ကင်ဆာဖြစ်ပြီးနောက် ကိုယ်လက်လှုပ်ရှားမှုများ‌

ကိုယ်လက် လှုပ်ရှားမှု သည်  ကလေးကင်ဆာမှ လွတ်မြောက်ရှင်သန်လာသူများအတွက် အရေးကြီးသည်။ 

လွတ်မြောက်ရှင်သန်လာသူများသည် ၎င်းတို့၏ အသက်တူသော  အခြားသူများထက်  ကျန်းမာရေး ပြဿနာရှိနိုင်သည့် အန္တရာယ်  ပိုမိုမြင့်မားသည် ။ 

ဤသည်မှာ ကင်ဆာကြောင့် သို့မဟုတ် ကုထုံး၏ နောင်ဖြစ်လာနိုင်သည့် ဆိုးကျိုးများကြောင့်ဖြစ်သည်။ နောင်ဖြစ်လာနိုင်သည့် ဆိုးကျိုးများသည် ကင်ဆာကုသမှုကို ပြုလုပ်ပြီးနောက် လများ သို့မဟုတ် နှစ်များ ကြာပြီးသည့်နောက် ဖြစ်လာနိုင်သည့် ကျန်းမာရေးပြဿနာများဖြစ်သည်။

နောင်ဖြစ်လာနိုင်သည့် ဆိုးကျိုးများသည် ကုထုံးအမျိုးအစားအပေါ် မူတည်သည်။ ၎င်းတို့တွင် အဝလွန်ခြင်း သို့မဟုတ် နှလုံး၊ အဆုတ်များ၊ အရိုးများနှင့် ကြွက်သားများ၏ အခြေအနေများ ပါဝင်နိုင်သည်။ ကိုယ်လက်လှုပ်ရှားမှုသည် အဆိုပါ ပြဿနာများနှင့်ပတ်သက်၍ အထောက်အကူပြုပေးနိုင်သည်။ ၎င်းကို သင့်နေ့စဉ်ဘဝတွင် ထည့်သွင်းနိုင်သည့် နည်းလမ်းများစွာရှိပါသည်။

ကိုယ်ကာလလှုပ်ရှားမှု၏ အကျိုးကျေးဇူးတွေက ဘာလဲ။

ကျွန်ုပ်အနေဖြင့် တစ်နေ့လျှင် ကိုယ်ကာယလှုပ်ရှားမှုကို ဘယ်လောက်များများ ပြုလုပ်ရန် လိုအပ်သလဲ။

ကလေးများနှင့် ဆယ်ကျော်သက်များ

ကလေးများနှင့်  ဆယ်ကျော်သက်ကလေးများသည်  တစ်နေ့လျှင် ကိုယ်ကာယလှုပ်ရှားမှုကို မိနစ် 60 ခန့်  အနည်းဆုံး ပြုလုပ်ရန်  လိုအပ်သည်။  အများစုသည် အလယ်အလတ်အဆင့်  ပြင်းထန်မှုအတိုင်းအတာ ရှိသင့်သည်။ 

တစ်ပတ်လျှင် သုံးရက်ပြုလုပ်သည့်  ကိုယ်ကာယလှုပ်ရှားမှုသည်  မြင့်မားသော  ပြင်းထန်မှုအတိုင်းအတာရှိသင့်သည်။ 

အရွယ်ရောက်ပြီးသူများ

ပြင်းထန်မှု အလယ်အလတ်အဆင့်ရှိသည့် ကိုယ်ကာယလှုပ်ရှားမှုကို တစ်ပတ်လျှင် မိနစ်  150 ခန့် ပြုလုပ်ရန် သို့မဟုတ် ပြင်းထန်မှု  မြင့်မားသည့် ကိုယ်ကာယလှုပ်ရှားမှုကို တစ်ပတ်လျှင် မိနစ် 75 ခန့် ပြုလုပ်ရန် ကြိုးစားပါ။ 

သင့်အနေဖြင့် အပြင်းအထန် ကိုယ်လက်လှုပ်ရှားမှုများကို 10 မိနစ် သို့မဟုတ် အထက် ပြုလုပ်နိုင်ပါသည်။ ၎င်းသည် ထည့်တိုးဖြည့်စွက်ပေးမည်ဖြစ်သည်။ သင့်အနေဖြင့် ပို၍တက်တက်ကြွကြွရှိလေလေ ကျန်းမာရေး အကျိုးကျေးဇူးများ ပို၍ များလေလေ ဖြစ်သည်။ 

အနည်းဆုံးအားဖြင့် တစ်ပတ်လျှင် 2 ရက်ခန့် ထားပြီး  ကြွက်သားများ ခိုင်မာစေမည့် လှုပ်ရှားဆောင်ရွက်မှုများကို ပြုလုပ်ပေးပါ။ ၎င်းတို့သည် အဓိကကြွက်သားအုပ်စုများအားလုံးအတွက် လုပ်ဆောင်သင့်သည်။ ၎င်းတွင် အလေးများ သို့မဟုတ် ခန္ဓာကိုယ်အလေးချိန် အသုံးချခြင်းလေ့ကျင့်ခန်းများအသုံးပြုကာ ကိုယ်ခံအား လေ့ကျင့်မှုများပါဝင်ပါသည်။ ဟန်ချက်ထိန်းခြင်း နှင့် တည်ငြိမ်မှု အတွက် လေ့ကျင့်ခန်းများသည်  ပြုတ်ကျခြင်းမှ ကာကွယ်ခြင်းအတွက် အထောက်အကူပြုရာတွင် အရေးကြီးပါသည်။ 

လှုပ်ဆောင်မှုတစ်ခုခုသည် အခြားမည်သည့်အရာအတွက်မဆို ကောင်းမွန်ကြောင်း သတိပြုပါ။ သင်နှစ်သက်ကြောင်း ခံစားမိသည့်အရာများကို ရှာဖွေပါ။ သင် သည် သင်ပြုလုပ်နေရသည့်အရာကို နှစ်သက်ပါက ပို၍ တက်တက်ကြွကြွ ရှိနိုင်ခြေပိုများပါသည်။  

အရွယ်ရောက်သူများအနေဖြင့် အချိန်ကြာမြင့်စွာ ထိုင်ခြင်းကို ရှောင်ရှားသင့်ပါသည်။ စားပွဲခုံတွင် ထိုင်ရန် လိုအပ်သည့် အလုပ်ရှိပါက လှုပ်ရှားမှုပြုလုပ်စဉ် ခေတ္တခနကြာ အနားယူပါ။ 

အလယ်အလတ်အဆင့် နှင့် ပြင်းထန်မှုအဆင့်မြင့်မားသည့် ကိုယ်လက် လှုပ်ရှားမှု

ကျွန်ုပ်တွင် နာတာရှည် ကျန်းမာရေး အခြေအနေ သို့မဟုတ် မသန်စွမ်းမှုရှိပါက ဘာဖြစ်နိုင်သလဲ။

သင့် ကိုယ်လက်လှုပ်ရှားမှုကို  သင့် ကိုယ်လက်ကြံ့ခိုင်မှုနှင့် လုပ်ဆောင်နိုင်စွမ်းအဆင့်အတွက် ချိန်ညှိပြုလုပ်ပေးနိုင်သည်။ လိုင်စင်ရရှိထားသော/အသိအမှတ်ပြုခံထားရသော ပြန်လည်ထူထောင်ရေး  သို့မဟုတ် ကိုယ်လက်ကြံ့ခိုင်မှု ကျွမ်းကျင်ပညာရှင်သည် လှုပ်ရှားမှုစီမံချက်ကို  ဒီဇိုင်းရေးဆွဲရာတွင်  သင့်ကို အထောက်အကူပြုပေးနိုင်သည်။

တက်တက်ကြွကြွရှိခြင်း- ပြန်လည်ရှင်သန်လွတ်မြောက်လာသူများအတွက် အကြံပေးချက်များ

သင့်ဆရာဝန်နှင့် ဆွေးနွေးပြောဆိုပါ။ လေ့ကျင့်ခန်းအစီအစဉ်ကို မစတင်မီ သင့်ပင်မကျန်းမာရေးစောင့်ရှောက်မှု သမားတော်နှင့် ဆွေးနွေးပြောဆိုပါ။ မည်သည့် လေ့ကျင့်ခန်းများသည် သင့်အတွက် အကောင်းဆုံးဖြစ်နိုင်သည်ကို မေးမြန်းပါ။ လေ့ကျင့်ရေး အထူးကျွမ်းကျင်သူကို သင် တွေ့သင့်၊ မတွေ့သင့် အဖြေရှာပါ။

ဖြေးဖြေးစပါ။ ဖြေးဖြေးစတင်ခြင်းသည်  သင့်အတွက် ထိခိုက်ဒဏ်ရာရနိုင်သည့် အန္တရာယ်ကို လျော့နည်းစေပြီး သင့်အတွက် စိတ်ရှုပ်ထွေးလာခြင်းမှ ကာကွယ်ပေးပါသည်။ ပထမတွင် ရည်မှန်းချက် အငယ်စားများ ထားရှိပြီး တစိုက်မတ်မတ်လုပ်ဆောင်ပါ။ သင့်အတွက် အံဝင်ခွင်ကျဖြစ်လာသည့်အခါ ကိုယ်လက်လှုပ်ရှားမှုကို ပိုတိုး၍ပြုလုပ်ပါ။ 

သင်ပျော်ရွှင်သော လှုပ်ရှားမှုများကို ရှာဖွေပါ။ ပျော်စရာကောင်းလျှင် သင်သည် ထိုလှုပ်ရှားမှုကို  ပိုလုပ် ဖြစ်ပါလိမ့်မည်။ ကပါ၊ ပန်းခြံထဲ အလုပ်လုပ်ပါ၊ ခွေးနှင့် လမ်းလျှောက်ပါ၊ အားကစားပြုလုပ်ပါ။ ကိုယ်လက်လေ့ကျင့်ခန်းလုပ်သည့် မိတ်ဆွေကို ရှာပါ၊ ကိုယ်လက်လေ့ကျင့်ခန်းသင်တန်းတွင် ဝင်ရောက်ပါ၊ လမ်းလျှောက်စက်ဖြင့် လမ်းလျှောက်စဉ် တီဗီရှိုးကို ကြည့်ပါ၊ သို့မဟုတ်  သီချင်းနားထောင်ပါ။ သင့်အတွက် အကောင်းဆုံးကို ရှာဖွေပါ။

ကိုယ်လက်လှုပ်ရှားမှုများ မျိုးစုံပြုလုပ်ပါ။ လှုပ်ရှားဆောင်ရွက်မှုအမျိုးမျိုးကို ပြုလုပ်ခြင်းသည် ပျင်းရိငြီးငွေ့မှုနှင့် မလုပ်ချင်၊ မကိုင်ချင်သောစိတ်ကို လျော့နည်းစေသည်။ ၎င်းသည် ကိုယ်လက်ကြံ့ခိုင်မှုနယ်ပယ်အမျိုးမျိုးကို ရည်ရွယ်ပြီး အသုံးပြုမှုလွန်ကဲခြင်းကြောင့်ဖြစ်ရသော ထိခိုက်ဒဏ်ရာရနိုင်သည့် အန္တရာယ်ကို လျေ့ာနည်းစေသည်။ 

ပန်းတိုင်ထားပြီး သင့်တိုးတက်မှုကို စောင့်ကြည့်ပါ။ ကိုယ်လက်လှုပ်ရှားမှုအစီအစဉ်ကို ပြုလုပ်ပါ။ စိန်ခေါ်မှုရှိပြီး လက်တွေ့ကျကျ ရည်မှန်းချက်များကို ချမှတ်ပါ။ သင့်တိုးတက်ဖြစ်ထွန်းမှုကို မှတ်တမ်းတင်ထားပါ။ သင့်ရည်မှန်းချက်များကို  လိုအပ်သလို ပြောင်းလဲပါ။ လှုပ်ရှားမှု ဂျာနယ်များ၊ မိုဘိုင်းလ်အက်ပ်များနှင့် ဝတ်ဆင်နိုင်သော  စောင့်ကြည့်စက်များသည် ကိုယ်လက်လှုပ်ရှားမှုကို စောင့်ကြည့်ရန် နည်းလမ်းကောင်းများဖြစ်ကြသည်။

လိုင်စင်ရ ပြန်လည်ထူထောင်ရေးကုသသူ သို့မဟုတ် လက်မှတ်ရ ကြံ့ခိုင်မှု ကျွမ်းကျင်သူထံမှ အကူအညီရယူပါ။ ကိုယ်လက်လှုပ်ရှားမှု ကုထုံးပညာရှင် သို့မဟုတ် သင်တန်းဆင်းထားသည့် ကိုယ်လက်လေ့ကျင့်ခန်းဆိုင်ရာ ကျွမ်းကျင်ပညာရှင်သည်  သင့်အတွက် အထောက်အကူပြုပေးနိုင်သည်။ ဆေးကုသရေးအခြေအနေများနှင့်  ကိုယ်လက်လှုပ်ရှားမှု စိန်ခေါ်မှုများရှိသူများနှင့်  ပူးပေါင်းဆောင်ရွက်နေသော သင်တန်းနှင့်  အသိအမှတ်ပြုလက်မှတ်များရှိသည့် ကျွမ်းကျင်သူများကို ရှာဖွေပါ။ 

နောက်ထပ်အချက်အလက်များ ပိုမိုသိရှိနိုင်ရန် ရောဂါထိန်းချုပ်ရေးဗဟိုမှ ကိုယ်လက်လှုပ်ရှားမှုဆိုင်ရာ အခြေခံအချက်များကို ကြည့်ရှုပါ။

ကိုယ်လက်လှုပ်ရှားမှု အကြံပြုချက်များကို ပိုမိုသိရှိနိုင်စေရန် ကလေး၊ အရွယ်ရောက်ပြီးသူ၊ လူကြီးနှင့် ကိုယ်ဝန်ဆောင် သို့မဟုတ် နို့တိုက်မိခင်များအတွက် ကိုယ်လက်လှုပ်ရှားမှု အခြေခံများကို ကြည့်ပါ။