နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
သိုင်ယိုဂွာနင်း လက်ရှိစာမျက်နှာ

သိုင်ယိုဂွာနင်း

Chemotherapy

ကုန်အမှတ်တံဆိပ်အမည်များ:

Tabloid®

သည်အခြားအမည်များ:

6-Thioguanine, 6-TG, TG, Tioguanine, 2-Amino-6-Mercaptopurine

မကြာခဏအတှကျအသုံးပွု:

သွေးကင်ဆာ

သိုင်ယိုဂွာနင်းဆိုတာဘာလဲ?

သိုင်ယိုဂွာနင်းဆေးသည် ကီမိုဆေးသွင်းခြင်း ကုထုံးတစ်မျိုးဖြစ်သည်။ ၎င်းသည် ဆဲလ်များကြီးထွားနေမှုကို နှေးကွေး သို့ ရပ်တန့် သွားစေသည့် အာနိသင်ရှိသည်။

သိုင်ယိုဂွာနင်းဆေးကို ၎င်းတို့၏ခန္ဓာကိုယ်မှ မည်မျှနှေးကွေးစွာ သို့ မည်မျှလျင်မြန်စွာချေဖျက်နိုင်မှုမှာ တစ်ချို့ အင်ဇိုင်းများ၏ လုပ်ဆောင်မှုများကြောင့် လူနာအလိုက်ကွဲပြားသွားနိုင်သည်။ လူနာ၏အင်ဇိုင်းများမည်ကဲ့သို့အလုပ်လုပ်သလဲသိစေရန် မျိုးရိုးဗီဇ စစ်ဆေးခြင်းတစ်မျိုးကို လုပ်ဆောင်ရနိုင်သည်။ လူနာ၏ခန္ဓာကိုယ်မှ သိုင်ယိုဂွာနင်းဆေးကို ပို၍နှေးကွေးစွာချေဖျက်နိုင်ပါက ဆေးပမာဏနိမ့်နိမ့်ကိုသာ ပေးထားနိုင်သည်။ သိုင်ယိုပြူရင်း မီသိုင်းထရန်စဖားရေ့စ် (TPMT) နှင့် ဆေးများအကြောင်း ပိုမိုဖတ်ရှုကြည့်ပါ။

ဆေးပြားအဖြစ် ပါးစပ်မှလည်း သောက်၍ရသည်။

ဆေးရည်အဖြစ် ပါးစပ်မှလည်း သောက်၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

ပျို့အန်ချင်လာခြင်းနှင့် ပျို့အန်ခြင်း
သွေးအတွင်းရှိ သွေးဥဆဲလ် အရေအတွက်လျော့နည်းခြင်း (ကူးစက်ရောဂါဝင်ရောက်နိုင်ခြေမြင့်တက်ခြင်း၊ သွေးယိုစီးခြင်း၊ သွေးအားနည်းခြင်း နှင့်/သို့မဟုတ် နုံးခွေခြင်းများကို ဖြစ်စေနိုင်သည်)
အသည်း ပြဿနာများ
ခံတွင်းပျက်ခြင်း
ပါးစပ်တွင် အပူဖုကဲ့သို့ အနာများပေါက်ခြင်း
ကင်ဆာအကျိတ်ကုသရာမှဖြစ်ပေါ်သော ဇီဝကမ္မမူမမှန်သည့် ရောဂါလက္ခဏာစု
ခြေများ၊ လက်များ၊ ခြေဖဝါးများအနည်းငယ်ဖောင်းလာခြင်း သို့ ခန္ဓာကိုယ်ပိုပြည့်လာသလိုခံစားနေရခြင်း (ရေဓာတ်များ၍ဝလာခြင်း)

သိုင်ယိုဂွာနင်းဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

ဖြစ်တတ်သော နောက်ဆက်တွဲဆိုးကျိုးများ

အချို့သောလူနာများတွင် ကုထုံးပြီးဆုံးပြီး လပေါင်းများစွာ သို့မဟုတ် နှစ်ပေါင်းများစွာကြာသည့်တိုင်အောင် ရေရှည် သို့မဟုတ် နောက်ဆက်တွဲဆိုးကျိုးများကို ခံစားရနိုင်ပါသည်။ သိုင်ယိုဂွာနင်းဆေးကြောင့် ဖြစ်တတ်သော နောက်ဆက်တွဲဆိုးကျိုးများတွင်

ဆင့်ပွားကင်ဆာများ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

ဤဆေးကြောင့် နေရောင်ခြည်ဒဏ်ပို၍မခံနိုင်ခြင်း ဖြစ်လာစေပြီး နေလောင်ခြင်းဒဏ်ပိုခံရစေနိုင်သည်။ လူနာများအနေဖြင့် အရေပြားကို နေရောင်ခြည်မထိစေရန် ကာကွယ်သည့်နည်းလမ်းများ လုပ်ဆောင်ထားသင့်သည်။ နေလောင်ခံဆေးလိမ်းပါ။ နေရောင်ခြည်ကာကွယ်ပေးသည့်အဝတ်အစားများ ဝတ်ဆင်ထားပါ။ ဖြစ်နိုင်ပါက နေရောင်ခြည်မထိပါစေနှင့်။
လိင်မှုကိစ္စဆောင်ရွက်နေသည့် လူနာများတွင် ဆေးကုသနေစဉ်နှင့် ကုသမှုပြီးဆုံးသွားသည့်နောက်ပိုင်း အချိန်ကာလတစ်ခုကြာသည်အထိ ကိုယ်ဝန်မရစေရန်တားထားရမည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
စောင့်ရှောက်ကုသပေးနေသည့်သူများအနေဖြင့် ဘေးကင်းစွာသိမ်းဆည်းခြင်းနှင့် ဆေးစွန့်ပစ်ခြင်းလမ်းညွှန်ချက်များကို လိုက်နာသင့်သည်။ လူနာ၏ခန္ဓာကိုယ်မှထွက်သောအရည်များကိုထိတွေ့ခြင်းကို ရှောင်ကျဉ်သင့်သည်။ ၎င်းဆေးသည် ခန္ဓာကိုယ်တွင်း ရောက်ရှိပြီးနောက် ၄၈ နာရီတိုင်အောင် လူနာ၏ခန္ဓာကိုယ်က ထွက်သော အရည်များတွင် ပါဝင်နေနိုင်သည်။

သိုင်ယိုဂွာနင်းဆေးကို အိမ်တွင်အသုံးပြုခြင်း-

သိုင်ယိုဂွာနင်းဆေးကို ‌နေ့စဉ်သောက်နေကျအချိန်တွင် သောက်ပါ။
ဆေးသောက်ရန် မေ့သွားပါက သတိရရချင်း တိုက်ပါ။ အကယ်၍ နောက်တစ်ကြိမ်ဆေးသောက်ရမည့်အချိန်မှာ ၁၂ နာရီအတွင်းဖြစ်နေပါက မသောက်ဘဲကျော်သွားနိုင်သည်။ ဆေး ၂ ခွက်စာကို တစ်ချိန်တည်းမသောက်ရပါ။
သိုင်ယိုဂွာနင်းဆေးကို ဆေးကို အခန်းအပူချိန်တွင် သိုလှောင်သိမ်းဆည်းပါ။
သိုင်ယိုဂွာနင်းဆေးရည်အသုံးပြုပါက အသုံးမပြုမီကောင်းစွာလှုပ်ပါ။
ဆေးရည်အသုံးပြုထားသည့်ဆေးထိုးအပ်များကို တစ်ကြိမ်အသုံးပြုပြီးတိုင်း စွန့်ပစ်ပါ။ နောက်တစ်ကြိမ်ပြန်လည်အသုံးမပြုရ။
သက်တမ်းလွန်ဆေးဝါးများကို အသုံးမပြုပါနှင့်။
ဆေးအား ဘေးကင်းစွာကိုင်တွယ်ခြင်းနှင့် ဆေးစွန့်ပစ်ခြင်းလမ်းညွှန်ချက်များကို လိုက်နာပါ။

သိုင်ယိုဂွာနင်းဆေးအကြောင်းရေးသားထားသော ရင်းမြစ်များ

သိုင်ယိုဂွာနင်းဆေးအကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။