မီနူ ပိတ်လိုက်

Brentuximab (ဘရမ်တူဇီမတ်ဘ်)

ကိုယ်ခံစွမ်းအားကုထုံး ပြန့်ပွားစေမည့် ပရိုတင်းတစ်မျိုးတည်းအတွက် ပဋိပစ္စည်း

ကုန်အမှတ်တံဆိပ်အမည်များ:

Adcetris®

သည်အခြားအမည်များ:

Brentuximab vedotin

မကြာခဏအတှကျအသုံးပွု:

Hodgkin ပြန်ရည်ကျိတ်ကင်ဆာ၊ ဆဲလ်အိုများမှ ဆက်လက်မျိုးပွားနိုင်သည့် ဆဲလ်ပျိုများအဖြစ် ပြောင်းလဲဖြစ်ပေါ်သော ပြန်ရည်ဂလင်းကင်ဆာ

ကလစ်ဘုတ် သင်္ကေတ

Brentuximab (ဘရမ်တူဇီမတ်ဘ်) ဆိုတာ ဘာလဲ။

Brentuximab (ဘရမ်တူဇီမတ်ဘ်) သည် ဧကပုံပွား ပဋိပစ္စည်းခေါ် ရောဂါပြီးကုထုံးတစ်မျိုးဖြစ်သည်။ ၎င်းဆေးဝါးသည် ပြန်ရည်ဆဲလ်အမျိုးအစားတချို့တွင် တွေ့ရတတ်သော CD30 ခေါ် ပရိုတင်းတစ်မျိုးကို ပစ်မှတ်ထားခြင်းအားဖြင့် အလုပ်လုပ်သည်။ Brentuximab (ဘရမ်တူဇီမတ်ဘ်)ကို ရောဂါပြီးကုထုံး အဖြစ် ယူဆထားရခြင်းမှာ ၎င်းသည် လူနာရောဂါပြီးစနစ်ကို အသုံးပြုပြီး ကင်ဆာဆဲလ်များကို တိုက်ခိုက်တတ်သောကြောင့်ဖြစ်သည်။ ၎င်းသည် ဆဲများ၏အချို့သောဝိသေသလက္ခဏာများကိုသာ "ပစ်မှတ်ထား" သောကြောင့် ၎င်းကို ကင်ဆာကျိတ်၏ သွေးကြောအသစ်ဖြစ်စေနိုင်မှုကို တားဆီးသော ဆေးဖြင့်ကုသည့် ကုထုံး အဖြစ်လည်း ရှုမြင်ကြသည်။

ဆေးသွင်းနေချိန်တွင် သက်ဆိုင်ရာဘေးထွက်ဆိုးကျိုးများဖြစ်ပေါ်လာခြင်းရှိမရှိကို စောင့်ကြည့်ရန်အတွက် သွေးပေါင်ချိန်၊ နှလုံးခုန်နှုန်း၊ အသက်ရှူနှုန်းနှင့် အပူချိန်များကို ပုံမှန်တိုင်းတာစစ်ဆေးသွားရပါမည်။

လူနာများသည် သွေးဥအရေအတွက်ကို စစ်ကြည့်ရန်၊ အသည်းနှင့်ကျောက်ကပ် လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်စစ်နေရမည်ဖြစ်သည်။

သွေးပြန်ကြောမှသွင်းလျှင် သုံးသည့် အိတ်သင်္ကေတ

ဆေးရည်အဖြစ် သွေးပြန်ကြောမှလည်း သွင်း၍ရသည်

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • အသက်ရှူလမ်းအထက်ပိုင်းကူးစက်ရောဂါ
  • နုံးခွေခြင်း သို့မဟုတ် အားနည်းခြင်း
  • လက် သို့မဟုတ် ခြေထောက်များရောင်ရမ်းခြင်း
  • မအီမသာဖြစ်ခြင်းနှင့် ပျို့အန်ခြင်း
  • ဝမ်းလျှောခြင်း
  • သွေးအတွင်းရှိ သွေးဥဆဲလ် အရေအတွက်လျော့နည်းခြင်း (ကူးစက်ရောဂါဝင်ရောက်နိုင်ခြေမြင့်တက်ခြင်း၊ သွေးယိုစီးခြင်း၊ သွေးအားနည်းခြင်း နှင့်/သို့မဟုတ် နုံးခွေခြင်းများကို ဖြစ်စေနိုင်သည်)
  • ဦးနှောက်နှင့် ခန္ဓာကိုယ်အစိတ်အပိုင်းများကို ဆက်သွယ်ပေးသော နာဗ်ကြောများ ပျက်စီးနေခြင်း
  • တုပ်ကွေးဆန်ဆန် ရောဂါလက္ခဏာများ (အဖျားတက်ခြင်း၊ ချမ်းတုန်ခြင်းများ)
  • ခေါင်းကိုက်ခြင်း
  • ချောင်းဆိုးခြင်း၊ အသက်ရှူကျပ်ခြင်းနှင့် ပန်းနာဖြစ်ခြင်း
  • အရိုး၊ အဆစ်အမြစ် သို့မဟုတ် ကြွက်သားနာကျင်ကိုက်ခဲခြင်း
  • နောက်ကျောအောင့်ခြင်း သို့မဟုတ် ဗိုက်အောင့်ခြင်း
  • ခံတွင်းပျက်ခြင်း
  • ခေါင်းမူးဝေခြင်း
  • အိပ်မပျော်ခြင်း
  • ညဘက်တွင် ချွေးစေးထွက်ခြင်း
  • စိုးရိမ်သောက
  • ဝမ်းချုပ်ခြင်း
  • အနီကွက်များထွက်ခြင်း၊ ယားယံခြင်း၊ အသားခြောက်ခြင်း
  • လက်-ခြေ ရောဂါလက္ခဏာစု (ခြေလက်များစပ်ဖျဉ်းဖျဉ်းဖြစ်ခြင်း၊ အရေပြားနီခြင်းနှင့် အရေပြားအဖတ်ကွာခြင်း)
  • ဆံပင်ကျွတ်ခြင်း
  • အသည်း ပြဿနာများ
  • ကျောက်ကပ်ပြဿနာများ

ဆေးသွင်းခြင်းဆိုင်ရာ တုံ့ပြန်မှုများ− ချမ်းတုန်ခြင်းများ၊ မောခြင်း၊ ချောင်းဆိုးခြင်း၊ ခေါင်းမူးဝေခြင်း၊ သွေးပေါင်ချိန်ကျခြင်း၊ ရင်ဘတ်အောင့်ခြင်း၊ မျက်နှာ သို့မဟုတ် လည်ပင်းရောင်ရမ်းခြင်း

၎င်းဘေးထွက်ဆိုးကျိုးများကို Brentuximab (ဘရမ်တူဇီမတ်ဘ်) ဆေးသွင်းသည့် လူနာတိုင်း ခံစားရခြင်းမဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • ဤဆေးနှင့် မတည့်ဘဲ တုံ့ပြန်သော လူနာအချို့ရှိနေနိုင်သည်။ ဆေးသွင်းနေချိန် ခံစားရသမျှကို သူနာပြုအားပြောကြားပါ။
  • တုပ်ကွေးဆန်ဆန်လက္ခဏာများကို ကာကွယ်နိုင်ရန်အတွက် diphenhydramine (Benadryl®) and acetaminophen (Tylenol®) နှင့် အခြားဆေးဝါးများကို အသုံးပြုရန် သင့်အားစောင့်ရှောက်ပေးနေသော အဖွဲ့က အကြံပြုလာနိုင်သည်။
  • Brentuximab (ဘရမ်တူဇီမတ်ဘ်) သည် ဦးနှောက်တွင် ဖြစ်ခဲသော ကူးစက်ရောဂါတစ်မျိုးဖြစ်သည့် ဆင့်ကဲ ဗဟုဗဟိုချက်ဦးနှောက်ရောင်ရမ်းနာ (PML) ဖြစ်နိုင်ခြေကို မြင့်တက်စေနိုင်ပါသည်။ ဤရောဂါလက္ခဏာများပေါ်လာသည်နှင့် သင့်ဆရာဝန်နှင့် တိုင်ပင်ပါ သို့မဟုတ် ကုသမှုအကူအညီရယူပါ− ဇဝေဇဝါဖြစ်ခြင်း၊ ခေါင်းကိုက်ခြင်း၊ မှတ်ဉာဏ်ဆုံးရှုံးခြင်း၊ အမြင်အာရုံ သို့မဟုတ် စကားပြောဆိုသည့် ပုံစံပြောင်းလာခြင်း၊ ဟန်ချက်ပျက်ယွင်းလာခြင်း သို့ မဟုတ် တစ်ညီတစ်ညာတည်း ချိတ်ဆက်လှုပ်ရှားသည့် ပုံစံပျက်ယွင်းလာခြင်း၊ ခန္ဓာကိုယ်တစ်ခြမ်းတည်းတွင် အားနည်းခြင်း သို့မဟုတ် စိတ်အခြေအနေ သို့မဟုတ် အမူအကျင့်ပြောင်းလဲလာခြင်း။
  • လိင်မှုကိစ္စတွင် အားသန်သော လူနာများသည် ကုသမှုကာလနှင့် ကုထုံးပြီးဆုံးပြီး ၆ လအတွင်းတွင် ကိုယ်ဝန်မရအောင် ကာကွယ်ရန် ကြိုတင်ပြင်ဆင်သင့်ပါသည်။
  • လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

Brentuximab (ဘရမ်တူဇီမတ်ဘ်) ရင်းမြစ်များ

Brentuximab (ဘရမ်တူဇီမတ်ဘ်) အကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။