နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
Atovaquone (အတိုဗာကုန်း) လက်ရှိစာမျက်နှာ

Atovaquone (အတိုဗာကုန်း)

ကပ်ပါးပိုးသတ်ဆေး

ကုန်အမှတ်တံဆိပ်အမည်များ:

Mepron®

မကြာခဏအတှကျအသုံးပွု:

မှိုကြောင့်ဖြစ်ရသော ကူးစက်ရောဂါများ

Atovaquone (အတိုဗာကုန်း) ဆိုတာ ဘာလဲ။

Atovaquone (အတိုဗာကုန်း) ဆိုသည်မှာ Pneumocystis အဆုတ်ရောင်ရောဂါ (PCP သို့မဟုတ် PJP အဆုတ်ရောင်ရောဂါဟုလည်း သိကြသည့်) ကူးစက်ရောဂါများကို ကာကွယ်ရန် သို့မဟုတ် ကုသရန် အသုံးပြုသော ပဋိဇီဝဆေးတစ်မျိုးဖြစ်သည်။ PCP/PJP အဆုတ်ရောင်ရောဂါဆိုသည်မှာ Pneumocystis jiroveciiမှိုကြောင့် အဆုတ်တွင် ရောဂါပိုးဝင်သည့် ရောဂါဖြစ်သည်။ ကိုယ်ခံအားနည်းနေသည့် လူနာများတွင် ဤရောဂါကူးစက်ခံရနိုင်ခြေပိုမြင့်မားသည်။ Atovaquone (အတိုဗာကုန်း) ကို Sulfamethoxazole/Trimethoprim (SMX/TMP, Bactrim®, Septra®) သုံး၍မရသည့် လူနာများအတွက်ပေးသည်။

လူနာများသည် သွေးဥအရေအတွက်ကို စစ်ကြည့်ရန်၊ ဓာတ်ဆားပါဝင်မှုပမာဏ ကို စစ်ကြည့်ရန်နှင့် အသည်းနှင့်ကျောက်ကပ်လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်ထုတ်နေရမည်ဖြစ်သည်။

ဆေးရည်အဖြစ် ပါးစပ်မှလည်း သောက်၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

ဝမ်းလျှောခြင်း
အနီကွက်ဖြစ်ခြင်း
ခေါင်းကိုက်ခြင်း
မအီမသာဖြစ်ခြင်း
ဖျားခြင်း
နှာခေါင်းမြှေးရောင်ရမ်းနာ (နှာနောက်အစက်ကျခြင်း (နှာနောက်မှလည်ချောင်းထဲသို့ စီးကျသွားသော ပြည် သို့မဟုတ် ချွဲ၊ နှာရည်ယိုခြင်း၊ နှာချေခြင်း၊ နှာခေါင်းပိတ်ခြင်း)
ပျို့အန်ခြင်း
ချွေးထွက်ခြင်း
တုပ်ကွေးဆန်ဆန် လက္ခဏာများ

ထိပ်ကပ်နာ (မျက်နှာနာကျင်ကိုက်ခဲခြင်း၊ မျက်နှာတင်းခြင်း၊ နှာခေါင်းပိတ်ခြင်း၊ နှာရည်ယိုခြင်း၊ အနံ့မရခြင်း၊ ချောင်းဆိုးခြင်း သို့မဟုတ် သွေးစုခြင်း)
ယားယံခြင်း
အိပ်စက်ခြင်းဆိုင်ရာ ပြဿနာများ
စိတ်ကျရောဂါ
ကြွက်သားနာကျင်ကိုက်ခဲခြင်း

ဤဘေးထွက်ဆိုးကျိုးများကို Atovaquone (အတိုဗာကုန်း) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသောဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

ဆေးကို ဆရာဝန်ညွှန်ကြားသည့်အတိုင်းသောက်ပါ။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

Atovaquone (အတိုဗာကုန်း) ကို အိမ်တွင်သောက်မည်ဆိုပါက−

ဆေးကို နေ့တိုင်းသတ်မှတ်အချိန်တစ်ခုတွင် သောက်ပါ။
အစာနှင့် သောက်ပါ။ အဆီများသော အစာနှင့်သောက်နိုင်လျှင် ပိုကောင်းပါသည်။
ဆေးပုလင်းဖြစ်ပါက− ကောင်းစွာလှုပ်ပြီး ဆေးနှင့်အတူပါသည့် ဆေးရည်တိုင်းကိရိယာကို သုံးပါ။
ဆေးတစ်ခွက်စာ အိတ် − ဇွန်း သို့မဟုတ် ခွက်ထဲဖောက်ထည့်ပြီး သောက်ချပါ။
ဆေးကို အခန်းအပူချိန်တွင် သိုလှောင်သိမ်းဆည်းပါ။
ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
သက်တမ်းလွန်ဆေးဝါးများကို အသုံးမပြုပါနှင့်။

Atovaquone (အတိုဗာကုန်း) အကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။