အရိုးသိပ်သည်းဆ စကန်

အရိုး သတ္တုဓာတ်သိပ်သည်းဆ စမ်းသပ်မှုသည် အရိုး ထုထည်ကို တိုင်းတာသည်။ အရိုး သတ္တုဓာတ်သိပ်သည်းဆသည် အရိုးတွင် ထုံးဓာတ်နှင့် အခြားသော အရိုးသတ္တုဓာတ်များတို့၏ ပမာဏကို ရည်ညွှန်းသည်။ အသုံးအများဆုံးသော အရိုး သတ္တုဓာတ်သိပ်သည်းဆ စမ်းသပ်မှုမှာ DXA သို့မဟုတ် DEXA (စွမ်းအင် နှစ်မျိုးသုံးဓာတ်မှန် စုပ်ယူမှုတိုင်းတာခြင်း) ဖြစ်ပြီး ၎င်းသည် အရိုး အထုအထည်ကို တိုင်းတာရန် ဓာတ်ရောင်ခြည်များကို အသုံးပြုသည်။

ကလေးကင်ဆာအတွက် အချို့သော ကုသမှုများ သည် အရိုး အထုအထည် ဆုံးရှုံးမှု ကို ဖြစ်စေနိုင်ပြီး ၎င်းသည် အရိုးပွခြင်း ကို နောက်ပိုင်း ဖြစ်လာနိုင်သည်။

ကလေးကင်ဆာအတွက် အချို့သော ကုသမှုများသည် အရိုး အထုအထည် ဆုံးရှုံးမှုကို ဖြစ်စေနိုင်ပြီး ၎င်းသည် အရိုးပွခြင်းကို နောက်ပိုင်းတွင် ဖြစ်လာစေနိုင်သည်။ အရိုးပွခြင်းသည် အရိုးထုထည်နှင့် အရိုးအရည်အသွေးကျဆင်းမှုကို ဖော်ပြသော ရောဂါဖြစ်သည်။

အရိုးထုထည် ဆုံးရှုံးမှု အန္တရာယ်ရှိနိုင်သော လက်ရှိလူနာများနှင့် ကလေးဘဝကင်ဆာ အသက်ရှင်ကျန်ရစ်သူများသည် အောက်ပါအခြေအနေရှိသော လူနာများဖြစ်သည်-

• အရိုးများ အားနည်းစေသော အခြေအနေရှိခြင်း
• အရိုးများ အားနည်းစေသော ဆေးသောက်သုံးနေရခြင်း
• အရိုး ပြဿနာများအတွက် ကုသမှု ခံယူနေရခြင်း

အရိုးပွခြင်း ဖြစ်ပေါ်လာမှု အန္တရာယ်ရှိသော ကလေးကင်ဆာဖြစ်ပြီးနောက် အသက်ရှင်ကျန်ရစ်သူများတွင် ရေရှည် နောက်ဆက်တွဲ ပြုစုစောင့်ရှောက်မှု ရယူသောအခါ DXA စကန်ပြုလုပ်သင့်သည်။

DXA စကန် တစ်ခုကို ပြင်ဆင်ပုံ

ဆေးနှင့် ကုသမှု မှတ်တမ်း

မိဘများအား လူနာ၏ ယခင် ဆေးကုသမှုများနှင့် အရိုး ကျန်းမာရေး မှတ်တမ်းတို့နှင့်ပက်သက်၍ စစ်တမ်း မေးခွန်းလွှာကို ဖြေကြားရန် ပြောပါမည်။

ဝန်ထမ်းများအား ကြိုပြောရမည်ဖြစ်သော အရေးကြီးသော အရာများ

• အကယ်၍ လူနာသည် ယခင်က ဘေရီယမ် သို့မဟုတ် ခွဲခြားမြင်နိုင်သော ပစ္စည်းရည်နှင့် စစ်ဆေးမှုတစ်ခု သို့မဟုတ် စကန်ရိုက်ခဲ့ပါက ဝန်ထမ်းအား ပြောပြပါ။ ရိုက်ခဲ့ဖူးသည်ဟုဆိုပါက လုပ်ငန်းစဉ်ကို ပြန်၍ အချိန်ဇယား ဆွဲနိုင်သည်။
• အကယ်၍ လူနာသည် ကိုယ်ဝန်ရှိနိုင်သည့် အခွင့်အရေးရှိခဲ့လျှင် ဝန်ထမ်းအားပြောပြပါ။ အကယ်၍ ရှိခဲ့ပါက စမ်းသပ်မှုသည် ကလေးကို အန္တရာယ်ရှိစေနိုင်သည်။
• လေ့လာမှုအမျိုးအစားကို မွမ်းမံပြင်ဆင်ရန်ရှိသဖြင့် လူနာတွင် သတ္တုဖြင့် အဆစ်အစားထိုးမှု၊ ကျောရိုးတံ၊ အခြား သတ္တုပစ္စည်းများရှိမရှိ ဝန်ထမ်းကို ပြောဆိုပါ။

ထုံးဖြည့်စွက်ဆေးများ အသုံးပြုခြင်းမှ ရပ်တန့်ပါ

ထုံးဓာတ် သို့မဟုတ် ထုံးဓာတ်ဖြည့်စွက်ဆေးများ (နေ့စဉ် ဗီတာမင်များ) ကို သောက်သုံးနေရသော လူနာများသည် ၎င်းတို့သောက်ခြင်းကို စကန် မရိုက်မီ အနည်းဆုံး 24 နာရီ ရပ်တန့်သင့်သည်။ 

သက်သောင့်သက်သာရှိသော အဝတ်များကို ဝတ်ဆင်ပါ

လူနာများသည် ချောင်ပြီး သတ္တုနှိပ်ကြယ်သီး သို့မဟုတ် ဇစ်များပါသော သက်သောင့်သက်သာရှိသော အဝတ်များကို ဝတ်သင့်ခြင်းမှာ သတ္တုသည် အရိုးသိပ်သည်းဆ စစ်ဆေးမှုများပေါ်တွင် ပေါ်လာနိုင်သည့်အတွက်ကြောင့်ဖြစ်သည်။

ရှောင်ရှားရန် အခြားသော အရာများမှာ-

• လက်ပတ်နာရီများ
• လက်ဝတ်လက်စား
• သတ္တုနှင့် ပြုလုပ်ထားသော ဆံပင် ကလစ်များ
• မျက်မှန်
• အထဲတွင် သတ္တုနှင့်လုပ်ထားသော သွားအထိန်း

လူနာများသည် စကန်ဖတ်နေစဉ်အတွင်း ဆေးရုံဝတ်ရုံကို ဝတ်ဆင်နိုင်သည်။ 

လူနာသည် ငြိမ်သက်စွာရှိနေသင့်သည်

DXA စကန်တစ်ခုသည် 45 မိနစ်ခန့်ကြာသည်။ လူနာသည် ငြိမ်သက်စွာ ရှိရမည်ဖြစ်သည်။ သို့မဟုတ်လျှင် ဓာတ်မှန်များ ဝါးသွားမည်။ လူနာသည် အိပ်ချင်ယောင်ဆောင်ပါက သို့မဟုတ် ရုပ်တုကဲ့သို့ ဖြစ်နေပါက အဆင်ပြေပါသည်။

ရှားပါးဖြစ်ရပ်များတွင် ကလေးများသည်၎င်းတို့အား ငြိမ်သက်စွာလဲလျောင်းနေစေရန် ကူညီပေးသော ဆေးလိုအပ်နိုင်သည်။ နို့စို့ကလေးများဖြစ်ပါက ဝန်ထမ်းသည် စစ်ဆေးမှုမစတင်မီ မိဘများကို လူနာများအား နို့တိုက်ကျွေးခိုင်းနိုင်သည်။

DXA စကန် ရိုက်နေစဉ်အတွင်း မည်သည်ကို မျှော်လင့်ရမည်နည်း

• လူနာသည် ၎င်း၏ ခန္ဓာကိုယ်ပေါ်တွင် စကန်စက် ရွေ့လျားစဉ်၌ စင်အမာခံပေါ်တွင် လဲလျောင်းသည်။
• DXA စကန်တစ်ခုသည် ပုံမှန်အားဖြင့် ကျောရိုးနှင့် တင်ပါးရိုး ပုံများကို ရိုက်ယူသော်လည်း တစ်ခါတစ်ရံတွင် ခန္ဓာကိုယ်တစ်ခုလုံးကို စကန်ဖတ်သည်။
• ကျောရိုးစကန်တစ်ခု အတွက် ဝန်ထမ်းအဖွဲ့ဝင်တစ်ဦးသည် ကျောနောက်ပိုင်း တည့်မတ်နေစေရန် အမာသေတ္တာတစ်ခုပေါ်တွင် လူနာ၏ခြေထောက်ကို ထားပါမည်။
• တင်ပါးရိုးစကန်တစ်ခုအတွက် ဝန်ထမ်းအဖွဲ့ဝင်တစ်ဦးက လူနာ၏ ခြေထောက်ကို အထိန်းအချုပ်ကိရိယာတစ်ခုတွင် ထားပါမည်။ ထိုပြင်ဆင်ချက်များသည် စကန်စက်ကို အကောင်းဆုံးသော ပုံရိပ်များရရှိအောင် ကူညီပေးသည်။
• လူနာသည် စကန်စက်မှ တစ်ဝီဝီမြည်သံတစ်ခုကို ကြားနိုင်သော်လည်း စကန်များသည် ပုံမှန်အားဖြင့် မဆူညံပါ။
• စကန်သည် မနာကျင်စေပါ။

DXA စကန်များသည် ကျွန်ုပ်ကလေးအတွက် ဘေးကင်းပါသလား။

DXA စကန်သည် ပုံမှန် ဓာတ်မှန်ထက် ပို၍နည်းသော ရောင်ခြည်ကို အသုံးပြုသည်။ မိသားစုများသည် မည်သည့်စိုးရိမ်ထိတ်လန့်မှုကိုမဆို ဆေးဘက်ဆိုင်ရာအဖွဲ့နှင့် ဆွေးနွေးတိုင်ပင်သင့်သည်။

စကန်ရိုက်နေစဉ်အတွင်း လူနာနှင့်အတူ တစ်စုံတစ်ယောက်က ရှိနေမည်လား။

ပုံမှန်အားဖြင့် မိဘတစ်ဦးသည် လူနာနှင့်အတူ ရှိနေနိုင်သည်။ (အကယ်၍ ကိုယ်ဝန်ဆောင်ထားပါက မိဘသည် နားနေခန်းတွင် နေခဲ့ရပါမည်။)

ဝန်ထမ်းအဖွဲ့ဝင်တစ်ဦးသည် စက်ကိုမောင်းနှင်ပြီး အနီးအနားတွင် ရှိနေပါမည်။

မည်သည့်အချိန်တွင် မိသားစုများသည် ရလဒ်အဖြေများ ရရှိမည်နည်းနှင့် ၎င်းရလဒ်မှာ မည်သည်ကို ဆိုလိုသနည်း။

ပုံရိပ်ဖော်စစ်ဆေးချက်များကို အနက်ပြန်ဆိုနိုင်ရန် လေ့ကျင့်ပေးသော ဆရာဝန်ဖြစ်သော ဓာတ်မှန်ကျွမ်းကျင်သူသည် ရလဒ်အဖြေများကို ခွဲခြမ်းစိတ်ဖြာပြီး လူနာ၏ ကင်ဆာအထူးကုဆရာဝန်ဆီသို့ အစီရင်ခံစာ ပို့မည်ဖြစ်သည်။ DXA စကန်ရလဒ်အဖြေများရရန် 1 ရက်မှ ရက်ပေါင်းများစွာ ကြာနိုင်သည်။ ၎င်းတို့ကို မည်သည့်အချိန်တွင် ရရှိနိုင်မည်ကို ဆရာဝန်အား မေးပါ။

DXA စကန်သည် Z-ရမှတ်ဟုခေါ်သော တိုင်းတာချက်တစ်မျိုးကို ထုတ်ပေးသည်။ ၎င်းရမှတ်သည် အသက်၊ အရွယ်နှင့် လိင်အမျိုးအစားတူ အခြားလူများနှင့် နှိုင်းယှဉ်ထားသော လူနာ၏ အရိုးထုထည် မည်မျှလောက် ရှိသည်ကို ဖော်ပြသည်။ အကယ်၍ ၎င်းရမှတ်သည် ပုံမှန်ထက်ပို၍ မြင့်ခြင်း သို့မဟုတ် နိမ့်ခြင်း ရှိပါက နောက်ထပ် ဆေးစမ်းသပ်မှုများ ဆက်လုပ်ရန် လိုအပ်နိုင်ကြောင်း ညွှန်ပြသည်။