သရက်ရွက်ဆိုင်ရာ နောင်တွင်ဖြစ်ပေါ်မည့်ဆိုးကျိုးများ၊

နေအိမ်
ကင်ဆာပြီးနောက် ဘဝ
ရေရှည်နှင့် နောင်တွင်ဖြစ်ပေါ်မည့် ဆိုးကျိုးများ
သရက်ရွက်ဆိုင်ရာ နောင်တွင်ဖြစ်ပေါ်မည့်ဆိုးကျိုးများ၊ လက်ရှိစာမျက်နှာ

အချို့သောကင်ဆာကုထုံးများသည် ခန္ဓာကိုယ်၏ ကိုယ်ခံအားစနစ်အတွက် အရေးကြီးသောအစိတ်အပိုင်းတစ်ခုဖြစ်သည့် သရက်ရွက်၏လုပ်ဆောင်ချက်ကို ပျက်စီးစေနိုင်သည် သို့မဟုတ် ရပ်တန့်စေနိုင်သည်။

သရက်ရွက်ကိုထိခိုက်စေနိုင်သည့် ကုထုံးများ

သရက်ရွက်ကို ခွဲစိတ်၍ ခန္ဓာကိုယ်မှဖယ်ထုတ်လိုက်ခြင်း (သရက်ရွက်အားခွဲစိတ်ဖယ်ထုတ်ခြင်း)
သရက်ရွက်ကို ဓာတ်ရောင်ခြည်ပမာဏများများဖြင့် ထိတွေ့မိခြင်း
(ရိုးတွင်းခြင်ဆီအစားထိုးခြင်း သို့မဟုတ် ပင်မကလာပ်စည်း အစားထိုးကုသခြင်းဟုလည်း ခေါ်ကြသော) ဟီမက်တိုပိုးအီတစ်ဆဲလ် အစားထိုးကုသခြင်း ၏အကျိုးဆက်အနေဖြင့် အလှူရှင်၏ ကိုယ်ခံအားဆဲလ်များက လူနာ၏တစ်ရှူးများကို တိုက်ခိုက်သည့် နာတာရှည်ရောဂါဖြစ်လာခြင်း

သရက်ရွက်ဘယ်လိုအလုပ်,လုပ်သလဲ

သရက်ရွက်သည် ဝမ်းဗိုက်၏ ဘယ်ဘက်အပေါ်ပိုင်း၊ နံရိုးအောက်ကပ်လျက်တွင် တည်ရှိသည်။ ၎င်းမှာ လက်သီးဆုပ် အရွယ်ခန့်ရှိသည်။ သရက်ရွက်သည် ပဋိပစ္စည်းများကိုဖြစ်စေသည့် သွေးဖြူဥများကို ထုတ်လုပ်ပေးသည်။ ပဋိပစ္စည်းဆိုသည်မှာ ရောဂါပိုးများကိုတိုက်ခိုက်ရန် အထူးပြုလုပ်ထားသည့် ပရိုတင်းတစ်မျိုးဖြစ်သည်။ သရက်ရွက်သည် ဘတ်တီးရီးယား၊ ဗိုင်းရပ်စ်များနှင့် အခြားသော ခန္ဓာကိုယ်ပြင်ပမှဝင်လာသည့်ပစ္စည်းများကို သွေးတွင်းမှဖယ်ရှားနိုင်ရန် စစ်ထုတ်ပေးသည့်ပစ္စည်းအနေဖြင့်လည်း လုပ်ဆောင်သည်။

ဘယ်ဘက်ပုံမှာ သရက်ရွက်၏အပြင်ဘက်ကိုပြသထားပြီး၊ ညာဘက်ပုံမှာ သရက်ရွက်ကိုပိုင်းဖြတ်၍ ပြထားသောပုံဖြစ်သည်။ အဆိုပါပိုင်းဖြတ်၍ ပြထားသောပုံတွင် ကပ်ဆူးလ်၊ ထရာဘက်ကူလာ၊ သွေးဆဲလ်များနှင့် မော်လီကျူးများ ဖြတ်ထွက်နိုင်စေသည့် သွေးကြောရှိစိမ့်ပေါက်ကြီးနှင့် ကလာပ်စည်းများရှိသည့် အဖြူရောင်ပိုင်းတိုကို ပြသထားသည်။

ဤပုံတွင် ကောင်းလေးတစ်ယောက်၏ ပြန်ရည်ကြောစနစ်တွင်ပါဝင်သော ကိုယ်အင်္ဂါအစိတ်အပိုင်းများကို စာညွှန်းများနှင့်တစ်ကွဖော်ပြထားပါသည်− လည်ပင်းပြန်ရည်ကျိတ်များ၊ ပြန်ရည်ကြောများ၊ ချိုင်းကြားပြန်ရည်ကျိတ်များ၊ ပေါင်ခြံပြန်ရည်ကျိတ်များ၊ သရက်ရွက်၊ သိုင်းမတ်စ်နှင့် အာသီးများ ဖြစ်ကြသည်။ — သရက်ရွက်သည် ပြန်ရည်စနစ်၏ အစိတ်အပိုင်းတစ်ခု ဖြစ်သည်။ ပြန်ရည်ကြောစနစ်ဆိုသည်မှာ ကူးစက်ရောဂါကိုတိုက်ခိုက်ပေးသည့် သွေးဖြူဥဆဲလ်များကို ခန္ဓာကိုယ်အနှံ့သို့ သယ်ယူပို့ဆောင်ပေးသည့် ပြန်ရည်ကြောများနှင့် ဂလင်းများ၊ ပြန်ရည်ကျိတ်များဖြင့် ဖွဲ့စည်းထားသောကွန်ရက်တစ်ခုဖြစ်သည်။

ဖြစ်ပွားနိုင်သည့် အခြေအနေများ

ချက်ချင်းမကုသပါက ပြင်းထန်ပြီး အသက်အန္တရာယ်ရှိသော ကူးစက်ရောဂါတစ်ခု ဖြစ်သွားနိုင်ခြေရှိသည်။

ကူးစက်ရောဂါတစ်ခု၏ လက္ခဏာများတွင် အောက်ပါတို့ပါဝင်ကြသည်-

ဖျားခြင်း
ပင်ပန်းနွမ်းနယ်ခြင်း
ကြွက်သားများကိုက်ခဲခြင်း
ချမ်းတုန်ခြင်း
ခေါင်းကိုက်ခြင်းများ
အော့အန်ခြင်း
ဝမ်းလျှောခြင်း
ဗိုက်နာခြင်း

ကူးစက်ရောဂါများကို ကုသခြင်း

အဖျား ၁၀၁ ဒီဂရီ ဖာရင်ဟိုက်ကျော်လွန်နေသည့်အခါတွင်-

(ပဋိဇီဝဆေးများသောက်နေလျက်ပင်ဖြစ်ပါစေ) ဆေးကုသမှု ချက်ချင်းခံယူပါ
ကျန်းမာရေးစောင့်ရှောက်မှု ဝန်ဆောင်မှုပေးသူကို သင့်သရက်ရွက်အခြေအနေအား ပြောပြပါ။
ရောဂါလက္ခဏာများကို ပြောပြပါ။

သွေးနမူနာတွင် ဘက်တီးရီယား မွေးမြူကြည့်ခြင်းနှင့် သွေးဥဆဲလ် အရေအတွက်တို့ကို စစ်ဆေးကြည့်ခြင်းအားဖြင့် ပြင်းထန်သောကူးစက်ရောဂါဆိုင်ရာလက္ခဏာတို့ကိုစစ်ဆေးနိုင်သည်။ ပြင်းထန်သော ကူးစက်ရောဂါဖြစ်ပွားနိုင်ခြေ မရှိတော့သည်အထိ သွေးပြန်ကြော သို့မဟုတ် ကြွက်သားမှ ပဋိဇီဝဆေးပြင်းပြင်းဖြင့်ကုသရန် အကြံပြုထားပါသည်။

ကူးစက်ရောဂါများမှ ကာကွယ်ခြင်း

ကာကွယ်ဆေးများ
ကာကွယ်ဆေးများသည် ပြင်းထန်သော ကူးစက်ရောဂါဖြစ်ပွားနိုင်ခြေတို့ကို လျှော့ချပေးနိုင်သည်။ ထိုးရန်အကြံပြုထားသော ကာကွယ်ဆေးများတွင် အောက်ပါတို့ပါဝင်သည်-
- Pneumococcal
- Meningococcal
- HIB (Haemophilus influenzae အမျိုးအစား B)
သင့်လျော်သောကာကွယ်ဆေးများ ထိုးပြီးကြောင်း သေချာစေရန် သင်၏ ပဏာမကျန်းမာရေးစောင့်ရှောက်မှုပေးသူကို မေးမြန်းပါ။ တစ်နှစ်တစ်ခါထိုးရသော တုပ်ကွေးကာကွယ်ဆေးကိုလည်း ထိုးရန်အကြံပြုထားသည်။

ကာကွယ်ဆေးများးသည် ၁၀၀ ရာခိုင်နှုန်း မထိရောက်နိုင်သောကြောင့် ၎င်းတို့ကိုထိုးထားသည့်တိုင်အောင် ပြင်းထန်ကူးစက်ရောဂါများ ဖြစ်ပွားနိုင်သည့်အန္တရာယ်ရှိသေးကြောင်း သတိပြုမိရန် အရေးကြီးသည်။
ပဋိဇီဝဆေးများ

ဘတ်တီးရီးယားကူးစက်နိုင်ခြေကိုလျှော့ချရန်အတွက် နေ့စဥ်ပဋိဇီဝဆေးတစ်မျိုး ဥပမာ-ပင်နဆီလင်ကိုအသုံးပြုရန် ကုသပေးသူတစ်ချို့မှ ညွှန်ကြားထားနိုင်သည်။ ဖျားနာမှု၏ ပထမဆုံးလက္ခဏာပြလာသည့်အခါနှင့် လုံလောက်သောကျန်းမာရေးကုသမှုမရှိသည့်နေရာသို့ ခရီးသွားရသည့်အခါသောက်ရန် ပဋိဇီဝဆေးများအသင့်လက်ဝယ်ထားရှိထားရန် အခြားကုသပေးသူများမှ ညွှန်ကြားထားနိုင်သည်။
အခြားသော သတိပြုရန်အချက်များ
ကင်ဆာရောဂါမှလွတ်မြောက်လာသူများတွင် အခြားရောဂါပိုးများ ကူးစက်ခံရနိုင်ခြေများနေနိုင်သည်။
- ငှက်ဖျား - ငှက်ဖျားအဖြစ်ပွားသည့်နေရာများသို့ ခရီးမထွက်မီ သင့်အားကုသပေးသူထံမှ ငှက်ဖျားကုသသည့်ဆေးများ တောင်းထားလိုက်ပါ။ ငှက်ဖျားရောဂါဖြစ်စေသည့် ခြင်များအကိုက်မခံရစေရန်အတွက် ခြင်လိမ်းဆေးများနှင့် ခြင်ထောင်တို့ကိုအသုံးပြုပါ။ လုံခြုံသောအဝတ်အစားတို့ကို ဝတ်ဆင်ထားပါ။
- မွှားများ - မွှားအကိုက်မခံရစေရန်အတွက် အပြင်သွားသည့်အခါ အကာအကွယ်ဖြစ်သောအဝတ်အစားများကို ဝတ်ဆင်ထားပါ။ ပိုးမွှားမကိုက်စေသည့်လိမ်းဆေး အသုံးပြုပါ။ မွှားအကိုက်ခံရခြင်းကြောင့် ရောဂါပိုးများကူးစက်ခံရနိုင်သည်။
- တိရစ္ဆာန်/လူ အကိုက်ခံရခြင်း - တိရစ္ဆာန်တစ်ကောင် သို့မဟုတ် လူတစ်ဦးဦး၏ အကိုက်ခံရပါက ချက်ချင်းဆေးကုသမှုခံယူပါ။
ဆေးကုသမှုဆိုင်ရာ အချက်ပြသင်္ကေတ

အကယ်၍ သင့်အနေဖြင့် အရေးပေါ်ဌာနထံသို့ မဆက်သွယ်နိုင်သည့်အခြေအနေမျိုးဖြစ်လာသည့်အခါမျိုးတွင် သင့်သရက်ရွက်သည် ကျန်းကျန်းမာမာအလုပ်မလုပ်နိုင်ကြောင်း ကျန်းမာရေးစောင့်ရှောက်မှု ဝန်ဆောင်မှုပေးသူများထံ အချက်ပေးရန်အတွက် ဆေးကုသမှု အချက်ပေးလက်ကောက် သို့မဟုတ် ဆွဲကြိုးတစ်ခုခုကို ဝတ်ဆင်ထားပါ။ ဆေးဝါးကုသပေးသူများအတွက် လမ်းညွှန်ချက်များပါရှိသည့် အိတ်ဆောင်ကတ်တစ်ခုကို ယူဆောင်သွားပါ။

---
ပြန်လည်သုံးသပ်ခဲ့သည့်ရက်စွဲ- ဇွန်လ ၂၀၁၈

သရက်ရွက်ကိုထိခိုက်စေနိုင်သည့် ကုထုံးများ

သရက်ရွက်ဘယ်လိုအလုပ်,လုပ်သလဲ

ဖြစ်ပွားနိုင်သည့် အခြေအနေများ

ကူးစက်ရောဂါများကို ကုသခြင်း

ကူးစက်ရောဂါများမှ ကာကွယ်ခြင်း

ကာကွယ်ဆေးများ

ပဋိဇီဝဆေးများ

အခြားသော သတိပြုရန်အချက်များ

ဆေးကုသမှုဆိုင်ရာ အချက်ပြသင်္ကေတ

ရိုးတွင်းခြင်ဆီ / ဟီမတိုပိုအီးတစ်ခ် ဆဲလ်အစားထိုးခြင်း

ဓာတ်ရောင်ခြည်ကုထုံး

ကူးစက်ရောဂါပိုးဝင်ရောက်ခြင်းကို ကာကွယ်ခြင်း