အဓိကအကြောင်းအရာ skip

ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

အာမခံတွင် အကျုံးဝင်သောအရာများကို ရှာဖွေသိရှိခြင်း

ကျန်းမာရေးစောင့်ရှောက်မှုစနစ်သည် မိသားစုများအတွက် အလွန်ရှုပ်ထွေးနိုင်ပြီး အကြီးအကျယ်စိတ်ဖိစီးမှုရင်းမြစ် ဖြစ်နိုင်သည်။ အာမခံထောက်ပံ့ပေးသူနှင့် အလုပ်လုပ်ခြင်းသည် မိသားစုများအား မိမိတို့၏ ဆေးကုသမှုအစီအစဉ်၊ ၎င်းတွင် အကျုံးဝင်မည့်အရာများနှင့် ရရှိနိုင်မည့် စောင့်ရှောက်မှုအကြောင်း နားလည်စေရန် ကူညီပေးနိုင်သည်။

အကျိုးကျေးဇူးများ အကျုံးဝင်မှု၊ ကွန်ရက်ထောက်ပံ့ပေးသူများနှင့် အလားအလာရှိသော အိတ်စိုက်ကုန်ကျစရိတ်များအကြောင်း နားလည်စေရန် အာမခံအစီအစဉ်စာရွက်စာတမ်းများကို အသေအချာ သုံးသပ်ဖတ်ရှုပါ။ ၎င်းစာရွက်စာတမ်းများတွင် အောက်ပါတို့ပါဝင်သည်-

  • အနှစ်ချုပ်အစီအစဉ်ဖော်ပြချက်များ (SPD)
  • အကျုံးဝင်မှုသက်သေ (EOC)
  • အကျိုးကျေးဇူးများနှင့် အကျုံးဝင်မှု အနှစ်ချုပ် (SBC) စာရွက်စာတမ်းများ

(အလုပ်ရှင်အခြေပြု ကျန်းမာရေးအစီအစဉ်ဖြစ်လျှင်) အာမခံကုမ္ပဏီများနှင့် အလုပ်ရှင်များသည် အာမခံအကျုံးဝင်မှုအနှစ်ချုပ်ပေးအပ်ရန် လိုအပ်သည်။ သင့်တွင် ၎င်းအနှစ်ချုပ်မရှိလျှင် မိတ္တူတစ်စောင် တောင်းယူပါ။

ကျန်းမာရေးအာမခံစာရွက်စာတမ်းများကို စားပွဲတစ်ခုတွင် ဖြည့်စွက်နေသော လူတစ်ဦး၏ အပေါ်မှမြင်ရပုံ။

စောင့်ရှောက်မှုအဖွဲ့နှင့် စကားပြောဆိုခြင်း

အာမခံကုမ္ပဏီနှင့်ပြောဆိုမည့် စကားဝိုင်းများအတွက် ကြိုတင်ပြင်ဆင်ရန် စောင့်ရှောက်မှုအဖွဲ့ သည် လူနာ၏ကုသမှုအစီအစဉ်အကြောင်း သတင်းအချက်အလက်များကို ပေးအပ်နိုင်သည်။ မေးခွန်းများအတွက် ရှင်းလင်းသောအဖြေများ ရရှိထားခြင်းသည် မမျှော်လင့်သော ကုန်ကျစရိတ်များကို အနည်းဆုံးအထိ လျှော့ချပေးနိုင်မည်၊ စိတ်ဖိစီးမှုကို စီမံနိုင်ပြီး အမြော်အမြင်ကြီးသော ဆုံးဖြတ်ချက်များချမှတ်နိုင်ရန် မိသားစုများအား ကူညီပေးမည်။

  • ဦးစွာ မေးခွန်းများ မေးပါ – မျှော်လင့်နိုင်မည့်အရာများနှင့် ဆက်စပ်ကုန်ကျစရိတ်များအကြောင်း ပိုမိုကောင်းမွန်စွာ ပုံဖော်ကြည့်နိုင်ရန် အစမှစ၍ မေးခွန်းများ မေးရန်မှာ အရေးကြီးပါသည်။
  • ပွင့်လင်းသော အပြန်အလှန်ဆွေးနွေးမှု ရှိပါ – မိသားစုများသည် ကုသမှုအစီအစဉ်များအကြောင်း စောင့်ရှောက်မှုအဖွဲ့နှင့် ပုံမှန်အတည်ပြုသင့်သည်။ ပုံမှန်သုံးသပ်ခြင်းသည် မမျှော်လင့်သော ကုန်ကျစရိတ်များဖြစ်ပေါ်လာနိုင်ခြေကို လျှော့ချပေးမည်ဖြစ်သည်။
  • အရာအားလုံးကို ရေးမှတ်ထားပါ – ဖြစ်နိုင်သမျှ သတင်းအချက်အလက်များများ ရေးမှတ်ထားခြင်းသည် အဖိုးအခများကို သုံးသပ်ရာတွင် ကူညီပေးမည်ဖြစ်သည်။

ရောဂါရှာဖွေမှု ပြုလုပ်ချိန်တွင်

အကြံပြုထားသော စစ်ဆေးမှုများနှင့် ကုသရေးလုပ်ထုံးများအကြောင်း ပိုမိုနားလည်စေရန် စောင့်ရှောက်မှုအဖွဲ့ထံ မေးမြန်းရမည့် အဓိကမေးခွန်းများတွင် အောက်ပါတို့ပါဝင်သည်-

  • မည်သည့် စစ်ဆေးမှုများနှင့် ကုသရေးလုပ်ထုံးများကို ကျွန်ုပ်၏ကလေးက လိုအပ်သလဲ။
  • ၎င်းစစ်ဆေးမှုများနှင့် ကုသရေးလုပ်ထုံးများကို မည်သည့်နေရာတွင် ပြုလုပ်မလဲ။
  • မည်သည့်ထောက်ပံ့ပေးသူများက ၎င်းစစ်ဆေးမှုများနှင့် ကုသရေးလုပ်ထုံးများကို ဆောင်ရွက်မလဲ။
  • ကလေးတွင် မည်သည့်ကင်ဆာအမျိုးအစားရှိပါသလဲ။

ကုသမှုပြုလုပ်နေစဉ်

အာမခံကုမ္ပဏီတွင် အောက်ပါတို့ကဲ့သို့သော မေးခွန်းများရှိမည်ဖြစ်သည်-

  • ကုသမှုအစီအစဉ်နှင့် ကြာချိန်ကာလက ဘာလဲ။
  • ၎င်းကုသမှုများကို မည်မျှအထိ ပုံမှန်ပြုလုပ်မလဲ။
  • ကုသမှုများကို မည်သည့်နေရာတွင် ပြုလုပ်မလဲ။
  • မည်သည့်ထောက်ပံ့ပေးသူက ၎င်းတို့ကို ဆောင်ရွက်မလဲ။
  • ကုသမှုပြီးသည်နှင့် အိမ်တွင်းစောင့်ရှောက်မှုအတွက် လိုအပ်မည်လား။

ဆေးများနှင့် ဆေးဝါးများ

အာမခံကုမ္ပဏီသည် သောက်သုံးရန် ဆရာဝန်ညွှန်ကြားထားသော ကင်ဆာဆေးများအကြောင်း မေးခွန်းများ မေးမြန်းနိုင်သည်။ စောင့်ရှောက်မှုအဖွဲ့ထံ အောက်ပါတို့ကို မေးမြန်းပါ-

  • အစီအစဉ်တွင် မည်သည့် ကီမိုကုထုံး သို့မဟုတ် ရည်မှန်းထားသော ကုထုံး ဆေးများ ပါဝင်သလဲ။
  • မည်သည့်ဆေးများက ဘေးထွက်ဆိုးကျိုးများကို စီမံနှိမ်နင်းမည်နည်း။
  • အကိုက်အခဲပျောက်ဆေးဝါးကို လိုအပ်မည်လား။
  • ဤဆေးများကို မည်မျှအထိပုံမှန် ပေးပြီး မည်မျှကြာအောင် ပေးမည်နည်း။
  • တူညီသော ဆေးအုပ်စုတွင် ပုံတူပွားဆေးဝါးများ သို့မဟုတ် ကုန်အမှတ်တံဆိပ်အမည်ပါသော ဆေးဝါးများ ရှိသလား။

အိမ်တွင်း စောင့်ရှောက်မှု

ကုသမှုပြုလုပ်နေစဉ် ကလေးသည် မိဘ သို့မဟုတ် ကျွမ်းကျင်သော စောင့်ရှောက်သူထံမှ အိမ်တွင်း စောင့်ရှောက်မှုကို လိုအပ်နိုင်သည်။ အာမခံအစီအစဉ်များသည် ၎င်းကုန်ကျစရိတ်အချို့ကို ကျခံပေးနိုင်သည်။ တိကျသော စောင့်ရှောက်မှုနှင့် မျှော်မှန်းထားသော ကြာချိန်ကာလအကြောင်း ရှင်းရှင်းလင်းလင်း နားလည်ခြင်းသည် အဖြေများပေးနိုင်ရန် အာမခံသူများအား ကူညီပေးမည်ဖြစ်သည်။

အာမခံကုမ္ပဏီထံ တိကျသောအချက်အလက်များ ပေးအပ်ရန် အိမ်၌လိုအပ်ချက်များအကြောင်း စောင့်ရှောက်မှုအဖွဲ့ထံ မေးမြန်းပါ။

  • ကလေးက ဆေးရုံမှဆင်းလာသောအခါ မည်သည့်စောင့်ရှောက်မှုအမျိုးအစားကို သူ သို့မဟုတ် သူမက လိုအပ်မည်နည်း။
  • ကျွန်ုပ်၏ကလေးသည် အထူးကျွမ်းကျင်သော စောင့်ရှောက်သူကို လိုအပ်မည်လား။
  • ကျွန်ုပ်၏ကလေးကို အိမ်တွင် စောင့်ရှောက်ရန် မည်သည့်ကိရိယာအမျိုးအစားများကို ကျွန်ုပ် လိုအပ်မည်နည်း။
  • ကျွန်ုပ်၏ကလေးသည် မည်မျှကြာအောင် အိမ်တွင်း အထူးစောင့်ရှောက်မှုကို လိုအပ်မည်နည်း။

အာမခံကုမ္ပဏီအတွက် မေးခွန်းများ

ကုသရေးစောင့်ရှောက်မှုအစီအစဉ် နေရာတကျဖြစ်သည်နှင့်တစ်ပြိုင်နက် အကျုံးဝင်သော ဝန်ဆောင်မှုများနှင့် ၎င်းတို့၏ကုန်ကျစရိတ်များအကြောင်း နားလည်စေရန် အာမခံကုမ္ပဏီထံ ဆက်သွယ်ပါ။ မေးခွန်းများကို ကူညီဖြေဆိုပေးရန် တစ်ဦးချင်းဖြစ်ရပ်မန်နေဂျာ သို့မဟုတ် လူနာရှေ့နေတစ်ဦး ခန့်အပ်ပေးရန် အာမခံကုမ္ပဏီထံ တောင်းဆိုပါ။ ဖြစ်ရပ်မန်နေဂျာသည် အာမခံအစီအစဉ်စည်းမျဉ်းများ၊ အကျုံးဝင်မှုကန့်သတ်ချက်များနှင့် အလားအလာရှိသော အိတ်စိုက်ကုန်ကျစရိတ်များနှင့်ပတ်သက်၍ မိသားစုများကို လမ်းညွှန်ပေးနိုင်သည်။ အာမခံသူကို မေးရန် မေးခွန်းများတွင် အောက်ပါတို့ပါဝင်သည်-

  • ကျွန်ုပ်၏ကလေးသည် မည်သည့်နေရာမှ၊ မည်သူ့ထံမှ စောင့်ရှောက်မှုကို လက်ခံရရှိနိုင်မလဲ။
    • အာမခံကုမ္ပဏီအများစုတွင် အွန်လိုင်း၌ သုံးစွဲခွင့်ရနိုင်သော ကွန်ရက်တွင်းထောက်ပံ့ပေးသူများ၏ စာရင်းအပြည့်အစုံ ရှိသည်။ သင့်ဆေးရုံက ကွန်ရက်တွင်း ဖြစ်၊ မဖြစ် အတည်ပြုပါ။
    • တစ်ခါတစ်ရံ ဆေးရုံသည် ကွန်ရက်တွင်း ဖြစ်သော်လည်း အဆောက်အအုံအင်္ဂါရပ်တွင် စောင့်ရှောက်မှုပေးသူ သမားတော် သို့မဟုတ် ပါရဂူသည် ကွန်ရက်တွင်းမှ မဟုတ်ပါ။ ထောက်ပံ့ပေးသူတစ်ဦးစီကို အတည်ပြုပါ။
  • ကျွန်ုပ်တို့၏ မူလစောင့်ရှောက်မှုပေးသူထံမှ လွှဲပြောင်းပေးမှုကို လိုအပ်ပါသလား။
    • အာမခံအစီအစဉ်အချို့သည် ပါရဂူများထံမှ စောင့်ရှောက်မှုကိုမရယူမီ မူလစောင့်ရှောက်သူသမားတော်၏ လွှဲပြောင်းစာကို တောင်းဆိုသည်။ 
    • အခြားအစီအစဉ်များသည် စောင့်ရှောက်မှုအမျိုးအစားအချို့အတွက် အာမခံကုမ္ပဏီထံမှ ထောက်ခံခွင့်ပြုချက်ကို တောင်းဆိုနိုင်သည်။
  • သတ်မှတ်ထားသော ထောက်ပံ့မှုပေးသူများ နှင့်/သို့မဟုတ် ပါရဂူများနှင့် မပြသမီ အာမခံကုမ္ပဏီထံမှ ကြိုတင်ထောက်ခံခွင့်ပြုချက်ကို လိုအပ်ပါသလား။
    • မိသားစုသည် စောင့်ရှောက်မှုမစတင်မီ လိုအပ်သော ထောက်ခံခွင့်ပြုချက်ကို ရရှိသေချာစေသင့်သည်။ သင့်လျော်သော ထောက်ခံခွင့်ပြုချက်များကို မရယူထားလျှင် အာမခံကုမ္ပဏီသည် စောင့်ရှောက်မှုအတွက် ပိုမိုငွေကောက်ခံနိုင်သည်။ အချို့ဖြစ်ရပ်များတွင် အာမခံကုမ္ပဏီသည် မည်သည့်ကုန်ကျစရိတ်များကိုမဆို မကျခံပေးဘဲရှိနိုင်သည်။
  • ကျွန်ုပ်ကလေး၏ စစ်ဆေးမှုများက အကျုံးဝင်ပါသလား။
    • အစီအစဉ်တစ်ခုသည် စောင့်ရှောက်မှုအဖွဲ့က ထောက်ခံအကြံပြုထားသော စစ်ဆေးမှုများနှင့် ရောဂါရှာဖွေရေးစောင့်ရှောက်မှုအားလုံးကို အကျုံးဝင်ထည့်သွင်းထားနိုင်သည်။ အာမခံဖြင့် အကျုံးဝင်စေရန် စစ်ဆေးမှုများသည် သတ်မှတ်ထားသော ဆေးရုံ သို့မဟုတ် စောင့်ရှောက်မှုစင်တာတွင် ဖြစ်နိုင်သည်။
    • စောင့်ရှောက်မှုအဖွဲ့သည် သတ်မှတ်ထားသော အစီအစဉ်တွင် အကျုံးဝင်မည့် အင်္ဂါရပ်များအကြောင်း မသိဘဲရှိနိုင်သည်၊ ထို့ကြောင့် စောင့်ရှောက်မှုမခံယူမီ ၎င်းအသေးစိတ်အချက်များအကြောင်း အာမခံကုမ္ပဏီနှင့် အတည်ပြုပါ။
  • သောက်သုံးရန် ဆရာဝန်ညွှန်ကြားသော ဆေးများသည် အကျုံးဝင်ပါသလား။
    • ကင်ဆာဆေးအသစ်များသည် အရှိန်အဟုန်မြင့်စွာ ထွက်ပေါ်လာနေကြသည်။ သင့်ကလေးအတွက် အကောင်းဆုံးဟု စောင့်ရှောက်မှုအဖွဲ့က ယူဆထားသည့် သတ်မှတ်ဆေးဝါးများသည် အာမခံအစီအစဉ်တွင် အကျုံးဝင်နိုင်သည် သို့မဟုတ် အကျုံးမဝင်ဘဲရှိနိုင်သည်။
  • မိသားစုထံမှ တရားဝင်နည်းလမ်းတကျဖြစ်သော စာရွက်စာတမ်းများကို လိုအပ်သလား။
    • အာမခံသူသည် မိသားစုအနေဖြင့် ထောက်ပံ့ပေးအပ်ရမည့် အစီရင်ခံစာများ သို့မဟုတ် ဖောင်များကို သတ်မှတ်ပေးနိုင်သည်။

အာမခံသူက စောင့်ရှောက်မှုအစီအစဉ်၏ အစိတ်အပိုင်းတစ်ခုခုအတွက် အကျုံးဝင်မှုကို ငြင်းပယ်လျှင် အောက်ပါ နောက်ထပ်အဆင့်များကို ထည့်သွင်းစဉ်းစားပါ-

  • အခြားနည်းရွေးချယ်စရာများကို ဆွေးနွေးပါ – အာမခံအစီအစဉ်တွင် အကျုံးဝင်သော အခြားရွေးချယ်စရာ ရှိ၊ မရှိ စောင့်ရှောက်မှုအဖွဲ့ထံ မေးမြန်းပါ။
  • ဆုံးဖြတ်ချက်ကို အယူခံဝင်ပါ – အာမခံကုမ္ပဏီ၏ ဆုံးဖြတ်ချက်ကို ပြင်ဆင်ပေးရန်နှင့် အကျုံးဝင်မှုကို ပေးအပ်ရန် အာမခံကုမ္ပဏီ၏ သုံးသပ်မှုကို တောင်းဆိုပါ။ ၎င်းအတွက် ထပ်ဆောင်းဆေးကုသမှုအချက်အလက်များနှင့်အတူ အယူခံဝင်စာ သို့မဟုတ် ဖောင်တစ်စောင် လိုအပ်နိုင်သည်။ ကြိုတင်ခွင့်ပြုချက် သို့မဟုတ် ရထိုက်သောအခွင့်အရေးကို အယူခံလုပ်ငန်းစဉ်က ကနဦးငြင်းပယ်ခဲ့လျှင် သင်သည် အမှီအခိုကင်းသည့် ဆေးပညာသုံးသပ်မှု (အယူခံဝင်ခြင်း) ပြုလုပ်ခွင့်ရှိသည်။ အာမခံကိုယ်စားလှယ်များသည် အယူခံဝင်ခြင်းနှင့် သုံးသပ်ခြင်းလုပ်ငန်းစဉ်အတွက် လိုအပ်သောအဆင့်များနှင့်ပတ်သက်၍ သင့်ကို လမ်းညွှန်ပေးနိုင်သည်။
  • လှူဒါန်းကူညီရေး စောင့်ရှောက်မှုအကြောင်း စုံစမ်းပါ – ဈေးလျှော့၍ သို့မဟုတ် ကုန်ကျစရိတ်မယူဘဲ စောင့်ရှောက်မှုပေးနိုင်သော အစီအစဉ်တစ်ခုခု ရှိ၊ မရှိကို ဆေးရုံ၊ ထောက်ပံ့ပေးသူ သို့မဟုတ် ဆေးကုမ္ပဏီထံ မေးမြန်းပါ။


ပြန်လည်သုံးသပ်သည့်ရက်စွဲ- ဇွန်လ၊ 2018