ဒေါင်းလုဒ်ပြုလုပ်ပြီး သိမ်းဆည်းနိုင်စွမ်း ရှိရမည်။ အဆိုပါစည်းမျဉ်းများကို သဘောတူခြင်းဖြင့် သင်သည် ကျွန်ုပ်တို့ပေးပို့သော အသိပေးချက်များကို လက်ခံရန်၊ ဝင်ရောက်ကြည့်ရှုရန်နှင့် ထိန်းသိမ်းရန် အစွမ်းရှိကြောင်း အတည်ပြုသည်။ သင်သည် ဤစည်းမျဉ်းများ၏ အဆုံးရှိ “ကျွန်ုပ်တို့ထံ မည်သို့ဆက်သွယ်ရမည်နည်း” ကဏ္ဍအောက်တွင် ဖော်ပြထားသော ဖုန်းနံပါတ် သို့မဟုတ် အီးမေးလ်ဖြင့် ကျွန်ုပ်တို့ထံ ဆက်သွယ်ခြင်းဖြင့် အသိပေးချက်လက်ခံရန် ရည်ရွယ်ထားသော သင့်အီးမေးလ်ကို အချိန်မရွေးပြောင်းလဲနိုင်ပါသည်။

သင် ကျွန်ုပ်တို့ကို အီးမေးလ် သို့မဟုတ် စာတိုဖြင့် ဆက်သွယ်ပါက ထိုသို့သော ဆက်သွယ်မှုများသည် မလုံခြုံသော ဆက်သွယ်ရေးလိုင်းများမှတစ်ဆင့် သွားလာသောကြောင့် လုံခြုံမှုမရှိနိုင်ကြောင်း ကျေးဇူးပြု၍ သတိပြုပါ။ ကျွန်ုပ်တို့ထံ လျှို့ဝှက်သော သို့မဟုတ် ကိုယ်ရေးကိုယ်တာအချက်အလက်များကို အီးမေးလ် သို့မဟုတ် စာတိုဖြင့် ပေးပို့ခြင်း၊ သို့မဟုတ် ကျွန်ုပ်တို့ထံမှ အီလက်ထရောနစ်ဆက်သွယ်မှုများကို အီးမေးလ် သို့မဟုတ် စာတိုမှတစ်ဆင့် လက်ခံရန် သဘောတူခြင်းဖြင့် သင်သည် ပေးပို့သည့်လမ်းကြောင်းတွင် ထိုကဲ့သို့ အချက်အလက်များ ပေါက်ကြားခြင်းကြောင့် ဖြစ်ပေါ်လာသော အန္တရာယ်များနှင့် ပျက်စီးမှုများကို နားလည်သဘောပေါက်ပြီး လက်ခံရာရောက်ပါသည်။

ကြိုးမဲ့ ဆက်သွယ်ရေးကယ်ရီယာကို အသုံးပြုမှု

ဝန်ဆောင်မှုများကို အသုံးပြုခြင်းသည် သင့်ကြိုးမဲ့ ဆက်သွယ်ရေးကယ်ရီယာ၊ အင်တာနက် ဝန်ဆောင်မှုပေးသူ သို့မဟုတ် အခြားအင်တာနက်သုံးစွဲမှု နည်းလမ်းမှတစ်ဆင့် အင်တာနက်ကို ဝင်ရောက်သုံးစွဲရန် လိုအပ်နိုင်ပြီး သင့်တွင် အင်တာနက်ချိတ်ဆက်မှုမရှိပါက သို့မဟုတ် အခြားအကြောင်းရင်းများရှိပါက ဝန်ဆောင်မှုများကို သုံးစွဲ၍ရနိုင်မည်မဟုတ်ကြောင်းကို သင် နားလည်သဘောပေါက်ပြီး သဘောတူသည်။ ဝန်ဆောင်မှုများကို အသုံးပြုရန် အင်တာနက်သုံးခြင်းကြောင့် သင့်စာချုပ် သို့မဟုတ် ဆက်သွယ်ရေးဝန်ဆောင်မှုပေးသူထံမှ ရယူထားသော အစီအစဉ်ပေါ်မူတည်၍ သင်သည် သင့်ကြိုးမဲ့ ဆက်သွယ်ရေး ကယ်ရီယာ၊ အင်တာနက် ဝန်ဆောင်မှုပေးသူ သို့မဟုတ် အခြားအင်တာနက်သုံးစွဲမှု နည်းလမ်းမှ အခကြေးငွေများ ကျသင့်နိုင်ကြောင်း သင်အသိအမှတ်ပြုပြီး သဘောတူပါသည်။ ထိုကဲ့သို့ ကျသင့်ငွေပေးဆောင်ရမှုသည် သင့်တွင်သာ အပြည့်အဝတာဝန်ရှိကြောင်း သင် နားလည်သဘောပေါက်သည်။ ဝန်ဆောင်မှုများကို သင်အသုံးပြုမှုသည် သင့်ကြိုးမဲ့ ဆက်သွယ်ရေးကယ်ရီယာ၊ အင်တာနက် ဝန်ဆောင်မှုပေးသူ သို့မဟုတ် အခြားအင်တာနက်သုံးစွဲမှုနည်းလမ်း၏ သတ်မှတ်ချက်အားလုံးနှင့် ကိုက်ညီမည်ဖြစ်ကြောင်း သင်သဘောတူပါသည်။ မက်ဆေ့ဂျ်ပို့ခြင်း သို့မဟုတ် ဒေတာကျသင့်ခအတွက် သင်၏ကြိုးမဲ့ဆက်သွယ်ရေး ကယ်ရီယာထံမှ ကျသင့်ငွေတောင်းခံမှုများကို ပေးဆောင်ရန် သင့်တွင် တာဝန်ရှိသည်။

သုံးစွဲသူအကြောင်းအရာဆိုင်ရာ လိုင်စင်

Jude သည် ကျွန်ုပ်တို့၏ တစ်ဦးတည်းသော ဆုံးဖြတ်ချက်ဖြင့် သင့်ကို ဝန်ဆောင်မှုများသို့ အကြောင်းအရာများ (“သုံးစွဲသူ အကြောင်းအရာများ”) ကို ပို့စ်တင်ရန်၊ အပ်လုဒ်လုပ်ရန်၊ ထုတ်ပြန်ရန်၊ ပေးပို့ရန် သို့မဟုတ် ထုတ်လွှင့်ရန် ခွင့်ပြုနိုင်သည်။ ဝန်ဆောင်မှုများ (“ပို့စ်” သို့မဟုတ် “ပို့စ်တင်ခြင်း”) တွင် သို့မဟုတ် မှတစ်ဆင့် မည်သည့်သုံးစွဲသူ အကြောင်းအရာများကိုမဆို ရရှိနိုင်စေခြင်းဖြင့်၊ သင်သည် St. Jude အား ကမ္ဘာတစ်ဝှမ်းရှိ၊ ယတိပြတ်ဖြစ်သော၊ ရာသက်ပန်ဖြစ်သော၊ သီးသန့်မဟုတ်သော၊ လွှဲပြောင်းနိုင်သော၊ မူပိုင်ခွင့်မဲ့လိုင်စင်ကို ပေးအပ်ပြီး ဝန်ဆောင်မှုများ ပေးအပ်ခြင်း၊ လည်ပတ်ခြင်းနှင့် ထိန်းသိမ်းခြင်း ရည်ရွယ်ချက်အတွက် သို့မဟုတ် ကျွန်ုပ်တို့၏ ကိုယ်ရေးကိုယ်တာမူဝါဒမှ ခွင့်ပြုထားသော အခြားရည်ရွယ်ချက်အတွက် ထိုကဲ့သို့သော အသုံးပြုသူအကြောင်းအရာကို ထပ်ဆင့်လိုင်စင်ပေးခွင့်ပြုခြင်း၊ အသုံးပြုခြင်း၊ မိတ္တူကူးခြင်း၊ မှီငြမ်းခြင်း၊ ပြုပြင်မွမ်းမံခြင်း၊ ဖြန့်ဝေခြင်း၊ လွှဲပြောင်းခြင်း၊ ထုတ်လွှင့်ခြင်း၊ ဝင်ရောက်ကြည့်ရှုခြင်းနှင့် အခြားနည်းဖြင့် အသုံးချခြင်းတို့ကို ပြုလုပ်ပိုင်ခွင့်ရှိသည်။ ဤနေရာတွင် St. Jude သို့ ပေးအပ်ထားသော လိုင်စင်သည် ဝန်ဆောင်မှုများ သို့မဟုတ် သင်၏ အကောင့်ကို ရပ်စဲပြီးနောက်တွင်လည်း ဆက်လက်အတည်ဖြစ်စေရမည်။ ထိုကဲ့သို့ သင်ပို့စ်တင်သော သုံးစွဲသူအကြောင်းအရာများကို အသုံးပြုရန်နှင့် အသုံးချရန်အတွက် သင့်အခွင့်အရေးများကို ဤစည်းမျဉ်းများတွင်ပါရှိသော မည်သည့်အကြောင်းအရာကမျှ ကန့်သတ်ထားခြင်း မရှိပါ။

သင် ပို့စ်တင်သော သုံးစွဲသူအကြောင်းအရာအားလုံးအတွက် သင့်တွင် အပြည့်အဝတာဝန်ရှိကြောင်း သင် နားလည်သဘောပေါက်ပြီး သဘောတူပါသည်။ သင်သည်- (က) သင်တင်သော သုံးစွဲသူအကြောင်းအရာအားလုံး၏ တစ်ဦးတည်းသောသီးသန့်ပိုင်ရှင် ဖြစ်ပါသည် သို့မဟုတ် ဤစည်းမျဉ်းများအရ ထည့်သွင်းစဉ်းစားထားသည့်အတိုင်း ထိုကဲ့သို့သော သုံးစွဲသူအကြောင်းအရာများတွင် St. Jude သို့ အခွင့်အရေးများပေးရန် လိုအပ်သည့် အခွင့်အရေးများ၊ လိုင်စင်များ၊ သဘောတူညီချက်များနှင့် ထုတ်ပြန်ချက်များအားလုံးကို သင်ရရှိထားကြောင်းနှင့် (ခ) သုံးစွဲသူအကြောင်းအရာ၊ သင်မှ သုံးစွဲသူအကြောင်းအရာကို တင်ခြင်း သို့မဟုတ် ဝန်ဆောင်မှုများမှတစ်ဆင့် သို့မဟုတ် ဝန်ဆောင်မှုများ အနေဖြင့် သင်၏သုံးစွဲသူအကြောင်းအရာ (သို့မဟုတ် ၎င်း၏အစိတ်အပိုင်းတစ်ခုခု) ကို St. Jude မှ အသုံးပြုခြင်းတို့သည် ပြင်ပအဖွဲ့အစည်းတစ်ခု၏ ပိုင်ဆိုင်ခွင့်၊ မူပိုင်ခွင့်၊ ကုန်အမှတ်တံဆိပ်၊ ကုန်သွယ်ရေးဆိုင်ရာ လျှို့ဝှက်ချက်၊ ကိုယ်ကျင့်တရားဆိုင်ရာ အခွင့်အရေးများ၊ သို့မဟုတ် အခြားပိုင်ဆိုင်မှု သို့မဟုတ် ဉာဏပစ္စည်းဆိုင်ရာအခွင့်အရေးများ၊ သို့မဟုတ် လူသိရှင်ကြား သို့မဟုတ် လျှို့ဝှက်ချက်ဆိုင်ရာ အခွင့်အရေးများကို ထိပါးခြင်း၊ အလွဲသုံးစားပြုခြင်း သို့မဟုတ် ချိုးဖောက်ခြင်း သို့မဟုတ် သက်ဆိုင်ရာဥပဒေ သို့မဟုတ် စည်းမျဉ်းတစ်ခုခုကို ချိုးဖောက်ခြင်းမပြုကြောင်းကိုလည်း ကိုယ်စားပြုပြီး အာမခံပါသည်။ St. Jude သည် ကွန်ပျူတာကွန်ရက်များနှင့် မီဒီယာအမျိုးမျိုးတွင် ထုတ်လွှင့်ရန်၊ ပြသရန် သို့မဟုတ် ဖြန့်ဖြူးရန်အတွက် သုံးစွဲသူအကြောင်းအရာကို ထပ်တိုးပြင်ဆင်ပိုင်ခွင့် သို့မဟုတ် လိုက်လျောညီထွေဖြစ်အောင် ပြုလုပ်ပိုင်ခွင့် နှင့်/ သို့မဟုတ် ကွန်ရက်များ၊ စက်များ၊ ဝန်ဆောင်မှုများ သို့မဟုတ် မီဒီယာများ၏ မည်သည့်လိုအပ်ချက်များ သို့မဟုတ် ကန့်သတ်ချက်များနှင့်မဆို ကိုက်ညီစေရန်နှင့် လိုက်လျောညီထွေမှုရှိစေရန် သင့်အကြောင်းအရာကို လိုအပ်သလို အပြောင်းအလဲများ ပြုလုပ်ပိုင်ခွင့် ရှိသည်။

သင်သည် အောက်ပါအကြောင်းအရာများကို ပို့စ်မတင်ကြောင်း ကိုယ်စားပြုခြင်း၊ အာမခံခြင်း၊ သဘောတူခြင်းကိုလည်း ပြုပါသည်- (က) အခြားအဖွဲ့အစည်းတစ်ခု၏ မူပိုင်ခွင့် သို့မဟုတ် ကုန်အမှတ်တံဆိပ်ကို ထိပါးသည့်၊ ချိုးဖောက်သည့် သို့မဟုတ် တစ်နည်းနည်းဖြင့် ထိပါးနှောင့်ယှက်သည့် အကြောင်းအရာ၊ (ခ) ကုန်သွယ်မှု လျှို့ဝှက်ချက်၏ ပိုင်ရှင်သည် သင်ဖြစ်ခြင်း သို့မဟုတ် ၎င်းကိုဖော်ပြရန် ပိုင်ရှင်က သင့်အား ခွင့်ပြုထားခြင်းမရှိပါက ကုန်သွယ်မှု လျှို့ဝှက်ချက်ကို ဖော်ပြသည့် အကြောင်းအရာ၊ (ဂ) အခြားသူ၏ ဉာဏပစ္စည်းမူပိုင်ခွင့် သို့မဟုတ် အခြားသူ၏ သီးသန့်ရှိမှု သို့မဟုတ် ထင်ပေါ်ကျော်ကြားမှု အခွင့်အရေးကို ထိပါးသော အကြောင်းအရာ၊ (ဃ) အသရေဖျက်သော၊ ဂုဏ်သိက္ခာကျစေသော၊ ရင့်သီးသော၊ ခြိမ်းခြောက်သော၊ အနိုင်အထက်ပြုသော၊ အမုန်းပွားသော၊ စော်ကားသော သို့မဟုတ် ဥပဒေတစ်ခုခု သို့မဟုတ် ပြင်ပအဖွဲ့အစည်းတစ်ခုခု၏ အခွင့်အရေးကို ချိုးဖောက်သော အကြောင်းအရာ၊ (င) အခြားသူအဖြစ်ဟန်ဆောင်ခြင်း သို့မဟုတ် လူတစ်ဦး သို့မဟုတ် အဖွဲ့အစည်းတစ်ခုနှင့် သင်၏ ပတ်သက်မှုကို မှားယွင်းစွာ ဖော်ပြခြင်း အပါအဝင် မမှန်ကန်ကြောင်း၊ အထင်အမြင်မှားစေကြောင်း၊ လှည့်စားကြောင်း သင်က သိလျက်နှင့် ထင်မြင်ချက်တစ်ခု ဖြစ်ပေါ်စေသည့် အကြောင်းအရာ၊ (စ) အခြားသူများ၏ အတိအလင်း အခွင့်အာဏာပေးမှုနှင့် ခွင့်ပြုချက်မရှိဘဲ ထိုသူများ၏ သီးသန့် သို့မဟုတ် ကိုယ်ရေးကိုယ်တာအား ခွဲခြားသိနိုင်သော အချက်အလက်များ ပါဝင်သည့် အကြောင်းအရာ၊ (ဆ) စနစ်၊ ဒေတာ သို့မဟုတ် အချက်အလက်တစ်စုံတစ်ရာကို ပျက်စီးစေရန်၊ ထိခိုက်နစ်နာအောင် နှောင့်ယှက်ရန်၊ တိတ်တခိုးကြားဝင်နှောင့်ယှက်ရန် သို့မဟုတ် သိမ်းယူရန် ရည်ရွယ်ချက်ဖြင့် သို့မဟုတ် ကွန်ပျူတာဆော့ဖ်ဝဲ၊ ဟတ်ဒ်ဝဲ သို့မဟုတ် တယ်လီကွန်မြူနီကေးရှင်း စက်ကိရိယာများ၏ လုပ်ငန်းဆောင်တာကို ကန့်သတ်ရန် ရည်ရွယ်ချက်ဖြင့် ဗိုင်းရပ်စ်၊ ထရိုဂျင်ဟော့စ်၊ ပိုးမွှား၊ ချိန်ကိုက်ဗုံး သို့မဟုတ် အခြားကွန်ပျူတာပရိုဂရမ်မင်း လုပ်ဆောင်ချက် သို့မဟုတ် အင်ဂျင်ပါဝင်သော သို့မဟုတ် ၎င်းတို့၏ လင့်ခ်များ ပါဝင်သော အကြောင်းအရာ၊ နှင့်/ သို့မဟုတ် (ဇ) ထိခိုက်စေသော၊ ခြိမ်းခြောက်သော၊ အလွဲသုံးစားပြုသော၊ အနှောင့်အယှက်ပေးသော၊ နှိပ်စက်သော၊ အသရေဖျက်သော၊ ရိုင်းစိုင်းသော၊ ညစ်ညမ်းသော၊ သိက္ခာချသော၊ အခြားသူ၏ သီးသန့်ဖြစ်မှုကို မနှစ်သက်ဖွယ်၊ လူမျိုးရေးအရ၊ သို့မဟုတ် အခြားတစ်နည်းနည်းဖြင့် ကန့်ကွက်ဖွယ် ကျူးကျော်သော သို့မဟုတ် အရွယ်မရောက်သေးသူများကို တစ်နည်းနည်းဖြင့် ထိခိုက်စေသော သို့မဟုတ် ထိခိုက်စေသည်ဟု ကျိုးကြောင်းဆီလျော်စွာ ယူဆရသော အကြောင်းအရာ။

ဝန်ဆောင်မှုများကို ဝင်သုံးခြင်းအတွက် စည်းမျဉ်းများနှင့် အကောင်အထည်ဖော်ဆောင်ရွက်မှု

သင်သည် ဥပဒေနှင့် မညီသော သို့မဟုတ် ဤစည်းမျဉ်းများအရ တားမြစ်ထားသော ရည်ရွယ်ချက်ဟူသမျှအတွက် ဝန်ဆောင်မှုများကို အသုံးမပြုကြောင်း အာမခံပြီး ဝန်ဆောင်မှုများကို ဝင်ရောက်ကြည့်ရှုခြင်း သို့မဟုတ် အသုံးပြုခြင်းဖြင့် သင်သည် သက်ဆိုင်ရာဥပဒေများ၊ စည်းမျဉ်းစည်းကမ်းများအားလုံးကို လိုက်နာရန် သဘောတူရာရောက်သည်။ ကန့်သတ်ချက်မရှိဘဲ၊ သင်သည် တိုက်ရိုက်ဖြစ်စေ သို့မဟုတ် သွယ်ဝိုက်၍ဖြစ်စေ အောက်ပါတို့ကို မပြုလုပ်ကြောင်းနှင့် မည်သည့်ပြင်ပအဖွဲ့အစည်းဟူသမျှကိုမျှ ပြုလုပ်ခွင့်မပေးကြောင်းကို အာမခံပါသည်-

1. ဝန်ဆောင်မှုများကို ဥပဒေနှင့် မညီညွတ်သော ရည်ရွယ်ချက်များအတွက် သို့မဟုတ် တရားမဝင်လုပ်ငန်းများအား မြှင့်တင်ရန်အတွက် အသုံးပြုခြင်း၊
2. အထက်ပါ "သုံးစွဲသူ အကြောင်းအရာ” လိုင်စင်ကဏ္ဍတွင် ဖော်ပြထားသော သတ်မှတ်ချက်များကို ချိုးဖောက်သည့် သုံးစွဲသူ အကြောင်းအရာများကို အပ်လုဒ်လုပ်ခြင်း သို့မဟုတ် ပို့စ်တင်ခြင်း၊
3. မည်သူ့ကိုမဆို အနှောင့်အယှက်အွန်လိုင်းမက်ဆေ့ချ်များပိုရန် ရည်ရွယ်ချက်ဖြင့် ဝန်ဆောင်မှုများကို အသုံးပြုခြင်း၊
4. ဝန်ဆောင်မှုများကို သို့မဟုတ် ဝန်ဆောင်မှုအသုံးပြုသူတစ်ဦးဦးကို ပျက်စီးစေနိုင်သော၊ မလုပ်မကိုင်နိုင်ဖြစ်စေနိုင်သော၊ ဝန်ပိစေနိုင်သော၊ ထိခိုက်စေနိုင်သော၊ သို့မဟုတ် အခြားသူက ဝန်ဆောင်မှုများကို အသုံးပြုရာတွင် ဝင်ရောက်နှောင့်ယှက်နိုင်သော၊ သို့မဟုတ် ပြင်ပအဖွဲ့အစည်း ဝဘ်ဆိုက်များ သို့မဟုတ် စနစ်များကို ဝင်ရောက်နှောင့်ယှက်နိုင်သော သို့မဟုတ် ပျက်စီးစေနိုင်သော အပြုအမူတစ်စုံတစ်ရာဖြင့် ဝန်ဆောင်မှုများကို အသုံးပြုခြင်း၊
5. ဝန်ဆောင်မှုများ သို့မဟုတ် St. Jude ၏ ကွန်ပျူတာစနစ်များ သို့မဟုတ် ၎င်း၏ဝန်ဆောင်မှုပေးသူများ၏ ကွန်ပျူတာစနစ်များ၏ အများသူငှာကိုမပြသသည့် နေရာများကို ဝင်ရောက်ခြင်း သို့မဟုတ် လက်မခံနိုင်သောနည်းလမ်းဖြင့် ကြားဝင်ပြုပြင်ခြင်း။
6. မည်သည့်စနစ် သို့မဟုတ် ကွန်ရက်၏ အားနည်းချက်ကိုမဆို စစ်ဆေးခြင်း၊ ရှာဖွေခြင်း သို့မဟုတ် စမ်းသပ်ခြင်း၊ သို့မဟုတ် လုံခြုံရေး သို့မဟုတ် အထောက်အထားစိစစ်ရေး လုပ်ထုံးလုပ်နည်းများကို ချိုးဖောက်ခြင်း သို့မဟုတ် ရှောင်တိမ်းခြင်း၊ သို့မဟုတ် ဝန်ဆောင်မှုများမှ ပေးအပ်ထားသော သင့်ကိုယ်ပိုင်အချက်အလက်များမှလွဲ၍ ဝန်ဆောင်မှုများကို အခြားအသုံးပြုသူတစ်ဦးဦး၏ ကိုယ်ရေးကိုယ်တာ သို့မဟုတ် ကျန်းမာရေးအချက်အလက်များအပါအဝင် အချက်အလက်တစ်ခုခုကိုရယူရန် ပြောင်းပြန်ရှာဖွေခြင်း၊ ခြေရာခံခြင်း သို့မဟုတ် ရှာဖွေခြင်း၊
7. St. Jude ၏ ကြိုတင်ရေးသားထားသည့် ခွင့်ပြုချက်မရှိဘဲ မည်သည့်ရည်ရွယ်ချက်အတွက်မဆို ဝန်ဆောင်မှုများကို ဝင်ရောက်ကြည့်ရှုရန် robots၊ spiders၊ offline readers၊ scrapers များ အပါအဝင် အလိုအလျောက်စနစ်ကို အသုံးပြုခြင်း၊ သို့သော်လည်း အများသူငှာရှာဖွေရေးအင်ဂျင်များသည် အကြောင်းအရာများ၏ အများသူငှာရရှိနိုင်သည့် ရှာဖွေနိုင်သော အညွှန်းကိန်းများ ဖန်တီးရန်အတွက် ရည်ရွယ်ချက်တစ်ခုတည်းအတွက်သာ ဝန်ဆောင်မှုများမှ အကြောင်းအရာများကို ကူးယူရန် spiders သို့မဟုတ် robots များကို အသုံးပြုနိုင်သည် (သို့သော်လည်း ထိုပစ္စည်းများ၏ cache များ သို့မဟုတ် သိမ်းဆည်းမှုများကို မသိမ်းဆည်းပါ၊ St. Jude သည် ဤခြွင်းချက်များကို ယေဘုယျအားဖြင့် သို့မဟုတ် သီးခြားကိစ္စရပ်များတွင် ရုပ်သိမ်းပိုင်ခွင့်ရှိပါသည်)။
8. အီးမေး သို့မဟုတ် ပို့စ်တစ်ခုခုတွင် သို့မဟုတ် ပြောင်းလဲထားသော၊ လှည့်ဖြားသော၊ ရင်းမြစ်ဖော်ပြချက် မှားယွင်းသော အချက်အလက်များကို ပေးပို့ရန်အတွက် ဝန်ဆောင်မှုများကို တစ်နည်းနည်းဖြင့် အသုံးချရာတွင် TCP/ IP ပက်ကေ့ချ်ခေါင်းစီး သို့မဟုတ် ခေါင်းစီး၏ အချက်အလက်အစိတ်အပိုင်းတစ်ခုကို အတုပြုလုပ်ခြင်း။
9. ဝန်ဆောင်မှုများကို သို့မဟုတ် ဝန်ဆောင်မှုအသုံးပြုသူတစ်ဦးဦးကို ပျက်စီးစေနိုင်သော၊ မလုပ်မကိုင်နိုင်ဖြစ်စေနိုင်သော၊ ဝန်ပိစေနိုင်သော၊ ထိခိုက်စေနိုင်သော၊ သို့မဟုတ် အခြားသူက ဝန်ဆောင်မှုများကို အသုံးပြုရာတွင် ဝင်ရောက်နှောင့်ယှက်နိုင်သော၊ သို့မဟုတ် ပြင်ပအဖွဲ့အစည်း ဝဘ်ဆိုက်များ သို့မဟုတ် စနစ်များကို ဝင်ရောက်နှောင့်ယှက်နိုင်သော သို့မဟုတ် ပျက်စီးစေနိုင်သော အပြုအမူတစ်စုံတစ်ရာဖြင့် ဝန်ဆောင်မှုများကို အသုံးပြုခြင်း၊ သို့မဟုတ်
10. ဝန်ဆောင်မှုကို အနှောင့်အယှက်ဖြစ်စေရန် သို့မဟုတ် ဝန်ဆောင်မှုပေါ်တွင် လွန်ကဲသော ဝန်ထုပ်ဝန်ပိုးဖြစ်စေရန်အတွက် ဗိုင်းရပ်စ် ပို့ခြင်း၊ ဝန်ပိုဖြစ်စေခြင်း၊ ပြည့်လျှံစေခြင်း၊ အနှောင့်အယှက်ဖြစ်စေသည့်အွန်လိုင်းမက်ဆေ့ချ်များပို့ခြင်း၊ မေးလ်များဖြင့် ပြည့်နှက်စေခြင်း သို့မဟုတ် ထိုကဲ့သို့အပြုအမူမျိုး ဖြစ်စေသော အကြောင်းအရာကို ရေးသားသည့် နည်းများဖြင့် သုံးစွဲသူ၏ ဝင်ရောက်ကြည့်ရှုမှု၊ လက်ခံသူ သို့မဟုတ် ကွန်ရက်ကို ဝင်ရောက်စွက်ဖက်ခြင်း သို့မဟုတ် နှောင့်ယှက်ခြင်း (သို့မဟုတ် ထိုသို့ပြုလုပ်ရန် ကြိုးပမ်းခြင်း)။

St. Jude သည် ဝန်ဆောင်မှုများ၊ ၎င်းပါ အကြောင်းအရာများ သို့မဟုတ် သုံးစွဲသူ အကြောင်းအရာများကို ဝင်ရောက်ကြည့်ရှုမှု သို့မဟုတ် အသုံးပြုမှုအား စောင့်ကြည့်ရန် တာဝန်မရှိသော်လည်း ဝန်ဆောင်မှုများကို လုပ်ငန်းလည်ပတ်ရန်၊ ဤစည်းကမ်းချက်များကို လိုက်နာကြောင်း သေချာစေရန်နှင့် သက်ဆိုင်ရာဥပဒေသို့မဟုတ် အခြားတရားဝင်လိုအပ်ချက်များကို လိုက်နာရန်အတွက် ကျွန်ုပ်တို့သည် ထိုကဲ့သို့ပြုလုပ်ရန် အခွင့်အရေးရှိသည်။

St. Jude သည် အချိန်မရွေး ကြိုတင်အကြောင်းမကြားဘဲ သင့်အကောင့် သို့မဟုတ် အချို့သော လက္ခဏာရပ်များသို့ သင်၏ဝင်သုံးမှုကို ဆိုင်းငံ့ထားပိုင်ခွင့် သို့မဟုတ် ပိတ်ပိုင်ခွင့်ရှိပြီး ၎င်းတွင် မည်သည့်အကြောင်းကြောင့်မဆို၊ ဤစည်းကမ်းချက်များကို ချိုးဖောက်ခြင်း သို့မဟုတ် ဝန်ဆောင်မှုများ သို့မဟုတ် အသုံးပြုသူများကို အခြားနည်းဖြင့် အန္တရာယ်ဖြစ်စေသော သို့မဟုတ် အခြားမည်သည့်အကြောင်းကြောင့်မဆို ကျွန်ုပ်တို့၏ တစ်ဦးတည်းသောဆုံးဖြတ်ချက်ဖြင့် ကန့်ကွက်စရာဟု ယူဆသော အသုံးပြုသူအကြောင်းအရာသို့ ဝင်ရောက်ခွင့်ကို ဖယ်ရှားခွင့် သို့မဟုတ် ပိတ်ပိုင်ခွင့် ပါဝင်ပါသည်။ ထိုသို့ ဆိုင်းငံ့ခြင်း၊ ပိတ်ခြင်း သို့မဟုတ် ပယ်ဖျက်ခြင်းတွင် ကျွန်ုပ်တို့သည် သင့်အကြောင်းအရာနှင့်တကွ သင့်အကောင့်နှင့် ဆက်စပ်သော အခြားအချက်အလက်များကို ဖျက်ခြင်း သို့မဟုတ် ဖယ်ရှားခြင်းတို့ ပြုလုပ်နိုင်ပါသည်။ သင်သည် အောက်ပါ “ကျွန်ုပ်တို့ကို ဆက်သွယ်ပါ” ကဏ္ဍပါ အချက်အလက်များကို အသုံးပြုခြင်းဖြင့် သင့်အကောင့်ကို အချိန်မရွေး ပိတ်နိုင်သည်။

ဝန်ဆောင်မှုများကိုအသုံးပြုရန် လိုင်စင်

ဤစည်းမျဉ်းများကို သင်လိုက်နာမှုအပေါ် မူတည်၍ St. Jude သည် သင့်ကိုယ်ရေးကိုယ်တာနှင့် စီးပွားဖြစ်မဟုတ်သော အသုံးပြုမှုအတွက်သာနှင့် ဝန်ဆောင်မှုများတွင် သင်ဝင်ရောက်ကြည့်ရှုခြင်းနှင့် ပါဝင်ခြင်းနှင့် ဆက်စပ်၍သာ အကြောင်းအရာများကို ပြန်လည်ထုတ်လုပ်ခြင်းနှင့် ပြသခြင်း (မည်သည့် ဆော့ဖ်ဝဲလ်ရင်းမြစ်ကုဒ်မှ အပ) ပြုလုပ်ရန် ကန့်သတ်ထားသော၊ သီးသန့်မဟုတ်သော၊ ပြန်လည်ရုပ်သိမ်းနိုင်သည့်၊ လွှဲပြောင်း၍မရသောနှင့် ဆင့်ပွားလိုင်စင်ပေး၍မရသည့် လိုင်စင်ကို သင့်အား ပေးအပ်ပါသည်။ သင်သည် ဤစည်းမျဉ်းများတွင် အတိအလင်းဖော်ပြထားသည်မှလွဲ၍ အကြောင်းအရာ သို့မဟုတ် ဝန်ဆောင်မှုများကို အသုံးပြုခြင်း၊ ကူးယူခြင်း၊ လိုက်လျောညီထွေဖြစ်အောင်ပြုလုပ်ခြင်း၊ ပြုပြင်ခြင်း၊ ပြင်ဆင်ခြင်း၊ ကူးယူထားသော လက်ရာများကို ပြင်ဆင်ခြင်း၊ ဖြန့်ဖြူးခြင်း၊ လိုင်စင်ပေးခြင်း၊ ရောင်းချခြင်း၊ လွှဲပြောင်းခြင်း၊ လူသိရှင်ကြား ပြသခြင်း၊ လူသိရှင်ကြား တင်ဆက်ခြင်း၊ ထုတ်လွှင့်ခြင်း၊ တိုက်ရိုက်လွှင့်ခြင်း၊ ထုတ်လွှင့်ခြင်း သို့မဟုတ် အခြားနည်းဖြင့် အမြတ်ထုတ်ခြင်း မပြုရပါ။ သင့်အား ပေးအပ်သော ဝန်ဆောင်မှုများနှင့် အကြောင်းအရာများသည် အရှိအတိုင်းဖြစ်သည်။ အကြောင်းအရာတစ်ခု၏ မိတ္တူကို တစ်ကိုယ်ရေအသုံးပြုရန်အတွက် ဒေါင်းလုဒ်လုပ်ခြင်း သို့မဟုတ် ပုံနှိပ်ခြင်း ပြုလုပ်ပါက သင်သည် အထက်တွင်ဖော်ပြထားသော မူပိုင်ခွင့်နှင့် အခြားပိုင်ဆိုင်မှုအကြောင်းကြားစာအားလုံးကို လက်ဝယ်ထားရှိရမည်။ ဤစည်းမျဉ်းများတွင် အတိအလင်း ခွင့်ပြုထားသော လိုင်စင်များနှင့် အခွင့်အရေးများမှအပ St. Jude သို့မဟုတ် ၎င်း၏လိုင်စင်ထုတ်ပေးသူများ ပိုင်ဆိုင်သော သို့မဟုတ် ထိန်းချုပ်ထားသော ဉာဏပစ္စည်းဆိုင်ရာ မူပိုင်ခွင့်များကို သွယ်ဝိုက်၍ သို့မဟုတ် အခြားနည်းဖြင့် သင့်အား လိုင်စင်များ သို့မဟုတ် အခွင့်အရေးများကို ပေးအပ်မည်မဟုတ်ပါ။

ဉာဏပစ္စည်း

St. Jude အကြောင်းအရာများကို အမေရိကန်ပြည်ထောင်စု၊ ပြည်ပနိုင်ငံများနှင့် နိုင်ငံတကာကွန်ဗင်းရှင်းများ၏ မူပိုင်ခွင့်၊ ကုန်အမှတ်တံဆိပ်နှင့် အခြားဥပဒေများဖြင့် ကာကွယ်ထားသည်။ ဤစည်းမျဉ်းများတွင် အတိအလင်းဖော်ပြထားခြင်းမရှိပါက၊ St. Jude နှင့် ၎င်း၏လိုင်စင်ထုတ်ပေးသူများသည် ဆက်စပ်ဉာဏပစ္စည်းဆိုင်ရာ မူပိုင်ခွင့်များအားလုံး အပါအဝင် ပလက်ဖောင်းနှင့် St. Jude အကြောင်းအရာနှင့် ၎င်းနှင့် ဆက်စပ်နေသည့် နည်းပညာအားလုံး၏ မူပိုင်ခွင့်၊ ပိုင်ဆိုင်မှုနှင့် အကျိုးစီးပွားအားလုံးကို လုံးဝပိုင်ဆိုင်ပါသည်။ ဤနေရာတွင်အသုံးပြုထားသော St. Jude ၏ ကုန်အမှတ်တံဆိပ်များ၊ ဝန်ဆောင်မှုအမှတ်တံဆိပ်များ၊ လိုဂိုများ၊ ကုန်သွယ်မှုအမည်များနှင့် အခြားပိုင်ဆိုင်မှုဆိုင်ရာ သတ်မှတ်ချက်များအားလုံးသည် St. Jude ၏ ကုန်အမှတ်တံဆိပ်များ သို့မဟုတ် မှတ်ပုံတင်ထားသော ကုန်အမှတ်တံဆိပ်များ ဖြစ်ပါသည်။ အခြားကုန်အမှတ်တံဆိပ်၊ ဝန်ဆောင်မှုအမှတ်တံဆိပ်များ၊ လိုဂိုများ၊ ကုန်သွယ်မှုအမည်များနှင့် အခြားပိုင်ဆိုင်မှုဆိုင်ရာ သတ်မှတ်ချက်များသည် သက်ဆိုင်ရာပိုင်ရှင်များ၏ ကုန်အမှတ်တံဆိပ်များ သို့မဟုတ် မှတ်ပုံတင်ထားသော ကုန်အမှတ်တံဆိပ်များ ဖြစ်ပါသည်။

ဥပဒေဆိုင်ရာ လိုက်နာမှု

သုံးစွဲသူသည် ဝန်ဆောင်မှုများကို အသုံးပြုနေချိန်တွင် သက်ဆိုင်ရာဥပဒေများ၊ စည်းမျဉ်းများ၊ စည်းကမ်းများ၊ လမ်းညွှန်ချက်များအားလုံးကို လိုက်နာရမည်။ ၎င်းတွင် အမေရိကန်ပြည်ထောင်စု၏ ကိုယ်ရေးလုံခြုံမှုဆိုင်ရာ ဥပဒေများနှင့် သူစွဲသူ၏ နိုင်ငံဥပဒေများအပြင်၊ အပ်လုဒ်ပြုလုပ်ထားသော မည်သည့်ဒေတာမဆို သို့မဟုတ် ဝန်ဆောင်မှုများကို သူစွဲသူ၏ အသုံးပြုခြင်းမှ ဖြစ်ပေါ်လာသော မည်သည့်ဒေတာ သို့မဟုတ် အချက်အလက်များကို အသုံးပြုခြင်းမဆိုနှင့် ဆက်စပ်သည့် မည်သည့်တိကျသော ကန့်သတ်ချက်များ ပါဝင်သော်လည်း ၎င်းတို့နှင့်သာ ကန့်သတ်ထားခြင်း မရှိပါ။

နိုင်ငံတကာ သုံးစွဲသူများ

Jude အနေဖြင့် ဝန်ဆောင်မှုများသည် အမေရိကန်ပြည်ထောင်စုပြင်ပရှိ နေရာဒေသများတွင် အသုံးပြုရန် သင့်တော်ကြောင်း သို့မဟုတ် ရရှိနိုင်ကြောင်း ကိုယ်စားမပြုပါ၊ ထို့အပြင် ထိုကဲ့သို့သော ဝန်ဆောင်မှုများသည် တရားမဝင်သော နယ်မြေများမှ ဝန်ဆောင်မှုများကို ဝင်ရောက်ကြည့်ရှုခြင်းကို တားမြစ်ထားသည်။ သင်သည် အမေရိကန်ပြည်ထောင်စုပြင်ပတွင် ရှိပြီး ဝန်ဆောင်မှုများကို ဝင်သုံးပါက သို့မဟုတ် သင့်ကိုယ်ရေးကိုယ်တာအချက်အလက်များကို ကျွန်ုပ်တို့ထံ ပေးပို့ပါက အမေရိကန်ပြည်ထောင်စုဥပဒေသည် သင့်တရားစီရင်ပိုင်ခွင့်နေရာ၏ ဥပဒေကဲ့သို့ တူညီသော ကိုယ်ရေးကိုယ်တာ ကာကွယ်မှုများအား မပေးနိုင်ကြောင်းကို သတိပြုပါ။ သင်သည် အမေရိကန်ပြည်ထောင်စုပြင်ပမှနေ၍ ကျွန်ုပ်တို့၏ ဝန်ဆောင်မှုကို ဝင်ကြည့်ခြင်း သို့မဟုတ် ကျွန်ုပ်တို့ထံ ဆက်သွယ်ခြင်းဖြစ်ပါက (1) သင် ကျွန်ုပ်တို့ထံ ပေးအပ်သော အချက်အလက်များ သို့မဟုတ် ကျွန်ုပ်တို့ အလိုအလျောက် ရယူစုဆောင်းသော အချက်အလက်များကို အမေရိကန်ပြည်ထောင်စုတွင် လက်ခံရရှိမည်ဖြစ်ပြီး အခြားတရားစီရင်ပိုင်နက်များသို့ လွှဲပြောင်းကောင်း လွှဲပြောင်းနိုင်သည်၊ ထို့အပြင် (2) ကျွန်ုပ်တို့၏ ဝန်ဆောင်မှုများကို အသုံးပြုခြင်း သို့မဟုတ် အချက်အလက်များ ပေးပို့ခြင်းဖြင့် သင်သည် ၎င်းတို့အား အမေရိကန်ပြည်ထောင်စုတွင် စီမံမှုနှင့် အမေရိကန်ပြည်ထောင်စုပြင်ပသို့ ဆက်စပ်လွှဲပြောင်းမှုများကို အတိအလင်းလုပ်ပိုင်ခွင့် ပေးသည်ဟု သိရှိစေလိုပါသည်။

မူပိုင်ခွင့် မူဝါဒနှင့် တိုင်ကြားချက်များ

သုံးစွဲသူများသည် မူပိုင်ခွင့်ဥပဒေကို လေးစားလိုက်နာမည်ဟု ကျွန်ုပ်တို့ ယူဆသည်။ သင့်တော်သော အခြေအနေများတွင် ကျွန်ုပ်တို့သည် မူပိုင်ခွင့်ကိုင်ဆောင်သူများ၏ အခွင့်အရေးများကို အကြိမ်ကြိမ်ထိပါးချိုးဖောက်သော သို့မဟုတ် အကြိမ်ကြိမ်ထိပါးချိုးဖောက်သည်ဟု ယုံကြည်ရသော သုံးစွဲသူများကို ဝန်ဆောင်မှုများဝင်သုံးခွင့်ကို ရပ်စဲမည်ဖြစ်ပြီး အခြားသူများ၏ မူပိုင်ခွင့်များကို ထိပါးချိုးဖောက်သော အကြောင်းအရာများသို့ ဝင်သုံးခွင့်ကို ဖယ်ရှား သို့မဟုတ် ပိတ်ပါမည်။ မူပိုင်ခွင့်ကို ထိပါးချိုးဖောက်သည့် အချက်အလက်ကုန်ကြမ်း သို့မဟုတ် မူပိုင်ခွင့် ထိပါးချိုးဖောက်သော လုပ်ရပ်ပါဝင်သည့် အွန်လိုင်းတည်နေရာတစ်ခုသို့ ညွှန်သည့် လင့်ခ်များ သို့မဟုတ် ရည်ညွှန်းချက်များကိုလည်း ကျွန်ုပ်တို့၏ကိုယ်ပိုင်ဆုံးဖြတ်ခွင့်ဖြင့် ဖယ်ရှား သို့မဟုတ် ပိတ်ပါမည်။

ဒစ်ဂျစ်တယ်ထောင်စုနှစ် မူပိုင်ခွင့်အက်ဥပဒေ (“DMCA”) (ခေါင်းစဉ် 17၊ အမေရိကန်ဥပဒေတွင် ပါဝင်သည်) ကို လိုက်နာရန်အတွက်၊ St. Jude သည် အခြားသူများ၏ ဉာဏပစ္စည်းမူပိုင်ခွင့်များကို ချိုးဖောက်သည်ဟု တိုင်ကြားခံရသော အကြောင်းအရာများကို အမြန်ဆုံးဖယ်ရှားရန် ပြဋ္ဌာန်းသည့် မူဝါဒတစ်ခုကို လက်ခံကျင့်သုံးခဲ့ပါသည်။ သင့်လက်ရာကို ဝန်ဆောင်မှုများပေါ်တွင် မူပိုင်ခွင့်ချိုးဖောက်သည့် အပြုအမူတစ်ရပ်ရပ်ဖြင့် အသုံးပြုခံနေရကြောင်း သင်ယုံကြည်ပါက St. Jude ၏ မူပိုင်ခွင့်အေးဂျင့်ထံ စာဖြင့်အကြောင်းကြားပါ။ အကြောင်းကြားစာတွင် အောက်ပါအချက်များ ပါဝင်သင့်ပါသည်-

• မူပိုင်ခွင့် ချိုးဖောက်ထားသည်ဟု ဆိုထားသော မူပိုင်ခွင့်ပိုင်ရှင်ကိုယ်စား ဆောင်ရွက်ရန် အခွင့်အာဏာရရှိထားသူ၏ အီလက်ထရောနစ် သို့မဟုတ် ကိုယ်တိုင်ရေး လက်မှတ်။
• မူပိုင်ခွင့်ရှိလက်ရာ မိတ္တူတစ်စောင် သို့မဟုတ် မူပိုင်ခွင့်ရှိလက်ရာကို မြင်တွေ့နိုင်သော ဝဘ်စာမျက်နှာ အပါအဝင် ချိုးဖောက်ခံရသည်ဟု တောင်းဆိုသော မူပိုင်ခွင့်ရှိ လက်ရာအကြောင်း ရှင်းလင်းချက်။
• မူပိုင်ခွင့် ချိုးဖောက်ထားသည်ဟုဆိုသော ဝန်ဆောင်မှုများပေါ်ရှိ တည်နေရာ ဖော်ပြချက် သို့မဟုတ် အဆိုပါအကြောင်းအရာပါဝင်သော အခြားဝဘ်ဆိုက်သို့ လင့်ခ် သို့မဟုတ် ရည်ညွှန်းချက်။
• သင့်အမည်၊ လိပ်စာ၊ ဖုန်းနံပါတ်နှင့် အီးမေးလ်လိပ်စာ။
• မူပိုင်ခွင့်ကိစ္စဖြစ်ပွားနေသော အကြောင်းအရာအား အသုံးပြုခြင်းကို မူပိုင်ခွင့်ပိုင်ရှင်၊ မူပိုင်ခွင့်ပိုင်ရှင်၏ ကိုယ်စားလှယ် သို့မဟုတ် ဥပဒေက ခွင့်ပြုမထားဟု သင်က သဘောရိုးဖြင့် ယုံကြည်ကြောင်း ထုတ်ပြန်ချက်၊ နှင့်
• ဤအကြောင်းကြားစာပါ အချက်အလက်များသည် မှန်ကန်တိကျကြောင်း ထုတ်ပြန်ချက်တစ်ခုနှင့် သင်သည် မူပိုင်ခွင့်ချိုးဖောက်ခံရသည်ဟု တောင်းဆိုသော အကြောင်းအရာ၏ မူပိုင်ခွင့်ပိုင်ရှင်ဖြစ်ကြောင်း သို့မဟုတ် မူပိုင်ခွင့်ပိုင်ရှင်၏ ကိုယ်စား ဆောင်ရွက်ရန် အခွင့်အာဏာရရှိထားကြောင်း ကျမ်းကျိန်လွှာ။

သတ်မှတ်ကိုယ်စားလှယ်ထံ ဆက်သွယ်ရန် အချက်အလက်များ

St. Jude ၏ ဝန်ဆောင်မှုများဆိုင်ရာ မူပိုင်ခွင့်ချိုးဖောက်မှု တိုင်ကြားချက်များအား အကြောင်းကြားရန် မူပိုင်ခွင့်ကိုယ်စားလှယ်မှာ ZwillGen PLLC ဖြစ်သည်။ ZwillGen ကို 1900 M. Street၊ NW Washington၊ D.C. 20036၊ dmca@zwillgen.com၊ ဖုန်း- 202-296-3585၊ ဖက်စ်- တွင် ဆက်သွယ်နိုင်ပါသည် 202-706-5298။

တန်ပြန် အသိပေးချက်

ဝန်ဆောင်မှုများပေါ်တွင် သို့မဟုတ် မှတစ်ဆင့် သင်ရရှိနိုင်သော အကြောင်းအရာသည် တိုင်ကြားထားသော ချိုးဖောက်မှုအသိပေးချက်၏ အကြောင်းအရာဖြစ်ကြောင်း St. Jude မှ အသိပေးချက်တစ်စောင်ကို သင်လက်ခံရရှိပါက၊ သင်သည် St. Jude သို့ “တန်ပြန်အသိပေးချက်” ပေးပို့ပိုင်ခွင့် ရှိပါသည်။ တန်ပြန်အသိပေးချက်တစ်စောင်ကို ရေးသား၍ အထက်တွင်ဖော်ပြထားသော နည်းလမ်းမှတစ်ဆင့် ကျွန်ုပ်တို့၏ သတ်မှတ်ထားသော ကိုယ်စားလှယ်ထံ ပေးပို့ရမည်ဖြစ်ပြီး၊ အဓိကအားဖြင့် အောက်ပါအချက်အလက်များ ပါဝင်ရပါမည်-

• သုံးစွဲသူ၏ ကိုယ်တိုင်ရေး သို့မဟုတ် အီလက်ထရောနစ် လက်မှတ်။
• ဖယ်ရှားခံရသော သို့မဟုတ် ဝင်သုံးခွင့်ပိတ်ခံရသော အကြောင်းအရာ၏ အထောက်အထားနှင့် ဖယ်ရှားမခံရမီ သို့မဟုတ် ဝင်သုံးခွင့် အပိတ်မခံရမီ အဆိုပါအကြောင်းအရာ တည်ရှိခဲ့သော တည်နေရာ။
• ဖယ်ရှားရမည့် သို့မဟုတ် ပိတ်ရမည့်အကြောင်းအရာကို မှားယွင်းစွာ သို့မဟုတ် ကိုယ်စားပြုမှုလွဲမှားစွာ ဖယ်ရှားခြင်းကြောင့် အကြောင်းအရာ ဖယ်ရှားခံရကြောင်း သို့မဟုတ် အပိတ်ခံရကြောင်း သုံးစွဲသူက သဘောရိုးဖြင့် ယုံကြည်သည့် ကျမ်းကျိန်လွှာ၊ နှင့်
• အသုံးပြုသူ၏ အမည်၊ လိပ်စာနှင့် ဖုန်းနံပါတ်၊ ထို့အပြင် ၎င်း/သူမသည် လိပ်စာတည်ရှိရာ တရားစီရင်ရေးခရိုင်အတွက် သို့မဟုတ် အမေရိကန်ပြည်ထောင်စုပြင်ပတွင်ရှိပါက St. Jude တည်ရှိရာ တရားစီရင်ရေးခရိုင်အတွက် ဖက်ဒရယ်ခရိုင်တရားရုံး၏ တရားစီရင်ပိုင်ခွင့်ကို သဘောတူကြောင်း ဖော်ပြချက်နှင့် အသုံးပြုသူသည် အထက်ဖော်ပြပါ အသိပေးချက်ပေးသူ သို့မဟုတ် ထိုသူ၏ ကိုယ်စားလှယ်ထံမှ ဝန်ဆောင်မှုလုပ်ငန်းစဉ်ကို လက်ခံမည်ဖြစ်ကြောင်း ဖော်ပြချက်။

မူပိုင်ခွင့်ချိုးဖောက်ကြောင်း အရေးဆိုမှု အကြောင်းကြားစာပို့သူ သို့မဟုတ် တန်ပြန် အသိပေးချက်ပေးပို့သူသည် မူပိုင်ခွင့်အက်ဥပဒေအရ သင်၏တာဝန်များကို အတည်ပြုရန်အတွက် ရှေ့နေတစ်ဦးနှင့် တိုင်ပင်ဆွေးနွေးပါ၊ သို့မဟုတ် 17 U.S.C. §512 ကို ကြည့်ပါ။

လိမ်လည် အသိပေးချက်များ

DMCA အရ မူပိုင်ခွင့်ချိုးဖောက်ကြောင်း အရေးဆိုမှု အသိပေးချက် သို့မဟုတ် တန်ပြန် အသိပေးချက်အတွင်း တမင်တကာ မှားယွင်းဖော်ပြမှုများ ပြုလုပ်သူတိုင်းသည် ပျက်စီးဆုံးရှုံးမှုများအတွက် တာဝန်ရှိနိုင်သည်။ St. Jude သည် ဥပဒေကို ဖောက်ဖျက်ပြီး မူပိုင်ခွင့်ချိုးဖောက်ကြောင်း အရေးဆိုမှု အသိပေးချက် ပေးပို့သည့် သို့မဟုတ် တန်ပြန် အသိပေးချက်ပေးပို့သည့် မည်သည့်အဖွဲ့အစည်းထံမှမဆို ထိခိုက်နစ်နာကြေး တောင်းခံပိုင်ခွင့်ရှိသည်။

အာမခံ မရှိပါ

ST. JUDE သည် ဝန်ဆောင်မှုများ သို့မဟုတ် အကြောင်းအရာများနှင့် ပတ်သက်၍ မည်သည့်အာမခံကိုမျှ မပေးပါ။ ဝန်ဆောင်မှုများကို သုံးစွဲသူ၏ ကိုယ်ပိုင်ဆုံးဖြတ်ချက်ဖြင့် အသုံးပြုခြင်းဖြစ်ပြီး သုံးစွဲသူသည် သုံးစွဲသူကိုယ်စားနှင့် သုံးစွဲသူ ပါဝင်ပတ်သက်နေသော အဖွဲ့အစည်း သို့မဟုတ် အစည်းအရုံးတစ်ခုခု၏ကိုယ်စား အသုံးပြုမှုတိုင်းတွင် ကိုယ်ပိုင်ဆုံးဖြတ်ချက်ဖြင့် အသုံးပြုခြင်း ဟုတ်မှန်ကြောင်း လက်ခံသည်။ ဝန်ဆောင်မှုများကို "အရှိအတိုင်း" ပေးအပ်ထားပြီး အတိအလင်းဖြစ်စေ သွယ်ဝိုက်၍ ဖြစ်စေ မည်သည့်အမျိုးအစား အာမခံကိုမျှ မပေးပါ၊ ထိုသို့အာမခံမပေးမှုတွင် စျေးကွက်ဝင်ခြင်း၊ တိကျသည့်ရည်ရွယ်ချက်နှင့် ကိုက်ညီမှုရှိခြင်း၊ လုပ်ပိုင်ခွင့်ရှိခြင်း သို့မဟုတ် မူပိုင်ခွင့် ချိုးဖောက်မှုမရှိခြင်းတို့ ပါဝင်သော်လည်း ၎င်းတို့နှင့်သာ ကန့်သတ်မထားပါ။ ST. JUDE အနေဖြင့် ဝန်ဆောင်မှုများ၊ အကြောင်းအရာများ သို့မဟုတ် ယင်းတွင်ပါရှိသော လုပ်ငန်းဆောင်ရွက်မှုများသည် လုံခြုံကြောင်း၊ မှန်ကန်တိကျကြောင်း၊ စိတ်ချယုံကြည်ရကြောင်း၊ ပြတ်တောက်မှု မရှိကြောင်း၊ အမှားကင်းစင်ကြောင်း အာမ မခံပါ။ ST. JUDE အနေဖြင့် ဝန်ဆောင်မှုများတွင် ပါဝင်သောအကြောင်းအရာများသည် ဆေးညွှန်းလိုအပ်သောဆေးဝါးထုတ်ကုန်များဆိုင်ရာ အစိုးရစည်းမျဉ်းစည်းကမ်းများ၊ လူနာများတွင် အသုံးပြုရန် ခွင့်ပြုမိန့်များ သို့မဟုတ် အခြားအစိုးရစည်းမျဉ်းစည်းကမ်းများကို လိုက်နာကြောင်း အာမ မခံပါ။ ST. JUDE သည် ဝန်ဆောင်မှုများ သို့မဟုတ် ပါဝင်သော အကြောင်းအရာများအတွင်းရှိ ပြင်ပအဖွဲ့အစည်းတစ်ခုခု၏ အကြောင်းအရာများ၊ အပလီကေးရှင်းများ၊ ပရိုဂရမ်များ သို့မဟုတ် ဒေတာများနှင့် စပ်လျဉ်း၍ မည်သည့်အာမခံချက်ကိုမျှ မပေးပါ။ ST. JUDE အနေဖြင့် ဝန်ဆောင်မှုများသည် အချိန်အတိုင်းအတာတစ်ခု သို့မဟုတ် တည်နေရာတစ်ခုအတွင်း လုံခြုံမှုရှိကြောင်း သို့မဟုတ် ရရှိနိုင်ကြောင်း၊ ချွတ်ယွင်းချက် သို့မဟုတ် အမှားများရှိပါက ပြင်ဆင်မည်ဖြစ်ကြောင်း၊ သို့မဟုတ် ဝန်ဆောင်မှုများတွင် သို့မဟုတ် ဝန်ဆောင်မှုမှတစ်ဆင့် ရရှိနိုင်သော အကြောင်းအရာ သို့မဟုတ် ဆော့ဖ်ဝဲသည် ဗိုင်းရပ်စ်များနှင့် အခြားအန္တရာယ်ဖြစ်စေသော အစိတ်အပိုင်းများ ကင်းရှင်းကြောင်းကို အာမ မခံပါ။ အချို့သောပြည်နယ်များတွင် အာမခံချက်၏ သက်တမ်း ကန့်သတ်ချက်ကို ခွင့်မပြုပါ၊ ထို့ကြောင့် အထက်ပါကန့်သတ်ချက်များသည် သင်နှင့် အကျုံးဝင်မည်မဟုတ်ပါ။

St.Jude ကိုယ်စား ဝန်ဆောင်မှုများနှင့် ပါဝင်သောအကြောင်းအရာနှင့်စပ်လျဉ်းပြီး မည်သည့်အာမခံချက်ကိုမျှ ဖန်တီးရန်အတွက် St. Jude ၏ အေးဂျင့် သို့မဟုတ် ကိုယ်စားလှယ်များတွင် အခွင့်အာဏာ မရှိပါ။ St. Jude သည် ဝန်ဆောင်မှုများ၏ မည်သည့်အင်္ဂါရပ် သို့မဟုတ် လုပ်ဆောင်ချက်ကိုမဆို အချိန်မရွေး ပြောင်းလဲပိုင်ခွင့် သို့မဟုတ် ရပ်ဆိုင်းပိုင်ခွင့် ရှိသည်။

တာဝန်မှ ကင်းလွတ်ခြင်း

အများဆုံးခွင့်ပြုထားသည့် အတိုင်းအတာအထိ ST. JUDE သည် အာမခံအားလုံးကို ငြင်းဆိုပါသည်။ ပေါ့ဆမှုအပါအဝင် မည်သည့်အခြေအနေတွင်မျှ ST. JUDE၊ ၎င်း၏ ညွှန်ကြားရေးမှူးများ၊ ဝန်ထမ်းများ၊ ကိုယ်စားလှယ်များ၊ မိတ်ဖက်များ၊ ပစ္စည်းဖြန့်ဖြူးသူများ သို့မဟုတ် အကြောင်းအရာပံ့ပိုးသူများသည် ဝန်ဆောင်မှုများ သို့မဟုတ် အကြောင်းအရာများကို အသုံးပြုခြင်းနှင့် ဆက်နွှယ်မှုတစ်ခုခုကြောင့် သို့မဟုတ် ဆက်နွှယ်မှုတစ်ခုခုအတွင်း၊ သို့မဟုတ် ဝန်ဆောင်မှုများ သို့မဟုတ် အကြောင်းအရာများကို အသုံးပြုမှုတွင် ချွတ်ယွင်းမှု သို့မဟုတ် နှောင့်နှေးမှု၊ သို့မဟုတ် မရရှိနိုင်မှုတို့ကြောင့် ဖြစ်ပေါ်လာသည့် (ကျန်းမာရေး ပြဿနာများ၊ အကျိုးအမြတ် ဆုံးရှုံးမှုများ သို့မဟုတ် ဒေတာဆုံးရှုံးမှု သို့မဟုတ် စီးပွားရေးကြန့်ကြာမှုကြောင့် ဖြစ်ပေါ်လာသည့် ထိခိုက်မှုများအပါအဝင်) တိုက်ရိုက်ဖြစ်စေ၊ သွယ်ဝိုက်၍ ဖြစ်စေ၊ ဆင့်ပွားဖြစ်စေ၊ အထူးတလည်ဖြစ်စေ၊ အကျိုးဆက်ဖြစ်စေ ထိခိုက်မှုများ၊ ဆုံးရှုံးမှုများ သို့မဟုတ် ကုန်ကျမှုများအတွက် ထိုကဲ့သို့ထိခိုက်မှုများ ဖြစ်နိုင်ခြေရှိကြောင်း အကြံပြုထားစေကာမူ ထိုထိခိုက်မှုများသည် စာချုပ်ပေါ်တွင်ဖြစ်စေ၊ တရားမ နစ်နာမှုပေါ်တွင်ဖြစ်စေ၊ တင်းကျပ်သော တာဝန်ရှိမှုပေါ်တွင်ဖြစ်စေ သို့မဟုတ် အခြားနည်းပေါ်တွင်ဖြစ်စေ အခြေခံထားသည်ပါက စာချုပ်၊ တရားမ နစ်နာမှု၊ တင်းကျပ်သော တာဝန်ရှိမှု၊ ပေါ့ဆမှု သို့မဟုတ် အခြားသော ဥပဒေရေးရာ သို့မဟုတ် တူညီသောသဘောတရားအောက်တွင်မျှ တာဝန်ခံခြင်း ရှိမည်မဟုတ်ပါ။ သုံးစွဲသူက အထူးအားဖြင့် သဘောတူသည်မှာ ST. JUDE သို့မဟုတ် အခြားလိုင်စင်ရှိသူ၊ ပစ္စည်းပေးသွင်းသူ၊ ကန်ထရိုက်တာ၊ တစ်ဆင့်ခံ ကန်ထရိုက်တာ သို့မဟုတ် ST. JUDE သို့မဟုတ် ၎င်း၏ အဖွဲ့ဝင်များ၊ အရာရှိများ၊ ညွှန်ကြားရေးမှူးများ၊ ဝန်ထမ်းများ၊ ကိုယ်စားလှယ်များ၊ သို့မဟုတ် ၎င်းတို့၏ဆက်ခံသူများ သို့မဟုတ် တာဝန်လွှဲအပ်ခံရသူများအား အချက်အလက်ပေးအပ်သူများသည် ဝန်ဆောင်မှုများတွင် သို့မဟုတ် ဝန်ဆောင်မှုများမှတစ်ဆင့် ရရှိသော အချက်အလက်များပေါ်မူတည်၍ အကြောင်းရင်းမရွေး သို့မဟုတ် သဘောတရားမရွေး မည်သည့်သုံးစွဲသူ သို့မဟုတ် ပြင်ပအဖွဲ့အစည်းပေါ်တွင်မျှ တာဝန်မရှိပါ။ ဤပြဋ္ဌာန်းချက်ကို အတည်ပြုနိုင်ခြင်း မရှိပါက ST. JUDE နှင့် ၎င်း၏ အဖွဲ့ဝင်များ၊ အရာရှိများ၊ ညွှန်ကြားရေးမှူးများ၊ ဝန်ထမ်းများ၊ အေးဂျင့်များ၊ သို့မဟုတ် ၎င်းတို့၏ ဆက်ခံသူများ သို့မဟုတ် တာဝန်လွှဲအပ်ခံရသူများ၏ တာဝန်ရှိမှုကို ဝန်ဆောင်မှုများ အသုံးပြုခအတွက် သုံးစွဲသူက ပေးရသည့် ငွေကြေးပမာဏအတိုင်း ကန့်သတ်ရန် ပါဝင်သူများ သဘောတူသည်။

အချို့သောပြည်နယ်များတွင် ဤမတော်တဆ သို့မဟုတ် ထပ်ဆင့်နစ်နာမှုများကို ချန်လှပ်ခြင်း သို့မဟုတ် ကန့်သတ်ခြင်းများကို ခွင့်မပြုပါ။ ထို့ကြောင့် သင်သည် ထိုကဲ့သို့သော တရားစီရင်မှုဒေသတစ်ခုတွင် နေထိုင်ပါက အထက်ပါကန့်သတ်ချက်များနှင့် ချန်လှပ်မှုများသည် သင်နှင့် အကျုံးဝင်မည်မဟုတ်ပါ။ ကျွန်ုပ်တို့သည် အခြားတစ်ဖက်ဖက်၏ ပေါ့ဆမှု သို့မဟုတ် မှားယွင်းချွတ်ချော်မှုကြောင့် ဖြစ်ပွားရသည့် ထိခိုက်နစ်နာမှုတစ်ခုခုအတွက် မည်သူ့ကိုမျှ သို့မဟုတ် မည်သည့်သုံးစွဲသူအပေါ်တွင်မျှ တာဝန်မရှိပါ။

လျော်ကြေးပေးအပ်ခြင်း

သုံးစွဲသူသည် St. Jude၊ ကျွန်ုပ်တို့၏ မိခင်ကုမ္ပဏီများ သို့မဟုတ် လက်အောက်ခံကုမ္ပဏီများ သို့မဟုတ် အဖွဲ့အစည်းများအပါအဝင်၊ ကျွန်ုပ်တို့၏ ဆက်ခံသူများ၊ တာဝန်ပေးအပ်ထားသူများ သို့မဟုတ် လိုင်စင်ရရှိသူများနှင့်အတူ ၎င်းတို့၏ သက်ဆိုင်ရာ ဘုတ်အဖွဲ့ဝင်များ၊ အရာရှိများ၊ ဒါရိုက်တာများနှင့် ဝန်ထမ်းများအား St. Jude သို့မဟုတ် ပြင်ပအဖွဲ့အစည်းတစ်ခုခုမှ အောက်ပါတို့နှင့် သက်ဆိုင်သည့် တောင်းဆိုချက်မှ ပေါ်ပေါက်လာသော ပျက်စီးဆုံးရှုံးမှုများ၊ ဆုံးရှုံးမှုများ၊ တာဝန်ယူမှုများ၊ စီရင်ချက်များ၊ ကုန်ကျစရိတ်များ (ကျိုးကြောင်းဆီလျော်သည့် ရှေ့နေကြေးများနှင့် ကုန်ကျစရိတ်များ အပါအဝင်) မှ ကာကွယ်ရန်၊ လျော်ကြေးပေးရန်နှင့် အန္တရာယ်ကင်းစေရန် သဘောတူသည်- (က) ဝန်ဆောင်မှုများ၊ အကြောင်းအရာ သို့မဟုတ် သင်၏ သုံးစွဲသူအကြောင်းအရာမှ အခြားနည်းဖြင့် သင်အသုံးပြုခြင်း သို့မဟုတ် အလွဲသုံးစားလုပ်ခြင်း သို့မဟုတ် ဝင်ရောက်ကြည့်ရှုခြင်း၊ (ခ) ဤစည်းမျဉ်းများကို သင်ချိုးဖောက်ခြင်း၊ (ဂ) သက်ဆိုင်ရာ ဗဟိုအစိုးရ၊ ပြည်နယ် သို့မဟုတ် ဒေသဆိုင်ရာ ဥပဒေများ၊ စည်းမျဉ်းများနှင့်/ သို့မဟုတ် စည်းကမ်းများကို သင်ချိုးဖောက်ခြင်း သို့မဟုတ် ချိုးဖောက်ကြောင်း စွပ်စွဲခံရခြင်း၊ သို့မဟုတ် (ဃ) မည်သည့်ပုဂ္ဂိုလ် သို့မဟုတ် အဖွဲ့အစည်း၏ မည်သည့်ဉာဏပစ္စည်းများ သို့မဟုတ် အခြားအခွင့်အရေးကိုမဆို သင် သို့မဟုတ် သင့်အကောင့်ကိုအသုံးပြုသည့် ပြင်ပအဖွဲ့အစည်းမှ ချိုးဖောက်ခြင်း။ St. Jude သည် သင်က လျော်ကြေးပေးရသည့် မည်သည့်အရာကိုဖြစ်စေ သီးသန့်ကာကွယ်ပိုင်ခွင့်နှင့် ထိန်းချုပ်ခွင့်ရှိပြီး ထိုဖြစ်ရပ်တွင် သင်သည် ရရှိနိုင်သော ခုခံကာကွယ်မှုများကို အခိုင်အမာပြောဆိုရာတွင် St. Jude နှင့် ကူညီပြီး ပူးပေါင်းဆောင်ရွက်မည်ဖြစ်သည်။

အငြင်းပွားမှု ဖြေရှင်းခြင်း

ဤကဏ္ဍကို သေချာစွာ ဖတ်ရှုပါ။ ၎င်းသည် တရားရုံးတွင် တရားစွဲဆိုပိုင်ခွင့်အပါအဝင် သင်၏တရားဝင်အခွင့်အရေးများအပေါ် သက်ရောက်မှုရှိသည်။ သင်နှင့် ST. JUDE အနေဖြင့် ဤစည်းမျဉ်းများသည် ပြည်နယ်ချင်း ကုန်သွယ်မှုအပေါ် သက်ရောက်မှုရှိကြောင်းနှင့် ဖက်ဒရယ် ခုံသမာဓိ အက်ဥပဒေသည် ဤခုံသမာဓိပြဋ္ဌာန်းချက်များ၏ အဓိပ္ပာယ်ကောက်ယူမှုနှင့် ကျင့်သုံးမှုတို့အပေါ် အုပ်ချုပ်မှုရှိကြောင်း သဘောတူသည်။

ဤကဏ္ဍသည် ကျယ်ပြန့်စွာ အနက်ကောက်ယူရန် ရည်ရွယ်ပြီး ကျွန်ုပ်တို့ကြားရှိ အငြင်းပွားမှုများရှိပါက ၎င်းတို့ကို အုပ်ထိန်းသည်၊ ထိုအငြင်းပွားမှုများတွင် စာချုပ်၊ တရားမ နစ်နာမှု၊ ဥပဒေပြဋ္ဌာန်းချက်၊ လိမ်လည်မှု၊ မှားယွင်းစွာတင်ပြမှု သို့မဟုတ် အခြားသော ဥပဒေဆိုင်ရာ သဘောတရားတစ်ခုခုတို့ပေါ် အခြေခံ၍ ကျွန်ုပ်တို့အကြား ဆက်ဆံရေးတွင် ပေါ်ပေါက်လာသော သို့မဟုတ် ဆက်စပ်ဖြစ်ပေါ်သော တောင်းဆိုမှုများ၊ ဤသဘောတူညီချက်မတိုင်မီ သို့မဟုတ် ယခင်သဘောတူညီချက်များ (ကြော်ငြာနှင့် ဆက်စပ်သော တောင်းဆိုချက်များအပါအဝင်) မှ ဖြစ်ပေါ်လာသော တောင်းဆိုချက်များနှင့် ဤစည်းမျဉ်းများကို ဖျက်သိမ်းပြီးနောက် ဖြစ်ပေါ်လာသော တောင်းဆိုချက်များ ပါဝင်သော်လည်း ၎င်းတို့နှင့်သာ ကန့်သတ်မထားပါ။ ဤကျယ်ပြန့်သော တားမြစ်ချက်တွင် ချန်လှပ်ထားသည့် တစ်ခုတည်းသောအငြင်းပွားမှုမှာ အောက်တွင် ဖော်ပြထားသည့်အတိုင်း အချို့သောဥာဏပစ္စည်းမူပိုင်ခွင့်နှင့် တရားရုံးငယ်များ၏တောင်းဆိုမှုများ ဖြစ်သည်။ ဤစည်းမျဉ်းများကို သဘောတူခြင်းအားဖြင့် သင်သည် St.Jude နှင့်အငြင်းပွားမှု အားလုံးကို အောက်ပါအတိုင်းဖြေရှင်းရန် သဘောတူပါသည်-

• စည်းမျဉ်းများကို လက်ခံခြင်း. St. Jude ၏ ဤစည်းမျဉ်းများရှိ အခွင့်အရေး သို့မဟုတ် ပြဋ္ဌာန်းချက်တစ်ခုခုကို ကျင့်သုံးရန် ပျက်ကွက်မှုကို ထိုအခွင့်အရေး သို့မဟုတ် ပြဋ္ဌာန်းချက်ကို တရားဝင်စွန့်လွှတ်ခြင်းဟု ယူဆမည်မဟုတ်ပါ။ St.Jude ၏ အမှန်တကယ် အခွင့်အာဏာရှိသူ ကိုယ်စားလှယ်တစ်ဦးက စာဖြင့်ရေးသားပြီး လက်မှတ်ထိုးမှသာ ထိုသို့သော အခွင့်အရေး သို့မဟုတ် ပြဋ္ဌာန်းချက်ကို စွန့်လွှတ်မှုသည် အကျိုးသက်ရောက်မည် ဖြစ်ပါသည်။ ဤစည်းမျဉ်းများတွင် အတိအလင်းဖော်ပြထားသည်မှလွဲ၍ ဤစည်းမျဉ်းများအောက်ရှိ ကုစားခြင်းတစ်ရပ်ရပ်ကို ပါဝင်သူတစ်ဖက်ဖက်က ကျင့်သုံးပါက ဤစည်းမျဉ်းများအောက်တွင်ဖြစ်စေ အခြားနည်းဖြင့်ဖြစ်စေ အခြားကုစားခြင်းများကို ယုတ်လျော့ ထိခိုက်စေမည်မဟုတ်ပါ။
• ကနဦး အငြင်းပွားမှု ဖြေရှင်းခြင်း- အငြင်းပွားမှုအများစုကို တရားစွဲဆိုမခြင်းမရှိဘဲ ဖြေရှင်းနိုင်ပါသည်။ သင်သည် St. Jude အကူအညီကို GeneralCounselOffice@stjude.org တွင် ဆက်သွယ်နိုင်ပါသည်။ ဉာဏပစ္စည်း ပိုင်ဆိုင်မှုနှင့် အသေးစားတောင်းဆိုမှုများအတွက် တရားရုံးတွင် တောင်းဆိုမှုများမှအပ ပါဝင်သူများသည် အငြင်းပွားမှု၊ တောင်းဆိုမှု၊ မေးခွန်း သို့မဟုတ် သဘောကွဲလွဲမှုများကို St.Jude နှင့် တိုက်ရိုက် တိုင်ပင်ဆွေးနွေးခြင်းမှတစ်ဆင့် ဖြေရှင်းရန်အတွက် အကောင်းဆုံးအားထုတ်ရန် သဘောတူကြပြီး ကောင်းမွန်သောစိတ်ရင်းမှန်ဖြင့် ဆွေးနွေးညှိနှိုင်းမှုများသည် တရားစွဲဆိုမှု သို့မဟုတ် ခုံသမာဓိဖြင့် စီရင်ဆုံးဖြတ်ခြင်း စတင်စေသည့် မည်သည့်အဖွဲ့အစည့်အတွက်မဆိုအတွက် အခြေအနေတစ်ရပ် ဖြစ်ရမည်။
• တရားဝင် တာဝန်ခံစေသော ခုံသမာဓိဖြင့် စီရင်ဆုံးဖြတ်ခြင်း- ပါဝင်သူများသည် အထက်တွင် ဖော်ပြထားသော ကနဦး အငြင်းပွားမှု ဖြေရှင်းခြင်း ပြဋ္ဌာန်းချက်အောက်တွင် တရားဝင်မဟုတ်သော အငြင်းပွားမှု ဖြေရှင်းခြင်းနည်းလမ်းဖြင့် အနည်းဆုံး ရက်သုံးဆယ် (30) ကြာပြီးနောက် သဘောတူနိုင်သော ဖြေရှင်းနည်းတစ်ခု မရရှိခဲ့ပါက နှစ်ဖက်စလုံးမှ တောင်းဆိုမှုများကို ဖြေရှင်းရန်အတွက်တစ်ခုတည်းသော နည်းလမ်းအနေဖြင့် ခုံသမာဓိဖြင့်စီရင်ဆုံးဖြတ်ခြင်းကို အောက်တွင်ဖော်ပြထားသော စည်းမျဉ်းများနှင့်အညီ စတင်နိုင်သည်။ အထူးသဖြင့် ဤစည်းမျဉ်းများ (စည်းမျဉ်းများ၏ ကိုယ်ရေးလုံခြုံမှုမူဝါဒ ဖွဲ့စည်းပုံ၊ လုပ်ဆောင်ချက်နှင့် ချိုးဖောက်မှုအပါအဝင်) မှ သို့မဟုတ် ဤစည်းမျဉ်းများနှင့် ဆက်စပ်၍ ဖြစ်ပေါ်လာသော တောင်းဆိုချက်အားလုံး၊ ပါဝင်သူများ၏ အချင်းချင်းဆက်ဆံရေး နှင့်/ သို့မဟုတ် ဝန်ဆောင်မှုများကို သင်က အသုံးပြုမှုအား JAMS က စီမံအုပ်ချုပ်သော တာဝန်ခံစေသည့် ခုံသမာဓိဖြင့် စီရင်ဆုံးဖြတ်ခြင်းဖြင့် အပြီးသတ်ဖြေရှင်းရမည်။ အုပ်စုကိုယ်စား အရေးယူဆောင်ရွက်မှုများကို အုပ်ချုပ်သော သို့မဟုတ် ခွင့်ပြုသော စည်းကမ်းများ သို့မဟုတ် လုပ်ထုံးလုပ်နည်းများ မပါဝင်ပါက ခုံသမာဓိဖြင့် စီရင်ဆုံးဖြတ်ခြင်း စတင်ဆောင်ရွက်ချိန်တွင် $250,000 ထက်မကျော်သော တောင်းဆိုမှုများအတွက် JAMS Streamlined Arbitration Procedure Rules အတိုင်း ဖြေရှင်းမည်ဖြစ်ပြီး $250,000 ထက်ကျော်သော တောင်းဆိုမှုများတွင် JAMS Comprehensive Arbitration Rules and Procedures အတိုင်း ဖြေရှင်းမည်ဖြစ်သည်။ တောင်းဆိုမှုတစ်ခုသည် ခုံသမာဓိဖြင့် စီရင်ဆုံးဖြတ်မည်ဖြစ်စေ၊ စွန့်လွှတ်ကြောင်း တရားဝင်မှုကို တရားတပေါင်ဖြင့် ဆောင်ရွက်မည်ဖြစ်စေ ဤစည်းမျဉ်းများ သို့မဟုတ် ကိုယ်ရေးလုံခြုံမှုမူဝါဒ ကို အဓိပ္ပာယ်ကောက်ယူခြင်း၊ သုံးစွဲနိုင်မှု၊ ကျင့်သုံးနိုင်မှု သို့မဟုတ် ဖွဲ့စည်းမှုများမှ သို့မဟုတ် ၎င်းတို့နှင့် ဆက်စပ်၍ ဖြစ်ပေါ်လာသော အငြင်းပွားမှုအားလုံးကို ဖြေရှင်းရန် ဗဟိုအစိုးရ၊ ပြည်နယ် သို့မဟုတ် ဒေသတွင်းတရားရုံး သို့မဟုတ် အေဂျင်စီမဟုတ်သော ခုံသမာဓိလူကြီးထံတွင် အခွင့်အာဏာအပြည့်အဝ ရှိရမည်။ အငြင်းပွားမှုများတွင် ဤစည်းမျဉ်းများ သို့မဟုတ် ပုဂ္ဂိုလ်ရေးဆိုင်ရာ မူဝါဒ တစ်ခုလုံး သို့မဟုတ် တစ်စိတ်တစ်ပိုင်း ပျက်ပြယ်ခြင်း သို့မဟုတ် ပျက်ပြယ်နိုင်စွမ်းရှိခြင်းဆိုင်ရာ တောင်းဆိုမှုဟူသ၍ ပါဝင်သည်။ ခုံသမာဓိလူကြီးသည် ဥပဒေအရ သို့မဟုတ် တရားမျှတသောတရားရုံးတွင် ရရှိနိုင်သည့် မည်သည့်သက်သာခွင့်ကိုမဆို ပေးပိုင်ခွင့်ရှိရမည်။ ခုံသမာဓိလူကြီး၏ ဆုံးဖြတ်ချက်ကို စာဖြင့်ရေးသားပြီး ပါဝင်သူများအပေါ်သက်ရောက်စေရမည်ဖြစ်ပြီး တရားစီရင်ပိုင်ခွင့်ရှိသော မည်သည့်တရားရုံးတွင်မဆို ဆုံးဖြတ်ချက်အဖြစ် တင်သွင်းနိုင်သည်။ သင်နှင့် ST. JUDE သည် မလိုက်နာမနေရဖြစ်သော ဤခုံသမာဓိပြဋ္ဌာန်းချက် မရှိခဲ့ပါက ပါဝင်သူတိုင်းသည် တရားရုံးတွင် တရားစွဲဆိုပိုင်ခွင့်နှင့် ဂျူရီဖြင့် တရားစီရင်ခွင့် ရှိမည်ဖြစ်ကြောင်းကို နားလည်ပါသည်။ သင်နှင့် ST. JUDE သည် ဖြစ်ရပ်အချို့တွင် ခုံသမာဓိဖြင့် စီရင်ဆုံးဖြတ်မှု ကုန်ကျစရိတ်များသည် တရားစွဲဆိုမှုကုန်ကျစရိတ်များထက် ကျော်လွန်နိုင်ပြီး သက်သေခံထွက်ဆိုပိုင်ခွင့်သည် တရားရုံးထက် ခုံသမာဓိဖြင့် စီရင်ဆုံးဖြတ်ခြင်းတွင် အကန့်အသတ်ပိုရှိနိုင်ကြောင်းကို ထပ်မံသိရှိနားလည်ပါသည်။
• ခုံသမာဓိဖြင့် စီရင်ဆုံးဖြတ်ခြင်း လုပ်ငန်းစဉ်အဆင့်ဆင့်။ ခုံသမာဓိဖြင့် စီရင်ဆုံးဖြတ်ခြင်းကို စတင်ရန် သင်သည် အောက်ပါတို့ကိုလုပ်ဆောင်ရမည်- (က) သင်ပြန်လည်ရယူရန်ကြိုးစားသည့် ပျက်စီးဆုံးရှုံးမှု ပမာဏနှင့် တောင်းဆိုမှု၏ ရှင်းလင်းချက်ပါဝင်သော ခုံသမာဓိဖြင့် စီရင်ဆုံးဖြတ်ရန် တောင်းဆိုမှုတစ်ခုကို ရေးသားပါ (ခုံသမာဓိဖြင့် စီရင်ဆုံးဖြတ်ရန် တောင်းဆိုမှု မိတ္တူတစ်စောင်ကို www.jamsadr.com တွင် တွေ့ရှိနိုင်သည်)၊ (ခ) ခုံသမာဓိဖြင့် စီရင်ဆုံးဖြတ်ရန် တောင်းဆိုမှု မိတ္တူသုံးစောင်နှင့်တကွ သင့်တော်သော လျှောက်လဲခကို သက်ဆိုင်ရာ JAMS ပြေလည်အောင်ဖြေရှင်းရေးဌာနသို့ ပေးပို့ပါ၊ ၎င်းကို http://www.jamsadr.com/locations တွင် တွေ့နိုင်သည်၊ ထို့အပြင် (c) ခုံသမာဓိဖြင့် စီရင်ဆုံးဖြတ်ရန် တောင်းဆိုမှုမိတ္တူတစ်စောင်ကို St. Jude သို့ 262 Danny Thomas Place၊ MS 280၊ Memphis၊ TN 38105၊ ATTN တွင် ပေးပို့ပါ- ဥပဒေရေးရာ။
• ခုံသမာဓိဖြင့် စီရင်ဆုံးဖြတ်ရန် အခကြေးငွေ. ခုံသမာဓိဖြင့် စီရင်ဆုံးဖြတ်ရန်အတွက် လျှောက်ထားခသည် တရားစွဲဆိုမှုအတွက်ကုန်ကျစရိတ်ထက် ကျော်လွန်ပါက St. Jude မှ အပိုကုန်ကျစရိတ်ကို ပေးဆောင်ရမည်။ အကယ်၍ ခုံသမာဓိလူကြီးမှ ခုံသမာဓိရုံး၏ ဆုံးဖြတ်ချက်သည် တာဝန်ကင်းမဲ့မှုမရှိဟု ယူဆပါက St. Jude သည် JAMS မှ တောင်းခံသော အခကြေးငွေများကို ပေးဆောင်ရမည်ဖြစ်ပြီး ၎င်းတွင် လျှောက်လဲခနှင့် ခုံသမာဓိရုံးနှင့် ကြားနာမှုကုန်ကျစရိတ်များ ပါဝင်သည်။ ခုံသမာဓိဖြင့် စီရင်ဆုံးဖြတ်ခြင်း စည်းမျဉ်းစည်းကမ်းများနှင့်/ သို့မဟုတ် သက်ဆိုင်ရာဥပဒေတွင် အခြားနည်းဖြင့် ပြဋ္ဌာန်းထားခြင်းမရှိပါက သင့်ရှေ့နေများ၏ အခကြေးငွေအတွက် သင့်တွင် တာဝန်ရှိသည်။
• ဆွေးနွေးရန်နေရာ ရွေးချယ်ခြင်း။ သင်သည် အမေရိကန်ပြည်ထောင်စုတွင်နေထိုင်သူဖြစ်ပါက သင် လျှောက်ထားသည့်အချိန်အတွင်း သင်နေထိုင်သောခရိုင်တွင် ခုံသမာဓိဖြင့် စီရင်ဆုံးဖြတ်ခြင်းကို ပြုလုပ်နိုင်သည်။ အမေရိကန်ပြည်ထောင်စုပြင်ပတွင် နေထိုင်သူများအတွက်၊ ခုံသမာဓိဖြင့် စီရင်ဆုံးဖြတ်ခြင်းကို အမေရိကန်ပြည်ထောင်စု၊ တန်နက်ဆီပြည်နယ်တွင် စတင်ဆောင်ရွက်ရမည်ဖြစ်ပြီး သင်နှင့် St. Jude တို့သည် ခုံသမာဓိဖြင့် စီရင်ဆုံးဖြတ်ခြင်းကို အတင်းအကျပ်ပြုလုပ်ရန်၊ ခုံသမာဓိဖြင့် စီရင်ဆုံးဖြတ်ခြင်းမပြုမီ လုပ်ငန်းစဉ်များကို ရပ်ဆိုင်းရန် သို့မဟုတ် ခုံသမာဓိလူကြီး တင်သွင်းသော ဆုံးဖြတ်ချက်အပေါ် စီရင်ချက်ကို အတည်ပြုရန်၊ ပြင်ဆင်ရန်၊ ပယ်ဖျက်ရန် သို့မဟုတ် စီရင်ချက်ချရန် တန်နက်ဆီပြည်နယ်၊ ရှယ်ဘီကောင်တီရှိ မည်သည့်ဖက်ဒရယ် သို့မဟုတ် ပြည်နယ်တရားရုံး၏ ကိုယ်ရေးကိုယ်တာတရားစီရင်ပိုင်ခွင့်တွင်မဆို လိုက်နာဆောင်ရွက်ရန် သဘောတူပါသည်။
• အုပ်စုလိုက်အရေးယူမှု စွန့်လွှတ်ခြင်း- ထို့အပြင် ခုံသမာဓိကို ပါဝင်သောသူများမှ ၎င်းတို့၏ တစ်ဦးချင်းစွမ်းရည်ဖြင့်သာ ဆောင်ရွက်ရမည်ဖြစ်ပြီး အုပ်စုလိုက်တရားစွဲဆိုမှု သို့မဟုတ် အခြားကိုယ်စားပြုတရားစွဲဆိုမှုအဖြစ် မဆောင်ရွက်ကြောင်း ပါဝင်သူများမှ သဘောတူကြပြီး ပါဝင်သူများသည် အုပ်စုလိုက်တရားစွဲဆိုမှု တင်သွင်းခွင့် သို့မဟုတ် အုပ်စုလိုက်သက်သာခွင့်တောင်းခံခွင့်ကို အတိအလင်း စွန့်လွှတ်ကြသည်။ သင်နှင့် ST. JUDE အနေဖြင့် တစ်ဦးက အခြားတစ်ဦးကို မိမိ၏ သို့မဟုတ် ၎င်း၏ တစ်ဦးချင်းအလိုက် စွမ်းဆောင်ရည်ဖြင့်သာ တောင်းဆိုမှုပြုပြီး အုပ်စုကိုယ်စား သို့မဟုတ် ကိုယ်စားလှယ်ဟုဆိုသော အရေးယူဆောင်ရွက်ခြင်း တစ်ခုခုအတွင်း တရားလို သို့မဟုတ် အုပ်စုကိုယ်စား အဖွဲ့ဝင်အဖြစ် တောင်းဆိုခြင်းမဟုတ်ကြောင်း သဘောတူသည်။ အုပ်စုကိုယ်စား အရေးယူခြင်းကို စွန့်လွှတ်မှုသည် အကြောင်းတစ်စုံတစ်ရာကြောင့် ပျက်ပြယ်ကြောင်း သို့မဟုတ် အတည်မပြုနိုင်ကြောင်း တရားရုံး သို့မဟုတ် ခုံသမာဓိလူကြီးမှ ဆုံးဖြတ်ပါက ခုံသမာဓိဖြင့် စီရင်ဆုံးဖြတ်မှုတစ်ခုကို အုပ်စုကိုယ်စားအဖြစ် ဆက်လက်ဆောင်ရွက်နိုင်သည်၊ ထိုအခါ အထက်တွင် သတ်မှတ်ထားသော ခုံသမာဓိဖြင့် စီရင်ဆုံးဖြတ်မှု ပြဋ္ဌာန်းချက်များသည် လုံးလုံးလျားလျား တရားမဝင် ပျက်ပြယ်သွားမည်ဖြစ်ပြီး ပါဝင်သူများသည် အငြင်းပွားမှုများအား ခုံသမာဓိဖြင့် စီရင်ဆုံးဖြတ်ရန် သဘောမတူကြောင်း မှတ်ယူရမည်။
• ဉာဏပစ္စည်း ပိုင်ဆိုင်မှုနှင့် အသေးစားတောင်းဆိုမှုများအတွက် တရားရုံးမှ တောင်းဆိုမှုများ။ အငြင်းပွားမှုအားလုံးကို ခုံသမာဓိဖြင့် ဖြေရှင်းရန် နှစ်ဖက်စလုံး၏ ဆုံးဖြတ်ချက်ရှိသော်လည်း၊ မည်သည့်ဘက်မဆို ၎င်း၏ ဉာဏပစ္စည်းဆိုင်ရာ အခွင့်အရေးများကို ကာကွယ်ရန်အတွက် ပြည်နယ် သို့မဟုတ် ဖက်ဒရယ်တရားရုံး သို့မဟုတ် အမေရိကန် မူပိုင်ခွင့်နှင့် ကုန်အမှတ်တံဆိပ်ရုံးတွင် ဉာဏပစ္စည်းကို ခိုးယူမှု၊ ခိုးချခြင်း သို့မဟုတ် ခွင့်ပြုချက်မရှိဘဲ အသုံးပြုမှုနှင့် ဆက်စပ်၍ ပေါ်ပေါက်လာသော ပြဋ္ဌာန်းအရေးယူမှုများ၊ တရားဝင်မှု ဆုံးဖြတ်ချက်များ သို့မဟုတ် တောင်းဆိုမှုများကို ယူဆောင်လာနိုင်သည် ("ဉာဏပစ္စည်းဆိုင်ရာ အခွင့်အရေးများ"ဆိုသည်မှာ ပိုင်ဆိုင်ခွင့်များ၊ မူပိုင်ခွင့်များ၊ ကိုယ်ကျင့်တရားဆိုင်ရာ အခွင့်အရေးများ၊ ကုန်အမှတ်တံဆိပ်များနှင့် ကုန်သွယ်ရေးလျှို့ဝှက်ချက်များကို ဆိုလိုသော်လည်း လျှို့ဝှက်ရေး သို့မဟုတ် လူသိရှင်ကြားဖြစ်ခွင့်များ မပါဝင်ပါ)။ ပါဝင်သူတစ်ဦးဦးသည် ထိုတရားရုံး၏ တရားစီရင်ပိုင်ခွင့် အတိုင်းအတာအတွင်း အငြင်းပွားမှုများ သို့မဟုတ် တောင်းဆိုမှုများအတွက် အသေးစားတောင်းဆိုမှုတရားရုံးတစ်ခုတွင်လည်း သက်ညှာခွင့် လျှောက်ထားနိုင်သည်။
• ရက် 30 ထွက်ခွာရန် ရွေးချယ်ပိုင်ခွင့်-- အထက်တွင်ဖော်ပြထားသော ခုံသမာဓိဖြင့် စီရင်ဆုံးဖြတ်ခြင်းနှင့် အုပ်စုလိုက်အရေးယူမှု စွန့်လွှတ်ခြင်း ပြဋ္ဌာန်းချက်များအရ သင်မပါဝင်ရန် ဆုံးဖြတ်ကြောင်းကို စာဖြင့် "ခုံသမာဓိဖြင့် စီရင်ဆုံးဖြတ်ခြင်းနှင့် အုပ်စုလိုက်အရေးယူမှု စွန့်လွှတ်ခြင်း နုတ်ထွက်ခြင်း" ခေါင်းစဉ်ဖြင့် GeneralCounselOffice@stjude.org သို့ အကြောင်းကြားစာပေးပို့ခြင်းဖြင့် သင်တွင် နုတ်ထွက်ပိုင်ခွင့်ရှိပါသည်။ အသိပေးချက်အား ဝန်ဆောင်မှုများကို သင်ပထမဆုံးအသုံးပြုသည့်နေ့မှ ရက်ပေါင်း သုံးဆယ် (30) အတွင်း ပေးပို့ရမည်ဖြစ်သည်၊ သို့မဟုတ်ပါက သင်သည် ထိုစာပိုဒ်များ၏ စည်းမျဉ်းများနှင့်အညီ အငြင်းပွားမှုများကို ခုံသမာဓိဖြင့် စီရင်ဆုံးဖြတ်ရန် တာဝန်ရှိစေရမည်။ ဤခုံသမာဓိဆိုင်ရာပြဋ္ဌာန်းချက်များကို သင်ငြင်းပယ်ပါက St. Jude သည်လည်း ၎င်းတို့ကို ဆောင်ရွက်မည်မဟုတ်ပါ။
• ဤကဏ္ဍသို့ ပြောင်းလဲမှုများ- ဤကဏ္ဍတွင် အပြောင်းအလဲတစ်စုံတစ်ရာရှိပါက ကျွန်ုပ်တို့သည် ရက်ပေါင်း သုံးဆယ် (30) ကြို၍ အကြောင်းကြားပါမည်။ ထိုသို့ အကြောင်းကြားစာပေးပို့ပြီး ရက်ပေါင်းသုံးဆယ် (30) အကြာတွင် ပြင်ဆင်မှုများ စတင်အသက်ဝင်ပါမည်။ ဤအပိုင်းအတွက် ပြောင်းလဲမှုများသည် သုံးဆယ် (30th) ရက်မြောက် နောက်ပိုင်းတွင် ပေါ်ပေါက်လာသော တောင်းဆိုမှုများအတွက်သာ ရှေ့လျှောက်အကျိုးသက်ရောက်မည်ဖြစ်သည်။ "ဤကဏ္ဍသို့ ပြောင်းလဲမှုများ" ရှိ ဤကဏ္ဍခွဲသည် အကျိုးသက်ရောက်မှုမရှိကြောင်း သို့မဟုတ် တရားဝင်မှုမရှိဟု တရားရုံး သို့မဟုတ် ခုံသမာဓိက ဆုံးဖြတ်ပါက ဤကဏ္ဍခွဲကို “အငြင်းပွားမှု ဖြေရှင်းခြင်း” ဟု ခေါင်းစဉ်တပ်ထားသော ကဏ္ဍမှ ခွဲထုတ် ဖယ်ရှားမည်ဖြစ်ပြီး တရားရုံး သို့မဟုတ် ခုံသမာဓိသည် ဝန်ဆောင်မှုများကို သင် စတင်အသုံးပြုပြီးနောက် အတည်ရှိနေသော အဦးဆုံး ငြင်းပွားမှု ဖြေရှင်းခြင်းကဏ္ဍကို အသုံးပြုပါမည်။
• ဆက်လက်တည်ရှိခြင်း- သင်၏ အကောင့် သို့မဟုတ် ဝန်ဆောင်မှုများ ရပ်စဲသွားပါကလည်း ဤအငြင်းပွားမှုဖြေရှင်းခြင်းကဏ္ဍ ဆက်လက်တည်ရှိပါမည်။

တရားစီရင်ခြင်း

သုံးစွဲသူမှ ဤစည်းမျဉ်းများသည် အမေရိကန်ပြည်ထောင်စု၊ တန်နက်ဆီပြည်နယ်ရှိ သုံးစွဲသူနှင့် St. Jude တို့အကြား ချုပ်ဆိုထားသော သဘောတူညီချက်တစ်ခုဖြစ်ပြီး တန်နက်ဆီပြည်နယ်အတွင်း ဆောင်ရွက်ခြင်းဖြစ်ကြောင်းကို သဘောတူပါသည်။ ဤစည်းမျဉ်းများကို ဥပဒေရွေးချယ်ခြင်း သို့မဟုတ် ဥပဒေပါပြဋ္ဌာန်းချက်များ ကွဲလွဲခြင်းမှလွဲ၍ တန်နက်ဆီပြည်နယ်၏ ဥပဒေများက အုပ်ချုပ်ပြီး ထိုဥပဒေများအရ အဓိပ္ပာယ်ကောက်ယူမည်ဖြစ်ကြောင်း သုံးစွဲသူက သဘောတူသည်။ ဤစည်းမျဉ်းများအောက်မှ သို့မဟုတ် ဝန်ဆောင်မှုများနှင့် ပတ်သက်၍ တိုက်ရိုက်ဖြစ်စေ၊ သွယ်ဝိုက်၍ဖြစ်စေ ပေါ်ပေါက်လာသော တောင်းဆိုမှု သို့မဟုတ် အရေးယူဆောင်ရွက်မှုတစ်ခုခုတွင် သုံးစွဲသူသည် ရှယ်ဘီခရိုင်၊ တန်နက်ဆီပြည်နယ်တွင် တည်ရှိသော ပြည်နယ် သို့မဟုတ် ဖက်ဒရယ်တရားရုံးများရှိ သီးသန့်ကိုယ်ရေးကိုယ်တာ တရားစီရင်ပိုင်ခွင့်သို့ ပေးပို့ရန် ယတိပြတ်သဘောတူသည်။ သုံးစွဲသူသည် တရားစီရင်ပိုင်ခွင့်၊ တရားခွင် ကျင်းပရာနေရာ သို့မဟုတ် ဆွေးနွေးရန်နေရာ အဆင်မပြေမှု ကန့်ကွက်ခြင်းများကို ထိုတရားရုံးသို့ တရားဝင်စွန့်လွှတ်သည်။

ဤစည်းမျဉ်းများရှိ ပြဋ္ဌာန်းချက်တစ်ခုခုသည် တရားရုံး သို့မဟုတ် အခြားတရားစီရင်ပိုင်ခွင့်ရှိသော ခုံရုံးဖြင့် အာဏာတည်စေ၍ မရနိုင်ပါက ထိုသို့ပြဋ္ဌာန်းချက်ကို လိုအပ်သလောက် အနည်းဆုံးအတိုင်းအတာအထိ ကန့်သတ် သို့မဟုတ် လျှော့ချမည်ဖြစ်ပြီး တစ်နည်းတစ်ဖုံအားဖြင့် ဤသဘောတူညီချက် အပြည့်အဝအာဏာသက်ရောက်စေမည်ဖြစ်သည်။

ပေါင်းစည်းခြင်း

ဤတွင် အခြားနည်းဖြင့်ဖော်ပြထားခြင်းမရှိပါက၊ ဤစည်းမျဉ်းများသည် အသုံးပြုသူနှင့် St. Jude အကြား ဝန်ဆောင်မှုများကို ဝင်ရောက်အသုံးပြုခြင်းနှင့် သက်ဆိုင်သည့် သဘောတူညီချက်တစ်ခုလုံးဖြစ်ပြီး၊ ဤစည်းမျဉ်းများသည် ဝန်ဆောင်မှုများနှင့် အကြောင်းအရာနှင့်ပတ်သက်၍ St. Jude နှင့် သင်၏ ကြားရှိ ယခင် နှုတ်ဖြင့် သို့မဟုတ် စာဖြင့်ရေးသားထားသော နားလည်မှုများ သို့မဟုတ် သဘောတူညီချက်များအားလုံးကို အစားထိုးပါသည်။ သုံးစွဲသူသည် ဤစည်းမျဉ်းများကို ပြုပြင်မွမ်းမံ၍ မရပါ။ ဤသဘောတူညီချက်၏ စည်းမျဉ်းများနှင့် မကိုက်ညီသော သို့မဟုတ် ဆန့်ကျင်သော ဝန်ဆောင်မှုများ သို့မဟုတ် အကြောင်းအရာများတွင်ပါရှိသော မည်သည့်အရာကိုမဆို ဤစည်းမျဉ်းများဖြင့် အစားထိုးသည်။

စည်းမျဉ်းများနှင့် ဝန်ဆောင်မှုများကို ပြုပြင်မွမ်းမံခြင်း

St. Jude သည် ဤစည်းမျဉ်းများနှင့် ဤနေရာတွင် ရည်ညွှန်းချက်အဖြစ် ပေါင်းစည်းဖော်ပြထားသော အခြားစာရွက်စာတမ်းများနှင့်တကွ ဝန်ဆောင်မှုများကို အချိန်မရွေး ကြိုတင်အကြောင်းမကြားဘဲ တစ်ဦးတည်းဆုံးဖြတ်မှုဖြင့် ပြုပြင်မွမ်းမံပိုင်ခွင့်ရှိသည်။ ဤစည်းမျဉ်းများကို ပြင်ဆင်ဖြည့်စွက်သည့်အခါ ကျွန်ုပ်တို့သည် စတင်သက်ရောက်သော ရက်စွဲအသစ်ကို ဖော်ပြပါမည်။ ကျွန်ုပ်တို့သည် သင်၏ ဝန်ဆောင်မှုများ အသုံးပြုမှုအပေါ် သက်ရောက်စေမည့် အချက်အလက်ပိုင်းဆိုင်ရာ ပြောင်းလဲမှုများပြုလုပ်ပါက ပြောင်းလဲမှုများ အသက်မဝင်မီ ဝန်ဆောင်မှုများပေါ်တွင် အကြောင်းကြားစာ တိုက်ရိုက်တင်ခြင်း၊ အီးမေးလ်အသိပေးချက်ပေးပို့ခြင်း (သင့်အီးမေးလ်လိပ်စာကို ကျွန်ုပ်တို့ထံ ပေးအပ်ထားပါက) သို့မဟုတ် အခြားကျိုးကြောင်းသင့်လျော်သော နည်းလမ်းတစ်ခုခုဖြင့် သင့်ထံ အကြောင်းကြားရန် ကြိုးပမ်းပါမည်။ သင်သည် ဝန်ဆောင်မှုများကို ဆက်လက်အသုံးပြုခြင်းသည် ဤသို့သောပြုပြင်မွမ်းမံမှုများကို လက်ခံခြင်းဖြစ်သည်။ ထိုကဲ့သို့ ပြုပြင်မွမ်းမံမှုများကို ဖော်ပြပြီးနောက် ဝန်ဆောင်မှုများကိုအသုံးပြုခြင်းသည် ပြောင်းလဲမှုများကို သင်သဘောတူခြင်းဖြစ်သည်။ သင်သဘောမတူပါက ဝန်ဆောင်မှုများသို့ ဝင်ရောက်ခြင်း သို့မဟုတ် သုံးစွဲခြင်း ပြုလုပ်နိုင်မည်မဟုတ်ပါ။

ထပ်ဆောင်း စည်းမျဉ်းများ

ထပ်ဆောင်းစည်းမျဉ်းများသည် အချို့သော ဝန်ဆောင်မှုများနှင့် သက်ဆိုင်နိုင်ပြီး ၎င်းဝန်ဆောင်မှုများကို သင်အသုံးမပြုမီ ထပ်ဆောင်းစည်းကမ်းချက်များရှိပါက ကျွန်ုပ်တို့ အသိပေးပါမည်။ ဤစည်းမျဉ်းများနှင့် ထပ်ဆောင်းစည်းမျဉ်းများအကြား ကွဲလွဲမှုရှိပါက ထပ်ဆောင်းစည်းမျဉ်းများက ထိန်းချုပ်ပါမည်။

ကျွန်ုပ်တို့ထံ ဆက်သွယ်ရန်

သင့်တွင် ဝန်ဆောင်မှုများနှင့်စပ်လျဉ်း၍ မေးမြန်းလိုသည်များရှိပါက together@stjude.org တွင် ကျွန်ုပ်တို့ကို ဆက်သွယ်ပါ။ St. Jude Children's Research Hospital သို့မဟုတ် ဤစည်းမျဉ်းများနှင့် ပတ်သက်၍ မေးခွန်းများရှိပါက  hipaaprivacy@stjude.org တွင် ကျွန်ုပ်တို့ကို ဆက်သွယ်ပါ။