အဓိကအကြောင်းအရာ skip

ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

ရိုးတွင်းခြင်ဆီ ထုတ်ယူခြင်းနှင့် အသားစ စစ်ဆေးခြင်း

ရိုးတွင်းခြင်ဆီ စုပ်ယူခြင်း (တစ်ခါတစ်ရံတွင် ရိုးတွင်းခြင်ဆီစုပ်ထုတ်အရည်ဟုခေါ်သည်) နှင့် အသားစယူ၍ စစ်ဆေးခြင်းသည် လူနာ၏ရိုးတွင်းခြင်ဆီကို စစ်ဆေးရန် လုပ်ဆောင်သော စမ်းသပ်မှုများဖြစ်သည်။

ပုံသည် ရိုးတွင်းခြင်ဆီ (သွေးဆဲလ်များ ဖြစ်ပေါ်သည့် အရိုးများ၏ အတွင်းပိုင်း အသားစပျော့နေရာဟု အညွှန်းထိုးထားသည်) ကို ဖော်ပြထားသော အရိုးတခု၏ ကန့်လန့်ဖြတ်ပိုင်းဖြတ်ပြပုံ ဖြစ်သည်။ ညာဘက်ပုံသည် ပင်မသွေးဆဲလ်များမှ သွေးဖြူဥဆဲလ်များ၊ သွေးနီဥဆဲလ်များနှင့် သွေးဥမွှားများအဖြစ်သို့ တိုးတက်ခွဲထွက်သွားသော ပုံဖြစ်သည်။

ရိုးတွင်းခြင်ဆီသည် ခန္ဓာကိုယ်ရှိ အရိုးအများစု၏ အလယ်တွင်ရှိသော ပျော့ပျောင်းပြီးရေမြှုပ်သဖွယ်ရှိ သည့်အရာတစ်ခု ဖြစ်ကာ သွေးဆဲလ်ထုတ်စက်ရုံ တစ်ခုကဲ့သို့ အလုပ်လုပ်သည်။

ရိုးတွင်းခြင်ဆီဆိုသည်မှာ ခန္ဓာကိုယ်ရှိ အရိုးအများစု၏ အလယ်တွင်ရှိသော ပျော့ပျောင်းပြီး ရေမြှုပ်သဖွယ်ရှိ သည့်အရာတစ်ခု ဖြစ်ပါသည်။ ရိုးတွင်းခြင်ဆီသည် သွေးဆဲလ်ထုတ်စက်ရုံတစ်ခု ကဲ့သို့ အလုပ်လုပ်သည်။ ၎င်းသည် အခြားသွေးဆဲလ်များအားလုံး၏ ဇာစ်မြစ်ဖြစ်သည့် သွေးကိုဖြစ်ပေါ်စေသော (သွေးဖြစ်စေသော) ဆဲလ်များကို ပြုလုပ်သည်။ ၎င်းတို့သည် အရွယ်ရောက်လာသည့်ဆဲလ်များဖြစ်ကာ နောက်ဆုံးတွင် -

  • သွေးနီဥဆဲလ်များ (၎င်းတို့သည် အောက်ဆီဂျင်ကို သယ်ဆောင်သည်)
  • သွေးဥမွှားများ (၎င်းတို့သည် သွေးခဲခြင်းကို ကူညီပေးသည်)
  • သွေးဖြူဥဆဲလ်များ (၎င်းတို့သည် ရောဂါပိုးကူးစက်မှုကို တွန်းလှန်သည်)  ဖြစ်ပေါ်လာသည်

ကလေးကင်ဆာလူနာ၏ ရိုးတွင်းခြင်ဆီကို စုပ်ယူခြင်းနှင့် အသားစထုတ်ယူစစ်ဆေးခြင်းကို လုပ်ဆောင်ရသည့်အကြောင်းရင်းမှာ-

  • ရိုးတွင်းခြင်ဆီသည် တချို့သောသွေးဆဲလ်များကို လုံလောက်စွာ ထုတ်လုပ်နေခြင်း ရှိ၊ မရှိ သိရှိရန်
  • ကလေးတွင်ဖြစ်ပွားသော သွေးကင်ဆာနှင့် ပြန်ရည်အိတ်ကင်ဆာကဲ့သို့ သွေးကင်ဆာများကို ရောဂါရှာဖွေရန်
  • ကင်ဆာများသည် အခြားခန္ဓာကိုယ်အစိတ်အပိုင်းများမှ ရိုးတွင်းခြင်ဆီသို့ ပျံ့နှံ့ခြင်းရှိ၊ မရှိ ဆုံးဖြတ်ရန်
  • ရိုးတွင်းခြင်ဆီသည် ကုသမှုများကို တုံ့ပြန်ခြင်းရှိ၊ မရှိ သိရှိရန်
  • ရိုးတွင်းခြင်ဆီသို့ ရောဂါပိုးကူးစက်မှုများ ရှိ၊ မရှိ ရှာဖွေရန်တို့ ဖြစ်သည်။

ရိုးတွင်းခြင်ဆီ စမ်းသပ်မှုများ လုပ်ဆောင်ပုံ

လူနာအများစုသည် ရိုးတွင်းခြင်ဆီ စုပ်ယူမှုနှင့် အသားစထုတ်ယူစစ်ဆေးမှုကို တစ်ပြိုင်နက်တည်း လုပ်ဆောင်ရလေ့ရှိသည်။ တစ်ခါတစ်ရံတွင် လူနာများသည် ရိုးတွင်းခြင်ဆီ စုပ်ယူမှု တစ်ခုကိုသာ လုပ်ဆောင်သည်။

ရိုးတွင်းခြင်ဆီတွင် အရည်အပိုင်း နှင့် ပိုသိပ်သည်းသောအစိုင်အခဲအပိုင်း ဟူ၍ ရှိသည်။ စုပ်ထုတ်ခြင်းလုပ်ဆောင်စဥ်အတွင်းတွင် အရည်အပိုင်းကို စုပ်၍ဖယ်ယူသည်။ အသားစထုတ်မှုလုပ်ဆောင်စဥ်အတွင်းတွင် အစိုင်အခဲအပိုင်းမှ အသားစ ကိုဖယ်ယူသည်။

ရိုးတွင်းခြင်ဆီ စမ်းသပ်မှုများအတွက် ပြင်ဆင်ခြင်း

ကလေးအများစုကို ထိုလုပ်ထုံးလုပ်နည်း လုပ်ဆောင်နေစဉ် စိတ်ငြိမ်ဆေးပေးပြီး အိပ်ပျော်စေရန် ပြုလုပ်ထားသည်။ လူနာများအား စိတ်ငြိမ်ဆေးပေးရာတွင် သူတို့သည် စမ်းသပ်မှုမလုပ်ဆောင်မီ အစားစားခြင်းနှင့် အရည်သောက်ခြင်းဆိုင်ရာ စည်းမျဉ်းများကို လိုက်နာရမည်။ အကယ်၍ လူနာများသည် အစားအစာနှင့် သောက်ဖွယ်ရာအရည် ဆိုင်ရာ စည်းမျဉ်းများကို မလိုက်နာလျင် ထိုလုပ်ထုံးလုပ်နည်း ပြုလုပ်ခြင်းကို ရွှေ့ဆိုင်းရပါမည်။

ကလေးတွင် ပင်မသွေးပြန်ကြောပိုက် သို့မဟုတ် ဝင်ထွက်ပေါက်ပိုက် မရှိပါက သူ သို့မဟုတ် သူမအား စိတ်ငြိမ်ဆေးကို သွေးပြန်ကြောပိုက်တစ်ခုမှတစ်ဆင့် ထိုးသွင်းမည်ဖြစ်သည်။

ရိုးတွင်းခြင်ဆီကို စုပ်ယူခြင်း

ထိုလုပ်ထုံးလုပ်နည်း ကို ဆရာဝန်၊ အဆင့်မြင့်သူနာပြု သို့မဟုတ် ဆရာဝန်၏လက်ထောက် က ပြုလုပ်ပါသည်။ ရိုးတွင်းခြင်ဆီ နမူနာအနည်းငယ်ကို ဆေးထိုးပြွန်တွင် တပ်ဆင်ထားသည့် အခေါင်းပေါက်ပါသော အပ်အပါးတစ်ခုကိုသုံး၍ ထုတ်ယူပါသည်။

  • ပုံမှန်အားဖြင့် လူနာ၏ တင်ပဆုံ့ရိုး မှ ရိုးတွင်းခြင်ဆီနမူနာကို ထုတ်ယူလေ့ရှိသည်။
  • ရိုးတွင်းခြင်ဆီ စုပ်ယူမည့် နေရာပေါ်ကို ထုံဆေး အနှစ်သုတ်လိမ်း၍ဖြစ်စေ၊ ထုံဆေးအရည်ကို ထိုး၍ဖြစ်စေ ထုံအောင် လုပ်ပေးနိုင်သည်။
  • လူနာများသည် ပုံမှန်အားဖြင့် ဘေးတစောင်း လှဲနေရသည်။
  • လုပ်ဆောင်နေသူသည် စမ်းသပ်မှုအတွက် နေရာမှန်ကိုတွေ့ရှိရန် လူနာ၏ ကျောအောက်ပိုင်းကို ထိကိုင်မည်ဖြစ်သည်။
  • ထိုနေရာကို ပိုးသတ်ဆေးရည်ဖြင့် သန့်ရှင်းရေးလုပ်ပါမည်။ ထိုအရည်ကို အေးသည်ဟု ခံစားရပါမည်။ ထို့နောက် ကျန်းမာရေး စောင့်ရှောက်မှုအထောက်အကူပေးသူ က ပလတ်စတစ်တဘက်ကို ကျောပေါ်တွင် ဖုံးလိုက်ပြီး အရေပြားနေရာ အနည်းငယ်တစ်နေရာ ကိုသာဖော်ထားပါမည်။
  • ထိုအထောက်အကူပေးသူသည် ဆေးထိုးပြွန်နှင့် ချိတ်ထားသော အပ်ကို ထိုးသွင်းပါမည်။ လူနာသည် နိုးနေသေးပါက ခပ်ပြင်းပြင်းတွန်းအားအချို့ ကို ခံစားရမည်ဖြစ်သည်။
  • ထိုအထောက်အကူပေးသူသည် အရည်ခြင်ဆီ (၎င်းသည် သွေးနှင့်တူသည်) အချို့ကို ဆေးထိုးပြွန်ထဲသို့စုပ်ယူပါမည်။ လူနာသည် နိုးနေပါက ဖြတ်ကနဲ ခပ်စူးစူး နာကျင်မှု ခဏတာ ခံစားရနိုင်သည်။
  • အကယ်၍ရိုးတွင်းခြင်ဆီ နမူနာများ ပိုမိုလိုအပ်ပါက လုပ်ဆောင်ပေးနေသူသည် ဆေးထိုးပြွန်တစ်ခုထက်မကသုံးပြီး ချိတ်ဆက်ယူသည်မှာ ပုံမှန်ဖြစ်ပါသည်။ လူနာ၏ခန္ဓာကိုယ်သည် ထုတ်ယူလိုက်သော အရည်ပမာဏအနည်းငယ်ကို လျင်မြန်စွာ အစားထိုးမည်ဖြစ်သည်။
  • ကျန်းမာရေး စောင့်ရှောက်မှုအထောက်အကူပေးသူသည် အပ်ကိုထုတ်ပြီးနောက် ထိုနေရာကို သန့်ရှင်းရေးလုပ်ကာ ပတ်တီးဖြင့်အုပ်ပေးပါမည်။
လူနာသည် ရိုးတွင်းခြင်ဆီ စုပ်ယူမှုအတွက် အပ်ကို တင်ပဆုံရိုးထဲသို့ ထိုးသွင်းခံထားလျက် ဘေးတစောင်း လှဲနေသည်။

လူနာများသည် ပုံမှန်အားဖြင့် ဘေးတစောင်းလှဲနေရပြီး စစ်ဆေးမည့်ပစ္စည်းနမူနာကို ပုံမှန်အားဖြင့် လူနာ၏တင်ပဆုံရိုးမှ ထုတ်ယူသည်။

ပုံတွင် ရိုးတွင်းခြင်ဆီ နမူနာကိုရယူရန် အသားစယူသည့်အပ်တစ်ခုအား အရေပြားမှတဆင့်ဖြတ်၍ အရိုးထဲသို့ ထိုးသွင်းထားသည့်ပုံကို ပြသထားသည်

ဆေးထိုးပြွန်တွင် တပ်ဆင်ထားသည့် အခေါင်းပေါက်ပါသော အပ်အပါးကိုသုံး၍ ရိုးတွင်းခြင်ဆီ နမူနာအနည်းငယ်ကို ထုတ်ယူပါသည်။

ရိုးတွင်းခြင်ဆီ အသားစထုတ်ယူ စစ်ဆေးခြင်း

  • ရိုးတွင်းခြင်ဆီ စုပ်ယူခြင်းနှင့် အသားစထုတ်ယူ စစ်ဆေးခြင်း နှစ်ခုစလုံးကို လုပ်ဆောင်ပါက လုပ်ထုံးလုပ်နည်းတစ်ခုစီအတွက် သီးခြားအပ်တစ်ချောင်းစီကို အသုံးပြုပါမည်။
  • အသားစထုတ်ယူ စစ်ဆေးခြင်းအတွက် အရိုးအပိုင်းစအနည်းငယ်နှင်း အနားကပ်ရှိနေသောခြင်ဆီ တို့ကိုဖယ်ယူရန် အထောက်အကူပေးသူသည်  ပိုကြီးသောအပ်တစ်ခုကို ထိုတစ်နေရာတည်းသို့ပင် ထိုးသွင်းသည်။
  • ရိုးတွင်းခြင်ဆီကို မစုပ်ယူခင်ဖြစ်စေ၊ စုပ်ယူပြီးချိန်တွင်ဖြစ်စေ အသားစထုတ်ယူ စစ်ဆေးခြင်းကို လုပ်ဆောင်ပါသည်။

နှစ်မျိုးစလုံးအတွက် စုစုပေါင်းကြာချိန်မှာ မိနစ် ၃၀ ခန့်ဖြစ်သည်။

---
ပြန်လည်သုံးသပ်ခဲ့သည့်ရက်စွဲ- ဇွန်လ 2018