အဓိကအကြောင်းအရာ skip

ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

မိဘများအတွက် အထောက်အကူပြုကွန်ရက်များ

သင့်ကလေးတွင် ကင်ဆာရှိသောအခါ သင်နှင့်ဘဝတူ အခြားမိဘတစ်ဦးထက်ပို၍ သင့်ဘဝကို အခြားမည်သူမျှ ပိုမိုနားမလည်နိုင်ပေ။

ကလေးတွင် ကင်ဆာရောဂါရှာဖွေတွေ့ရှိသည့်အခါ ဖြစ်နိုင်သော စိတ်ပိုင်းဆိုင်ရာ၊ ရုပ်ပိုင်းဆိုင်ရာနှင့် ယုံကြည်ကိုးကွယ်မှုပိုင်းဆိုင်ရာ စိန်ခေါ်မှုများကို ကိုင်တွယ်ဖြေရှင်းရာတွင် ကင်ဆာရှိသည့်ကလေးများ၏ အခြားမိဘများနှင့်ဆက်သွယ်ခြင်းသည် အကောင်းဆုံးနည်းလမ်းတစ်ခုဖြစ်နိုင်သည်။ မိဘများသည် သီးခြားဖြစ်ခြင်းနှင့် အကူအညီမဲ့ခြင်းတို့ကို မကြာခဏ ခံစားရသည်။

မိဘများသည် ကင်ဆာဘာသာစကားအသစ်ကို လေ့လာခြင်း၊ နေ့စဉ်လုပ်ငန်းဆောင်တာများ ပြောင်းလဲခြင်းနှင့် တစ်ခါမျှမတွေးဖူးသော အလွန်အရေးကြီးသည့် ဆုံးဖြတ်ချက်များ ချမှတ်ခြင်းတို့ကို ရုတ်တရက်ချက်ချင်းဆိုသလို လုပ်ဆောင်ရသည်။ ပုံစံတူအခြေအနေမျိုး မဖြတ်ကျော်ဖူးသောသူများသည် စာနာနားလည်ကြောင်း ပြောဆိုသော်လည်း မိဘများ၏ အမှန်တကယ်ခံစားချက်ကို မသိရှိနိုင်ပေ။

“အခြားသူတွေက ကျွန်မတို့ရဲ့ ရုန်းကန်ရမှုတွေကို မနားလည်နိုင်ပါဘူး” ဟု အန်ဒရူး၏မိခင် ဟီသာက ပြောသည်။ "ရောက်လာလိမ့်မယ်လို့ထင်တဲ့ အချို့လူတွေ မိသားစုဝင်တွေတောင်မှ ရောက်မလာဘူး။ ဒါပေမဲ့ ကျွန်မရဲ့ အထောက်အကူပြုအဖွဲ့က လူတွေကတော့ ရောက်လာတယ်။ သူတို့တွေမှာ ပုံစံတူပြဿနာတွေရှိတာတောင်မှ မေတ္တာတရားနဲ့ နားလည်မှုကို အခြားလူတွေအတွက် မျှဝေနိုင်သေးတယ်။”

အထောက်အကူပြုအဖွဲ့ နှင့်/သို့မဟုတ် မိဘမှမိဘသို့ လမ်းညွှန်ဆရာအစီအစဉ်သို့ ပါဝင်ခြင်းသည် အခြားမိဘများနှင့် ဆက်သွယ်ရန် လုပ်ဆောင်သင့်သည့် နည်းလမ်းများဖြစ်သည်။

အထောက်အကူပြုအဖွဲ့ – အထောက်အကူပြုအဖွဲ့သည် လူပုဂ္ဂိုလ်ချင်း သို့မဟုတ် အွန်လိုင်းတွင် တွေ့ဆုံနိုင်သည်။ အချို့အဖွဲ့များကို ကျန်းမာရေးဆိုင်ရာ ကျွမ်းကျင်ပညာရှင်က ဦးဆောင်သည်။ အခြားအဖွဲ့များတွင် မိဘတစ်ဦးပါဝင်နိုင်သည်။

မိဘမှမိဘသို့ လမ်းညွှန်ဆရာအစီအစဉ် – ပုံမှန်အားဖြင့် ဤကဲ့သို့အစီအစဉ်သည် မကြာသေးမီက ရောဂါတွေ့ရှိထားသော မိဘများနှင့် ပိုမိုအတွေ့အကြုံရှိသော မိဘများကို တွဲပေးသည်။ ၎င်းတို့သည် ပုံမှန်အားဖြင့် တစ်ဦးချင်းတွေ့ဆုံသည်။

မိဘများလုပ်နိုင်သည်မှာ-

  • ခံစားချက်များအကြောင်း ပြောဆိုခြင်း
  • တစ်ဦးအကြောင်း တစ်ဦးလေ့လာခြင်း
  • အကြံဉာဏ် မျှဝေခြင်း
  • အချို့အခြေအနေများအား ကိုင်တွယ်ဖြေရှင်းပုံအကြောင်း စိတ်ကူးအသစ်များ ရယူခြင်း
  • ရင်းမြစ်များနှင့် သတင်းအချက်အလက်များ ရှာဖွေခြင်း

ကာတီး၏ မိခင်ဖြစ်သော ခရစ်တင်းအတွက်မူ မျှဝေရန်နှင့် နားထောင်ရန် အခွင့်အရေးသည် တန်ဖိုးဖြတ်မရပေ။

အခြားမိဘများနှင့် ဆက်သွယ်ခြင်းကြောင့် ရရှိသော အကျိုးကျေးဇူးများ

  • ဘဝတူများနှင့် စကားပြောဆိုခြင်းသည် လူတစ်ယောက်၏ ဘဝ အရည်အသွေးကို တိုးတက်စေနိုင်သည့် ကုထုံးနည်းတစ်ခုဖြစ်သည်။
  • မိဘများသည် အဖွဲ့အစည်းတစ်ခု၏ အစိတ်အပိုင်းဖြစ်သည်ဟု ခံစားရနိုင်ပြီး ပိုမိုအတွေ့အကြုံရှိသည့် မိခင်နှင့် ဖခင်များထံမှ အကြံပြုချက်နှင့် အကြံဉာဏ်များ ရရှိနိုင်သည်။
  • မိဘများသည် ခံစားနားလည်မပေးနိုင်သူများကို စိတ်အနှောင့်အယှက် ပေးစရာမလိုဘဲ စိတ်ခံစားမှုနှင့် အခက်အခဲများကို လွတ်လပ်စွာ မျှဝေနိုင်သည်။
  • အဖွဲ့အစည်းတစ်ခု၏ အစိတ်အပိုင်းဖြစ်ခြင်းသည် စိတ်ဖိစီးခြင်း၊ စိတ်ဓာတ်ကျခြင်းနှင့် စိုးရိမ်သောကတို့ကို လျော့နည်းစေနိုင်သည်။

အစီအစဉ်ရှာနည်း

မိဘများသည် အထောက်အကူပြုအဖွဲ့များနှင့် လမ်းညွှန်ဆရာအစီအစဉ်များကို နည်းလမ်းအမျိုးမျိုးဖြင့် ရှာဖွေနိုင်သည်-

  • အခြားမိဘများကို မေးမြန်းပါ – မိဘအများစုသည် ရင်းမြစ်များကို လိုလားစွာ ကူညီရှာဖွေပေးသည်။ ချိန်းဆိုမှုများနှင့် လုပ်ငန်းစဉ်အဆင့်ဆင့်အတွက် စောင့်ဆိုင်းနေစဉ် တွေ့ဆုံရသည့် လူများကို မေးမြန်းရန် အားမနာပါနှင့်။
  • ပြုစုစာင့်ရှောက်ရေးအဖွဲ့ကို မေးမြန်းပါ – ဆေးရုံ၌ အထောက်အကူပြုအဖွဲ့များနှင့် လမ်းညွှန်ဆရာအစီအစဉ်များ ရှိနိုင်သည်။ လူမှုအလုပ်သမားစိတ်ကျန်းမာရေး ဆရာဝန် နှင့်/သို့မဟုတ် ခရစ်ယန်ဂိုဏ်းသင်းအုပ် တို့တွင် အဖွဲ့အစည်းရှိ အဖွဲ့များနှင့်ပတ်သက်၍ အမည်နှင့် ဆက်သွယ်ရန်အချက်အလက်များ ရှိနိုင်သည်။
  • အွန်လိုင်း အထောက်အကူပြုအဖွဲ့များနှင့် လမ်းညွှန်ဆရာအစီအစဉ်များ – အချို့ ကင်ဆာနှင့်သက်ဆိုင်သော အသင်းအဖွဲ့များသည် မိဘအဖွဲ့များကို ကူညီထောက်ပံ့နိုင်သည်။ နာမည်ကောင်းရှိသော အသင်းအဖွဲ့တစ်ခုက ကူညီထောက်ပံ့ထားသော အဖွဲ့တစ်ဖွဲ့ကို ရှာတွေ့ပါက အကောင်းဆုံးဖြစ်သည်။ ကင်ဆာအကြောင်း သိနားလည်သောလူများသည် သတင်းအချက်အလက် အရည်အသွေးနှင့် ဆိုက်၏လုံခြုံရေးအတွက် ဆိုက် ကြီးကြပ်သူဖြစ်သင့်သည်။ နာမည်ကောင်းရှိသော ဆိုက်များမှာ-
  • လူမှုကွန်ရက် – Facebook ကဲ့သို့လူမှုကွန်ရက်တွင် ၀ - ၁၈ နှစ်အကြားဖြစ်သော ကလေးဘဝ ကင်ဆာလူနာများ၏ မိဘများအတွက် အဖွဲ့များရှိသည်၊ သို့သော် တာဝန်ရှိသော တစ်စုံတစ်ယောက်က ညှိနှိုင်းဆောင်ရွက်မှသာ ပါဝင်ပါ။ စောင့်ကြည့်ထိန်းသိမ်းသူ သတ်မှတ်မထားရှိပါက လူများသည် မမှန်ကန်သော သတင်းအချက်အလက်များကို မျှဝေနိုင်သည် သို့မဟုတ် မသင့်တော်သောအကြောင်းအရာများကို ပို့စ်တင်နိုင်သည်။ အလွန်အကျူး အပျက်သဘောဆောင်သော အဖွဲ့များကို ရှောင်ကြဉ်ပါ။
  • ဒေသတွင်းရှိ အကျိုးအမြတ်မယူသည့် အဖွဲ့အစည်းများ -- အချို့အဖွဲ့အစည်းများတွင် ကင်ဆာ သို့မဟုတ် ကလေးများ၏ ကျန်းမာရေးဆိုင်ရာ ပြဿနာများကို အဓိကအာရုံထားသော ကိုယ်ပိုင်အစီအစဉ်များရှိသည့် ဒေသတွင်း အသင်းအဖွဲ့များရှိသည်။

အထောက်အကူပြုအဖွဲ့များနှင့် လမ်းညွှန်ဆရာအစီအစဉ်များသည် ၀ - ၁၈ နှစ်အကြားဖြစ်သော ကလေးဘဝ ကင်ဆာကို အတူတူရင်ဆိုင်နေရသည့် မိဘများကို ခွန်အားဖြစ်စေရန် ကူညီနိုင်သည်။


ပြန်လည်ဆန်းစစ်ခဲ့သည့်အချိန်။ ၂၀၁၈ ခုနှစ် ဇွန်လ