ကလေးများတွင် ခြားနားနှိုင်းယှဉ်ခြင်းဖြင့် သွေးဆဲလ်အရေအတွက် အပြည့်အစုံစစ်ဆေးမှု

နေအိမ်
ရောဂါရှာဖွေခြင်းနှင့် ကုသခြင်း
လုပ်ငန်းစဉ်အဆင့်ဆင့်
ကလေးများတွင် ခြားနားနှိုင်းယှဉ်ခြင်းဖြင့် သွေးဆဲလ်အရေအတွက် အပြည့်အစုံစစ်ဆေးမှု လက်ရှိစာမျက်နှာ

ခြားနားနှိုင်းယှဉ်ခြင်းဖြင့် သွေးဆဲလ်အရေအတွက် အပြည့်အစုံစစ်ဆေးမှုဆိုသည်မှာ အဘယ်နည်း။

အောက်ခြေတွင် သွေးနီဥဆဲလ် 41%၊ အလယ်တွင် သွေးဖြူဥဆဲလ် 4% ခန့်နှင့် ထိပ်ပိုင်းတွင် သွေးရည်ကြည် 55% ရှိသော သွေးဖွဲ့စည်းပုံကိုပြပေးနေသည့် ဂရပ်ဇယား — သွေးဆိုသည်မှာ သွေးနီဥဆဲလ်များ၊ သွေးဖြူဥဆဲလ်များ၊ သွေးဥမွှားများ၊ သွေးရည်ကြည်များ ပါဝင်ပေါင်းစပ်ဖွဲ့စည်းထားသည့် ခန္ဓာကိုယ်တွင်းရည်တစ်မျိုးဖြစ်သည်။

ခြားနားနှိုင်းယှဉ်ခြင်းဖြင့် တိုင်းတာစစ်ဆေးသည့် သွေးဆဲလ်အရေအတွက် အပြည့်အစုံစစ်ဆေးမှု (CBC) သည် သွေးထဲရှိ သွေးဖြူဥဆဲလ် အရေအတွက်နှင့် ဆဲလ်အမျိုးအစားများကို တိုင်းတာစစ်ဆေးပေးသည်။

သွေးဆဲလ်များတွင် အရေးပါသော အလုပ်များရှိသည်။ သွေးတွင် အဓိကအမျိုးအစား 3 မျိုး ရှိသည်-

သွေးမှတစ်ဆင့် အောက်ဆီဂျင်ကို သယ်ဆောင်သော သွေးနီဥဆဲလ်များ
ရောဂါကူးစက်မှုနှင့် ရောဂါကို တိုက်ခိုက်ရန် ကူညီပေးသော သွေးဖြူဥဆဲလ်များ
ထိခိုက်ဒဏ်ရာရပြီးနောက် သွေးခဲခြင်းများဖြစ်ပေါ်ရန် ကူညီပေးသော သွေးဥမွှားများ

CBC စစ်ဆေးမှု၌ သွေးနှင့် သက်ဆိုင်ရာ နယ်ပယ်အမျိုးမျိုးကို တိုင်းတာစစ်ဆေးပါသည်။ ခြားနားနှိုင်းယှဉ်ခြင်းဖြင့် စစ်ဆေးသည့် CBC စစ်ဆေးမှု၌ သွေးဖြူဥဆဲလ်များနှင့် စပ်လျဉ်း၍ ပိုမိုအသေးစိတ်ကျသော အချက်အလက်များကို ပြသပေးပါသည်။

သွေးတွင်း၌ သွေးဆဲလ်များအပြင် ရေနှင့် အသားဓာတ်တို့ဖြင့် ဖွဲ့စည်းထားသည့် သွေးရည်ကြည်ဟု ခေါ်ဆိုသော အရည်လည်း ပါဝင်သည်။

ရောဂါကူးစက်မှုများ သို့မဟုတ် ကင်ဆာရောဂါများ သို့မဟုတ် သွေးမူမမှန်ရောဂါများ ခံစားနေရသော ကလေးများသည် သူတို့၏ သွေးထဲရှိ ဆဲလ်၊ အသားဓာတ်များ၏ အရေအတွက်နှင့် အမျိုးအစားတွင် ပြောင်းလဲမှုများ ရှိသည်။ ကုထုံးများနှင့် ဆေးဝါးများကြောင့်လည်း အဆိုပါကလေးငယ်များ၏ သွေးတွင်းဓာတ်များ ပြောင်းလဲနိုင်သည်။

ခြားနားနှိုင်းယှဉ်ခြင်းဖြင့် စစ်ဆေးသည့် CBC စစ်ဆေးချက်၏ အကျိုးကျေးဇူးများ

ကျန်းမာရေးစောင့်ရှောက်မှုပေးသူများသည် အောက်ပါတို့ပြုလုပ်ရန် ခြားနားနှိုင်းယှဉ်ခြင်း စစ်ဆေးချက်များဖြင့် CBC ကို အသုံးပြုသည်-

ဆေးကုသမှုဆိုင်ရာ ပြဿနာတစ်ရပ်ကို ရှာဖွေဖော်ထုတ်ရန်
သင့်ကလေးတွင် ရောဂါကူးစက်မှု ရှိ၊ မရှိ စစ်ဆေးရန်
ရောဂါကူးစက်မှုကို သင့်ကလေး၏ တိုက်ထုတ်မှုစနစ်အကြောင်း ရှင်းပြရန်
ရောဂါက ကလေးငယ်များ၏ ခန္ဓာကိုယ်အပေါ် ထိခိုက်သက်ရောက်ပုံအကြောင်း လေ့လာရန်
ကုသမှု ထိရောက်မှုရှိမရှိ ပြောပြနိုင်ရန် (လေ့လာစောင့်ကြည့်စစ်ဆေးရန်)

CBC စစ်ဆေးချက် ခံယူရန် အသင့်ပြင်ပုံ

စစ်ဆေးမှုမပြုမီ သင့်ကျန်းမာရေးစောင့်ရှောက်မှုပေးသူ၏ လမ်းညွှန်ချက်များကို လိုက်နာပါ။ သင့်ကလေးသည် အောက်ပါ ဆေးဝါးတစ်မျိုးမျိုးကို သောက်သုံးနေရလျှင် ၎င်းတို့ကို ပြောပြပါ-

ဆေးဝါးများ (ဆရာဝန်ညွှန်ကြားထားသောအရာနှင့် ဆရာဝန်ညွှန်ကြားထားသည်မဟုတ်သောအရာ နှစ်မျိုးစလုံး)
ဗီတာမင်များ
ဆေးဘက်ဝင်သစ်ဥသစ်ဖု ဆေးဝါးထုတ်ကုန်များ

အဆိုပါအရာများကြောင့် စစ်ဆေးမှုရလဒ်များကို ပြောင်းလဲနိုင်သည်။

သင့်ကလေးသည် CBC စစ်ဆေးချက်သီးသန့်သာ ခံယူမည်ဆိုပါက ပုံမှန်အတိုင်း စားသောက်နိုင်ပါလိမ့်မည်။ သို့သော်လည်း သင့်ကျန်းမာရေးစောင့်ရှောက်မှုပေးသူ အဖွဲ့က အခြားသော သွေးစစ်ဆေးချက်များကိုပါ စစ်ဆေးရန် ညွှန်ကြားပါက ပုံမှန်အတိုင်း စားသောက်နိုင်ရန် ခက်ခဲပါလိမ့်မည်။

သွေးဆဲလ်အရေအတွက် အပြည့်အစုံစစ်ဆေးမှုများအား ပုံမှန်ပြုလုပ်ခြင်းအားဖြင့် ကျန်းမာရေးစောင့်ရှောက်မှုအဖွဲ့သည် လူနာ၏ကျန်းမာရေးအခြေအနေနှင့် ကူးစက်ရောဂါတွန်းလှန်တိုက်ခိုက်နိုင်စွမ်းကို စောင့်ကြည့်ရာတွင် အကူအညီဖြစ်စေသည်။

CBC စစ်ဆေးမှု အဆင့်များ

ကျန်းမာရေးစောင့်ရှောက်မှုပေးသူအဖွဲ့မှ ဝန်ထမ်းတစ်ဦးက သွေးနမူနာရယူရန် ကလေး၏ သွေးကြောတွင်း အပ်စိုက်သွင်းပါမည်။ ထွက်လာသည့် သွေးကို ဖန်ပုလင်းငယ်များအတွင်းဖြစ်စေ၊ ပြွန်ငယ်များအတွင်းဖြစ်စေ ထည့်၍ သိမ်းဆည်းပါမည်။ ၎င်းတို့သည် အောက်ပါတို့ကဲ့သို့ သင့်ကလေး၏ ပင်ပသွေးပြန်ကြောဖောက်သည့် စက်ကိရိယာ မှတစ်ဆင့်လည်း သွေးကို ရယူနိုင်သည်-

သင့်ကလေးတွင် စက်ကိရိယာတစ်ခု မရှိလျှင် စောင့်ရှောက်မှုပေးသူသည် သွေးနမူနာများရယူရန် အရံ IV တစ်ခုဖောက်ပြီး သွေးရယူနိုင်သည်။

ဓာတ်ခွဲခန်းဝန်ထမ်းသည် သင့်ကလေး၏သွေးကို လေ့လာကြည့်ရှုမည်ဖြစ်ပြီး ရလဒ်များကို သင်၏ဆရာဝန်ထံသို့ တင်ပြမည်ဖြစ်သည်။

CBC စစ်ဆေးချက်က တိုင်းတာပေးသည့်အရာများ

သွေးနီဥဆဲလ်များ (RBCs) – သွေးနီဥဆဲလ်များ၏ အရေအတွက်၊ အရွယ်အစားနှင့် အမျိုးအစားများ
သွေးဖြူဥဆဲလ်များ (WBCs) – သွေးဖြူဥဆဲလ်များ၏ အရေအတွက်နှင့် အမျိုးအစားများ ကျန်းမာရေးကောင်းမွန်သော ပုဂ္ဂိုလ်များ၌ ပုံမှန် သွေးဖြူဥဆဲလ် အရေအတွက် 5,000 မှ 10,000/mm³အတွင်း ရှိပါသည်။
သွေးဥမွှားများ – သွေးဥမွှားများ အရေအတွက်နှင့် အရွယ်အစားကို ဆိုလိုသည်။ ကျန်းမာရေးကောင်းမွန်သော ပုဂ္ဂိုလ်များ၌ ပုံမှန် သွေးဥမွှားများ အရေအတွက်မှာ 150,000 မှ 400,000/mm³အတွင်း ရှိပါသည်။
ဟီမိုဂလိုဗင် – ခန္ဓာကိုယ်တစ်ရှူးများဆီသို့ အောက်ဆီဂျင်သယ်ဆောင်ပေးသော သွေးနီဥဆဲလ်များရှိ သံဓာတ်ကြွယ်ဝသည့် အသားဓာတ်တစ်မျိုးကို ဆိုလိုသည်။ ကျန်းမာရေးကောင်းမွန်သော ပုဂ္ဂိုလ်များ၌ ပုံမှန်ရှိသော ဟီမိုဂလိုဗင်အဆင့်မှာ 12 g/dL ဖြစ်သည်။
သွေးနီဥဆဲလ်ရာခိုင်းနှုန်း (HCT သို့မဟုတ် PCV)– သွေးရည်ကြည်နှင့် အခြားဆဲလ်များနှင့်နှိုင်းစာလျှင် သွေးတွင်း သွေးနီဥဆဲလ်များယူထားသော နေရာပမာဏကို ဆိုလိုသည်။
ရက်တီကူလိုဆိုက်ဒ် အရေအတွက် – သွေးတွင်းရှိ ငယ်ရွယ်သောသွေးနီဥဆဲလ်များ၏ အရေအတွက်ကို ဆိုလိုသည်။
ပျမ်းမျှသွေးနီဥထုထည် (MCV) – သွေးနီဥဆဲလ်များ၏ ပျမ်းမျှအရွယ်အစားကို ဆိုလိုသည်။

ကျန်းမာရေးကောင်းမွန်သော ပုဂ္ဂိုလ်တစ်ဦးရှိ ဆဲလ်အရေအတွက်၊ အရွယ်အစားနှင့် အမျိုးအစားများသည် အများအားဖြင့် ကိန်းဂဏန်းအပိုင်းအခြားတစ်ခုကြားတွင် ကျရောက်တည်ရှိသည် (ကိုးကားအပိုင်းအခြား သို့မဟုတ် စံအပိုင်းအခြား)။ သင်၏ဆရာဝန်သည် သင့်ကလေး၏ ရလဒ်များကို ပုံမှန်ဖြစ်သော ကိုးကားအပိုင်းအခြားများဖြင့် နှိုင်းယှဉ်သည်။

ပုံမှန်ရှိသင့်သည့် အပိုင်းအခြားများသည် အခြေအနေအရ ကွာခြားနိုင်သည်။ ယင်းအပိုင်းအခြားများသည် ကလေး၏ အသက်အရွယ်အပေါ် မူတည်၍ ကွာခြားနိုင်သည်။ အဆိုပါ စစ်ဆေးချက်ရလဒ်များကို သင်၏ ကျန်းမာရေးစောင့်ရှောက်မှုပေးသူအဖွဲ့နှင့် ပြည်လည်စိစစ်သုံးသပ်ပါ။ သင့်ကလေး၏ ပုံမှန်ရှိသင့်သည့် အပိုင်းအခြားသည် မည်သည့်အတိုင်းအတာအတွင်းဖြစ်သည်ကို ၎င်းတို့က ရှင်းပြပေးနိုင်ပါသည်။

ခြားနားနှိုင်းယှဉ်ခြင်းဖြင့် တိုင်းတာစစ်ဆေးသည့် CBC စစ်ဆေးချက်ဆိုသည်မှာ

ခြားနားနှိုင်းယှဉ်ခြင်းဖြင့် တိုင်းတာစစ်ဆေးသည့် CBC စစ်ဆေးချက်၌ သင့်ကလေး၏ သွေးဖြူဥဆဲလ်များနှင့် စပ်လျဉ်း၍ ပိုမိုအသေးစိတ်ကျသော အချက်အလက်များ ပါရှိပါသည်။

သွေးဖြူဥဆဲလ်အမျိုးအစားများ

Neutrophils (နျူထရိုဖီးလ်)

အတွေ့ရအများဆုံး သွေးဖြူဥဆဲလ်အမျိုးအစားမှာ နျူထရိုဖီးလ်များဖြစ်သည်။ ရောဂါပိုးကူးစက်မှုကို တိုက်ဖျက်ပေးသော ဆဲလ်များဖြစ်သည်။ ကလေး၏ နျူထရိုဖီးလ်အရေအတွက်ကို သိရှိရရန်အတွက် ကျန်းမာရေးစောင့်ရှောက်မှုပေးသူအဖွဲ့က ပကတိနျူထရိုဖီးလ်အရေအတွက် (ANC) စစ်ဆေးချက် ခံယူရန် ညွှန်ကြားနိုင်ပါသည်။ ANC သည် ရှိရမည့်အတိုင်းအတာ 500/mm³အောက် လျော့ကျနေပါက ရောဂါပိုးကူးစက်ခံရနိုင်ခြေ မြင့်မားပါသည်။
Lymphocytes (ပြန်ရည်ဆဲလ်များ)
အဓိက ပြန်ရည်ဆဲလ်အမျိုးအစား နှစ်မျိုး ရှိသည်- B ဆဲလ်များနှင့် T ဆဲလ်များ။

B ဆဲလ်များသည်  ကျူးကျော်ဝင်ရောက်လာသည့်  ဗိုင်းရပ်စ်များ၊ ဘက်တီးရီးယားများနှင့် အဆိပ်များကို တိုက်ထုတ်ပေးသည်။ B ဆဲလ်များသည် ကင်ဆာကိုတုံ့ပြန်ရန် အခန်းကဏ္ဍတစ်ခုတွင်လည်း ပါဝင်သည်။

T ဆဲလ်များသည် ကင်ဆာဆဲလ်များ သို့မဟုတ် ဗိုင်းရပ်စ်ကူးစက်ခံရသော ဆဲလ်များကို ပစ်မှတ်ထားပြီး ဖျက်ဆီးသည်။

ပုံမှန်မဟုတ်သော B ဆဲလ်များ သို့မဟုတ် T ဆဲလ်များရှိသော ကင်ဆာအမျိုးအစားအချို့လည်း ရှိသည်။
Monocytes (မိုနိုဆိုက်များ)

ဤဆဲလ်များက ရောဂါပိုးမွှားများနှင့် ဆဲလ်အသေများကဲ့သို့ ခန္ဓာကိုယ်တွင်း လက်မခံနိုင်သည့် အရာများကို ဖယ်ရှားပေးသည်။ ၎င်းတို့က ရောဂါပိုးတိုက်ထုတ်ပေးသော သွေးတွင်းဓာတ်များကို လှုံ့ဆော်ပေးခြင်းဖြင့် ခန္ဓာကိုယ်၏ ကိုယ်ခံအားစနစ်ကို တိုးမြှင့်ပေးသည်။
Eosinophils (အီယိုစီနိုဖီးလ်)

ဤဆဲလ်များသည် ရောဂါကူးစက်မှု၊ ဖူးရောင်နီရဲခြင်းနှင့် ရုတ်တရက်ပန်းနာဖြစ်ပွားမှုများကဲ့သို့ ဓာတ်မတည့်မှုတုံ့ပြန်ခြင်းများကို တိုက်ထုတ်ပေးသည်။ ၎င်းတို့သည် ကိုယ်ခန္ဓာကို ကပ်ပါးကောင်များနှင့် ဘက်တီးရီးယားများနှင့် မှိုများရန်မှလည်း ခုခံကာကွယ်ပေးပါသည်။
Basophils (ဘေဆိုဖီးလ်)

ဤဆဲလ်များသည် ဓာတ်မတည့်မှု တုံ့ပြန်ခြင်းများ၊ ကပ်ပါးကောင်များရန်မှ ကာကွယ်ခြင်းနှင့် ကင်ဆာအချို့အတွက် ကိုယ်ခံအားတုံ့ပြန်မှုအပေါ် သက်ရောက်သည်။

သွေးဆဲလ်အမျိုးအစားများနှင့် ဆက်စပ်အခြေအနေများ

သွေးဆဲလ်အမျိုးအစား တစ်မျိုးမျိုး၌ အရေအတွက်ကျခြင်း သို့မဟုတ် မူမမှန်မူများ ဖြစ်ပေါ်ခြင်းကြောင့်အောက်ပါရောဂါ ကုသမှုခံယူရသည့် ကျန်းမာရေး ဆိုးရွားသည့် အခြေအနေများသို့ ရောက်ရှိနိုသည်။ ယင်းတို့မှာ

သွေးအားနည်းရောဂါဖြစ်ခြင်း
ပုံမှန်မဟုတ်သော သွေးခဲသည့် ရောဂါဖြစ်ခြင်း
သွေးထွက်ပုံမမှန်ခြင်း
သွေးဖြူဥဆဲလ်နည်းပါးခြင်း(Leukopenia) (သွေးဖြူဥဆဲလ်များ လျော့ကျခြင်းနှင့် သွေးကင်ဆာရောဂါများ)
သွေးဥမွှားနည်းပါခြင်း(Thrombocytopenia) (သွေးတွင်း သွေးဥမွှားအရေအတွက် နည်းပါးခြင်း)

ခြားနားနှိုင်းယှဉ်ခြင်းဖြင့် စစ်ဆေးသည့် CBC စစ်ဆေးချက်အကြောင်းဆိုင်ရာ အဓိကအချက်များ

သွေးဆဲလ်အရေအတွက် အပြည့်အစုံစစ်ဆေးမှု (CBC) သည် သွေးထဲရှိ ဆဲလ်အရေအတွက်နှင့် ဆဲလ်အမျိုးအစားများကို တိုင်းတာသည်။
CBC စစ်ဆေးမှုသည် ဟီမိုဂလိုဗင်ကဲ့သို့သော သွေးဆဲလ်များက ပြုလုပ်သည့် အသားဓာတ်အချို့ကိုလည်း တိုင်းတာပေးနိုင်သည်။
ခြားနားနှိုင်းယှဉ်ခြင်းဖြင့် စစ်ဆေးသည့် CBC စစ်ဆေးချက်က သွေးဖြူဥဆဲလ် အမျိုးအစားများ၊ အရေအတွက်စသည်တို့နှင့် စပ်လျဉ်းသော အသေးစိတ်အချက်အလက်များကို ပြသပေးနိုင်ပါသည်။
ဤရလဒ်များသည် ရောဂါ ရှာဖွေဖော်ထုတ်ခြင်းနှင့် လေ့လာစောင့်ကြည့်ခြင်းအတွက် အသုံးဝင်ပြီး ကုသမှုများ ထိရောက်မှုရှိမရှိ ကြည့်ရှုရာ၌ အသုံးဝင်သည်။

—
ပြန်လည်သုံးသပ်သည့်ရက်စွဲ- 2023 ခုနှစ်၊ မတ်လ

ခြားနားနှိုင်းယှဉ်ခြင်းဖြင့် သွေးဆဲလ်အရေအတွက် အပြည့်အစုံစစ်ဆေးမှုဆိုသည်မှာ အဘယ်နည်း။

ခြားနားနှိုင်းယှဉ်ခြင်းဖြင့် စစ်ဆေးသည့် CBC စစ်ဆေးချက်၏ အကျိုးကျေးဇူးများ

CBC စစ်ဆေးချက် ခံယူရန် အသင့်ပြင်ပုံ

CBC စစ်ဆေးမှု အဆင့်များ

CBC စစ်ဆေးချက်က တိုင်းတာပေးသည့်အရာများ

ခြားနားနှိုင်းယှဉ်ခြင်းဖြင့် တိုင်းတာစစ်ဆေးသည့် CBC စစ်ဆေးချက်ဆိုသည်မှာ

သွေးဖြူဥဆဲလ်အမျိုးအစားများ

Neutrophils (နျူထရိုဖီးလ်)

Lymphocytes (ပြန်ရည်ဆဲလ်များ)

Monocytes (မိုနိုဆိုက်များ)

Eosinophils (အီယိုစီနိုဖီးလ်)

Basophils (ဘေဆိုဖီးလ်)

သွေးဆဲလ်အမျိုးအစားများနှင့် ဆက်စပ်အခြေအနေများ

ခြားနားနှိုင်းယှဉ်ခြင်းဖြင့် စစ်ဆေးသည့် CBC စစ်ဆေးချက်အကြောင်းဆိုင်ရာ အဓိကအချက်များ

သွေးပြန်ကြောအတွင်းသို့ အပ်သွင်းခြင်း

သွေးတွင်းပါဝင်ပစ္စည်းများသွင်းခြင်း

ကူးစက်ရောဂါပိုးဝင်ရောက်ခြင်းကို ကာကွယ်ခြင်း