အဓိကအကြောင်းအရာ skip

ကြိုဆိုပါသည်

Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။

ပိုမိုလေ့လာရန်

အိတ်စိုက်သုံးရသော အသုံးစရိတ်များ အကျုံးဝင်ခြင်း

ကျန်းမာရေးအာမခံသည် ဆေးကုသမှုကုန်ကျစရိတ်များစွာထဲမှ အစိတ်အပိုင်းတစ်ခုအတွက် ငွေပေးချေမည်ဖြစ်သော်လည်း ၎င်းသည် ကုန်ကျစရိတ်အားလုံးအတွက် အကျုံးဝင်မည် မဟုတ်ပါ။

မိသားစုများသည် ကုသမှုအတွက် သွားလာရေး၊ ယာယီနေထိုင်ရေးနှင့် အခြားလိုအပ်ချက်များကဲ့သို့ အသုံးစရိတ်အသစ်များကို ကြုံတွေ့ရနိုင်ပါသည်။

ကင်ဆာဌာနရှိ လူမှုဖူလုံရေးဝန်ထမ်းများသည် မိသားစုများအတွက် ထောက်ခံပေးနိုင်ပြီး ဤအပိုကုန်ကျစရိတ်များနှင့်ပတ်သက်၍ ၎င်းတို့အား ကူညီပေးနိုင်သော ရင်းမြစ်များထံ လွှဲအပ်ပေးနိုင်သည်။

ထိပ်ပိုင်းတွင် ကျန်းမာရေးအာမခံစာတမ်းပါ စာရွက်တစ်ရွက်ကို လက်တစ်ဖက်ဖြင့်ကိုင်ထားပြီး အခြားတစ်ဖက်က ခဲတံကို ကိုင်ထားသော ဂရပ်ဖစ်ပုံ။

လှူဒါန်းကူညီရေး စောင့်ရှောက်မှု

လိုအပ်နေသူ လူနာများအတွက် လျှော့ဈေး သို့မဟုတ် အခမဲ့ စောင့်ရှောက်မှုအချို့ပေးအပ်ရန် အကျိုးအမြတ်မယူသော ဆေးရုံများကို တတ်နိုင်စေသော စောင့်ရှောက်မှုဥပဒေ (ACA) က တောင်းဆိုသတ်မှတ်ပေးထားသည်။ လှူဒါန်းကူညီရေး စောင့်ရှောက်မှုပေးသော ဆေးရုံတိုင်းသည် အရေးပေါ်အခန်းနှင့် ဝင်ပေါက်နေရာများတွင် အသိပေးချက်ကြော်ငြာ ကပ်ထားပေးရမည်ဖြစ်သည်။

လူနာများ ဆေးရုံတက်/ဆင်း ပြုရသောအခါနှင့် ငွေတောင်းခံလွှာတစ်ခုခုရှိသောအခါ ဆေးရုံများသည် သတင်းအချက်အလက်များကိုလည်း လူနာများထံ ပေးအပ်ရမည်ဖြစ်သည်။ တစ်စုံတစ်ဦးတွင် ကျန်းမာရေးအာမခံရှိနေလျှင်ပင် လှူဒါန်းကူညီရေး စောင့်ရှောက်မှုသည် မြင့်မားသော နုတ်ဖြတ်ငွေများ သို့မဟုတ် ပူးတွဲပေးချေမှုများကို အကျုံးဝင်စေနိုင်သည်။ ကလေးတစ်ဦးသည် အကျိုးအမြတ်မယူသော ဆေးရုံတွင် စောင့်ရှောက်မှုခံယူနေလျှင် အသေးစိတ်အချက်များအကြောင်း ဆေးရုံလူမှုဖူလုံရေးဝန်ထမ်း သို့မဟုတ် ငွေကောက်ခံအရာရှိကို မေးမြန်းပါ။

ပိုမိုသက်သာသော ဈေးနှုန်းရအောင် ညှိနှိုင်းပါ

တစ်ခါတစ်ရံ ဆေးရုံ၏ ငွေကောက်ခံဝန်ထမ်းနှင့် ညှိနှိုင်းခြင်းဖြင့် ငွေတောင်းခံမှုများကို လျှော့ချနိုင်ပါသည်။ မိမိကိုယ်ကို ယုံကြည်ပါ။ ဝန်ထမ်းက ညှိနှိုင်းမပေးလျှင် ကြီးကြပ်သူ သို့မဟုတ် ထောက်ပံ့ပေးသူ၏ လုပ်ငန်းမန်နေဂျာနှင့် စကားပြောဆိုနိုင်ရန် ယဉ်ကျေးစွာ တောင်းဆိုပါ။ ၎င်းဝန်ထမ်းတစ်ဦးချင်းစီက တောင်းဆိုမှုကို ငြင်းဆိုလျှင် ရုံးခန်းအတွင်း၌ အပြီးသတ်ဆုံးဖြတ်ခွင့်ရှိသူက ဘယ်သူလဲဟု မေးမြန်းပါ။ ထိုပုဂ္ဂိုလ်နှင့် စကားပြောဆိုနိုင်ရန် ယဉ်ကျေးစွာ တောင်းဆိုပါ။

လျှော့ပေးထားသော သို့မဟုတ် ပြင်ဆင်ပေးထားသော ငွေတောင်းခံမှုကို ရရှိရန်နည်းလမ်းများမှာ-

  • ငွေတောင်းခံမှုတစ်ရပ်လုံးကို ကြိုတင်ပေးချေထားခြင်း
  • ငွေပေးချေမှု အကူအညီအစီအစဉ်အကြောင်း စုံစမ်းမေးမြန်းခြင်း
  • ကာလတိုးမြှင့်ပေးထားသော ငွေပေးချေမှုအစီအစဉ်ကို သဘောတူခြင်း
  • ကွန်ရက်တွင်းဈေးနှုန်းတစ်ခုကို တောင်းခံရန် ကွန်ရက်ပြင်ပထောက်ပံ့ပေးသူများထံ တောင်းဆိုခြင်း။ အာမခံကွန်ရက်သည် ဝန်ဆောင်မှုများပေးအပ်ရန် အာမခံကုမ္ပဏီနှင့် စာချုပ်ချုပ်ဆိုထားသော ဆရာဝန်များ၊ ဆေးရုံများ၊ ဆေးဆိုင်များနှင့် အခြားကျန်းမာရေးစောင့်ရှောက်မှုပေးသူများအဖွဲ့ ဖြစ်သည်။

ဆေးဝါးများအတွက် ပေးချေရသောငွေပမာဏကို လျှော့ချနိုင်ရန် တူညီသောဆေးဝါး၏ ပုံတူပွားဆေးဝါး ရှိ၊ မရှိ မေးမြန်းပါ။ ပုံတူပွားဆေးကို မရရှိနိုင်လျှင် အာနိသင်တူနိုင်မည့် ဈေးနှုန်းလျှော့နည်းသော ဆေးဝါး ရှိ၊ မရှိ ထောက်ပံ့ပေးသူနှင့် တိုင်ပင်ပါ။

ဆေးဝါးကုမ္ပဏီအများစုတွင် လိုအပ်နေသူလူနာများအတွက် ကုန်ကျစရိတ် အချို့ သို့မဟုတ် အားလုံးကို ကူညီပေးသည့် အကူအညီအစီအစဉ်များ ရှိတတ်သည်။ ထုတ်လုပ်ရောင်းချသူ၏ လူနာကူညီရေးဌာနထံ ဆက်သွယ်နိုင်မည့် အချက်အလက်များကို ရှာဖွေပါ။ လျှော့ဈေးတစ်ခု တောင်းဆိုနိုင်ရန် ဖုန်းခေါ်ဆိုပါ။

အကူအညီအစီအစဉ်များ

သင်သည် ပြည်နယ် သို့မဟုတ် ဖယ်ဒရယ် ဈေးကွက်မှတစ်ဆင့် အာမခံကိုဝယ်ယူရန် လိုအပ်လာနိုင်ပါသည်၊ ၎င်းသည် တတ်နိုင်သော ကျန်းမာရေးအာမခံကို ဝယ်ယူရန်နှင့် စာရင်းသွင်းရန် ကူညီပေးသော ဝန်ဆောင်မှုဖြစ်သည်။ အကူအညီအစီအစဉ်များသည် အာမခံကုမ္ပဏီထံ လစဉ်ပေးချေရသော အာမခံကြေးများ၏ကုန်ကျစရိတ်ကို လျှော့ချပေးရန် ကူညီပေးနိုင်သည်။ မိသားစုတစ်စုသည် အကူအညီအတွက် အရည်အချင်းပြည့်မီလျှင် ထောက်ပံ့ငွေများကို အာမခံသွင်းငွေအတွက် အလိုအလျောက် သုံးမည်ဖြစ်သည်။

ပြည်နယ် သို့မဟုတ် ဖယ်ဒရယ် ဈေးကွက်အတွင်း၌ ကျန်းမာရေးအစီအစဉ်အချို့သည် ကုန်ကျစရိတ်မျှဝေခံရေး လျှော့ဈေးများကို ကမ်းလှမ်းပါသည်။ ဤအစီအစဉ်များသည် ပါဝင်သူလက်ခံရရှိသော စောင့်ရှောက်မှုတစ်ကြိမ်တိုင်း ပေးချေရသည့်ငွေပမာဏကို လျှော့ချပေးသည်။ ဤလျှော့ဈေးများအတွက် အရည်အချင်းပြည့်မီရန် မိသားစုသည် သတ်မှတ်ထားသော အစီအစဉ်များတွင် စာရင်းပေးသွင်းရမည်ဖြစ်သည်။

အခွန်ငွေသက်သာရေး အစီအစဉ်များ

အလုပ်ရှင်များစွာသည် ဆေးကုသမှုကုန်ကျစရိတ်များကို ကူညီကျခံပေးရန် ကျန်းမာရေးစောင့်ရှောက်မှု ပြောင်းလွယ်ပြင်လွယ် သုံးငွေအကောင့်များ (FSA) ကဲ့သို့ ကြိုတင်၍ အခွန်ငွေသက်သာရေး အစီအစဉ်များကို ကမ်းလှမ်းပါသည်။ အခွန်မဆောင်မီအကောင့်များသည် ဆေးကုသမှုအသုံးစရိတ်အချို့အတွက် ငွေပေးချေရန် အခွန်မဆောင်မီဒေါ်လာငွေများကို အသုံးပြုခြင်းဖြင့် ငွေကြေးသက်သာစေပါသည်။ ငွေကြေးသည် အခွန်မဆောင်မီအခြေအနေတွင် ဝင်ငွေထက် ကျော်လွန်သောအခါ စုစုပေါင်းဝင်ငွေခွန်သည် လျှော့နည်းပြီး အလုံးစုံအခွန်ပေးသွင်းမှုများကို လျှော့ချပေးသည်။

နေရေးနှင့် စားရေး အသုံးစရိတ်များ

ကင်ဆာစောင့်ရှောက်မှုသည် ကုထုံးဌာနနှင့် ပိုမိုနီးကပ်စွာ နေနိုင်ရန် အိမ်မှဝေးရာသို့ ရွှေ့ပြောင်းနေရနိုင်သည်။ ယာယီနေရာထိုင်ခင်း ရွေးချယ်စရာများသည် ကုထုံးပြုလုပ်သော မြို့အပေါ်မူတည်၍ ခြားနားမည်ဖြစ်သည်။ ဆေးရုံရှိ လူမှုဖူလုံရေးဝန်ထမ်းသည် ကုထုံးအဆောက်အအုံအင်္ဂါရပ်နှင့်နီးသော ယာယီနေရာထိုင်ခင်းကို ကူညီရှာဖွေပေးနိုင်သည်။

ဆေးရုံအချို့တွင် ဆေးရုံတက်မိသားစုများအတွက် ရရှိနိုင်သော ရေတိုအိမ်ရာရွေးချယ်စရာများ ရှိတတ်သည်။ နေရာအနေအထားများသည် အများအားဖြင့် နေထိုင်ရမည့်ကာလ၊ ဆေးကုသမှုလိုအပ်ချက်များနှင့် ရရှိနိုင်မှုအပေါ် အခြေခံသည်။ အဆောက်အအုံအင်္ဂါရပ်အချို့သည် ဆေးရုံကန်တင်းများ၊ ကုန်စုံဆိုင်များနှင့် အခြားခွင့်ပြုထားသော နေရာများတွင် အသုံးပြုနိုင်သည့် လက်ဆောင်ကတ်များမှတစ်ဆင့် အစားအသောက်အကူအညီကို ပေးအပ်သည်။

ကုထုံးအဆောက်အအုံ အင်္ဂါရပ်တစ်ခုစီမှာ မတူညီသောကြောင့် နေရေးနှင့် စားရေးလိုအပ်ချက်များဆိုင်ရာ မေးခွန်းများအတွက် ကုထုံးအဆောက်အအုံရှိ လူမှုဖူလုံရေးဝန်ထမ်းထံ ဆက်သွယ်ပါ။

ထပ်ဆောင်း အိမ်ရာရင်းမြစ်များတွင် အောက်ပါတို့ပါဝင်သည်-

ဆေးကုသမှုအအောက်အအုံအနီးရှိ ဟိုတယ်များသည် လူနာလျှော့ဈေးများကို ကမ်းလှမ်းပေးနိုင်သည်။ အခန်းငှားသောအခါ စုံစမ်းမေးမြန်းပါ။

သွားလာရေး ကုန်ကျစရိတ်များ

သွားလာရေးအသုံးစရိတ်များသည် လျင်မြန်စွာ မြင့်တက်နိုင်သည်။ ဓာတ်ငွေ့၊ ပါကင်နှင့် အလုပ်မှဝေးရာတွင် သုံးရသောအချိန်တို့သည် မိသားစုများအတွက် ငွေကြေးဆိုင်ရာ ဝန်ထုပ်ဝန်ပိုး ဖြစ်စေနိုင်သည်။

လေကြောင်းခရီးသွားခြင်း ရင်းမြစ်များတွင် အောက်ပါတို့ပါဝင်သည်-

ဒေသတွင်း ခရီးသွားအကူအညီအစီအစဉ်များတွင် အောက်ပါတို့ပါဝင်သည်-

ဆေးရုံအချို့သည် ကုထုံးအတွက် သွားလာရေးထောက်ပံ့ကူညီပေးရန် Uber နှင့် Lyft တို့ကဲ့သို့ တက္ကစီ သို့မဟုတ် မျှဝေစီးနင်းရေး ကုမ္ပဏီများနှင့် တွဲဖက်လုပ်ကိုင်သည်။ သင့်ဒေသတွင် ထိုတွဲဖက်လုပ်ကိုင်မှုတစ်ခုခု ရှိ၊ မရှိ ဆေးရုံလူမှုဖူလုံရေးဝန်ထမ်းအား မေးမြန်းပါ။

ဝန်ဆောင်မှုနှင့် ဘာသာရေး အဖွဲ့အစည်းများထံမှ အကူအညီ

ဝန်ဆောင်မှုအဖွဲ့အစည်းများစွာသည် ကလေးကင်ဆာကြောင့် ငွေကြေးအခက်အခဲကြုံတွေ့နေရသော မိသားစုများကို ကူညီပေးသည်။

အမျိုးသားဝန်ဆောင်မှုအဖွဲ့အစည်းများတွင် အောက်ပါတို့ပါဝင်သည်-

ဒေသတွင်း အဖွဲ့အစည်းအချို့သည် ကုထုံးကုန်ကျစရိတ်နှင့် အခြားအသုံးစရိတ်များကို ကူညီကျခံပေးရန် ထောက်ပံ့ငွေကို ပေးကမ်းသည်။ အခြားအဖွဲ့အစည်းများသည် သွားလာရေး သို့မဟုတ် ဆေးဝါးများကဲ့သို့ တိကျသေချာသော ဝန်ဆောင်မှုများ သို့မဟုတ် ထုတ်ကုန်များဆိုင်ရာ အကူအညီအပေါ် အာရုံစိုက်လုပ်ဆောင်သည်။ ဆက်သွယ်ရန် အဖွဲ့အစည်းများတွင် Catholic Charities၊ Jewish Social Services၊ the Lions Club၊ Lutheran Social Services နှင့် the Salvation Army တို့ ပါဝင်သည်။

အခြားထည့်သွင်းစဉ်းစားနိုင်သော ဒေသတွင်းရင်းမြစ်များတွင် အောက်ပါတို့ ပါဝင်သည်-

  • သင့်မြို့ သို့မဟုတ် နိုင်ငံရှိ လူမှုဝန်ဆောင်မှုများဌာနသည် အစားအစာ၊ နေထိုင်ရေးနှင့် အချို့အခြေအနေများတွင် တိုက်ရိုက်ငွေကြေးအကူအညီတို့ကဲ့သို့ ဝန်ဆောင်မှုများဖြင့် ကူညီပေးနိုင်သည်။ ဆက်သွယ်ရန်အချက်အလက်များအတွက် အွန်လိုင်းတွင် ကြည့်ရှုပါ။
  • ဂေဟာများ၊ ဘုရားကျောင်းများ၊ ဂျူးဘုရားကျောင်းများနှင့် ဗလီကျောင်းများကဲ့သို့ ဘာသာရေးနှင့် လူမှုအသိုင်းအဝိုင်းအခြေပြု အဖွဲ့များသည်လည်း အကူအညီပေးနိုင်သည်။


Together
သည် ဤဆောင်းပါးအတွင်း ဖော်ပြထားသော မည်သည့်တံဆိပ်ရှိ ထုတ်ကုန်များကိုမှ ထောက်ခံအတည်ပြုခြင်း မရှိပါ။


ပြန်လည်သုံးသပ်သည့်ရက်စွဲ- ဇွန်လ၊ 2018