ဆီးသွားနေစဉ်တွင် ဆီးအိမ်နှင့် ဆီးချောင်းအား ဓာတ်မှန်ရိုက်စစ်ဆေးခြင်း (VCUG)

VCUG ဆိုတာဘာလဲ။

VCUG (ဆီးသွားစဉ်တွင် ဆီးအိမ်နှင့် ဆီးချောင်းအား ဓာတ်မှန်ရိုက်စစ်ဆေးခြင်း) သည် ဆီးလမ်းကြောင်း၏ ပုံရိပ်များကို ထုတ်ပေးသည်။ စစ်ဆေးမှုသည် ဆီးလမ်းကြောင်း၏ လုပ်ငန်းလုပ်ဆောင်ပုံကို ပြသပေးသည်။

ဆရာဝန်များသည် ဆီးလမ်းကြောင်း ပိုးကူးစက်ဝင်ရောက်ခြင်း သို့မဟုတ် အခြားဆက်နွယ်သော ပြဿနာများ ထပ်ခါထပ်ခါ ဖြစ်နေသော လူနာများအတွက် ဤ စစ်ဆေးမှုကို လုပ်ခိုင်းသည်။

VCUG သည် ဘယ်လိုလုပ်ဆောင်သလဲ။

VCUG သည် ဖလူရိုစကိုပီ ဟုခေါ်သည့် နည်းပညာကို အသုံးပြုထားသည်။ ဖလူရိုစကိုပီကို တစ်ခါတစ်ရံတွင် “အရှင်” ဓာတ်မှန် အနေဖြင့် ဖော်ပြသည်။ ၎င်းသည် ခန္ဓာကိုယ် အတွင်းအင်္ဂါများ မည်ကဲ့သို့ လုပ်ဆောင်သည်ကို ပြသသည်။

အကယ်၍ သင့်ကလေးတွင် ဆီးအိမ်မှ ဆီးများ နောက်ကြောင်း ပြန်ထွက်ခြင်း (VU) ဟု ခေါ်သော အခြေအနေရှိမရှိကို VCUG က ပြနိုင်သည်။ ဤအခြေအနေသည် ဆီးကို ဆီးအိမ်မှ နောက်ပြန် ကျောက်ကပ်များဆီသို့ လားရာ‌ပြောင်းပြန် အမှားဖြင့် စီးဆင်းစေသည်။ VCUG သည် ဆီးသွားပြွန်အတွင်း ပုံမမှန်မှုများ သို့မဟုတ် ပိတ်ဆို့မှုများရှိသည်ကိုလည်း ဖော်ပြပေးသည်။

VCUG ကို မည်သူလုပ်ဆောင်သနည်း။

ဓာတ်မှန် ကျွမ်းကျင်ပညာရှင် နှင့် ဓာတ်ရောင်ခြည်ဆိုင်ရာ နည်းပညာရှင်သည် စမ်းသပ်မှုကို လုပ်ဆောင်သည်။ အခြားသော ဝန်ထမ်းအဖွဲ့ဝင်များက ကူညီနိုင်သည်။

VCUG ကို ပြုလုပ်ရန် အချိန်မည်မျှကြာမြင့်ပါသနည်း။

၎င်းစမ်းသပ်မှုသည် ပုံမှန်အားဖြင့် မိနစ် ၃၀ ခန့်ကြာသည်။

VCUG သည် ဘေးကင်းပါသလား။

VCUG သည် X Ray ရောင်ခြည်ဓာတ်မှန်အမျိုးအစားတစ်ခုဖြစ်သည်။ ၎င်းသည် အိုင်ယွန်းဖြစ်စေသည့် ရေဒီယိုဓာတ်ရောင်ခြည် ပမာဏအနည်းငယ်ကို အသုံးပြုထားသည်ဟု ဆိုလိုသည်။ ရေဒီယိုဓာတ်ရောင်ခြည်သည် ပုံရိပ်များဖန်တီးရာတွင် အထောက်အကူပြုသည်။

VCUG လုပ်ဆောင်နေစဉ်အတွင်း အသုံးပြုသော ဓာတ်ရောင်ခြည် ပမာဏသည် အလွန်နည်းပါသည်။ ဆေးဆိုင်ရာ ကောင်းကျိုးများသည် ဓါတ်ရောင်ခြည်ထိတွေ့မှု ပမာဏအနည်းငယ်ထက် ပိုအားသာသည်။ စိုးရိမ်ပူပန်ဖွယ်အချက်များ သို့မဟုတ် မေးခွန်းများရှိပါက သင့်ကလေး၏ စောင့်ရှောက်မှုအဖွဲ့နှင့် ဆွေးနွေးပြောဆိုပါ။

ကျွန်ုပ်ကလေး၏ VCUG ကို မပြုလုပ်မီ မည်သည့် အသေးစိတ်အချက်များကို ကျွန်ုပ်ဂရုစိုက်သင့်သနည်း။

စစ်ဆေးမှုမတိုင်မီ ဤအဆင့်များအား လိုက်နာပြုလုပ်ခြင်းသည် သင့်အတွေ့အကြုံကို ပိုမိုလွယ်ကူစေသည်။

• လုပ်ငန်းစဉ်အတွက် မည်မျှလောက် ကုန်ကျမည်ကို ရှာဖွေရန် သင်သည် အာမခံကုမ္ပဏီနှင့် တိုင်ပင်ဆွေးနွေးရန် လိုအပ်နိုင်သည်။
• အောက်ပါတို့နှင့် ပတ်သက်သည့် အကြောင်းကို သင့်ကလေးအား အသိပေးပါ-
  • ဆေးစာမဲ့ ဝယ်ရလွယ်ကူသော လူနာသောက်သည့် ဆေးဝါးများ။
  • ဓာတ်မတည့်မှုများ အထူးသဖြင့် အိုင်အိုဒင်းကို ဓာတ်မတည့်ခြင်း။ ၎င်းသညိ VCUG လုပ်ဆောင်နေစဉ် အတွင်း အသုံးပြုသည့် ခွဲခြားမြင်နိုင်သော ပစ္စည်းထဲတွင် ဖြစ်သည်။
  • သင့်ကလေးသည် ကိုယ်ဝန်ဆောင်ထားလျှင် သို့မဟုတ် ကိုယ်ဝန်‌ဆောင်နိုင်သည့်အခြေအနေရှိလျှင်။

ကျွန်ုပ်ကလေး၏ VCUG ကို မပြုလုပ်မီ မည်သည်တို့ကို ကျွန်ုပ်ပြုလုပ်သင့်သနည်း။

အခြေအနေများနှင့် စင်တာများသည် တစ်ခုနှင့်တစ်ခု မတူညီသော်လည်း ဤအကြံပေးချက်များက သင့်ကို အဆင်သင့်ဖြစ်အောင် အထောက်အကူပြုပေးနိုင်သည်-

• သင့်ကလေးက သူ သို့မဟုတ် သူမ စစ်ဆေးမှုပြုလုပ်နေရသည့် အကြောင်းကို နားလည်သဘောပေါက်အောင် ပြုလုပ်ပေးပါ။ စစ်ဆေးမှုအတွင်း ဖြစ်ပေါ်လာမည့်အရာအကြောင်းကို ဆွေးနွေးပြောဆိုပါ။  ကလေးဘဝလေ့လာမှုဆိုင်ရာ အထူးကုသည် သင့်ကလေးအတွက် အကူအညီပေးပြီး ပံ့ပိုးမှုပြုလုပ်နိုင်သည်။
• သင့်ကလေးကို ချောင်ချောင်ချိချိနှင့် သက်တောင့်သက်သာရှိသည့် အဝတ်အစားများ ဝတ်ဆင်ပေးပါ။ ၎င်းသည် ဝတ်ရန်နှင့် ချွတ်ရန် လွယ်ကူသင့်သည်။ စင်တာအများစု၌ လူနာသည် အဝတ်ကို ဖယ်ရှားပြီး ဝတ်ရုံကို ဝတ်ဆင်မည်။
• စင်တာသို့ ရောက်ရှိရန် အချိန်များစွာ ပေးထားပါ။ သင်သည် အချိန်မီရောက်ရှိလိုလိမ့်မည်။ ရောက်ရှိကြောင်းစာရင်းသွင်းရန်အတွက် အချိန်များများပေးရန် မိနစ်အနည်းငယ်စောစောလာလျှင် ပိုကောင်းနိုင်ပါသည်။
• သင်သည် စစ်ဆေးမှုအတွက် အချိန်ကျရောက်သည့်တိုင် စောင့်ဆိုင်းရန်နေရာအတွင်း နေထိုင်ရမည်ဖြစ်သည်။ သင်လိုအပ်လာနိုင်သည့် လုပ်ဆောင်မှုများကိုလည်း ယူဆောင်လာပါ။

VCUG လုပ်ဆောင်နေစဉ်အတွင်း မည်သည့်အရာ ဖြစ်ပေါ်သနည်း။

ဤတွင် သင်နှင့် သင့်ကလေးတို့က စစ်ဆေးမှုစင်တာတွင် VCUG မပြုလုပ်မီနှင့် ပြုလုပ်စဉ် မျှော်လင့်ထားနိုင်သည့်အရာတို့ကို ဖော်ပြထားသည်-

• ဓာတ်ရောင်ခြည် ဝန်ထမ်း အဖွဲ့ဝင်သည် သင့်ကလေးက VCUG ကို မည်သည့်အတွက် လိုအပ်ကြောင်း ဆွေးနွေးပြောဆိုပြီး လုပ်ငန်းစဉ်အဆင့်ဆင့်ကို ရှင်းလင်းပြောဆိုမည်ဖြစ်သည်။
• နည်းပညာရှင်သည် X Ray ရောင်ခြည်ဓာတ်မှန်ရိုက်ကူးစင်ပေါ်သို့ သင့်ကလေးကို တင်ရာတွင် ကူညီပါလိမ့်မည်။ လူနာများသည် ဤစမ်းသပ်မှုအတွက် ပက်လက်လှန်၍ လဲလျောင်းသည်။ ပုံရိပ်ဖော်စဉ်အတွင်း နို့စို့ကလေးငယ်များနှင့် ငယ်ရွယ်သော ကလေးများသည် ၎င်းတို့ကို ငြိမ်သက်စွာ နေစေရန် အထူးပြုလုပ်ထားသော ပစ္စည်းကို သုံးနိုင်သည်။ လူနာများသည် ငြိမ်သက်စွာ နေရမည် သို့မဟုတ်လျှင် ပုံရိပ်သည် ဝါးသွားနိုင်သည်။
• စမ်းသပ်မှုသည် လူနာ၏ ဆီးအိမ်အတွင်း ထည့်ထားသော ပါးပြီး အခေါင်းပေါက်ပါသည့် ပြွန်ဖြစ်သော ဆီးချူပိုက်တစ်ခု လိုအပ်သည်။
  • သူနာပြု တစ်ဦး သို့မဟုတ် နည်းပညာရှင်တစ်ဦးသည် ဆီးချူပိုက် ထားမည့် နေရာကို သန့်ရှင်းမည်။ ဤအပြင်ပိုင်း ပိုးသတ်ဆေးရည်သည် အေးသလို ခံစားရနိုင်သည်။
  • သူနာပြု၊ နည်းပညာရှင် သို့မဟုတ် ဆရာဝန်သည် ဆီးသွားပြွန်ကို ဖြတ်လျက် လူနာ၏ ဆီးအိမ်အတွင်းတွင် ဆီးချူပိုက်ကို ထည့်သွင်းမည်ဖြစ်သည်။ လူနာသည် ဖိအားတစ်ခုခုရှိနေသလို ခံစားရမည်ဖြစ်သည်။ ၎င်းတို့သည် ရေချိုးခန်းသို့ သွားရောက်လိုသကဲ့သို့ ခံစားရနိုင်သည်။
  • သူနာပြု သို့မဟုတ် နည်းပညာရှင်သည် ဆီးချူပိုက်ကို နေရာတကျ တပ်ဆင်ပေးမည်ဖြစ်သည်။ ဤသို့ပြုလုပ်ခြင်းဖြင့် စစ်ဆေးမှုပြုလုပ်စဉ် ထွက်ကျလာခြင်းမရှိအောင် ရပ်တန့်ပေးသည်။
• ဓာတ်ရောင်ခြည် ဝန်ထမ်း အဖွဲ့ဝင်သည် ဆီးချူပိုက်ကို ဓာတ်ရောင်ခြည် ခွဲခြားနိုင်သော အရည် ပုလင်းထဲသို့ ဆက်သွယ်ပါမည်။ ခွဲခြားမြင်နိုင်သည့်ပစ္စည်းသည် ဆီးလမ်းကြောင်း၊ ဆီးအိမ်နှင့် ဆီးသွားပြွန်ကို အဖွဲ့အား တွေ့မြင်နိုင်စေသည်။
• နည်းပညာရှင်သည် "ဖလူအိုရို တာဝါ" ဟုခေါ်သော ဓာတ်မှန်စက်ကို လူနာပေါ်သို့‌ ရွှေ့ပါမည် ရောင်ခြည်။ ခွဲခြားမြင်နိုင်သော အရည်သည် ဆီးချူပိုက်ကို ဖြတ်ပြီး လူနာ၏ ဆီးအိမ်ထဲသို့ စီးဆင်းပါမည်။ နည်းပညာရှင်သည် ရှုထောင့်အမျိုးမျိုးမှ ပုံရိပ်များကို ရရှိရန် လူနာအား တစ်ဖက်မှ တစ်ဖက်သို့ ရွှေ့ရာတွင် ကူညီပေးမည်။
• လူနာသည် အကယ်၍ ဆီးသွားရန် ဆန္ဒရှိပါက ဆီးကို ထိန်းထားရန် လိုအပ်မည်။ ဆီးအိမ်သည် ပြည့်သောအခါ ဓာတ်မှန်အထူးကျွမ်းကျင်သူသည် လူနာကို စင်ပေါ်တွင် ဆီးသွားခိုင်းပါမည်။ ထိုနေရာတွင် တဘက်များ၊ အိပ်ယာထဲတွင် ဆီးသွားရန်အိုး သို့မဟုတ် အရည်ကို ရယူရန် စုပ်ယူနိုင်သော အခံ ရှိပါမည်။ လူနာသည် ဆီးသွားနေစဉ် ဓာတ်မှန်အထူးကျွမ်းကျင်သူသည် ဓာတ်မှန်များကို ပို၍ ရယူမည်။
• လူနာဆီးသွားသည့်အခါ ဆီးချူပိုက်သည် အလိုလို ကန်ထွက်လာနိုင်သည်။ ပြီးနောက်တွင် ဓာတ်မှန်အထူးကျွမ်းကျင်သူသည် ဓာတ်မှန်များကို ပို၍ ရိုက်ယူမည်။

VCUG စစ်ဆေးမှုသည် နာကျင်မှုရှိသလား။

VCUG စမ်းသပ်မှုသည် သက်သောင့်သက်သာ မဖြစ်နိုင်ပါ။ ဆီးချူပိုက် ထည့်သွင်းခြင်း နှင့် ဆီးအိမ်ကို အရည်ဖြည့်ခြင်းသည် မသက်မသာဖြစ်နိုင်သည်။

VCUG သည် ကလေးများနှင့် ဆယ်ကျော်သက်ကလေးများအတွက် ရှက်စရာကောင်းပြီး သဘာဝမကျသည့်ပုံဖြစ်နိုင်သည်။ အကြောင်းမှာ ၎င်းတို့သည် ရေချိုးခန်းကို အဖော်မပါဘဲ သွားလေ့ရှိသည့်အကျင့်ရှိခြင်းကြောင့်ဖြစ်သည်။ ဝန်ထမ်းသည် ဤစစ်ဆေးမှုကို လုပ်ဆောင်ရန် အတွေ့အကြုံရှိသူဖြစ်ကြောင်း သင့်ကလေးအား သတိပေးပါ။ ၎င်းသည် ဆေးကုသမှုအရလိုအပ်သည့် လုပ်ငန်းစဉ်ဖြစ်သည့်အတွက် ၎င်းတို့က ရှက်ရွှံ့သလို ခံစားရန် မလိုအပ်ပါ။

သင်သည် လူနာနှင့်အတူ အခန်းအတွင်း ဆက်လက်ရှိနေနိုင်သည်။ ထို့အပြင် ကလေးဘဝလေ့လာမှုဆိုင်ရာ အထူးကုတစ်ဦးကို လုပ်ငန်းစဉ်အတွင်း ထိုနေရာတွင်ရှိနေရန် သင်တောင်းဆိုနိုင်သည်။

VCUG စစ်ဆေးမှုပြုလုပ်ပြီးသည့်နောက် ကျွန်ုပ်ကလေးသည် သက်တောင့်သက်သာမရှိဖြစ်လာမည်လား။

သင့်ကလေးသည် လုပ်ငန်းစဉ်နောက်ပိုင်းတွင် မသက်မသာခံစားမှုကို တွေ့ကြုံရနိုင်သည်။ ဤခံစားမှုသည် ပုံမှန်အားဖြင့် 12 နာရီအတွင်း ပိုကောင်းလာမည်ဖြစ်သည်။

ကျွန်ုပ်သည် အဖြေများကို မည်ကဲ့သို့ သိရှိမည်နည်း။

ဓာတ်မှန်ကျွမ်းကျင်သူသည် ရလာဒ်များကို ရှင်းလင်းအောင်ရေးသားဖော်ပြပေးမည်ဖြစ်သည်။ ထို့နောက် ၎င်းတို့သည် VCUG ပြုလုပ်ရန် ညွှန်ကြားသည့် ဆရာဝန်ထံသို့ ၎င်းရလာဒ်များကို ပေးပို့မည်ဖြစ်သည်။ သင့်ကလေး၏ စောင့်ရှောက်မှုအဖွဲ့သည် နောက်ထပ်ရက်ချိန်းတွင် သင်နှင့်အတူ ရလာဒ်များကို လေ့လာသုံးသပ်မည်ဖြစ်သည်။