မီနူ ပိတ်လိုက်

Mesna (မက်ဆနာ)

အထောက်အကူပြုကုထုံး

ကုန်အမှတ်တံဆိပ်အမည်များ:

Mesnex®, Uromitexan®

မကြာခဏအတှကျအသုံးပွု:

အချို့သော ကင်ဆာဆေးများကြောင့် ဖြစ်ရသော ဆီးအိတ်ပျက်စီးမှုကို ကာကွယ်ခြင်း

ကလစ်ဘုတ် သင်္ကေတ

Mesna (မက်ဆနာ) အကြောင်း

Mesna (မက်ဆနာ) သည် အချို့သော ကီမိုဆေးများ၏အန္တရာယ်ဖြစ်စေတတ်သောအကျိုးဆက်များမှ ကာကွယ်ပေးပါသည်။ ၎င်းသည် ဆီးအိတ်ရောင်ရမ်းနာနှင့် ဆီးအိတ်ထဲတွင် သွေးယိုစီးမှုများပါဝင်သည့် ဆီးထဲတွင် သွေးပါမှုနှင့် ဆီးအိတ်ရောင်ရမ်းမှုအန္တရာယ်ကို လျှော့ချပေးပါသည်။ Mesna (မက်ဆနာ) ကို ကီမိုဆေးများဖြစ်သည့် ifosfamide သို့မဟုတ် cyclophosphamideတို့ကို လက်ခံနေရသည့် လူနာများအား အလျဉ်းသင့်သလိုပေးတတ်ပါသည်။

ယေဘုယျအားဖြင့် Mesna (မက်ဆနာ) ကို ကီမိုကုထုံးလက်ခံသည့် နေ့တိုင်းတွင် သတ်မှတ်ဆေးချိန်ဇယားကို အသုံးပြုပြီး အခါခါပေးရပါသည်။

ဆေးပြားနှင့် ဆေးတောင့်သင်္ကေတ

ဆေးပြားအဖြစ် ပါးစပ်မှလည်း သောက်၍ရသည်။

 
သွေးပြန်ကြောမှသွင်းလျှင် သုံးသည့် အိတ်သင်္ကေတ

၎င်းကိုသွေးပြန်ကြောမှလည်း သွင်း၍ရသည် သို့မဟုတ် ထိုးဆေးအဖြစ်လည်း ထိုး၍ရသည်

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • ပါးစပ်ထဲတွင် အရသာခံနိုင်စွမ်းညံ့သွားခြင်း (သောက်ဆေးဖြစ်ပါက)
  • ပျို့အန်ချင်လာခြင်းနှင့် ပျို့အန်ခြင်း
  • ဝမ်းလျှောခြင်း
  • ဝမ်းချုပ်ခြင်း
  • ခေါင်းကိုက်ခြင်း

ဤဘေးထွက်ဆိုးကျိုးများကို Mesna (မက်ဆနာ) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • Mesna (မက်ဆနာ) ကို သုံးနေစဉ်တွင် ကျောက်ကပ်နှင့် ဆီးအိတ်ကို အားဖြည့်ပေးရန်အတွက် ရေများများသောက်ပြီး အပေါ့များများသွားရန် အရေးကြီးပါသည်။ လူနာများအနေဖြင့် ရေကို လုံလောက်သည့် ပမာဏအထိ သောက်သုံးမိစေရန် ကျန်းမာရေး စောင့်ရှောက်မှုအဖွဲ့၏ ညွှန်ကြားချက်များကို လိုက်နာသင့်ပါသည်။
  • ဆီးအိတ်ရောင်ခြင်း သို့မဟုတ် ဆီးထဲ သွေးပါခြင်းလက္ခဏာများရှိလာပါက ဆရာဝန်အားချက်ချင်း အစီရင်ခံရမည်။
  • Mesna (မက်ဆနာ) ကို သောက်ပြီး ၂ နာရီအတွင်းတွင် ပျို့အန်ပါက နောက်ထပ်ဆေးတစ်ခွက်စာကို ထပ်တိုက်ရပါမည်။
  • Mesna (မက်ဆနာ) သည် အချို့သော ဓာတ်ခွဲခန်းစစ်ဆေးစမ်းသပ်မှုများ၊ အထူးသဖြင့် သွေးချိုတက်နေသူများ (ဆီးချိုသွေးချို) ကို ကမောက်ကမဖြစ်စေနိုင်ပါသည်။ ဆီးတွင်း သကြားဓာတ်ကို စမ်းသပ်သည့် ကိရိယာအသုံးပြုပုံနှင့် ဖတ်ရှုပုံများအကြောင်းကို သိရှိလိုပါက ဆရာဝန် သို့မဟုတ် ဆေးစပ်သူနှင့် ဆွေးနွေးပါ။

Mesna (မက်ဆနာ) ကို အိမ်တွင်သောက်မည်ဆိုပါက−

  • ၎င်းသောက်ဆေးသည် အဝင်ဆိုးပါသည်။ အရသာပြင်းသည့် အရည်တစ်မျိုးမျိုး (ဖျော်ရည်၊ ကာဗွန်နိတ် ပါဝင်သော အဖျော်ယမကာ) နှင့် သောက်ရန် အကြံပြုပါသည်။
  • Mesna (မက်ဆနာ) ကို သောက်ရန် မေ့သွားပါက ဆရာဝန်အားချက်ချင်းခေါ်ဆိုပြီး ညွှန်ကြားချက်များကို ရယူပါ။
  • ဆေးပြားများကို အခန်းအပူချိန်တွင် သိုလှောင်သိမ်းဆည်းပါ။
  • သက်တမ်းလွန်ဆေးဝါးများကို အသုံးမပြုပါနှင့်။
  • ဘေးကင်းစွာ ကိုင်တွယ်ခြင်းနှင့် စွန့်ပစ်ခြင်းဆိုင်ရာ ညွှန်ကြားချက်များကို လိုက်နာပါ။

Mesna (မက်ဆနာ) အကြောင်း ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။