ရနံ့အဆီများကို ရွေးချယ်ပုံနှင့် အသုံးပြုပုံ

ဘေးကင်းလုံခြုံမှုအတွက် စစ်ဆေးကြည့်ရှုပါ

အဆိပ်ဖြစ်စေသော အဆီများသုံးစွဲခြင်းကို ရှောင်ကြဉ်ပါ။ ၎င်းတို့တွင် ကလျာဏီ၊ ဝင်းထားဂရင်းမ်၊ ပရုတ်နှင့် နနွင်းတို့ ပါဝင်သည်။

ဘေးကင်းလုံခြုံကြောင်း သေချာစေရန် ကုမ္ပဏီသည် ၎င်း၏ဝက်ဘ်ဆိုက်တွင် ဘေးကင်းလုံခြုံရေးဒေတာစာမျက်နှာ ထားရှိပေးထားသင့်သည်။ အချို့ကုမ္ပဏီများသည် ပြင်ပအဖွဲ့အစည်းဓာတ်ခွဲခန်းများဖြင့် စစ်ဆေးထားသော သတင်းအချက်အလက်များကိုလည်း ပေးအပ်ပြသထားသည်။

ရနံ့အဆီများကို သိမ်းဆည်းခြင်း

ရနံ့အဆီများ သိမ်းဆည်းခြင်းအတွက် ဤအကြံပြုချက်များကို မှတ်သားထားပါ-

• ပုလင်းများကို အပူနှင့်ဝေးရာတွင် ထားပါ။ သင်သည် ၎င်းတို့ကို ရေခဲသေတ္တာထဲတွင် သိမ်းဆည်းနိုင်သည်။
• သက်တမ်းကုန်ဆုံးရက် ကျော်လွန်သွား၍ အရောင်ပြောင်းသွားသော သို့မဟုတ် အနံ့ဆိုးလာသော အဆီများကို လွှင့်ပစ်ပါ၊
• အဆီများ အငွေ့ပြန်မသွားစေရန် အသုံးပြုပြီးနောက် ပုလင်းကို အဖုံးပြန်ဖုံးထားပါ။

ရနံ့အဆီများကို ဘေးကင်းလုံခြုံစွာ အသုံးပြုပုံနည်းလမ်း

သင့်ကလေးသည် ရနံ့အဆီများကို မသောက်သုံးသင့်ပါ သို့မဟုတ် ရေမရောသင့်ပါ။ အချို့အဆီများတွင် ဆေးဝါးအချို့နှင့်ထိတွေ့လျှင် အန္တရာယ်ဖြစ်စေသော သို့မဟုတ် တုံ့လှယ်အကျိုးသက်ရောက်သော ပစ္စည်းများ ပါဝင်သည်။

သင့်ကလေး အသုံးပြုနေသော ရနံ့အဆီထုတ်ကုန်များအကြောင်း သင့်၏ ကျန်းမာရေးစောင့်ရှောက်မှုအဖွဲ့ကို ပြောကြားပါ။ ၎င်းတို့သည် သင့်ကလေး၏ ဆေးဝါးများနှင့် တုံ့လှယ်အကျိုးသက်ရောက်စေနိုင်သည်။

သင်အသုံးပြုမည့် အဆီအကြောင်း စေ့စေ့စပ်စပ်ဖတ်ရှုပြီး ၎င်း၏ အန္တရာယ်များနှင့် အကျိုးကျေးဇူးများကို နားလည်ပါစေ။

မည်သည့်အသက်ရှူခြင်းပြဿနာများကိုမဆို သတိထားမိပါက အဆီအသုံးပြုခြင်းကို ချက်ချင်း ရပ်တန့်ပါ။

ရနံ့အဆီများ အသုံးမပြုရမည့်အချိန်

အောက်ပါကလေးများအတွက် ရနံ့အဆီများကို အသုံးပြုပါနှင့်-

• အသက် 2 နှစ်အောက်
• ပန်းနာ၊ အခြားအသက်ရှူခြင်း ပြဿနာများရှိသူများ၊ သို့မဟုတ် ပန်းနာရင်ကျပ်ရောဂါကုဆေးများ (အယ်လ်ဗျု့တီရောလ် (albuterol) ကဲ့သို့ အသက်ရှူလမ်းကြောင်းကြွက်သားများကို ဖြေလျှော့ပေးသော ဆေးဝါးများ) ကို သောက်သုံးနေရသူများ
• ရနံ့အဆီများ သို့မဟုတ် ၎င်းတို့ထဲတွင် ပါဝင်နိုင်သော ပစ္စည်းများနှင့် ဓာတ်မတည့်သူများ
• ရနံ့များနှင့် အထိအတွေ့မခံနိုင်သူများ။

အဆီများကို မျက်လုံးများ၊ နှာခေါင်း၊ သို့မဟုတ် နားများအနီးတွင် အသုံးပြုပါနှင့်။

အသုံးပြုရန်အတွက် ရနံ့အဆီများကို ပြင်ဆင်ခြင်း

ရနံ့ကုထုံးတွင် ရနံ့အဆီများကိုအသုံးပြုရန် မတူညီသော နည်းလမ်းနှစ်မျိုး ရှိသည်- တိုက်ရိုက်ရှူသွင်းခြင်းနှင့် သွယ်ဝိုက်၍ရှူသွင်းခြင်း။

တိုက်ရိုက်ရှူသွင်းခြင်း (အဆီကို တိုက်ရိုက်ရှူသွင်းရန်)

• ရနံ့အဆီ 1-2 အစက်ကို ဂွမ်းလုံးပေါ်သို့ ချပါ။
• ဂွမ်းလုံးကို သင့်ကလေး၏ နှာခေါင်းမှ 6-8 လက်မဝေးအောင် ကိုင်ထားခြင်းဖြင့် စတင်ပါ။
• ဖြည်းဖြည်းမှန်မှန် အသက်ဝဝရှူရန် သင့်ကလေးကို ပြောပေးပါ။ ၎င်းသည် ကျိန်းစပ်ခြင်းမဖြစ်စေလျှင် သင်သည် ဂွမ်းလုံးကို သင့်ကလေး၏နှာခေါင်းအောက်တွင် ရှေ့နောက် ဖြည်းဖြည်းချင်း လှုပ်ယမ်းပေးနိုင်ပြီး အနည်းငယ်ပိုနီးအောင် ရွေ့လျားပေးနိုင်သည်။

သင်သည် ရနံ့အမွှေးတိုင် သို့မဟုတ် ရနံ့အဆီရှူဆေးဘူးများကိုလည်း ဝယ်နိုင်သည်။ ရှူဆေးဘူးများကို မျှဝေမသုံးစွဲပါနှင့်၊ သို့မဟုတ် ကလေးက အအေးမိခဲ့လျှင် သို့မဟုတ် အသက်ရှူခြင်းဆိုင်ရာ ရောဂါကူးစက်မှု ဖြစ်ပွားခဲ့လျှင် ကလေးအသုံးပြုခဲ့သော ရှူဆေးဘူးကို ထပ်မံအသုံးမပြုပါစေနှင့်။

အဆီများနှင့် ရှူဆေးဘူး၏ အစိတ်အပိုင်းငယ်လေးများကို အစိတ်အပိုင်းများအား မျိုချနိုင်သော ကလေးငယ်များ လက်လှမ်းမမီရာတွင် ထားပါ။

သွယ်ဝိုက်၍ ရှူသွင်းခြင်း

အခန်းတွင်း လေသန့်ဆေးအဖြစ် အသုံးပြုရန် အလွန်ပူသော ရေနွေးခွက်ဖလားထဲသို့ ရနံ့အဆီ 1-5 စက် ထည့်ပါ။ ခွက်ဖလားသည် သင့်ကလေး ရှူသွင်းနိုင်သော ရေနွေးငွေ့ကို ထုတ်လွှတ်ပေးမည်ဖြစ်သည်။ ခွက်ဖလားကို သင့်ကလေး လက်လှမ်းမီသောနေရာ သို့မဟုတ် မဖိတ်စင်နိုင်သောနေရာတွင် ထားပါ။

ရနံ့ပါသော ရေနွေးငွေ့သည် အခန်းတစ်ခုလုံးအနှံ့သို့ ရောက်ရှိသွားလာနိုင်ကြောင်း မှတ်သားထားပါ။ ၎င်းသည် ပန်းနာ သို့မဟုတ် အသက်ရှူခြင်း အခက်အခဲများရှိသူတို့ကဲ့သို့ ဆင်ခြင်ရသော ထိခိုက်လွယ်သူများတွင် ဓာတ်မတည့်မှုများ ဖြစ်စေနိုင်သည်။

ဤနည်းလမ်းများကို ဆေးရုံအခန်းများကဲ့သို့ အများဆိုင်ဝန်းကျင်များတွင် အသုံးမပြုပါနှင့်။ ၎င်းသည် ဓာတ်မတည့်တတ်သူများ သို့မဟုတ် ဆင်ခြင်ရသော ထိခိုက်လွယ်သူများအတွက် ပြဿနာများ ဖြစ်စေနိုင်သည်။

အသုံးပြုမှုများကြားတွင် ခွက်ဖလားကို သန့်စင်ခြောက်သွေ့အောင်ထားပါ။ မှိုနှင့် ဘတ်တီးရီးယားများသည် ရေထဲတွင် ပေါက်ဖွားကြီးထွားနိုင်ပြီး ရောဂါကူးစက်မှုကို ဖြစ်စေနိုင်သည်။ ဤအကြောင်းအရင်းကြောင့် စိမ့်ဝင်ပျံ့နှံ့မှုများကို အကြံမပေးပါ။

ထပ်ဆောင်းသတင်းအချက်အလက်များအတွက်

• together.stjude.orgတွင် ရှိသော ကျွန်ုပ်တို့၏ "ရနံ့အဆီများနှင့် ရနံ့ကုထုံး"ကို ကြည့်ရှုပါ
• အမျိုးသားကျန်းမာရေးတက္ကသိုလ်၊ အစပ်တည့်ပြီး စုစည်းပေါင်းစပ်ထားသော ကျန်းမာရေးအတွက် အမျိုးသားစင်တာ ဆေးဖက်ဝင်အပင်များလက်စွဲ နှင့် သိပ္ပံပညာရပ်ကို သိရှိပါ- ဆေးဝါးများနှင့် ဖြည့်စွက်စာများ၏ တုံံ့လှယ်အကျိုးသက်ရောက်ပုံ