မွမ်းမံ ဘယ်ရီယမ် မျိုချမှု

မွမ်းမံ ဘယ်ရီယမ် မျိုချနိုင်စွမ်းစစ်ဆေးမှုဆိုတာဘာလဲ။

မွမ်းမံ ဘယ်ရီယမ် မျိုချနိုင်စွမ်းစစ်ဆေးမှုသည် မျိုချနိုင်စွမ်းကို စစ်ဆေးသည်။ ၎င်းသည် အစားအစာနှင့် အရည်ကို မျိုချနေစဉ် ထိုအစားအစာနှင့်အရည်ကို ဖော်ပြသည့် "တိုက်ရိုက်" X Ray ရောင်ခြည်ဓာတ်မှန်ဖြစ်သည်။ ပုံရိပ်များကို စစ်ဆေးနေစဉ် ကွန်ပျူတာစခရင်ပေါ်တွင် ကြည့်ရှုနိုင်သည်။

မွမ်းမံ ဘယ်ရီယမ် မျိုချမှုစစ်ဆေးမှုကို ဘယ်လိုအသုံးပြုသလဲ။

ဤစစ်ဆေးမှုက မျိုချခြင်းကို ပိုမိုလွယ်ကူစွာ သို့မဟုတ် ပိုမိုလုံခြုံစွာ ပြုလုပ်နိုင်သည့်အရာရှိ၊မရှိ ဖော်ပြပေးနိုင်သည်။

မွမ်းမံ ဘယ်ရီယမ် မျိုချမှုစစ်ဆေးမှုကိုပြုလုပ်လျှင် အချိန်မည်မျှကြာသနည်း။

စစ်ဆေးမှုသည် ပုံမှန်အားဖြင့် မိနစ် 20-30 အထိ ကြာသည်။

မည်သူသည် မွမ်းမံ ဘယ်ရီယမ် မျိုချနိုင်စွမ်းစစ်ဆေးမှုကို ဆောင်ရွက်သလဲ။

အပြော-ဘာသာစကား ရောဂါဗေဒပညာရှင် သို့မဟုတ် အစားအစာကျွေးမွေးခြင်းဆိုင်ရာ ကျွမ်းကျင်ပညာရှင်သည် စစ်ဆေးမှုကို လုပ်ဆောင်မည်ဖြစ်သည်။  ဓာတ်မှန်ကျွမ်းကျင်ဆရာဝန်သည်လည်း ၎င်းနေရာတွင် ရှိနေမည်ဖြစ်သည်။ ၎င်းတို့သည် X Ray ရောင်ခြည်ဓာတ်မှန်စက်အသုံးပြုမှုကို ကြီးကြပ်ပေးမည်ဖြစ်သည်။

မွမ်းမံ ဘယ်ရီယမ် မျိုချနိုင်စွမ်းစစ်ဆေးမှုအတွက် ကျွန်ုပ်ကလေးကို ပြင်ဆင်ပေးဖို့ ဘာလုပ်သင့်သလဲ။

စင်တာတိုင်းတွင် မတူညီသည့် ညွှန်ကြားချက်များရှိသော်လည်း ဤယေဘုယျ အကြံပေးချက်များက အထောက်အကူပြုပေးနိုင်သည်။ သင့်ကလေး၏ စစ်ဆေးရေးစင်တာက သင့်ကိုပေးသည့် လမ်းညွှန်ချက်များကို သေသေချာချာ လိုက်နာပါ။

• စစ်ဆေးမှုအကြောင်းကို ရိုးရိုးရှင်းရှင်း ရှင်းပြပါ။ စစ်ဆေးမှုအတွင်း ၎င်းတို့ အစာစားခြင်း သို့မဟုတ် အရည်သောက်ခြင်း ပြုလုပ်ရမည်ဖြစ်ကြောင်း နှင့် စောင့်ရှောက်မှုအဖွဲ့သည် သင့်ကလေးမျိုချသည့်ပုံစံကို မြင်တွေ့နိုင်ရန်အတွက် စစ်ဆေးမှုကို အသုံးပြုမည်ဖြစ်ကြောင်း သင့်ကလေးအား အသိပေးပါ။
• ကစားခြင်းနည်းလမ်းကို သုံးခြင်းသည် အထောက်အကူပြုပေးနိုင်သည်။ သင့်ကလေး၏ အနှစ်သက်ဆုံး ကစားစရာ သို့မဟုတ် အရာဝတ္ထုပစ္စည်းကို အသုံးပြု၍ အသွင်တူပြုလုပ်ကစားရန် စဉ်းစားကြည့်ပါ။ ၎င်းသည် အသက်ကြီးသော ကလေးများကို စမ်းသပ်နေစဉ်အတွင်း ဖြစ်လာသည့်ပုံများကို မြင်ရန် ကူညီပေးနိုင်သည်။
• သင့်ကလေးသည် စစ်ဆေးမှုမပြုလုပ်မီ စားခြင်း သို့မဟုတ် သောက်ခြင်း မပြုလုပ်သင့်ပါ။ သင့်စင်တာက အချိန်မည်မျှကြာမြင့်မည်ကို သင့်အား အသိပေးမည်ဖြစ်သည်။
• သင့်ကလေး၏ အပြော-ဘာသာစကား ရောဂါဗေဒပညာရှင်ကို ဓာတ်မတည့်မှုများအကြောင်း ပြောဆိုပါ။ သင့်ကလေးသည် ဘာရီယမ် ကဲ့သို့ ခွဲခြားမြင်နိုင်သည့်ပစ္စည်းနှင့် ဓာတ်မတည့်ပါက ဤအချက်သည် အရေးကြီးသည်။
• ကိုယ်ဝန်ဆောင် လူနာများ စစ်ဆေးခြင်း မပြုလုပ်သင့်ပါ။

မွမ်းမံ ဘယ်ရီယမ် မျိုချနိုင်စွမ်းစစ်ဆေးမှုပြုလုပ်စဉ် ဘာဖြစ်ပွားသလဲ။

စင်တာတိုင်းအတွက် မတူညီသော်လည်း စစ်‌ဆေးမှုအတွင်း သင်မျှော်လင့်နိုင်သည့်အရာများကို အောက်တွင် ဖော်ပြထားသည်။

• စင်တာအများစုတွင် မိဘတစ်ဦးသည် အခန်းထဲတွင် နေနိုင်သည်။
• လူနာမှလွဲ၍ အခန်းထဲရှိ လူတိုင်းသည် ဓာတ်ရောင်ခြည်များ ထိတွေ့မှုကို ရှောင်ရှားရန် ခဲဓာတ် အကာအကွယ်တစ်ခုကို ဝတ်ဆင်သင့်သည်။
•  သင့်ကလေးအား ထိုင်ခိုင်းထားပြီး စစ်ဆေးမှုကို ပြုလုပ်သည်။ X Ray ရောင်ခြည်ဓာတ်မှန်ပြွန်သည် သင့်ကလေး၏ ပါးစပ်နှင့် လည်မျိုနေရာကို ဆုံချက်ထားရိုက်ယူမည်ဖြစ်သည်။
• သင့်ကလေးသည် Barium (ဘာရီယမ်) ပါဝင်သည့် အရည်များကို မျိုချရမည်ဖြစ်သည်။ ၎င်းသည် ဤအကြောင်းအချက်များကို X Ray ရောင်ခြည်ဓာတ်မှန်တွင် ထွက်ပေါ်လာစေရန်အတွက် အထောက်အကူပြုသည်။ သင့်ကလေးအား အထူအပါးနှင့် အကြမ်းအချောမတူညီသည့်အရာများအား စားရန် သို့မဟုတ် သောက်ရန် တောင်းဆိုမည်ဖြစ်သည်။ ၎င်းတို့တွင် အောက်ပါတို့ပါဝင်နိုင်သည်-
  • အရည် ကျဲကျဲ
  • ပူတင်း
  • ဘာရီယမ်အုပ်ထားသည့် ကွတ်ကီးများ သို့မဟုတ် မုန့်ကြွပ်များ
• အစားအစာနှင့် အရည်က ပါးစပ်မှ အစာအိမ်သို့ ရွေ့လျားသွားကြောင်း ဓာတ်မှန်စက်တွင် ပြပါမည်။ 
• ကွန်ပျူတာသည် စစ်ဆေးမှုကို ဗီဒီယိုရိုက်မည်။ အပြော-ဘာသာစကား ရောဂါဗေဒပညာရှင်သည် မျိုချခြင်း ပြဿနာများကို ရှာဖွေကြည့်ရှုပါမည်။ 
• အကယ်၍ လိုအပ်ပါက အပြော-ဘာသာစကား ရောဂါဗေဒပညာရှင်သည် ပို၌ ဘေးကင်း လွယ်ကူစွာ စားသုံးနိုင်မည့် နည်းလမ်းများကို အကြံပြုပါမည်။

ကျွန်ုပ်ကလေး၏ စစ်ဆေးမှု ရလဒ်များကို မည်သို့ရရှိမည်နည်း။

အပြော-ဘာသာစကား ရောဂါဗေဒပညာရှင်သည် ပုံမှန်အားဖြင့် စစ်ဆေးခြင်းပြီးနောက် အကြံပြုချက်များနှင့် ရလဒ်များကို ဝေမျှသည်။

တခါတရံတွင် အပြော-ဘာသာစကား ရောဂါဗေဒပညာရှင်က သင်နှင့် မပြောဆိုမီ သင့်ကလေး၏ စောင့်ရှောက်မှုအဖွဲ့နှင့် ဆွေးနွေးပြောဆိုမည်ဖြစ်သည်။