ကလေးကင်ဆာရောဂါလူနာများရှိ သွေးအဆိပ်တက်ခြင်း

သွေးအဆိပ်တက်ခြင်းဆိုတာ ဘာပါလဲ။

သွေးအဆိပ်တက်ခြင်းသည် ခန္ဓာကိုယ်တွင် ကူးစက်မှုအတွက် ပြင်းထန်သော တုံ့ပြန်မှုရှိချိန်တွင် ဖြစ်ပေါ်နိုင်သော အရေးကြီးသည့် အခြေအနေဖြစ်ပါသည်။ ကူးစက်မှုသည် ဘက်တီးရီးယား၊ ဗိုင်းရပ်စ်များ၊ မှို၊ သို့မဟုတ် ကပ်ပါးကောင်များကြောင့် ဖြစ်ပွားနိုင်ပါသည်။

သွေးအဆိပ်တက်ခြင်း သည် အမြန်ရောဂါခွဲခြားစစ်ဆေးမှုနှင့် ကုသမှု လိုအပ်သော ဆေးဘက်ဆိုင်ရာ အရေးပေါ်အခြေအနေ ဖြစ်ပါသည်။ သွေးအဆိပ်တက်ခြင်းသည် ခန္ဓာကိုယ် အစိတ်အပိုင်း များထံ သွေးစီးဆင်းမှုကို အားနည်း စေနိုင်ပါသည်။ ၎င်း သည် ကိုယ်အင်္ဂါအစိတ်အပိုင်းများထံ အောက်စီဂျင်နှင့် အာဟာရ ပေးပို့မှုကို လျော့ကျစေနိုင်ပြီး ကိုယ်အင်္ဂါအစိတ်အပိုင်းများထံမှ စွန့်ပစ်သည့်ပစ္စည်း ဖယ်ရှားမှုကို နှေးကွေးစေနိုင်ပါသည်၊ အားနည်းသော သွေးစီးဆင်းမှုသည် တစ်ရှူးပျက်စီးမှု၊ ကိုယ်အင်္ဂါအစိတ်ပိုင်း ချို့ယွင်းမှု၊ သွေးအဆိပ်တက်ခြင်းကြောင့် ရှော့ခ်ဖြစ်ခြင်းနှင့် သေဆုံးခြင်းတို့ကို  ဖြစ်စေနိုင်ပါသည်။

သွေးအဆိပ်တက်ခြင်းကြောင့် ရှော့ခ်ဖြစ်ခြင်းဆိုတာ ဘာပါလဲ။

သွေးအဆိပ်တက်ခြင်း သည် ပိုဆိုးလာနိုင်ကာ ပြင်းထန်သော သွေးအဆိပ်တက်ခြင်းကို ဖြစ်ပေါ်စေနိုင်ပါ သည်။ ကုသခြင်း မရှိ သည့်အခါ၊ ၎င်းသည် သွေးအဆိပ်တက်ခြင်းကြောင့် ရှော့ခ်ဖြစ်ခြင်းထံ ဦးတည်စေနိုင်ပါသည်။ ၎င်းသည် အန္တရာယ်ရှိသော သွေးပေါင်ချိန် ကျဆင်းမှုနှင့် ကိုယ်အင်္ဂါ အစိတ်အပိုင်းများ သေဆုံးသွားနိုင်စေသည့် ကိုယ်အင်္ဂါ အစိတ်အပိုင်းများထံ အားနည်းသော သွေးစီးဆင်းမှုကို ဖြစ်စေနိုင်သည့် ပြင်းထန်သောအခြေအနေ ဖြစ်ပါသည်။

သွေးအဆိပ်တက်ခြင်းက ဘာဖြစ်လို့ အရေးကြီးတဲ့ အခြေအနေ  ဖြစ်ရတာပါလဲ။

နှစ်စဉ် ယူအက်စ်တွင်၊ ကလေးငယ်ပေါင်း 75,000 တွင် သွေးအဆိပ်တက်ခြင်း ဖြစ်ပေါ်လာကာ 7,000 ခန့် သေဆုံးကြပါသည်။ ကမ္ဘာ့ကျန်းမာရေးအဖွဲ့အစည်း၏ အဆိုအရ ကမ္ဘာတစ်ဝှမ်းတွင်၊ တစ်နှစ်လျှင် ကလေးပေါင်း 20 မီလီယံခန့်တွင် သွေးအဆိပ်တက်ခြင်းဖြစ်ပွားကာ အသက် 5 နှစ်အောက်ကလေးများတွင် 2.9 မီလီယံခန့်သည် သေဆုံးကြပါသည်။

အသက်ရှင်ကျန်သူများတွင်ပင် ကာလရှည် မသန်စွမ်းမှု သို့မဟုတ် ကိုယ်အင်္ဂါအစိတ်အပိုင်း ပြဿနာများ ရှိနိုင်ပါသည်။ ကုသရန်နှောင့်နှေးမှုသည် သေဆုံးမှုနှင့် မသန်စွမ်းမှု အန္တရာယ်ကို မြင့်တက်စေနိုင်ပါသည်။ သွေးအဆိပ်တက်ခြင်းကြောင့် သေဆုံးနိုင်သည့်အခွင့်အလမ်းသည် ကုသရန် တစ်နာရီနောက်ကျတိုင်း 8% တိုးလာပါသည်။

သွေးအဆိပ်တက်ခြင်းသည် ပိုဆိုးလာနိုင်ကာ ပြင်းထန်သော သွေးအဆိပ်တက်ခြင်း ဖြစ်သွားနိုင်ပါသည်။ ကုသခြင်းမရှိသည့်အခါ၊ ၎င်းသည် သွေးအဆိပ်တက်ခြင်းကြောင့် ရှော့ဖြစ်ခြင်းထံ ဦးတည်နိုင်ပါသည်။ ၎င်းသည် အန္တရာယ်ရှိသော သွေးပေါင်ကျခြင်းနှင့် ကိုယ်အင်္ဂါအစိတ်အပိုင်းများ သေဆုံးသွားနိုင်စေသည့် ကိုယ်အင်္ဂါအစိတ်အပိုင်းများထံ အားနည်းသော သွေးစီးဆင်းမှုကို ဖြစ်စေနိုင်သည့် ပြင်းထန်သောအခြေအနေ ဖြစ်ပါသည်။ 

သွေးအဆိပ်တက်ခြင်း သည် မည်သူ့တွင် ဖြစ်နိုင်ချေရှိသနည်း။

အချို့သောလူများသည် သွေးအဆိပ်တက်ခြင်း ဖြစ်နိုင်ချေ မြင့်မားသည်။ ဖြစ်ပွားနိုင်ချေရှိသော အကြောင်းအရင်းခံများတွင် အောက်ဖော်ပြပါတို့ ပါဝင်သည်-

• ကိုယ်ခံအားစနစ်အားနည်းခြင်း
• ပိုးဝင်ခြင်း သို့မဟုတ် အနာစိမ်း
• လတ်တလော ခွဲစိပ်မှု, ဓာတုကုထုံး၊ သို့မဟုတ် ဓာတ်ရောင်ခြည်ကုထုံး
•   IV, ဗဟိုလိုင်း သို့မဟုတ် အပေါက်ကဲ့သို့သော ဆေးကုသမှု ကိရိယာအချို့
• သရက်ရွက် မရှိခြင်း သို့မဟုတ် ကောင်းကောင်းအလုပ်မလုပ်ခြင်း
• တံစဉ်ပုံသွေးနီဆဲလ်ရောဂါ
• ကိုယ်ခံအား စနစ်ကို အားနည်းစေသော ဆေးဝါးများ

သွေးအဆိပ်တက်ခြင်းကို မည်ကဲ့သို့ စစ်ဆေးတွေ့ရှိနိုင်သနည်း။

ဆေးဘက်ဆိုင်ရာ စစ်ဆေးမှု ပြုလုပ်ပြီးနောက် သင့်ကလေး သည် သွေးအဆိပ်တက်ခြင်း ရှိ၊ မရှိ ရှာဖွေရန် စစ်ဆေးမှုများ ပြုလုပ်ရမည်ဖြစ်သည်။ ဒီမှာပါဝင်တာတွေကတော့-

• သွေး၊ ဆီး၊ ကျောရိုးအရည်ကြည် သို့မဟုတ် သင့်ရင်သွေး၏ အူမကြီးလှုပ်ရှားမှု နမူနာများကိုစစ်ဆေးမှုများ 
• ရင်ခေါင်းပိုင်း ဓာတ်မှန်

သွေးအဆိပ်တက်ခြင်း ကို မည်ကဲ့သို့ ကုသပျောက်ကင်းနိုင်သနည်း။

သွေးအဆိပ်တက်ခြင်းအား ကုသနည်းသည် ဖြစ်ပွားရသည့် အကြောင်းအရင်းပေါ် မူတည်ပါသည်။ ဘက်တီးရီးယားသည် ဖြစ်ပွားစေမှုအမြင့်ဆုံး အကြောင်းအရင်းဖြစ်သော်လည်း ထိုတစ်ခုတည်း မဟုတ်ပါ။ ပဋိဇီဝဆေးဝါးများသည် ဘက်တီးရီးယားကြောင့် ပိုးဝင်ခြင်းများကို ကုသနိုင်သည်။ သွေးအဆိပ်တက်ခြင်းကို ဖြစ်ပွားစေသည့် အကြောင်းအရင်းကို ဖော်ပြသော  စစ်ဆေးမှု ရလဒ်များ ထွက်ရှိသည်အထိ သင့်ကလေးသည် ပဋိဇီဝဆေးဝါးများကို မှီဝဲရမည်ဖြစ်သည်။ ဘက်တီးရီးယား သည် ဖြစ်ပွားရသည့် အကြောင်းအရင်းဖြစ်ပါက ဆရာဝန်သည် သင့်ကလေး မည်မျှကြာကြာ ပဋိဇီဝဆေးဝါးမှီဝဲရမည်ကို ညွှန်ကြားမည်ဖြစ်သည်။ သွေးနှင့် ခန္ဓာကိုယ်အရည်များ တစ်ရှူးနှင့် ကိုယ်အင်္ဂါအစိတ်အပိုင်းများဆီသို့ စီးဆင်းစေရန်အတွက် သင့်ကလေးသည် အရည်များကိုလည်း မှီဝဲရမည်ဖြစ်သည်။  

သွေးအဆိပ်တက်ခြင်းအတွက် အခြားသော ကုသနည်းများ တွင် အောက်ဖော်ပြပါတို့ ပါဝင်သည်-

• အက်ဆီတာမီနိုဖမ်း (တိုင်လီနော) ကဲ့သို့သော အဖျားပျောက်ဆေး
• နှာခေါင်း ၌ တပ်ဆင်ရသည့် နှာခေါင်းစည်း သို့မဟုတ် ပြွန်ငယ်များဖြင့် အောက်ဆီဂျင်ပေးခြင်း
• နှလုံးစောင့်ကြည့်စစ်ဆေးစက် တပ်ဆင်ထားရန် လိုအပ်နိုင်သည်

ကင်ဆာလူနာများတွင် သွေးအဆိပ်တက်ခြင်း ကို ကာကွယ် နိုင်ပါသလား။

သွေးအဆိပ်တက်ခြင်းကို ကာကွယ်ရန် အကောင်းဆုံးနည်းလမ်းမှာ ပိုးဝင်ခြင်းများကို စောစောစီးစီး စစ်ဆေးဖော်ထုတ်ပြီး ကုသရန် ဖြစ်ပါသည်။ ပိုးဝင်ခြင်းမှ ကာကွယ်ရန်နှင့် သွေးအဆိပ်တက်ခြင်း ဖြစ်နိုင်ချေနည်းစေရန်အတွက်-

• လက်များကို မကြာခဏ ဆေးကြောပါ
• နေ့စဉ် ရေချိုးပြီး သွားတိုက်ပါ
• နှာခေါင်းစည်း ကို ညွှန်ကြားထားသည့်အတိုင်း ဝတ်ဆင်ပါ
• ဒဏ်ရာအနာတရများကို သန့်ရှင်းအောင်ထားပါ
• အစိုပြန်နေသော သို့မဟုတ် ညစ်ပတ်နေသော ဆေးပတ်တီးများကို လဲလှယ်ပါ
• လူစုလူဝေးများ ကို ရှောင်ရှားပြီး နာမကျန်းဖြစ်နေသူများကို ဝေးဝေးရှောင်ပါ
• မျက်နှာပြင်များကို သန့်ရှင်းရေးလုပ်ပြီး ပိုးသတ်ပါ
• အကြံပြုထားသော ကာကွယ်ဆေးများကို ထိုးနှံပါ
• ဗဟိုလိုင်းများနှင့် အပေါက်များ ကဲ့သို့သော ပင်မသွေးပြန်ကြော ပိုက်ငယ်များ ကို ကောင်းစွာ ဂရုစိုက်ပါ

သင့်ကလေးတွင် ပိုးဝင်နေသည့် လက္ခဏာများ တွေ့ရှိပါက သင့်ဆရာဝန်ကို ချက်ချင်းခေါ်ပါ။