ကျွန်ုပ်တို့ အကြောင်း

အတူတကွ by St. Jude™ အွန်လိုင်းရင်းမြစ်မှ မွေးကင်းစ ဘဝနှင့် ဆယ်ကျော်သက်အရွယ် ကင်ဆာ၊ သွေး ပုံမှန်မဖြစ်မှုများနှင့် အခြား ပြင်းထန်သော ကျန်းမာရေးအခြေအနေများကို ရင်ဆိုင်နေရသူများအတွက် ပြီးပြည့်စုံပြီး ယုံကြည်စိတ်ချရသော အချက်အလက်များကို ပေးပါသည်။ 

St. Jude Children’s Research Hospital မှ ထုတ်လုပ်သော အတူတကွ by St. Jude™ အွန်လိုင်းရင်းမြစ်မှ ပေးအပ်ထားသည်များမှာ-

• ဆေးဘက်ဆိုင်ရာ အခြေအနေများနှင့် ကုသမှုများအကြောင်း အချက်အလက် 
  
• မိသားစုများနှင့် လူနာများအတွက် အထောက်အပံ့ပေးသော စောင့်ရှောက်မှုဆိုင်ရာ အချက်အလက် 
  
• ကမ္ဘာတစ်ဝှမ်းရှိ လူနာများထံမှ မျှော်လင့်ချက်နှင့် ပျောက်ကင်းမှုဆိုင်ရာ မျှဝေထားသော ဇာတ်လမ်းများ
  

စောင့်ရှောက်မှု ခရီးစဉ် တစ်လျှောက်လုံးတွင် လူနာများနှင့် မိသားစုများနှင့်အတူ ကျွန်ုပ်တို့ လျှောက်လှမ်းပါသည်။ သင် ဘယ်နေရာမှာပဲ ရှိရှိ၊ ကျွန်ုပ်တို့သည် သင့်အား ပံ့ပိုးပေးလိုပြီး သင်လိုအပ်သော ကျန်းမာရေး အချက်အလက်များကို ပေးအပ်လိုပါသည်။

St. Jude ကို “ဘဝအစတွင် မည်သည့် ကလေးတစ်ဦးတစ်ယောက်မှ မသေဆုံးသင့်” ဟု ခံစားခဲ့ရသူ Danny Thomas မှ 1962 ခုနှစ်တွင် တည်ထောင်ခဲ့ပါသည်။ ထိုအချိန်မှစ၍ ကျွန်ုပ်တို့သည် ကင်ဆာနှင့် အခြားပြင်းထန်သောရောဂါများရှိသော ကလေးများနှင့် ဆယ်ကျော်သက်များအတွက် လူနာနှင့် မိသားစုဗဟိုပြု စောင့်ရှောက်မှုတွင် ကမ္ဘာလုံးဆိုင်ရာ ဦးဆောင်သူဖြစ်လာခဲ့သည်။

ကျွန်ုပ်တို့၏ ရည်ရွယ်ချက်

အတူတကွ by St. Jude™ အွန်လိုင်းရင်းမြစ်သည် MD၊ St. Jude ဥက္ကဋ္ဌနှင့် CEO ဖြစ်သူ James Downing မှ ဦးဆောင်သည့် ယနေ့ခေတ် ရည်မှန်းချက်၏ တစ်စိတ်တစ်ပိုင်းဖြစ်သည်။ ကျွန်ုပ်တို့၏ ရည်မှန်းချက်မှာ ကျွန်ုပ်တို့၏ အဖွဲ့အစည်းနှင့် မိတ်ဖက် ဆေးခန်းများအတွင်းသာမက အခြားနေရာများအထိပါ လက်လှမ်းမီနိုင်စေရန် ဖြစ်သည်။ ကျွန်ုပ်တို့သည် ကမ္ဘာတစ်ဝှမ်းရှိ မိသားစုများအတွက် ယုံကြည်စိတ်ချရသော၊ အထူးပြု ကျန်းမာရေးအချက်အလက်များကို ပေးအပ်ပါသည်။

ကျွန်ုပ်တို့၏ အဓိက မူဝါဒများ 

• ကျန်းမာရေး ဗဟုသုတ- မည်သည့်နေရာတွင် နေထိုင်သည်ဖြစ်စေ၊ စောင့်ရှောက်မှု ခံယူသည်ဖြစ်စေ၊ မခံယူသည်ဖြစ်စေ လူတိုင်းသည် ကျွန်ုပ်တို့၏ ကျန်းမာရေးဆိုင်ရာ အချက်အလက်၊ ဝန်ဆောင်မှုများနှင့် အရင်းအမြစ်များကို အလွယ်တကူ ဝင်ရောက်ကြည့်ရှု၊ နားလည်ပြီး အသုံးပြုနိုင်ကြောင်း သေချာစေရန်အတွက် ကျန်းမာရေး ဆက်သွယ်ရေးတွင် အကောင်းဆုံး လုပ်ဆောင်မှုများကို အသုံးပြုပါသည်။
• လူနာဗဟိုပြု ချဉ်းကပ်မှု- ကမ္ဘာတစ်ဝှမ်းရှိ လူနာများနှင့် မိသားစုများအတွက် ရုပ်ပိုင်းဆိုင်ရာ၊ ဝိညာဉ်ရေးရာ၊ စိတ်ခံစားမှုဆိုင်ရာနှင့် လက်တွေ့လို အပ်ချက်များအကြောင်း အချက်အလက်များကို ကျွန်ုပ်တို့ ပေးအပ်ပါသည်။ ကျွန်ုပ်တို့၏ ပညာရေးဆိုင်ရာ အရင်းအမြစ်များသည် သင့်ကလေး၏ စောင့်ရှောက်မှုတွင် သင်လုပ်ဆောင်လိုသော အခန်းကဏ္ဍကို ရယူရန် ကူညီပေးပါမည်။
  
• အထောက်အထားအပေါ် အခြေခံသည့် အလေ့အကျင့်- သိပ္ပံနည်းကျ လေ့လာမှုများနှင့် St. Jude ၏ ဆေးပညာ ကျွမ်းကျင်မှုမှ ဒေတာများအပေါ် အခြေခံ၍ ပြီးပြည့်စုံသော လက်ရှိအချက်အလက်များကို ပေးအပ်ထားပါသည်။
  
• လက်လှမ်းမီမှု- လူအားလုံး လိုအပ်သည့်အချိန်နှင့် လိုအပ်သည့် နေရာတွင် အချက်အလက်များကို ရယူနိုင်ရန် မတူညီသည့် နည်းလမ်းအမျိုးမျိုးကို အသုံးပြုထားပါသည်။ ဤအချက်အလက်များကို အွန်လိုင်း၊ ပုံနှိပ်ထုတ်ဝေမှု၊ ဗီဒီယိုများ၊ ပေါ့ဒ်ကတ်စ်များနှင့် လူမှုမီဒီယာများမှတစ်ဆင့် မျှဝေပါသည်။
  
• ထိရောက်မှု- ကျွန်ုပ်တို့၏ သတင်းအချက်အလက်များကို သင့်ကဲ့သို့သော လူနာများနှင့် မိသားစုများ၏ သင်ယူမှုဆိုင်ရာ လိုအပ်ချက်များနှင့် ကိုက်ညီကြောင်း သေချာအောင် လုပ်ဆောင်ပါသည်။
  
• ပညာရပ်ပေါင်းစုံ ပူးပေါင်းဆောင်ရွက်မှု- ကျွန်ုပ်တို့၏ လူနာပညာရေးနှင့် သတင်းအချက်အလက်များသည် တိကျမှန်ကန်ပြီး ကမ္ဘာတစ်ဝှမ်းရှိ လူများနှင့် ဆက်စပ်မှုရှိစေရန်အတွက် ကျွန်ုပ်တို့သည် မတူကွဲပြားသော အဖွဲ့တစ်ဖွဲ့နှင့် လက်တွဲလုပ်ဆောင်ပါသည်။ ကျွန်ုပ်တို့၏အဖွဲ့တွင် အကြံပေးများနှင့် ကျွမ်းကျင်သူများ၊ လူနာများ၊ မိသားစုဝင်များ၊ ကျန်းမာရေး စောင့်ရှောက်မှုပေးသူများနှင့် အခြားသူများ ပါဝင်ပါသည်။ 

ဆက်စပ် အကြောင်းအရာ