ဒါဘရာဖီးနစ်

ကင်ဆာဆဲလ်ကိုပစ်မှတ်ထားသည့် ကုထုံး

ကုန်အမှတ်တံဆိပ်အမည်များ:

Tafinlar®

မကြာခဏအတှကျအသုံးပွု:

မယ်လန်နိုးမား၊ အဆုတ်ကင်ဆာ၊ ဦးနှောက်အကျိတ်များ

ဒါဘရာဖီးနစ်ဆိုတာဘာလဲ?

ဒါဘရာဖီးနစ်ဆေးသည် ကင်ဆာဆဲလ်ကိုပစ်မှတ်ထားသည့်ကုထုံးအမျိုးအစားတစ်မျိုးဖြစ်သည်။ ဤဆေးသည် BRAF ကိုတားဆီးပေးသည့်ပစ္စည်းတစ်မျိုးဖြစ်သည်။ ဒါဘရာဖီးနစ်ဆေးမှာ BRAF V600 မျိုးရိုးဗီဇတွင်ပြောင်းလဲနေခြင်းရှိသောကင်ဆာရောဂါမျိုးတွင်သာ အာနိသင်ပြသည်။ ဒါဘရာဖီးနစ်ဆေးသည် ဆဲလ်များကိုကြီးထွားစေသည့် တစ်ချို့သောအချက်ပြမှုများကို တားဆီးပေးသည်။ ဤဆေးမပေးမီ လူနာများတွင် BRAF V600 မျိုးရိုးဗီဇတွင်ပြောင်းလဲနေခြင်းရှိ/မရှိကို အရင်စစ်ဆေးပါလိမ့်မည်။

သွေးထဲရှိ သွေးဥဆဲလ် အရေအတွက်၊ သကြားဓာတ်နှင့် ဓာတ်ဆားများပါဝင်မှုကို စစ်ဆေးရန်နှင့် အသည်းနှင့် ကျောက်ကပ်တို့၏ လုပ်ငန်းဆောင်တာတို့ကို စောင့်ကြည့်လေ့လာနိုင်ရန် လူနာအားပုံမှန် သွေးစစ်ဆေးခြင်း ပြုလုပ်မည်။ လူနာများသည် အရေပြားနှင့် မျက်စိကို ပုံမှန်စစ်ဆေးရပါမည်။

ဆေးတောင့်အဖြစ် ပါးစပ်မှလည်း သောက်၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

အဆစ်အမြစ် သို့မဟုတ် ကြွက်သားနာကျင်ကိုက်ခဲခြင်း
သွေးထဲရှိဓာတ်ဆားများ ပုံမမှန်ဖြစ်ခြင်း
သွေးဆဲလ်အရေအတွက်နည်းခြင်း
ခေါင်းကိုက်ခြင်း
ဖျားခြင်း/ချမ်းတုန်ခြင်း
ပျို့အန်ချင်လာခြင်းနှင့် ပျို့အန်ခြင်း
ဆံပင်ကျွတ်ခြင်း
နုံးခွေခြင်း၊ အားနည်းခြင်း
ခေါင်းမူးဝေခြင်း
အရေပြားတွင် အနီကွက်ဖြစ်ခြင်း၊ ယားယံခြင်း၊ ခြောက်သွေ့ခြင်း၊ နီမြန်းခြင်း
အရေပြားထူလာခြင်း
အရေပြားပေါ်တွင် အသားမာများ သို့ အတက်များပေါ်လာခြင်း
ခြေ-လက်ရောဂါလက္ခဏာစု (ခြေနှင့်လက်များ ထုံကျဉ်ခြင်း၊ အရေပြားနီမြန်းခြင်းနှင့် အရေပြားအဖတ်များကွာကျခြင်း)
ဝမ်းလျှောခြင်း
ချောင်းဆိုးခြင်း
သွေးတွင်းသကြားဓာတ်များနေခြင်း (ဟိုင်ပါဂလိုက်စီးမီးယား)

ကျောအောင့်ခြင်း
ခံတွင်းပျက်ခြင်း
ဝမ်းချုပ်ခြင်း
မျက်စိပြဿနာများ
နှာခေါင်း သို့ လည်ချောင်းယားခြင်း
သွေးတွင်းသကြားဓာတ် များလာခြင်း
အသည်း ပြဿနာများ
ကျောက်ကပ်ပြဿနာများ
ပန်ကရိယရောင်ရမ်းခြင်း (ပန်ကရိယရောင်ခြင်း)
ဆင့်ပွားအရေပြားကင်ဆာများ
အမျိုးသားများတွင် ကလေးမရနိုင်တော့ခြင်း

ဒါဘရာဖီးနစ်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

ဒါဘရာဖီးနစ်ဆေးကြောင့် အရေပြားကင်ဆာဖြစ်နိုင်ခြေကို များသွားစေနိုင်သည်။ အနာများ၊ အသားပိုများ၊ ကြွက်နို့များ သို့ အရေပြားပေါ်တွင်အခြားပြောင်းလဲမှုတစ်ခုခုဖြစ်လာပါက ဆရာဝန်တစ်ဦးဦးကို အသိပေးပါ။
လိင်မှုကိစ္စဆောင်ရွက်နေသည့် လူနာများတွင် ဆေးကုသနေစဉ်နှင့် ဆေးကုသမှုပြီးသွားပြီးနောက် ၂ ပတ်ကြာသည်အထိ ကိုယ်ဝန်မရစေရန်နည်းလမ်းများကို လုပ်ဆောင်ထားသင့်သည်။
ဒါဘရာဖီးနစ်ဆေးကြောင့် ကိုယ်ဝန်တားဆေးများနှင့် အခြားဟော်မုန်းအခြေခံသည့် ကိုယ်ဝန်တားဆေးများ၏ထိရောက်မှုကို လျော့ကျသွားစေနိုင်သည်။ လိင်မှုကိစ္စဆောင်ရွက်နေသည့် လူနာများတွင် ကွန်ဒုံးအသုံးပြုခြင်းကဲ့သို့သော ကိုယ်ဝန်တားသည့်နည်းလမ်းကို လုပ်ဆောင်သင့်သည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
ပြုစုသူများသည် ဆေးကိုဘေးကင်းစွာ ကိုင်တွယ်ရန်နှင့် စွန့်ပစ်ရန် ညွှန်ကြားချက်များကို လိုက်နာသင့်သည့်အပြင် လူနာ၏ခန္ဓာကိုယ် မှအရည်များနှင့် ထိတွေ့ ခြင်း ရှောင်ကျဥ်သင့်သည်။

ဒါဘရာဖီးနစ်ဆေးကို အိမ်တွင်အသုံးပြုခြင်း-

ဒါဘရာဖီးနစ်ဆေးကို နေ့တိုင်းသောက်နေကျအချိန်တွင် သောက်ပါ။
အစားမစားဘဲသောက်ပါ။ အစာမစားမီ ၁ နာရီ သို့ အစာစားပြီးနောက် ၂ နာရီအကြာတွင်သောက်ပါ။
ဆေးတောင့်များကို အတောင့်လိုက်သောက်ပါ။ ဖွင့်ခြင်း၊ အမှုန့်ခြေခြင်း သို့ ဝါးစားခြင်းမပြုလုပ်ရ။
ဆေးကို အခန်းအပူချိန်တွင် သိုလှောင်သိမ်းဆည်းပါ။
အကယ်၍ ဆေးသောက်ရန်မေ့သွားပါက နောက်တစ်ကြိမ်ဆေးသောက်ရမည့်အချိန်မှာအနည်းဆုံး ၆ နာရီကျန်ရှိနေသေးပါက မေ့သွားသောဆေးကို ချက်ချင်းသောက်လိုက်ပါ။ အကယ်၍ နောက်တစ်ကြိမ်ဆေးသောက်ရမည့်အချိန်မှာ ၆ နာရီအောက်သာ ကျန်ရှိတော့ပါက မေ့သွားသောဆေးကို မသောက်ပါနှင့်တော့။
ကျန်းမာရေးစောင့်ရှောက်ပေးနေရသူများသည် ဤဆေးဝါးကို ကိုင်တွယ်နေစဉ် လက်အိတ်များကို ဝတ်ဆင်ထားသင့်ပါသည်။
သက်တမ်းလွန်ဆေးဝါးများကို အသုံးမပြုပါနှင့်။
ဆေးအား ဘေးကင်းစွာသိမ်းဆည်းခြင်းနှင့် ဆေးစွန့်ပစ်ခြင်းလမ်းညွှန်ချက်များကို လိုက်နာပါ။

ဒါဘရာဖီးနစ်ဆေးအကြောင်းရေးသားထားသော ရင်းမြစ်များ

ဒါဘရာဖီးနစ်ဆေးအကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။