နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
အင်တာဖရွန် အယ်ဖာ-2b လက်ရှိစာမျက်နှာ

အင်တာဖရွန် အယ်ဖာ-2b

ကိုယ်ခံစွမ်းအားကုထုံး

ကုန်အမှတ်တံဆိပ်အမည်များ:

Intron A®

သည်အခြားအမည်များ:

INF-alpha 2

မကြာခဏအတှကျအသုံးပွု:

မယ်လန်နိုးမား၊ သွေးကင်ဆာ၊ ပြန်ရည်ကျိတ်ကင်ဆာ၊ အသည်းရောင်ရောဂါ

အင်တာဖရွန် အယ်ဖာ-2b ဆိုတာဘာလဲ။

အင်တာဖရွန် အယ်ဖာ-2b ဆေးသည် ကီမိုဆေးသွင်းခြင်း ကုထုံးအမျိုးအစားဆေးတစ်မျိုးဖြစ်သည်။ ၎င်းက ကင်ဆာဆဲလ်များကို တိုက်ခိုက်စေရန် လူနာ၏ကိုယ်ခံအားစနစ်ကိုအသုံးပြုသည်။

လူနာများသည် သွေးဥအရေအတွက်ကို စစ်ကြည့်ရန်၊ အသည်းနှင့်ကျောက်ကပ်လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်ထုတ်နေရမည်ဖြစ်သည်။ လူနာများ၏ မျက်လုံးပြဿနာများနှင့် စိတ်အနေအထား သို့မဟုတ် အပြုအမူပြောင်းလဲခြင်းများကို စောင့်ကြည့်နေနိုင်သည်။

ဆေးရည်အဖြစ် သွေးပြန်ကြောမှလည်း သွင်း၍ရသည်

ဆေးရည်အနေဖြင့် အရေပြားအောက်ထဲသို့ ထိုးပေးနိုင်သည်။ (အရေပြားအောက်ထဲသို့ဆေးထိုးခြင်း)

ကြွက်သားအတွင်းသို့ ဆေးရည်အနေဖြင့် ထိုးပေးနိုင်သည်။

ဖြစ်နိုင်ခြေရှိသော ဘေးထွက်ဆိုးကျိုးများ

တုပ်ကွေးကဲသို့သော ရောဂါလက္ခဏာများ (ဖျားခြင်း၊ ချမ်းခြင်း၊ ကိုက်ခဲခြင်း)
ပျို့အန်ချင်လာခြင်းနှင့် ပျို့အန်ခြင်း
အစားအသောက်ပျက်ခြင်းနှင့် ကိုယ်အလေးချိန်ကျဆင်းခြင်း
ရင်ဘတ်အောင့်ခြင်း
ဝမ်းလျှောခြင်း
အနီကွက်ဖြစ်ခြင်း၊ ယားယံခြင်း
လျှာတွင်အရသာပြောင်းလဲသွားခြင်း
သွေးဥဆဲလ် အရေအတွက်လျော့နည်းခြင်း (ထိုအခါ အလွယ်တကူ ရောဂါပိုးကူးစက်ခံရခြင်း၊ သွေးထွက်ခြင်း၊ သွေးအားနည်းခြင်း နှင့်/သို့ နုံးခွေခြင်း စသည့်တို့ ဖြစ်လာနိုင်သည်။)
အသည်း ပြဿနာများ
နုံးခွေခြင်း သို့မဟုတ် အားနည်းခြင်း
ဝမ်းချုပ်ခြင်း

အာခြောက်ခြင်း
ဗိုက်ပွခြင်း၊ ဗိုက်တင်းနေခြင်း
ဝမ်းချုပ်ခြင်း
အပ်ထိုးထားသည့်နေရာတွင် နာကျဉ်ခြင်း၊ အညိုအမည်းစွဲခြင်း သို့မဟုတ် ရောင်ရမ်းခြင်း
ဆံပင်ကျွတ်ခြင်း
အသက်ရှူမဝခြင်း
ခေါင်းခေါင်းမူးဝေခြင်း
စိတ်အနေအထားပြောင်းလဲလွယ်ခြင်း (စိတ်ဓာတ်ကျခြင်း၊ စိတ်ဆတ်ခြင်း၊ စိုးရိမ်သောကများခြင်း) သို့မဟုတ် အပြုအမူပြောင်းလဲသွားခြင်း
စိတ်ရှုပ်ထွေးခြင်း သို့မဟုတ် ကောင်းစွာမစဉ်းစားနိုင်ခြင်း
မျက်စိတွင်ပြဿနာဖြစ်ခြင်း သို့မဟုတ် အမြင်အာရုံပြောင်းလဲသွားခြင်း

အင်တာဖရွန် အယ်ဖာ-2b ဆေးသောက်သူတိုင်း အဆိုပါဘေးထွက်ဆိုးကျိုးများ တွေ့ကြုံရမည်မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

အင်တာဖရွန် အယ်ဖာ-2b မှာ ဆေးပြင်းအားမတူညီသောပုံစံအမျိုးမျိုးဖြင့်လာတတ်သည်။ ဆေးပမာဏညွှန်ကြားချက်များကို မှတ်တမ်းတင်ထားပြီး၊ ဆေးပမာဏအပြောင်းအလဲတိုင်းကို မှတ်သားထားပါ။
အင်တာဖရွန် အယ်ဖာ-2b ဆေးသောက်နေစဉ် အရည်ပမာဏများများသောက်ရန် အရေးကြီးပါသည်။ သင်တော်သည့်အရည်ပမာဏဖြစ်စေရန် ကုသပေးသည့်အဖွဲ့၏ညွှန်ကြားချက်များကို လိုက်နာပါ။
အင်တာဖရွန် အယ်ဖာ-2b ဆေးကြောင့် ဆီးချိုလူနာများတွင် သွေးတွင်းသကြားဓာတ်ကို ပြောင်းလဲသွားစေနိုင်သည်။
လူနာများသည် ဤဆေးကိုသုံးနေသည့် ကာလတွင် အရက်သောက်ခြင်းကို ရှောင်ကျဉ်သင့်သည်။
လိင်မှုကိစ္စဆောင်ရွက်နေသည့် လူနာများတွင် ဆေးကုသနေစဉ် ကိုယ်ဝန်မရစေရန် တားထားသင့်သည်။ မည်သည့်အချိန်တွင် ဘေးကင်းစွာကိုယ်ဝန်ဆောင်နိုင်မလဲဆိုတာကို သင်၏ ဆရာဝန် သို့မဟုတ် ဆေးဝါးပညာရှင်တို့နှင့် တိုင်ပင်ပါ။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
ပြုစုသူများသည် ဆေးကိုဘေးကင်းစွာ ကိုင်တွယ်ရန်နှင့် စွန့်ပစ်ရန် ညွှန်ကြားချက်များကို လိုက်နာသင့်သည့်အပြင် လူနာ၏ခန္ဓာကိုယ် မှအရည်များနှင့် ထိတွေ့ ခြင်း ရှောင်ကျဥ်သင့်သည်။ ၎င်းဆေးသည် ခန္ဓာကိုယ်တွင်း ရောက်ရှိပြီးနောက် ၄၈ နာရီတိုင်အောင် လူနာ၏ခန္ဓာကိုယ်က ထွက်သော အရည်များတွင် ပါဝင်နေနိုင်သည်။

အင်တာဖရွန် အယ်ဖာ-2b ဆေးကို အိမ်တွင်အသုံးပြုခြင်း-

တုပ်ကွေးကဲသို့သော ရောဂါလက္ခဏာများသက်သာစေရန် သင့်အားကုသပေးသည့်အဖွဲ့မှ အိုင်ဗြူပရိုဖန် (Advil®) သို့ အက်စီတာမင်နိုဖန် (Tylenol®) ဆေးတို့ကို ညွှန်းပေးနိုင်သည်။
ဤဆေးသည် သင်အားခေါင်းမူးခြင်း သို့မဟုတ် အိပ်ငိုက်သလိုဖြစ်စေနိုင်ပြီး၊ လဲကျနိုင်ခြေကိုပါ များသွားစေသည်။ လူနာများသည် ဤဆေး၏အာနိသင်သက်ရောက်မှုကို မသိရမချင်း အန္တရာယ်ဖြစ်စေနိုင်သော အလုပ်လုပ်ခြင်းများကို မလုပ်ဆောင်သင့်ပါ။
သူနာပြုတစ်ဦးမှ ဆေးထိုးနည်းကို သင့်အားသင်ပေးပါလိမ့်မည်။
ပိုးသတ်ထားသောရေဖြင့်ရောစပ်နိုင်သည့် ဆေးရည် သို့မဟုတ် ဆေးမှုန့်ပုံစံဖြင့်လည်း လာတတ်သည်။ ဆရာဝန် သို့မဟုတ် ဆေးဝါးပညာရှင်တို့၏ ညွှန်ကြားချက်များကို လိုက်နာပါ။
အင်တာဖရွန် အယ်ဖာ-2b ဆေးကို ရေခဲသေတ္တာထဲတွင် သိမ်းဆည်းထားပါ။
အင်တာဖရွန် အယ်ဖာ-2b ဆေးမပေးမီ၊ ၎င်းကိုရေခဲသေတ္တာအပြင်ဘက်သို့ တစ်နာရီလောက်ကြိုထုတ်ထားလိုက်ပြီး၊ အခန်းအပူချိန်မှာပဲ အရည်ပျော်သွားပါစေ။
ဆေးပုလင်းကို မလှုပ်ပါနှင့်။ ပူစီပေါင်းများထလာပါက မှန်ကန်သောဆေးပမာဏရရှိစေရန် ခက်ခဲသွားစေတတ်သည်။
အင်တာဖရွန် အယ်ဖာ-2b ဆေးသည် အမြဲတစေ ကြည်လင်နေပြီး၊ အရောင်မရှိသောဆေးရည်မျိုးသာ ဖြစ်သင့်သည်။ အကယ်၍ ဆေးရည်အရောင်နောက်နေပါက၊ အရောင်ပြောင်းသွားပါက သို့မဟုတ် အဖတ်များ၊ အမှုန်ငယ်လေးများရှိနေပါက အသုံးမပြုရ။
ဆေးထိုးပြွန်များ၊ အပ်များ သို့မဟုတ် ဆေးပုလင်းများကို နောက်တစ်ကြိမ်ပြန်အသုံးမပြုရ။ အပ်များကို အပ်များစွန့်ပစ်ရမည့်အမှိုက်ပုံးထဲသို့သာ စွန့်ပစ်ပါ။ (ချွန်ထက်သောပစ္စည်းများထည့်ရန်ပုံး)
ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
သက်တမ်းလွန်ဆေးဝါးများကို အသုံးမပြုပါနှင့်။
ဘေးကင်းစွာသိမ်းဆည်းခြင်းနှင့် ဆေးစွန့်ပစ်ခြင်း လမ်းညွှန်ကြားချက်များကို လိုက်နာပါ။

အင်တာဖရွန် အယ်ဖာ-2b ဆေးအကြောင်းရေးသားထားသော ရင်းမြစ်များ

အင်တာဖရွန် အယ်ဖာ-2b ဆေးအကြောင်းကို ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။