ပါးစပ်နှင့် လည်ချောင်း အနာများ

ပါးစပ်နှင့် လည်ချောင်း အနာများသည် ကလေးများတွင် ကင်ဆာကုထုံး၏ ယေဘုယျ ဘေးထွက်ဆိုးကျိုးများဖြစ်သည်။ ဤအခြေအနေအတွက် ဆေးပညာဆိုင်ရာအမည်မှာ အစာခြေစနစ်ရောင်ရမ်းခြင်း ဖြစ်သည်။

အစာခြေစနစ်ရောင်ရမ်းခြင်းဆိုတာ ဘာလဲ။

အစာခြေစနစ်ရောင်ရမ်းခြင်းသည် စိုစွတ်သော ချွဲသလိပ်အမြှေး ရောင်ရမ်းခြင်းဖြစ်ပြီး ယေဘုယျအားဖြင့် ကိုယ်တွင်းအင်္ဂါအချို့၏ အတွင်းမျက်နှာပြင်ကို နာကျင်စေသော အနာများ ဖြစ်စေတတ်သည်။

အစာခြေစနစ်ရောင်ရမ်းခြင်းသည် အောက်ပါတို့အပါအဝင် အစာခြေလမ်းကြောင်းတစ်လျှောက်ရှိ မည်သည့်နေရာတွင်မဆို ဖြစ်ပေါ်နိုင်သည်-

• ပါးစပ်
• အစာမျိုပြွန် (အစာပြွန်)
• အစာအိမ်
• အူများ
• စအို

ကလေးဘဝ ကင်ဆာဖြစ်နေသော လူနာများ၏ 50% အထက်သည် ခံတွင်းလည်ချောင်း ရောင်ရမ်းခြင်းဖြစ်ပွားနိုင်သည်။ ပင်မဆဲလ် အစားထိုးကုသခြင်း (ရိုးတွင်းခြင်ဆီအစားထိုးကုသခြင်း သို့မဟုတ် ဟီမာတိုပွိုင်အက်တစ်ဆဲလ် အစားထိုးကုသမှုဟုလည်း ခေါ်သည်) ရှိနေသော လူနာများ၏ 75% ကျော်သည် ဤဘေးထွက်ဆိုးကျိုးဖြစ်နိုင်ချေပိုများသည်။

ခံတွင်း အစာခြေစနစ်ရောင်ရမ်းခြင်းဆိုတာ ဘာလဲ။

ခံတွင်း အစာခြေစနစ်ရောင်ရမ်းခြင်းဆိုသည်မှာ ပါးစပ်နှင့် လည်ချောင်း အနာများကို ဆိုလိုသည်။ သူတို့သည် အောက်ပါတို့ကို ဖြစ်နိုင်သောကြောင့် စိုးရိမ်ရန်အတွက် အကြောင်းအရင်းရှိပါသည်-

• နာကျင်မှုနှင့် ခံရခက်ခြင်း
• လူနာများအတွက် အစာစားရာတွင်၊ ရေသောက်ရာတွင် ခက်ခဲခြင်း
• လူနာများ ရောဂါပိုးဝင်ရန် အန္တရာယ်များခြင်း
• လူနာ၏ ကုထုံးအစီအစဉ်ကိုပြောင်းလဲရခြင်း

ပါးစပ်နှင့်လည်ချောင်းအနာများကို ဖြေရှင်းရာတွင်အောက်ပါအချက်များပါဝင်သည်-

• ကြိုတင်ကာကွယ်ခြင်း
• နာကျင်မှုနှင့် ခံရခက်ခြင်းအတွက် ကုထုံး
• ကူးစက်ရောဂါများအတွက် ကုထုံး
• အာဟာရ ထောက်ပံ့မှု

ပါးစပ်နှင့် လည်ချောင်း အနာများ ဖြစ်ရခြင်းအကြောင်းများ

ပါးစပ်နှင့်လည်ချောင်းအနာများကို ပိုကြီးထွားစေသောအချက်များတွင် အောက်ပါတို့ပါဝင်သည်-

• ကီမိုဆေးသွင်းခြင်းကုထုံး ဆေးပမာဏမြင့်မားခြင်း
• ပင်မဆဲလ် အစားထိုးကုသခြင်း၊ အစားထိုးမကုသမီ ကီမိုဆေးသွင်းခြင်းကုထုံး ဆေးပမာဏမြင့်မားခြင်းနှင့်သက်ဆိုင်သည်
• ဦးခေါင်းနှင့် လည်ပင်းတွင် ဓာတ်ရောင်ခြည်ထိခြင်း
• နျူထရိုဖီးလ်အရေအတွက်နည်းခြင်း (ဓာတ်ကြိုက်ညီ သွေးဆဲလ်ဖြူနည်းခြင်း)
• ခံတွင်းကျန်းမာရေး အားနည်းခြင်း
• သွားကျန်းမာရေး အားနည်းခြင်း

ပါးစပ်နှင့် လည်ချောင်း အနာများ၏ လက္ခဏာများနှင့် ရောဂါလက္ခဏာများ

လူနာများနှင့် မိသားစုများသည် လက္ခဏာများနှင့် ရောဂါလက္ခဏာများပေါ်လာသောအခါ ပြုစုစောင့်ရှောက်ရေးအဖွဲ့ကို ပြောပြသင့်ပါသည်။

ရောဂါသွင်ပြင်နှင့်ရောဂါလက္ခဏာများတွင် ပါဝင်သည်မှာ-

• နှုတ်ခမ်းများ၊ ပါးစပ်၊ သို့မဟုတ် လည်ချောင်း၏ အပေါ် သို့မဟုတ် အတွင်းတွင် အနာပေါက်ခြင်း သို့မဟုတ် နာကျင်ခြင်း
• အစာမျိုချရန်ခက်ခဲခြင်း
• အောက်ပါမျိုချခြင်း ရင်ဘတ်နေရာတွင် နာကျင်ခြင်း
• ပါးစပ် သို့မဟုတ် လည်ချောင်းအတွင်းမှ အရိအရွဲအရည်များယိုထွက်မှု (သွားရည်များကျခြင်း) တိုးများခြင်း
• အဖြူအကွက်များ သို့မဟုတ် အနာများ ပါးစပ်နှင့် လည်ချောင်းအတွင်းတွင်ဖြစ်ခြင်း
• သွားဖုံးသွေးယိုခြင်း
• ကိုယ်အပူချိန် 100.4 ဖာရင်ဟိုက် သို့မဟုတ် 38.0 ဆဲစီးယပ်စ် အထက်ဖြစ်နေခြင်း
  

ပါးစပ်နှင့် လည်ချောင်း အနာများအတွက် ရောဂါရှာဖွေဖော်ထုတ်ခြင်း

ပြုစုကုသရေးအဖွဲ့သည် အောက်ပါတို့အားဖြင့် ပါးစပ်နှင့် လည်ချောင်း အနာများအတွက် ရောဂါရှာဖွေဖော်ထုတ်သည်-

• ပါးစပ်နှင့်လည်ချောင်းကို လူကိုယ်တိုင် စမ်းသပ်စစ်ဆေးခြင်း
• အစာစား ရေသောက်ရာတွင် နာကျင်မှုနှင့် မလုပ်ဆောင်နိုင်ခြင်းတို့အကြောင်း လူနာ၏တင်ပြချက်

ပြုစုကုသရေးအဖွဲ့သည် ခံတွင်း အစာခြေစနစ်ရောင်ရမ်းခြင်းကို ဆိုးရွားမှုအပေါ်အခြေခံ၍ 1-4 အထိ အဆင့်သတ်မှတ်မည်ဖြစ်သည်။ ထိုအဆင့်သည် ကုသမှုကို ညွှန်ပြရန် ကူညီပေးမည်ဖြစ်သည်။ အဆင့် 3-4 သည် ပြင်းထန်သည်။ ထပ်တိုးရောဂါများ ဖြစ်နိုင်ဖွယ်ရှိသည်။

ပါးစပ်နှင့် လည်ချောင်း အနာများကို ကာကွယ်ခြင်း

ပါးစပ်နှင့် လည်ချောင်းအနာများကို အချို့ဖြစ်စဉ်များတွင် ကြိုတင်မတားဆီးနိုင်ပါ။ ရောဂါလက္ခဏာပြင်းထန်မှုကို ဖြစ်နိုင်သမျှ လျော့နည်းစေရန် လူနာများလုပ်ဆောင်နိုင်သည့် အဆင့်များလည်းရှိပါသည်။

• သွားဘက်ဆိုင်ရာစစ်ဆေးခြင်း — ဖြစ်နိုင်မည်ဆိုလျှင် ကုသမှုမစတင်ခင် သင့်ကလေးကို သွားဘက်ဆိုင်ရာစစ်ဆေးမှု ပြုလုပ်သင့်သည်။ သင့်ကလေးက ကင်ဆာလူနာဖြစ်ကြောင်း သွားဆရာဝန်ကို အသိပေးထားပါ။ ကုသမှုမစတင်မီ သင်သည် ခံတွင်းကိရိယာပစ္စည်း သို့မဟုတ် သွားအထိန်းများကို ဖြုတ်ရန် လိုအပ်နိုင်သည်။
• နေ့စဉ်ပါးစပ်စောင့်ရှောက်မှု (ခံတွင်းကျန်းမာသန့်ရှင်းရေး) — အကယ်၍ ခံတွင်း စောင့်ရှောင်မှုသည် နာကျင်သည့်တိုင်အောင် ပြုစုစောင့်ရှောက်ရေးအဖွဲ့၏ ညွှန်ကြားချက်များကို လိုက်နာပါ။
  • သွားတိုက်တံ အပျော့နှင့် ညင်သာစွာသွားတိုက်ပါ။ သွားတိုက်ခြင်းသည် သွားဖုံးများမှ သွေးထွက်စေနိုင်ပြီး သွေးစီးကြောင်းထဲသို့ အန္တရာယ်ရှိသော ဘတ်တီးရီးယားများဝင်ရန် လမ်းကြောင်းတစ်ခု ဖြစ်စေနိုင်သည်။ သွားတိုက်ခြင်းက မဖြစ်နိုင်လျှင် ခံတွင်းအတွက် ဂွမ်းဖတ်များ သို့မဟုတ် ရေမြှုပ်များအကြောင်း သင့်ပြုစုကုသရေးအဖွဲ့ထံ မေးမြန်းထားပါ။
  • ပြုစုစောင့်ရှောက်ရေးအဖွဲ့မှ ညွှန်ကြားထားသော ပါးစပ်သန့်ရှင်းနည်းများကိုသာ အသုံးပြုပါ။ ဘက်တီးရီးယားပိုးများသန့်စင်သော ဆေးဖြစ်သော ကလိုရိုဟင်ဆီဒိုင်းသည် ပါးစပ်အတွင်းမှ ဘက်တီးရီးယားများကို ဖယ်ရှားနိုင်သည်။
  • သွားသန့်စင်ရန် ချည်ကြိုးတိုက်ခြင်းကို မလုပ်ဆောင်နိုင်ပါ။ သွားပွတ်ကြိုးများ အသုံးမပြုခင် ပြုစုစောင့်ရှောက်ရေးအဖွဲ့ကိုမေးပါ။ ၎င်းသည် တစ်ရှူးများကိုထိခိုက်ပျက်စီးစေနိုင်ပြီး သွေးထွက်ခြင်းနှင့် ရောဂါပိုးဝင်ခြင်း ဖြစ်စေနိုင်သည်။
  • ကီမိုဆေးသွင်းခြင်းကုထုံးအစတွင် ပါးစပ်အတွင်း၌ သွားဖြင့်ကိုက်မိ၍ ပြတ်ရှခြင်းများမဖြစ်စေရန်အတွက် အာဟာရပါရဂူသည် အစာပျော့ ကို အကြံပြုပေးနိုင်သည်။
    • ဝါးရန်နှင့် မျိုချရန် လွယ်ကူသော အစားအစာများ
    • ကြမ်းတမ်းသောအထိအတွေ့မရှိသည့် အစားအစာများ
    • မစပ်သော အစားအစာများ
    • အက်စစ်သဘာဝမရှိသော အစားအစာများနှင့် သောက်စရာများ
    • အလွန်မပူသော သို့မဟုတ် အလွန်မအေးသော အစားအစာများနှင့် သောက်စရာများ
    • ကာဗွန်နိတ်လုပ်မထားသော သောက်စရာများ
• ပါးစပ်ခြောက်ခြင်း ကာကွယ်မှု — ပြုစုကုသရေးအဖွဲ့သည် ပါးစပ်ခြောက်ခြင်း ကာကွယ်မှုနည်းလမ်းများကို အားပေးတိုက်တွန်းနိုင်သည်။ ဤနည်းလမ်းများတွင် အောက်ပါတို့ ပါဝင်နိုင်သည်-
  • အရည်များ သောက်ခြင်း
  • တံတွေးအစားထိုးပစ္စည်း အသုံးပြုခြင်း သို့မဟုတ် ပလုတ်ကျင်းခြင်း
  • သကြားမပါသော သကြားလုံးနှင့် ပီကေ ဝါးခြင်း
• နှုတ်ခမ်းစောင့်ရှောက်မှု — ပြုစုစောင့်ရှောက်ရေးအဖွဲ့မှ ညွှန်ကြားထားသော နှုတ်ခမ်းရေဓာတ်ဖြည့်ပစ္စည်းများကို အသုံးပြုပါ။
• ရေခဲကုထုံး — ကီမိုဆေးသွင်းခြင်းကုထုံးမတိုင်မီနှင့် တိုတောင်းသောအချိန်ပိုင်း အတွင်းတွင် ရေခဲတုံးလေးများစားခြင်းသည် ပါးစပ်အနာများကြီးထွားလာမှုကို နှေးသွားစေသည်။ ဤဖြစ်စဉ်ကို ပါးစပ်အနာများအတွက် အအေးကုထုံးဟု ခေါ်သည်။
• ပါလီဖာမင်း (Palifermin) — တစ်ခါတရံတွင် ဆရာဝန်များသည် တူညီသည့်ဆဲလ်နေရာများမှယူ၍ ပင်မဆဲလ်အစားထိုးကုသမှု လက်ခံရယူနေသူ လူနာများအတွက် ပါလီဖာမင်းဟုခေါ်သော ဆေးဝါးတစ်မျိုးကို အကြံပြုနိုင်သည်။

ကာကွယ်ခြင်းနှင့် ကုထုံးနည်းလမ်းတစ်ခုအဖြစ် အဆင့်နှိမ့်လေဆာကုထုံးကို လေ့လာနေဆဲဖြစ်သည်။

၎င်းကို အောက်ပါတို့ပြုလုပ်ရန် အလင်းကိုအသုံးပြုသည်-

• တစ်ရှူးပြန်လည်ကြီးထွားမှုကို မြှင့်တင်ပေးရန်
• ဖူးရောင်နီရဲခြင်းကို လျှော့ချပေးရန်
• ရောင်ရမ်းခြင်းကို လျှော့ချပေးရန်
• နာကျင်ကိုက်ခဲမှုကို သက်သာစေရန်

ပါးစပ်အနာများအတွက် ကုသမှု

ကုထုံးသည် နာကျင်မှုလျော့နည်းစေခြင်း၊ ရောဂါကူးစက်မှုများကို ကုသခြင်းနှင့် လူနာအနေဖြင့် လိုအပ်သော အာဟာရကိုရရှိကြောင်း သေချာစေခြင်းတို့အပေါ်တွင် အာရုံစိုက်လုပ်ဆောင်ပါသည်။

နာကျင်မှုစီမံခန့်ခွဲခြင်း

နာကျင်မှုအတွက် ကုသမှုများသည် လူနာ၏ ရောဂါလက္ခဏာများအပေါ်တွင် မူတည်ပါသည်။

အောက်ပါတို့ပါဝင်နိုင်သည်-

• ပလုတ်ကျင်းဆေးရည်များ သို့မဟုတ် “ခံတွင်းသန့်စင်ဆေးရည်” — ပြုစုစောင့်ရှောက်ရေးအဖွဲ့သည် အချို့သော ပလုတ်ကျင်းဆေးရည်များ သို့မဟုတ် ခံတွင်းသန့်စင်ဆေးရည်များကို ညွှန်ကြားနိုင်သည်။ ၎င်းတို့သည် နာကျင်မှုကို သက်သာစေသည်၊ ရောဂါကူးစက်မှုကို တိုက်ထုတ်နိုင်သည်၊ ရောင်ရမ်းခြင်းကို လျှော့ချပေးနိုင်သည်။
• အပေါ်ယံလိမ်းဂျဲလ်များ — ပြုစုကုသရေးအဖွဲ့က အကြုံပြုပေးထားသော ဂျဲလ်များသည် မသက်မသာဖြစ်ခြင်းများကို သက်သာစေနိုင်သည်။ 

အခြားကုသမှုများတွင် နာကျင်မှုသက်သာသော ဆေးဝါးအမျိုးမျိုး ပါဝင်နိုင်သည်။  ဆေးဝါးမပါဝင်သည့်နာကျင်မှုကုထုံး၏ အခြားပုံစံများကိုလည်း ပြုစုစောင့်ရှောက်ရေးအဖွဲ့က တိုက်တွန်းနိုင်သည်။

အာဟာရ ထောက်ပံ့မှု

လူနာများသည် စားခြင်းနှင့် သောက်ခြင်းပြဿနာများ ရှိသောအခါ ရေဓာတ်ခန်းခြောက်ခြင်း သို့မဟုတ် အာဟာရချို့တဲ့ခြင်းကို ဖြစ်စေနိုင်ပါသည်။

သူတို့သည် အာဟာရကို ပိုက်ပြွန်ဖြင့် အစာကျွေးခြင်း သို့မဟုတ် အလုံးစုံ အစာအာဟာရကို သွေးကြောထဲမှ ထည့်သွင်းပေးခြင်း (TPN) မှတစ်ဆင့် လက်ခံရယူရန် လိုအပ်နိုင်သည်။

ရောဂါပိုးဝင်ခြင်းများအတွက် ကုထုံး

ပါးစပ်နှင့် လည်ချောင်းအနာများသည် ပိုးမွှားများကို ခန္ဓာကိုယ်အတွင်းဝင်နိုင်ရန်အတွက် နေရာတစ်ခုပေးထားနိုင်ပြီး ရောဂါကူးစက်မှု ဖြစ်သွားစေနိုင်သည်။

ရောဂါကူးစက်မှုအတွက် ကုသမှုတွင် ရောဂါကူးစက်မှု ကုသရန် ဆေးဝါး ပါဝင်နိုင်သည်။ ပြုစုကုသရေးအဖွဲ့သည် ရောဂါကူးစက်မှုအတွက် အကောင်းဆုံးကုသမှုအစီအစဉ်ကို ရှာတွေ့ရန် အခြားသူများနှင့်အတူ အလုပ်လုပ်နိုင်သည်။