အဖျားရှိခြင်းနှင့် ကလေးဘဝတွင် ကူးစက်မှု၏လက္ခဏာများနှင့် ဆယ်ကျော်သက်အရွယ် ကင်ဆာရောဂါ

ရောဂါပိုးဝင်ရောက်သည့် လက္ခဏာရပ်တွေက ဘာတွေလဲ?

ကူးစက်ရောဂါဝင်ရောက်မှုသည်  ကလေးသူငယ်  ကင်ဆာရောဂါ လူနာအတွက် အသက်အန္တရာယ်ကို ခြိမ်းခြောက်နိုင်ပါသည်။ ၎င်းကို  ဆေးကုသရေးအတွက် အရေးပေါ်အခြေအနေအဖြစ် ကျင့်သုံးသင့်ပါသည်။

 ကီမိုကုထုံး ကဲ့သို့ ကုသမှုများသည် ကိုယ်ခံအားစနစ် ကို ထိခိုက်စေနိုင်သည်။ ၎င်းတို့သည်  ကိုယ်ခန္ဓာ၏ ကြီးထွားမှုမြန်ဆန်သည့် ဆဲလ်များကို သတ်ခြင်းဖြင့် လုပ်ဆောင်သည်။ ၎င်းတို့တွင်  ကျန်းမာသည့် ဆဲလ်များ နှင့် ကင်ဆာဆဲလ်များပါဝင်သည်။ 

နျူထရိုဖီးလ်ဟုခေါ်သော ရောဂါပိုးတိုက်ဖျက်သည့်သွေးဖြူဥဆဲလ်များအရေအတွက် ကျဆင်းလာသည့်အခါ   နျူထရိုဖီးလ် ဟုခေါ်သော အခြေအနေတစ်ရပ်ဖြစ်ပေါ်လာသည်။ နျူထရိုဖီးလ်အခြေအနေရှိသည့် လူနာများသည် ရောဂါပိုးဝင်ရောက်မှုများကို တိုက်ထုတ်မရနိုင်ပါ။ ၎င်းတို့သည် အလွန်လျင်မြန်စွာ နာမကျန်းဖြစ်လာနိုင်သည်။ ရောဂါပိုးဝင်ရောက်မှု၏ လက္ခဏာများကို စောင့်ကြည့်ရန် အရေးကြီးသည်။ သို့မှသာ ချက်ချင်း ကုသနိုင်ပါမည်။

ကူးစက်ရောဂါဝင်ရောက်နေသည့် လက္ခဏာရပ်များမှာ- 

• ဖျားနာခြင်း – တစ်ခါတစ်လေ ဖျားနာခြင်း တစ်မျိုးတည်းကိုသာ တွေ့ရတတ်သည်။ ( အဖျားရောဂါနှင့် အပူချိန်တိုင်းတာနည်းနှင့်ပတ်သက်၍ ပိုမိုဖတ်ရှုပါ။)
• ချောင်းဆိုးခြင်း သို့မဟုတ် အသက်ရှူမြန်ခြင်း
• အရေကြည်ဖုများ၊ အနီကွက်များ သို့မဟုတ် အရေပြားအနာများ
• နှာရည်ယိုခြင်း
• နားကိုက်ခြင်း
• အရည်ဝမ်းသွားခြင်း
• လည်ချောင်းနာခြင်း
• အစာအိမ်နာခြင်း
• စအိုတစ်ဝိုက် ရောင်ခြင်း သို့မဟုတ် နာကျင်ကိုက်ခဲခြင်း
• ခေါင်းကိုက်ခြင်းနှင့် ဇက်တောင့်ခြင်း
• ခေါင်းမူးဝေခြင်း
• စိတ်ရှုပ်ထွေးခြင်း
• ငိုက်မြည်းခြင်း

သင့်ကလေး ဖျားနာတဲ့အခါ သို့မဟုတ် ကူးစက်ရောဂါဝင်ရောက်တဲ့ လက္ခဏာတွေရှိလာတဲ့အခါမှာ ဘာလုပ်ရမလဲ။

သင့်ကလေးမှာ ကူးစက်ရောဂါဝင်ရောက်တဲ့ လက္ခဏာတွေရှိလာတာကို သတိထားမိတာနဲ့ အိမ်မှာပဲဖြစ်ဖြစ်၊ ဆေးရုံပဲတက်နေနေ စောင့်ရှောက်ပေးသူတစ်ဦးကို ချက်ချင်း ပြောပြပါ။

• နေ့ခင်းဘက်ဖြစ်တွင် ဖျားနာလာပါက ကလေးကင်ဆာကုဌာန အနီးအနားမှာ သင်ရှိနေပါက သင့်ကလေးအား ကုသပေးနေသည့်အဖွဲ့ သို့မဟုတ် အထွေထွေကုဆေးခန်းကို ဖုန်းခေါ်ဆိုပါ။
• အကယ်၍ ရုံးချိန်ပြင်ပ သို့မဟုတ် ရုံးပိတ်ရက်တွင် ဖျားနာလာပါက ရုံးချိန်ပြင်ပ အရေးပေါ်အခြေအနေများအတွက် သင်ပြသနေသည့် ဆေးရုံ၏ လုပ်ထုံးလုပ်နည်းများအတိုင်း ဆက်လက်ဆောင်ရွက်ပါ။ သင့်ကလေးဖျားနေတာကို သိလိုက်တာနဲ့တစ်ပြိုင်နက် အထွေထွေကုဆေးခန်း သို့မဟုတ် တာဝန်ကျဆရာဝန်တို့ကို ပြောပြသင့်သည်။
• အကယ်၍ သင့်ကလေးကုသနေတဲ့ဆေးရုံအနီးနားမှာ သင်ရှိမနေရင်လည်း သင့်ကလေးကိုကုသပေးနေတဲ့ အနီးနားကဆရာဝန်ကို ဖုန်းခေါ်ဆိုပါ သို့မဟုတ် သင့်အနီးနားက ဆေးရုံမှာရှိတဲ့ အရေးပေါ်ဆေးကုသခန်းသို့ သွားပါ။
• ဆေးကုသပေးမယ့်သူတွေကို သင့်ကလေးဟာ ကင်ဆာလူနာတစ်ယောက်ဖြစ်ကြောင်းနဲ့ ဘယ်နေရာမှာ လက်ရှိကုသမှုခံယူနေကြောင်းကိုလည်း သေသေချာချာ ပြောပြပါ။ သင့်ကလေးမှာ သွေးပြန်ကြောတွင်း ဆေးသွင်းနိုင်တဲ့ကိရိယာ တစ်ခုရှိနေပြီးဖြစ်သလား၊ ကလေးရဲ့ ကိုယ်ခံအားစနစ်ကို ဖိနှိပ်ထားနိုင်တဲ့ ကီမိုဆေးသွင်းကုမှု ခံယူနေသလား၊ သို့မဟုတ် အခြားဆေးတွေနဲ့ ကုသမှုခံယူနေသလားကိုလည်း ထိုကုသပေးမည့်သူများ သိရှိရန်လည်း လိုအပ်ပါသည်။
• အကယ်၍ ဆရာဝန်တစ်ဦးနဲ့ သို့မဟုတ် ဆေးရုံတစ်ရုံမှာ ကုသတော့မယ်ဆိုရင် အလျဉ်းသင့်တာနဲ့ သင့်ကလေးရဲ့ အထွေထွေကုဆေးခန်း သို့မဟုတ် သင့်ကလေးကိုကုသပေးနေတဲ့အဖွဲ့တို့ကို ဖုန်းဆက်ခေါ်ဆိုပြီး ကလေးရဲ့ လတ်တလောရောဂါအခြေအနေကို ထိုကုသပေးမယ့်သူတွေကို ပြောပြစေသင့်သည်။

အဖျားရှိခြင်းဆိုတာဘာလဲ။

အဖျားရှိခြင်းဆိုသည်မှာ ကိုယ်ခန္ဓာအပူချိန်မြင့်တက်ခြင်းဖြစ်သည်။ ကိုယ်ခန္ဓာအပူချိန်သည် လူတစ်ဦးနှင့်တစ်ဦးအကြား အနည်းငယ် ကွဲလွဲမှုရှိနိုင်ပြီး တစ်နေ့တာ၏ အချိန်အပိုင်းအခြားနှင့် ကိုယ်ကာယလှုပ်ရှားမှုကဲ့သို့ အကြောင်းအချက်များအပေါ် မူတည်နိုင်သည်။ အပူချိန်တိုင်းတာရန် နည်းလမ်းသည် ရလာဒ်များကိုလည်း သက်ရောက်စေနိုင်သည်။ 

အသက် 3 လအထက်ရှိသည့် ကလေးများအတွက် အဖျားရှိခြင်းကို အောက်ပါအတိုင်း သတ်မှတ်သည်-

• ခံတွင်း (ပါးစပ်မှ) အပူချိန်သည် 100.9°F (38.3°C) သို့မဟုတ် အထက်ရှိခြင်း
• ခံတွင်းအပူချိန် 100.4°F (38.0°C) သို့မဟုတ် အထက်သည်  တစ် နာရီကြာ ဆက်ရှိနေခြင်း
• ချိုင်းအောက်ရှိ (အရန်) အပူချိန်သည် 99.9°F (37.7°C) ရှိခြင်း
• ချိုင်းအောက်ရှိ အပူချိန်သည် 99.4°F (37.4°C) နှင့်အထက်တွင် တစ်နာရီကြာ ဆက်ရှိနေခြင်း

အသက် 3 လအောက်ရှိသည့် ကလေးအတွက် အဖျားရှိခြင်းဆိုသည်မှာ လက်မောင်းအောက်ဖက် အပူချိန်သည် 99.4°F (37.4°C) နှင့်အထက် ရှိခြင်းဖြစ်သည်။

အဖျားတက်ခြင်းကို ဘာက ဖြစ်စေသလဲ၊

အဖျားတက်ခြင်း၏ အဖြစ်အများဆုံးအကြောင်းရင်းခံမှာ ဘက်တီးရီးယား သို့မဟုတ် ဗိုင်းရပ်စ်များကြာင့် ဖြစ်ပေါ်သည့် ကူးစက်ရောဂါဝင်မှုဖြစ်သည်။ အဖျားရှိခြင်း၏ အခြားအကြောင်းရင်းများတွင် အပူနှင့် ထိတွေ့မှု၊ ကင်ဆာရောဂါ၊ ကိုယ်ခံအားစနစ် အလိုအလျောက်တိုက်ခိုက်သည့် ချွတ်ယွင်းချက်များ၊ အချို့သော ဆေးဝါးများ၊ သို့မဟုတ် ကာကွယ်ဆေးထိုးနှံမှုများ ပါဝင်နိုင်သည်။

အဖျားတက်ခြင်း၏ လက္ခဏာတွေကဘာလဲ။

အဖျားရှိခြင်း၏ လက္ခဏာများတွင် အောက်ပါတို့ပါဝင်သည်-

• ထိတွေ့လျှင် ပူနေသကဲ့သို့ အရေပြားတွင် ခံစားမိခြင်း
• ပါးပြင်တွင် သွေးရောင်လွမ်းနေခြင်း (အနီ သို့မဟုတ် ပန်းရောင်)
• ချမ်းတုန်ခြင်း
• ခေါင်းကိုက်ခြင်းနှင့် ခန္ဓာကိုယ် ကိုက်ခဲခြင်း
• အားနည်းခြင်း သို့မဟုတ် နေထိုင်မကောင်းသလို ခံစားရခြင်း  

ရောဂါပိုးဝင်မှုကို ဘယ်လို  ကာကွယ်တားဆီးနိုင်သလဲ။

 ရောဂါပိုးဝင်ရောက်ခြင်းမှ ကာကွယ်ရန် မိဘများနှင့် အခြားစောင့်ရှောက်ပေးနေသူတို့မှ  အောက်ပါအဆင့်များကို လုပ်ဆောင်ရန် တိုက်တွန်းပါသည်။

• လူနာအနီးနားရှိ လူပုဂ္ဂိုလ်များနှင့် မိဘတို့အနေဖြင့် ၎င်းတို့၏လက်ကို ဆပ်ပြာဖြင့် မကြာခဏ ဆေးကြောပေးသင့်သည်။
• တစ်ကိုယ်ရည်သန့်ရှင်းမှုရှိစေရန် လုပ်ဆောင်ခြင်း။
• မျက်နှာအုပ်နှာခေါင်းစည်းကို  လူအများရှိသည့်နေရာတွင် တပ်ဆင်အသုံးပြုပါ။ အဆုတ်ရောင်ရောဂါရှိသည့် လူနာများသည် မျက်နှာအုပ်နှာခေါင်းစည်းကို အမြဲ  တပ်ဆင်အသုံးပြုသင့်သည်။ 
• သင့် ဆေးကုသရေးအဖွဲ့က ညွှန်ကြားထားသည့်အတိုင်း  နေ့စဉ် ခံတွင်းစောင့်ရှောက်မှုကို လုပ်ဆောင်ပါ။ ဤသို့ပြုလုပ်ခြင်းဖြင့်  နောက်ထပ် ရောဂါပိုးဝင်ကူးစက်မှုများအား  ဦးတည်စေနိုင်သည့်  အနာများဖြစ်လာခြင်းမှ ကာကွယ်ပေးနိုင်သည်။
• လူနာအနီးတစ်ဝိုက်  သန့်ရှင်းရေးလုပ်ပေးပါ။
• ဖျားနာသူများနှင့် ထိတွေ့မှုမရှိစေရန် ရှောင်ရှားခြင်း။
• လူနာ၏ ကိုယ်ပူချိန်အား စအိုမှတစ်ဆင့်တိုင်းတာခြင်းကို ရှောင်းရှားခြင်း။