ကြိုဆိုပါသည်
Together သည် - လူနာများနှင့် မိဘများ၊ မိသားစုဝင်များနှင့် သူငယ်ချင်းများအပါအဝင် - ကလေးကင်ဆာကြောင့် ထိခိုက်မှုရှိသူတိုင်းအတွက် ရင်းမြစ်အသစ်တစ်ခု ဖြစ်ပါသည်။
ပိုမိုလေ့လာရန်ပြင်းထန်သော ရောဂါဝေဒနာခံစားနေရသည့် ကလေးများတွင် နှိပ်နယ်ကုထုံးသည် နာကျင်ခြင်း၊ မသက်မသာဖြစ်ခြင်း၊ စိတ်ဖိစီးခြင်းနှင့် ပျို့အန်ချင်စိတ်ဖြစ်ခြင်းကဲ့သို့သော ရောဂါလက္ခဏာများကို သက်သာစေရန် ကူညီပေးနိုင်ပါသည်။
နှိပ်နယ်ကုထုံးသည် အရေပြားနှင့် ကြွက်သားများကို ပွတ်သပ်ပေးခြင်း၊ ဖိပေးခြင်း၊ လှုပ်ရှားစေခြင်းအားဖြင့် ခန္ဓာကိုယ်အညောင်းပြေပြီး စိတ်ပင်ပန်းမှုသက်သာစေရန် ကူညီပေးနိုင်သည်။ နှိပ်နယ်ကုထုံးသည် နာကျင်ခြင်း၊ မသက်မသာဖြစ်ခြင်း၊ တောင့်တင်းခြင်းနှင့် စိတ်ဖိစီးခြင်းတို့ကို လျော့နည်းစေရန် ကူညီပေးနိုင်ပါသည်။
ပြင်းထန်သော ရောဂါဝေဒနာခံစားနေရသော မွေးကင်းစကလေးငယ်များ၊ ကလေးများနှင့် ဆယ်ကျော်သက်အရွယ်များတွင် ကုထုံးပညာရှင်သည် ပိုမိုညင်သာပြီး ပြင်းအားနည်းစေရန် ကုထုံးကို ပြုပြင်ပေးပါလိမ့်မည်။ နှိပ်နယ်ရာတွင် ရနံ့ကုထုံး သို့မဟုတ် အပူကုထုံးကဲ့သို့သော အခြားနည်းစနစ်များကို အသုံးပြုနိုင်သော်လည်း များသောအားဖြင့် လူနာများအတွက် သုံးလေ့မရှိပါ။ မည်သည့်အရာများ မျှော်လင့်ထားရမည်ကို သိရှိရန် ကုထုံးပညာရှင်နှင့် ဆွေးနွေးပါ။
နှိပ်နယ်ကုထုံးပညာရှင်များသည် တစ်မျိုး သို့မဟုတ် တစ်မျိုးထက်ပိုသော နည်းလမ်းများကို အသုံးပြုနိုင်ပါသည်။ တွေ့ရများသော အမျိုးအစားအချို့တွင် အောက်ပါတို့ ပါဝင်သည်-
နှိပ်နယ်ကုထုံး၏ ကောင်းကျိုးများတွင် အောက်ပါတို့ ပါဝင်နိုင်ပါသည်-
နှိပ်နယ်ခြင်းသည် ရောဂါဝေဒနာခံစားနေရသော ကလေးများကို ကူညီပေးနိုင်ပါသည်။ ပြုစုစောင့်ရှောက်သူများသည်လည်း နှိပ်နယ်ကုထုံးမှ ကောင်းကျိုးများရရှိနိုင်ပါသည်။
မိဘများအနေဖြင့် အချို့နှိပ်နယ်နည်း အမျိုးအစားများကို လုပ်ဆောင်ပုံအား သင်ယူနိုင်သည်။ ကလေးများအား နှိပ်နယ်ပေးရာတွင် ကလေးအနေဖြင့် ပူးပေါင်းဆောင်ရွက်နေစေရန်အတွက် ပြုစုစောင့်ရှောက်သူများသည် ပုံပြင်ပြောသည့်နည်းလမ်းကို သုံးကြသည်။ နှိပ်နယ်ခြင်းသည် မိဘနှင့်ကလေးအကြား ဆက်ဆံရေးကို ပိုမိုနက်ရှိုင်းစွာ ရင်းနှီးမှုရှိလာစေရန် ကူညီပေးနိုင်သည်။ ၎င်းသည် မိသားစုဝင်များအား ရောဂါလက္ခဏာများကို ထိန်းချုပ်ဖြေရှင်းနိုင်စေရန် ကူညီပေးသည်။
သေချာလေ့ကျင့်ထားသော ကျွမ်းကျင်ဝန်ထမ်းက မှန်ကန်သောနည်းလမ်းဖြင့် ဆောင်ရွက်သည့်အခါ နှိပ်နယ်ကုထုံးသည် ဘေးကင်းစိတ်ချရပါသည်။ လိုင်စင်ရ နှိပ်နယ်ကုထုံးပညာရှင်များသည် နည်းလမ်းတကျ သင်ကြားမှုကို ရရှိထားပြီး အစိုးရအသိအမှတ်ပြုမှုများအတွက် လိုအပ်ချက်များနှင့် ကိုက်ညီကြပါသည်။ အချို့သော နှိပ်နယ်ကုထုံးပညာရှင်များသည် လေ့ကျင့်သင်ကြားမှုများနှင့် အသိအမှတ်ပြုလက်မှတ်များ ပိုမိုရရှိထားကြသည်။
နှိပ်နယ်ကုထုံးပညာရှင်များသည် လူနာ၏ လိုအပ်ချက်များနှင့် ကိုက်ညီစေရန် နည်းလမ်းများကို ပြောင်းလဲနိုင်သည်။ သူတို့သည် ပြင်းထန်သော ဖိအားအသုံးပြုခြင်းကို ရှောင်ရှားသင့်ပြီး အကြိတ် သို့မဟုတ် ကုသမှုခံယူနေသော နေရာပေါ်တည့်တည့်ကိုလည်း ရှောင်ရှားသင့်သည်။ အောက်ပါအချက်များရှိသော လူနာများအတွက် အထူးဂရုစိုက်မှု လိုအပ်ပါသည်-
နှိပ်နယ်ကုထုံးပညာရှင်နှင့်အတူ ကြိုတင်ဆွေးနွေးပါ။ သေချာအောင်လုပ်ရမည်မှာ-
နှိပ်နယ်ကုထုံးခံယူရာ၌ ဖြစ်နိုင်ခြေရှိသော အန္တရာယ်များတွင် ပါဝင်နိုင်သည်မှာ-
ပြုစုကုသရေးအဖွဲ့က ထောက်ခံပေးထားသော စံသတ်မှတ်ချက်နှင့်ကိုက်ညီသည့် ကုသမှုများအစား နှိပ်နယ်ကုထုံးကို အသုံးမပြုပါနှင့်။
—
ပြန်လည်သုံးသပ်သည့်ရက်စွဲ- ဇန်နဝါရီလ 2024 ခုနှစ်