ကင်ဆာရှိသော ကလေးအတွက် ဓာတ်မှန်

X Ray ရောင်ခြည်ဓာတ်မှန်ဆိုတာဘာလဲ။

ဓာတ်မှန်သည် ခန္ဓာကိုယ်အတွင်း ဖွဲစည်းပုံ ပုံရိပ်ကို ပြုလုပ်ရန် ဓာတ်ရောင်ခြည်ပမာဏ အနည်းငယ်ကို အသုံးပြုသော စမ်းသပ်မှုဖြစ်ပါသည်။

X-Ray ရောင်ခြည်ဓာတ်မှန်များက ထုတ်လုပ်လိုက်သော ပုံရိပ်များသည် ခန္ဓကိုယ်၏ အစိတ်အပိုင်းအမျိုးမျိုးကို အဖြူအမဲ အရိပ်အမျိုးမျိုးတွင် တစ်ရှုးတစ်ခုက ဓာတ်ရောင်ခြည်ကို မည်မျှ စုပ်ယူသည့်အပေါ်မူတည်ပြီး ပြသသည်။ အရိုးထဲရှိ ကယ်လ်စီယမ်က X-ray ရောင်ခြည်ဓာတ်မှန်များကို စုပ်ယူမှုအများဆုံးဖြစ်သဖြင့် အရိုးများသည် အဖြူရောင်ပေါ်ပါသည်။ အဆီနှင့် အခြားတစ်ရှူးများသည် ပို၍နည်းပါးစွာ စုပ်ယူသဖြင့် ၎င်းတို့သည် မီးခိုးရောင်ပေါ်သည်။ လေသည် အနည်းဆုံးသာ စုပ်ယူသဖြင့် အဆုတ်များသည် အနက်ရောင်ပေါ်သည်။

X-ray ရောင်ခြည်ဓာတ်မှန်များသည် မည်သို့လုပ်ဆောင်သနည်း။

X-ray ဓာတ်မှန်များက ထုတ်လုပ်လိုက်သော ပုံရိပ်များသည် ခန္ဓကိုယ်၏ အစိတ်အပိုင်းအမျိုးမျိုးကို အဖြူအမဲ အရိပ်အမျိုးမျိုးဖြင့် ပြသသည်။ အရောင်သည် တစ်ရှူးက စုပ်ယူသည့် ရေဒီယိုဓာတ်ရောင်ခြည်ပမဏ ပမာဏအပေါ် မူတည်သည်။ 

• အရိုးထဲရှိ ကယ်လ်စီယမ်က  X-ray ရောင်ခြည်ဓာတ်ရောင်ခြည်ကို စုပ်ယူမှုအများဆုံးဖြစ်သည်။ ၎င်းက အဖြူရောင်ရှိသည့် အရိုးကို ဆိုလိုသည်။ 
• အဆီနှင့် အခြားသော တစ်ရှူးပျော့များသည် စုပ်ယူမှုနည်းသဖြင့် မီးခိုးရောင်ပေါ်သည်။ 
• လေသည် အနည်းဆုံးကိုသာ စုပ်ယူသည်။ ထို့ကြောင့် အဆုတ်သည် အနက်ရောင်ပေါ်သည်။

X-ray ရောင်ခြည်ဓာတ်မှန်များသည် ဘေးကင်းပါသလား။

လူများသည် ပတ်ဝန်းကျင်တွင် နေ့စဉ်နေ့တိုင်း ရေဒီယိုဓာတ်ရောင်ခြည်နှင့် ထိတွေ့နေကြပါသည်။ X-ray ရောင်ခြည်ဓာတ်မှန်ရိုက်စဉ် ပေးသည့် ရေဒီယိုဓာတ်ရောင်ခြည်ပမာဏသည် အလွန်နည်းပါးသည်။ X-ray ရောင်ခြည်ဓာတ်မှန်များ၏ ဆေးဘက်ဆိုင်ရာ ကောင်းကျိုးများသည် ဓာတ်ရောင်ခြည်ထိတွေ့မှုကြောင့်ဖြစ်ရသည့် ဆိုးကျိုးထက် ပိုအားသာသည်။ 

X-ray ရောင်ခြည်ဓာတ်မှန်များကို ကလေးသူငယ်ကင်ဆာ စောင့်ရှောက်မှုတွင် မည်သို့ အသုံးပြုသနည်း။

X-ray ရောင်ခြည်ဓာတ်မှန်များကို ရောဂါ ရှာဖွေသည့် ပုံရိပ်ဖော်စစ်ဆေးခြင်းများကို အကဲဖြတ်ရန် အထူးလေ့ကျင့်ပေးထားသော  ဓာတ်မှန်ကျွမ်းကျင်သူဆရာဝန်များက  ပြန်လည် ဆန်းစစ်ပြီး ခွဲခြမ်းစိတ်ဖြာသည်။

ရောဂါအမျိုးအစား

X-ray ရောင်ခြည်ဓာတ်မှန်များသည် အောက်ပါတို့ကို ပြသပေးနိုင်သည်-

• ကင်ဆာဖြစ်ကြောင်း အထောက်အထား
• ရောဂါပိုးဝင်ခြင်း
• အရိုးကျိုးပဲ့မှုများ
• ပုံမမှန်ဖြစ်မှုများ

ကနဦး ကင်ဆာ၏ ရုပ်ပုံကို ရိုက်ယူရန်အတွက် ရောဂါရှာဖွေစစ်ဆေးမှုအတွင်း ၎င်းတို့ကို အသုံးပြုသည်။ ဆရာဝန်များသည် ထိုရုပ်ပုံများကို အခြေခံစည်းအဖြစ် အသုံးပြုနိုင်သည်။ ၎င်းသည် ကုသမှုအပေါ် သင့်ကလေးက မည်သို့ တုံ့ပြန်ဆောင်ရွက်ပုံကို တိုင်းတာရာတွင် အထောက်အကူပြုသည်။

ကုသမှု 

X-ray ရောင်ခြည်ဓာတ်မှန်များကို ကင်ဆာကုသမှုတွင် ကလေး၏ တုံ့ပြန်မှုကို စောင့်ကြည့်လေ့လာရန် အတွက် အသုံးပြုနိုင်သည်။ ၎င်းတို့သည် ကုထုံးအတွင်း ပေါ်ပေါက်လာနိုင်သည့် ပြဿနာများကိုလည်း ခွဲခြားသတ်မှတ်ပေးနိုင်သည်။

ကုသမှု ပြီးဆုံးပြီးနောက်

သင့်ကလေးသည် ကုသမှုပြုလုပ်ပြီးသည့်အခါ ကင်ဆာသည် ဆက်လက်လျော့ကျသွားခြင်းရှိ၊မရှိ စစ်ဆေးရန်အတွက် ကလေးများသည် X-ray ရောင်ခြည်ဓာတ်မှန်ရိုက်ကူးခံရနိုင်သည်။

နှစ်ရှည် အသက်ရှင်သူ

ကင်ဆာမှ လွတ်မြောက်ရှင်သန်လာသူများသည် အခြား ကင်ဆာများနှင့် ကျန်းမာရေး ပြဿနာများ ပေါ်ပေါက်လာနိုင်သည့် အန္တရာယ်ရှိသည်။ ၎င်းတို့သည် X-ray ရောင်ခြည်ဓာတ်မှန်များရိုက်ကူးခြင်းအပါအဝင် ၎င်းတို့ကျန်းမာရေးကို စောင့်ကြည့်လေ့လာရန်အတွက် ပုံမှန်စစ်ဆေးရှာဖွေရေး ပုံရိပ်ဖော်စကန်ရိုက်ကူးမှုများ ပြုလုပ်ရနိုင်သည်။ 

ပုံမှန်စကန်များသည် ကုသ၍ပိုရနိုင်သော အချိန်တွင် စောစောပြဿနာများကို ရှာဖွေရန်စစ်ဆေးပါမည်။

X-ray ရောင်ခြည်ဓာတ်မှန်ရိုက်ကူးစဉ်တွင် မည်သို့ဖြစ်သနည်း။

X-ray ရောင်ခြည်ဓာတ်မှန်ရိုက်စက်သည် ခန္ဓာကိုယ်နေရာကိုဖြတ်လျက် ရေဒီယိုဓာတ်ရောင်ခြည်တန်းကို ပို့လွှတ်သည်။ ၎င်းသည် ကွန်ပျူတာ သို့မဟုတ် အထူးပြုလုပ်ထားသည့်ဖလင်ပြားတွင် ရုပ်ပုံကို မှတ်တမ်းပြုလုပ်ရယူသည်။ 

သင့်ကလေးသည် အသုံးပြုသည့် စက်အမျိုးအစားပေါ်မူတည်ပြီး စားပွဲပေါ်တွင် မှတ်တပ်ရပ်ရန်၊ ထိုင်ရန် သို့မဟုတ် လဲလျောင်းခိုင်းပါမည်။ X-ray ရောင်ခြည်ဓာတ်မှန် နည်းပညာရှင်သည် အရှင်းလင်းဆုံး မြင်ကွင်းကို ရရှိနိုင်ရန်အတွက် အကောင်းဆုံးအနေအထားရရှိအောင် သင့်ကလေးကို ကူညီပေးမည်ဖြစ်သည်။ ထို့နောက် ၎င်းတို့သည် ရုပ်ပုံကို ရိုက်ကူးမည်ဖြစ်သည်။ 

သင့်ကလေးသည် အလွန်ငြိမ်ငြိမ်သက်သက်ရှိရမည်ဖြစ်သည်။ လှုပ်ရှားမှုရှိလျှင် X-ray ရောင်ခြည်ဓာတ်မှန်ကို မှုန်ဝါးသွားစေနိုင်သည့်အတွက် ကလေးများသည် အသက်အောင့်ထားရန် လိုအပ်နိုင်သည်။ 

နည်းပညာရှင်သည် နောက်ထပ် X-ray ရောင်ခြည်ဓာတ်မှန်များအတွက် အနေအထားကို ပြောင်းလဲရာတွင် သင့်ကလေးကို အကူအညီပေးနိုင်သည်။ 

X-ray ရောင်ခြည်ဓာတ်မှန်တစ်ခုအတွက် သင်မည်သို့ပြင်ဆင်သနည်း။

X-ray ရောင်ခြည်ဓာတ်မှန်သည် နာကျင်မှုမရှိစေပါ။ ၎င်းသည် ရှင်းလင်းသော ရုပ်ပုံကို ရရှိရန်အတွက် လူနာအနေဖြင့် အချိန်အနည်းငယ်ကြာ ငြိမ်ငြိမ်သက်သက်နေရန် လိုအပ်သည်။ စမ်းသပ်နေစဉ်အတွင်း မလှုပ်ရန် အရေးကြီးပုံကို သင်၏ကလေးအား ပြောပြပါ။ 

သင့်ကို X-ray ရောင်ခြည်ဓာတ်မှန်ပုံရိပ်များ ရိုက်ကူးနေစဉ် အကူအညီပေးနိုင်ရန်အတွက် အခန်းအတွင်း ရှိနေခွင့်ပြုပေးနိုင်သည်။ သင့်ကလေးသည် တုန်လှုပ်နေပါက သို့မဟုတ် စိတ်မသက်မသာဖြစ်နေပါက နည်းပညာရှင်အား သေသေချာချာ အသိပေးပါ။ 

X-ray ရောင်ခြည်ဓာတ်မှန်ခန်းမတွင်ရှိနေမည့်သူ (လူနာ သို့မဟုတ် မိဘ) သည် ကိုယ်ဝန်ဆောင်ထားသူဖြစ်လျှင် ထိုအကြောင်းကို ဝန်ထမ်းအား ပြောဆိုသင့်သည်။

သင့်ကလေးကို လက်ဝတ်ရတနာများ၊ နာရီများ သို့မဟုတ် မျက်မှန်များ ချွတ်ခိုင်းနိုင်ပြီး ဆေးရုံ ဝတ်ရုံ ဝတ်ဆင်ရန် လိုအပ်နိုင်သည်။ 

အချို့သော X-ray ရောင်ခြည်ဓာတ်မှန်စမ်းသပ်မှုအတွက် အိုင်အိုဒင်း သို့မဟုတ် ဘယ်ရီယမ် ကဲ့သို့သော အစိတ်အပိုင်းများ အရာသတ္တုများကို ထင်ရှားစွာ မြင်နိုင်စေရန် အရောင်ခြားနားမှုဖြစ်စေသော ပစ္စည်းကို အနုစိတ် ပုံရိပ်ကောင်းရရှိစေရန် မျိုးချခိုင်းသည် သို့မဟုတ် ထိုးသွင်းသည်။

အကယ်၍ သင်၏ ကလေးသည် X-ray ရောင်ခြည်ဓာတ်မှန် ခွဲခြားမြင်နိုင်သည့် ပစ္စည်းနှင့် ဓာတ်မတည့်မှုရှိခဲ့ပါက နည်းပညာရှင် သို့မဟုတ် သင့်ဆေးကုသမှုဆိုင်ရာ ပြုစုစောင့်ရှောက်မှုအဖွဲ့ဝင်ကို ပြောပြပါ။