မိဘများအတွက် ဆေးထိုးအပ်အသုံးပြုခြင်းကို စီမံဆောင်ရွက်ရန် နည်းလမ်းများ

ဆေးထိုးအပ်များအသုံးပြုခြင်းနှင့်ပတ်သက်၍ သင့်ကလေးနှင့် ဆွေးနွေးပြောဆိုခြင်း

ဆေးထိုးအပ်အသုံးပြုခြင်းကြာင့် သင့်ကလေးကို အံ့ဩတုန်လှုပ်ခြင်းမရှိပါစေနှင့်။ သင့်ကလေးသည် ဆေးထိုးအပ်အသုံးပြုရန်လိုအပ်ကြောင်း သင်သိရှိပါက ရက်ချိန်းမတိုင်မီ ထိုအကြောင်းကို ၎င်းတို့ထံ ဆွေးနွေးပြောဆိုပါ။ အသက်အရွယ်နှင့် သင့်တော်သည့် အချိန်သတ်မှတ်ချက်နှင့် ဘာသာစကားကို သေသေချာချာ အသုံးပြုပါ။

• ကလေးများအား ဆေးထိုးနှံရန် သို့မဟုတ် သွေးစစ်ဆေးမှုပြုလုပ်ရန် လိုအပ်ကြောင်း ရှင်းပြပါ။ ပိုငယ်သည့် ကလေးများအတွက် ၎င်းကို "ဆေးထိုးအပ်ဖြင့် တို့ခံရခြင်း" ဟု သုံးနှုန်းပြောဆိုခြင်းက အပွင့်လင်းဆုံး အချက်အလက်များ ပေးဝေသည့်အခါ ပို၍အကြောက်အရွံ့နည်းစေသည့်ပုံရှိသည်။
• ဖြစ်လာနိုင်သည့်အချက်ကို ၎င်းတို့အား ပြောဆိုပြီး မေးခွန်းများ မေးမြန်းပါစေ။ အဖြေများကို သင်မသိလျှင် စောင့်ရှောက်မှုအဖွဲ့ ၏ အဖွဲ့ဝင်ကို မေးမြန်းပါ။
  • ကလေးများသည် အမှန်တကယ်ထက် ပိုမိုဆိုးရွားနိုင်သည့်အရာကို ၎င်းတို့၏စိတ်အတွင်း ပုံဖော်နိုင်သည်။
  • သင့်ကလေးနှင့်အတူ ရိုးရိုးသားသား ပြောဆိုဆွေးနွေးခြင်းအားဖြင့် ၎င်းတို့ကို ပိုမိုတည်ငြိမ်မှုရှိစေပြီး ပိုမိုလုံခြုံမှုရှိစေသည်။
  • "ငါမသိပေမယ့် ငါတို့အဖြေရှာနိုင်တယ်" ဟု ပြောဆိုခြင်းသည် သင့်အနေဖြင့် အချက်အလက်အားလုံး မရှိသည့်အခါ ဖြေဆိုရန် အဖြေကောင်းဖြစ်သည်။
• စစ်ဆေးမှု သို့မဟုတ် ဆေးထိုးနှံမှုကို မည်သည့်အတွက် လိုအပ်ကြောင်း ၎င်းတို့ကို အသိပေးပါ။
  • ၎င်းတို့ ကျန်းမာနေလျှင် စစ်ဆေးမှုများနှင့် ကာကွယ်ဆေးများသည် ဆက်လက်ကျန်းမာနေစေမည့်အရာများဖြစ်ကြောင်း ရှင်းပြပေးပါ။
  • သင့်ကလေး နေမကောင်းလျှင် နေမကောင်းဖြစ်ခြင်းကို စစ်ဆေးအဖြေရှာရန် သို့မဟုတ် ကုသရန်ရှိသည်ကို ၎င်းအား အသိပေးပါ။
• မသက်မသာခံစားရမှုနှင့်ပတ်သက်၍ ကလေးများကို လိမ်လည်မပြောဆိုပါနှင့်။
• ကလေးအတွက်ပိုမိုသက်သာစေမည့်အရာအားလုံးကို သင်နှင့် သင့်စောင့်ရှောက်မှုအဖွဲ့က လုပ်ဆောင်ပေးမည်ဖြစ်ကြောင်း ကလေးများကို နှစ်သိပ့်အားပေးပါ။
• ကလေးများ၏ ခန္ဓာကိုယ်ကို ပို၍တည်တည်ငြိမ်ငြိမ် ခံစားရစေပြီး ဆေးထိုးအပ်ကြောင့် နာကျင်မှုကို အနည်းဆုံးဖြစ်စေရန် ပြုလုပ်နိုင်သည့်အရာများကို ကလေးများအား ပြုလုပ်ခွင့်ပေးပါ။ အာရုံပြောင်းခြင်း၊ သက်သာစေသည့် နည်းလမ်းများ၊ သို့မဟုတ် နာကျင်ကိုက်ခဲမှုသက်သာစေရေးအတွက် ရွေးချယ်စရာများကို အသုံးပြုရန် စဉ်းစားပါ။

စစ်ဆေးမှု သို့မဟုတ် ကာကွယ်ဆေးကို ရက်ချိန်းမတိုင်မီ စီစဉ်မထားပါက ထိုအကြောင်းအား သင့်ကလေးကိုလည်း အသိပေးပါ။

တခါတရံတွင် ဆရာဝန်များက စစ်ဆေးမှုများ ပြုလုပ်ရန် သင်ရုံးတက်နေစဉ်တွင် အကြံပြုပေးလိမ့်မည်ဖြစ်သည်။ သင့်ကလေးကို ရိုးရိုးသားသား စတင်ဆွေးနွေးထားပါက ကလေးက သင်ပြောဆိုသည့်အတိုင်း မှတ်ယူပြီး သင့်စကားကို ယုံကြည်လိမ့်မည်။

သင့်ကလေးကို ရွေးချယ်စရာများကို ဖြစ်နိုင်သလို ပေးပါ

မည်သူကမှ ဆေးထိုးခံရန် သို့မဟုတ် သွေးစစ်ခံရန် မလိုချင်ပါ။ သို့သော် ၎င်းသည် ကျွန်ုပ်တို့ ကျန်းမာရေးအတွက် ကျွန်ုပ်တို့ ပြုလုပ်ရခြင်းဖြစ်သည်။ ရက်ချိန်းကို ငြင်းမရနိုင်ကြောင်း သင့်ကလေးက နားလည်သဘောပေါက်ပါစေ။ သို့သော် ရက်ချိန်းအတွင်း ကလေးများကို ရွေးချယ်မှုများ သင်က ပေးနိုင်ပါသည်။

• ဆေးထိုးအပ်အသုံးပြုမှုပြုလုပ်စဉ် ကလေးအား ၎င်းကြိုက်နှစ်သက်သည့် ရုပ်လုံးသွင်းတိရိစ္ဆာန်ရုက် သို့မဟုတ် ကစားစရာကို ယူဆောင်ခွင့်ပြုပေးပါ။
• ဆေးထိုးအပ်အသုံးပြုမှုအတွက် အောက်ပါ အဆင်ပြေသည့် အနေအထားကို ကလေးအား ရွေးချယ်ခွင့်ပေးပါ-
  • ပိုငယ်သောကလေးများအတွက် သင့်ပေါင်တွင် ထိုင်စေခြင်း
  • ပိုအသက်ကြီးသည့်ကလေးများအတွက် လူနာစမ်းသပ်ကုတင် သို့မဟုတ် ထိုင်ခုံရှည်တွင် ထိုင်ခြင်း
• ဖုန်း သို့မဟုတ် တက်ဘလက်ဖြင့် ဗီဒီယိုကြည့်ရန် သို့မဟုတ် သီချင်းနားထောင်ရန် က‌လေးများအား ရွေးချယ်ခွင့်ပေးပါ။
• ဖြစ်နိုင်လျှင် စတစ်‌ချောင်းကို မည်သည့်နေရာတွင် ထားရှိရမည်ကို ရွေးချယ်ပါစေ။ ဥပမာ- သင့်ကလေးသည် ပထမဆုံးကြည့်လိုသည့်လက်တံကို ရွေးချယ်ခွင့်ရှိနိုင်ပါသည်။
• အသက်ရှူခြင်း သို့မဟုတ် သတိထားစောင့်ကြည့်ခြင်းကဲ့သို့ သက်သာရာရစေသည့် လေ့ကျင့်ခန်းကို ရွေးချယ်ရန် တိုက်တွန်းပါ။ သင့်ကလေးအား "သက်သာရာရစေရန် မည်သည်ကို လုပ်ဆောင်လိုသနည်း"။
  

အစီအစဉ်ရေးဆွဲရန် သင့်စောင့်ရှောက်မှုအဖွဲ့နှင့်အတူ ပူးပေါင်းဆောင်ရွက်ပါ

သင့်ကလေး၏ ဆေးထိုးအပ်များကြောက်ရွံ့မှုနှင့်ပတ်သက်၍ သင်စိုးရိမ်ပူပန်ပါက သင့်စောင့်ရှောက်မှုအဖွဲ့သည် စစ်ဆေးမှုများ ပိုမိုချောမွေ့လွယ်ကူစွာ လုပ်ဆောင်နိုင်စေမည့် အစီအစဉ်ကို ကူညီပြုလုပ်ပေးနိုင်သည်။ ဆေးထိုးအပ်အသုံးပြုခြင်းမှ နာကျင်မှုကို သက်သာလျေ့ာပါးစေရန်အတွက် ထုံဆေးခရင်၊ J-Tip သို့မဟုတ် အခြား ရွေးချယ်စရာများ နှင့် ပတ်သက်၍ သင့်ကလေး၏ စောင့်ရှောက်မှုအဖွဲ့ဝင်ထံ မေးမြန်းပါ။  ကလေးဘဝလေ့လာမှုဆိုင်ရာ အထူးကု သည် ဆေးထိုးအပ်များနှင့်ပတ်သက်ပြီး သင့်ကလေး ပိုမိုသက်တောင့်သက်သာရှိစေရန်အတွက် ဆေးကုသသကဲ့သို့ ကစားနည်းပြုလုပ်ရန် အကြံပြုပေးနိုင်သည်။

စနစ်ကျသည့်စီမံချက်နှင့်အတူလုပ်ဆောင်ပါက ဆေးထိုးအပ်များအပေါ် ပုံမှန်အားဖြင့်ကြောက်ရွံ့မှုကို အချိန်ရလာသည်နှင့်အမျှ လျော့နည်းသွားစေနိုင်သည်။ သင့်ကလေးသည် ဆေးထိုးအပ်အသုံးပြုမှုများနှင့် ပတ်သက်၍ ထိတ်လန့်ခြင်း သို့မဟုတ် စိုးရိမ်သောကဖြစ်ခြင်းကို အမြဲကြုံတွေ့ရနိုင်သော်လည်း ကလေးများ၏ ဖြေရှင်းနည်းစွမ်းရည်များကို အချိန်ကြာလာသည့်အခါ တိုးတက်ကောင်းမွန်စေနိုင်သည်။

သင့်ကလေးက နောက်ထပ်အကူအညီ လိုအပ်လာနိုင်သည့်အခါ

သင်နှင့် စောင့်ရှောက်မှုအဖွဲ့သည် အစီအစဉ်တစ်ခုဖြင့် ဆောင်ရွက်ပြီး နည်းလမ်းအမျိုးမျိုးဖြင့် စမ်းသပ်သော်လည်း သင့်ကလေး၏ ကြောက်ရွံ့မှုသည် တိုးတက်ကောင်းမွန်လာခြင်းမရှိလျှင် (သို့မဟုတ် ပိုမိုဆိုးရွားလာလျှင်) ၎င်းသည် သင့်ကလေးအတွက် မတူညီသည့် ပံ့ပိုးရန်ရွေးချယ်စရာများအကြောင်းကို ဆွေးနွေးပြောဆိုရန် အချိန်ဖြစ်နိုင်ပါသည်။ ထိုသို့ဖြစ်ပွားပါက သင့်ကလေး၏ စောင့်ရှောက်မှုအဖွဲ့သည် အကြံပြုချက်များ ပြုလုပ်ပေးနိုင်သည်။