Docetaxel (ဒါစီတက်ဆယ်)

Chemotherapy

ကုန်အမှတ်တံဆိပ်အမည်များ:

Docefrez®, Taxotere®

မကြာခဏအတှကျအသုံးပွု:

တွယ်ဆက်တစ်ရှူးကင်ဆာ၊ ကလေး အသည်းကင်ဆာ၊ ပြန်လည်ဖြစ်ပွားသောအစိုင်အခဲ အကျိတ်

Docetaxel (ဒါစီတက်ဆယ်) ဆိုတာ ဘာလဲ။

Docetaxel (ဒါစီတက်ဆယ်) ဆိုသည်မှာ ကီမိုဆေးကုထုံးတစ်မျိုးဖြစ်သည်။ ၎င်းသည် ဆဲလ်များကြီးထွားနေမှုကို နှေးကွေး သို့ ရပ်တန့် သွားစေသည့် အာနိသင်ရှိသည်။

Docetaxel (ဒါစီတက်ဆယ်) ကို ရက်သတ္တပတ် ၃ ပတ်တစ်ခါတွင် ၁ နာရီကြာသွင်းပေးလေ့ရှိပါသည်။ လူနာများတွင် ဆေးသွင်းခြင်းဆိုင်ရာ ဘေးထွက်ဆိုးကျိုးများရှိမရှိကို စောင့်ကြည့်စစ်ဆေးသွားရပါမည်။

Docetaxel (ဒါစီတက်ဆယ်) သည် သွေးပြန်ကြောမှ ယိုစိမ့်မည်ဆိုပါက တစ်ရှူးပျက်စီးမှုကို ဖြစ်စေနိုင်ပါသည်။ လူနာများ အကြောဆေးသွင်းထားသည့်နေရာရှိ အရေပြားတွင် နီမြန်းခြင်းနှင့် ထိခိုက်ပျက်စီးနေခြင်းတို့ ရှိနေနိုင်သည်။ အကယ်၍ ဆေးသွင်းနေစဉ် အပူလောင်သလိုမျိုးခံစားနေရပါက စောင့်ရှောက်ကုသပေးနေသည့်သူ တစ်ဦးဦးကို အသိပေးပါ။

လူနာများသည် သွေးဥအရေအတွက်ကို စစ်ကြည့်ရန်၊ အသည်းနှင့်ကျောက်ကပ်လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်ထုတ်နေရမည်ဖြစ်သည်။

ဆေးရည်အဖြစ် သွေးပြန်ကြောမှလည်း သွင်း၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

သွေးအတွင်းရှိ သွေးဥဆဲလ် အရေအတွက်လျော့နည်းခြင်း (ကူးစက်ရောဂါဝင်ရောက်နိုင်ခြေမြင့်တက်ခြင်း၊ သွေးယိုစီးခြင်း၊ သွေးအားနည်းခြင်း နှင့်/သို့မဟုတ် နုံးခွေခြင်းများကို ဖြစ်စေနိုင်သည်)
မအီမသာဖြစ်ခြင်းနှင့် ပျို့အန်ခြင်း (မပြင်းတတ်ပါ)
ပါးစပ်တွင် အပူဖုကဲ့သို့ အနာများပေါက်ခြင်း
ရောင်ရမ်းခြင်းနှင့် ကိုယ်အလေးချိန်တက်ခြင်းများ အပါအဝင် ရေထိန်းခြင်း
ဝမ်းလျှောခြင်း
နုံးခွေခြင်း သို့မဟုတ် အားနည်းခြင်း
ဆံပင်ကျွတ်ခြင်း
လက်သည်းများအတွင်း ပြောင်းလဲခြင်း
အဆစ်အမြစ် သို့မဟုတ် ကြွက်သားနာကျင်ကိုက်ခဲခြင်း
ခံတွင်းပျက်ခြင်း
ကိုယ်အလေးချိန် ကျခြင်း

အရသာခံနိုင်စွမ်းပြောင်းလဲခြင်း
ခြေ သို့မဟုတ် လက်များ စပ်ဖျဉ်းဖျဉ်းဖြစ်ခြင်း
ဝမ်းချုပ်ခြင်း
ရင်ပူနာ
အသားခြောက်ခြင်း
အမြင်အာရုံပြောင်းလဲခြင်းများ
မျက်ရည်ပူကျခြင်း သို့မဟုတ် နီမြန်းခြင်း
အသည်း ပြဿနာများ

ဓာတ်မတည့်သည့် တုံ့ပြန်မှုတွင် အင်ပျဉ်၊ အနီကွက်များထခြင်း၊ ယားယံခြင်း၊ အသက်ရှူရခက်ခဲခြင်း နှင့်/သို့မဟုတ် အစာရေစာမျိုချရခက်ခဲခြင်း၊ သွေးပေါင်ချိန်ကျခြင်းများပါဝင်သည်။

ဤဘေးထွက်ဆိုးကျိုးများကို Docetaxel (ဒါစီတက်ဆယ်) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

ဖြစ်တတ်သော နောက်ဆက်တွဲဆိုးကျိုးများ

အချို့သောလူနာများတွင် ကုထုံးပြီးဆုံးပြီး လပေါင်းများစွာ သို့မဟုတ် နှစ်ပေါင်းများစွာကြာသည့်တိုင်အောင် ရေရှည် သို့မဟုတ် နောက်ဆက်တွဲဆိုးကျိုးများကို ခံစားရနိုင်ပါသည်။ ဖြစ်တတ်သော ရေရှည် သို့မဟုတ် နောက်ပိုင်းဘေးထွက်ဆိုးကျိုးများမှာ−

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

လူနာများကို Dexamethasone ကဲ့သို့သော ကော်တီကိုစတီးရွိုက် ဆေးဝါးများကို ပေးလေ့ရှိပါသည်။
ပျို့အန်ချင်လာခြင်းနှင့် ပျို့အန်ခြင်းများကို လျော့ပါးသက်သာစေမည့် ဆေးကို ဆရာဝန်က ညွှန်ကြားပေးနိုင်ပါသည်။
အချို့သော Docetaxel (ဒါစီတက်ဆယ်) ဖော်မြူလာများတွင် အရက်ပါတတ်သဖြင့် အိပ်ငိုက်ခြင်း၊ ခေါင်းမူးဝေခြင်း၊ စိတ်ရှုပ်ထွေးခြင်းများဖြစ်နိုင်ပါသည်။ လူနာများသည် ဤဆေးသွင်းပြီးနောက်တွင် ယာဉ်မောင်းခြင်း သို့မဟုတ် အန္တရာယ်ဖြစ်စေနိုင်သော အလုပ်များကို မလုပ်ဆောင်သင့်ပါ။
လိင်မှုကိစ္စတွင် လုပ်ဆောင်သော လူနာများသည် ကုသမှုကာလနှင့် ကုထုံးပြီးဆုံးပြီး ၆ လအတွင်းတွင် ကိုယ်ဝန်မရအောင် ကာကွယ်ရန် ကြိုတင်ပြင်ဆင်သင့်ပါသည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
၎င်းဆေးသည် ခန္ဓာကိုယ်တွင်း ရောက်ရှိပြီးနောက် ၄၈ နာရီတိုင်အောင် လူနာ၏ခန္ဓာကိုယ်က ထွက်သော အရည်များတွင် ပါဝင်နေနိုင်သဖြင့် ပြုစုစောင့်ရှောက်သူများအနေဖြင့် ၎င်းကာလအတွင်းတွင် အဆိုပါအရည်များနှင့်မထိတွေ့စေရန် ညွှန်ကြားချက်များကို လိုက်နာသင့်ပါသည်။

Docetaxel (ဒါစီတက်ဆယ်) ရင်းမြစ်များ

Docetaxel (ဒါစီတက်ဆယ်) အကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။