နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
ဆာလဖာမက်သောက်စဇိုး / ထရိုင်မက်သရိုပင် လက်ရှိစာမျက်နှာ

ဆာလဖာမက်သောက်စဇိုး / ထရိုင်မက်သရိုပင်

ပဋိဇီဝဆေး

ကုန်အမှတ်တံဆိပ်အမည်များ:

Bactrim®, Septra®, Sulfatrim®

သည်အခြားအမည်များ:

SMX-TMP, Co-trimoxazole

မကြာခဏအတှကျအသုံးပွု:

ရောဂါပိုးဝင်ခြင်း

ဆာလဖာမက်သောက်စဇိုး / ထရိုင်မက်သရိုပင်ဆေးအကြောင်း

ဆာလဖာမက်သောက်စဇိုး / ထရိုင်မက်သရိုပင်ဆေးသည် ပဋီဇီဝဆေးတစ်မျိုးဖြစ်သည်။ ၎င်းသည် ကူးစက်ရောဂါဖြစ်စေသည့် ဘက်တီးရီးယားကို တိုက်ဖျက်သည်။ ကီမိုဆေးသွင်းခြင်း ကုထုံးဖြင့်ကုသနေစဉ်အတွင် အဆုတ်ရောင်ခြင်းမှကာကွယ်ရန် ဤဆေးကို လူနာတစ်ချို့တွင် အသုံးပြုနိုင်သည်။ ဤဆေးကို ရောဂါပိုးဝင်ခြင်းကိုကုသရန်အတွက်လည်း ပေးနိုင်သည်။ ဆေးပမာဏနှင့်ပတ်သတ်သောလမ်းညွှန်ချက်များကို သေသေချာချာ လိုက်နာပါ။

ဤဆေးသောက်နေစဉ်အတွင်း သွေးဆဲလ်အရေအတွက်များကို စောင့်ကြည့်လေ့လာရန် လူနာများတွင် စမ်းသပ်မှုများပြုလုပ်ရမည်။

ဆေးပြားအဖြစ် ပါးစပ်မှလည်း သောက်၍ရသည်။

ဆေးရည်အဖြစ် ပါးစပ်မှလည်း သောက်၍ရသည်

ဆေးရည်အဖြစ် သွေးပြန်ကြောမှလည်း သွင်း၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

ပျို့အန်ချင်လာခြင်းနှင့် ပျို့အန်ခြင်း
အနီကွက်ဖြစ်ခြင်း
နေရောင်ဒဏ်မခံနိုင်ခြင်း
ခံတွင်းပျက်ခြင်း
ဝမ်းလျှောခြင်း
ဝမ်းဗိုက်နာကျင်မှု
သွေးဆဲလ်အရေအတွက်နည်းခြင်း

ဆာလဖာမက်သောက်စဇိုး / ထရိုင်မက်သရိုပင်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

ဤဆေးကိုသောက်နေစဉ် အရည်များများသောက်ရန် အရေးကြီးပါသည်။ လူနာများအနေဖြင့် ရေကို ထိုက်သင့်သည့် ပမာဏအထိ သောက်သုံးမိစေရန် ကျန်းမာရေး စောင့်ရှောက်မှုအဖွဲ့၏ ညွှန်ကြားချက်များကို လိုက်နာသင့်ပါသည်။
ဤဆေးကြောင့် တစ်ချို့သောဓာတ်ခွဲစမ်းသပ်မှုရလာဒ်များ ပြောင်းလဲသွားနိုင်သည်။
လူနာများသည် ဤဆေးကိုသုံးနေသည့် ကာလတွင် အရက်သောက်ခြင်းကို ရှောင်ကျဉ်သင့်သည်။
လူနာများသည် ဤဆေးကိုသုံးနေသည့် ကာလတွင် မိမိတို့၏အသားအရေကို နေမထိအောင် ကာကွယ်သင့်သည်။
လူနာများ ကိုယ်ဝန်ရှိနေပါက၊ ကလေးယူရန်စီစဉ်နေပါက သို့ နို့တိုက်နေပါက ဆရာဝန်အား ပြောပြထားသင့်သည်။
ဆရာဝန် သို့မဟုတ် ဆေးစပ်သူက ညွှန်ကြားသည့် ဆေးအားလုံးကို သတ်မှတ်ဆေးချိန်ပမာဏ ပြည့်သည်အထိသောက်ပါ။

ဆာလဖာမက်သောက်စဇိုး/ထရိုင်မက်သရိုပင်ဆေးအား အိမ်တွင်အသုံးပြုခြင်း-

ဆေးကို နေ့တိုင်းသတ်မှတ်အချိန်တစ်ခုတွင် သောက်ပါ။
ဤဆေးကို အစားဖြင့် သို့မဟုတ် အစားမစားမီတွင် သောက်နိုင်သည်။ ဗိုက်မကောင်းခြင်းများဖြစ်လာပါက အစာနှင့်တွဲသောက်ပါ။
ရေဖန်ခွက်တစ်ခွက်အပြည့်ဖြင့် ဆေးသောက်ပါ။
ဆေးရည်ဖြစ်ပါက ကောင်းစွာလှုပ်ပြီးမှသောက်ပါ။ ဆေးနှင့်အတူပါလာသော တိုင်းတာသည့်ပစ္စည်းကို အသုံးပြုပါ။
ဆေးကို အခန်းအပူချိန်တွင် သိုလှောင်သိမ်းဆည်းပါ။ အလင်းရောင်မထိအောင် ကာကွယ်ထားပါ။
ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
သက်တမ်းလွန်ဆေးဝါးများကို အသုံးမပြုပါနှင့်။
ဆေးအား ဘေးကင်းစွာသိမ်းဆည်းခြင်းနှင့် ဆေးစွန့်ပစ်ခြင်း လမ်းညွှန်ချက်များကို လိုက်နာပါ။

ဆာလဖာမက်သောက်စဇိုး / ထရိုင်မက်သရိုပင်ဆေးအကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။