COVID-19 ကာကွယ်ဆေးများနှင့် ကလေး ကင်ဆာကို ကျော်ဖြတ်အသက်ရှင်လာသူများ

ဟုတ်ပါတယ်။ သင်ဟာ ကိုယ်ခံအားစနစ် အားနည်းနေသူဖြစ်ပါက ကာကွယ်ဆေးကို စိတ်ချလက်ချ ထိုးနှံနိုင်ပါတယ်။ ဒါပေမယ့် ကာကွယ်ဆေးကတော့ အာနိသင် ကောင်းကောင်းပြနိုင်မှာ မဟုတ်ပါဘူး။ သင်ဟာ Pfizer-BioNTech သို့မဟုတ် Moderna ကာကွယ်ဆေးကို ရရှိထားပါက သင်ဟာ နောက်ထပ် ဆေးထိုးနှံမှုတွေကို ထိုးနှံဖို့အတွက် အကျုံးဝင်နိုင်ပါတယ်။

ယေဘုယျအားဖြင့်  ကိုယ်အင်္ဂါအစိတ်အပိုင်း အစားထိုးကုသမှု ပြုလုပ်ပြီးနောက်ပိုင်းမှာ ကူးစက်မှုအမျိုးမျိုးကနေ ကာကွယ်နိုင်ဖို့အတွက် ကာကွယ်ဆေးတွေ ထိုးနှံဖို့ အကြံပြုထားပါသည်။ Be the Match ၏ Hematopoietic ဆဲလ်အစားထိုး ကုသမှုနောက်ပိုင်း ကာကွယ်ဆေးထိုးနှံမှုများသို့ သွားရောက်ပြီး နောက်ထပ်အချက်အလက်များကို လေ့လာပါ။ သင့်တွင် မေးမြန်းလိုသည့်အချက်များရှိပါက ကိုယ်အင်္ဂါအစိတ်အပိုင်း အစားထိုးကုသမှုဆိုင်ရာ စောင့်ရှောက်မှုအဖွဲ့ထံတွင် ဆွေးနွေးကြည့်ပါ။

ယေဘုယျအားဖြင့် သရက်ရွက်ဖယ်ရှားခံထားရသူများအတွက် ကာကွယ်ဆေးများကို ထိုးနှံရန် အကြံပြုထားသည်။ သရက်ရွက် ဖယ်ရှားမှုနောက်ပိုင်း ကာကွယ်ဆေးများအကြောင်း နောက်ထပ်အချက်အလက်များ သိရှိလိုပါကဤအကြောင်းအရာနှင့် ပတ်သက်သည့် CDC စာမျက်နှာကို သွားရောက်ကြည့်ရှုပါ။ သင့်တွင် မေးမြန်းလိုသည့်အချက်များရှိပါက ကိုယ်အင်္ဂါအစိတ်အပိုင်း အစားထိုးကုသမှုဆိုင်ရာ စောင့်ရှောက်မှုပံ့ပိုးသူထံတွင် ဆွေးနွေးကြည့်ပါ။

သင့်တွင် ကာကွယ်ဆေး၏ ပါဝင်အစိတ်အပိုင်းတစ်ခုခုနှင့် ဆိုးရွားစွာ တုံ့ပြန်သည့် ဓာတ်မတည့်မှုမှတ်တမ်းရှိပါက သင်သည် COVID-19 ကာကွယ်ဆေးကို မထိုးနှံသင့်ပါ။

Pfizer နှင့် Moderna ကာကွယ်ဆေးများ

Pfizer-BioNTech နှင့် Moderna COVID-19 ကာကွယ်ဆေးနှစ်မျိုးလုံးတွင် ပိုလီသိုင်လင်း ဂလိုင်ကိုးလ် (PEG) ပါဝင်သည်။ PEG သည် ဝမ်းနှုတ်ဆေးအချို့နှင့် အူလမ်းကြောင်းဓာတ်မှန်ရိုက်ကူးရေးလုပ်ငန်းစဉ်များအတွက် အူလမ်းကြောင်းကြိုတင်ပြင်ဆင်မှုများတွင် အဓိကပါဝင်ပစ္စည်းဖြစ်သည်။ ၎င်းကို ထိုးဆေးအချို့တွင်လည်း အသုံးပြုထားသည်။ သင့်တွင် PEG ဓာတ်မတည့်မှုရှိပါက Pfizer-BioNTech သို့မဟုတ် Moderna ကာကွယ်ဆေးကို မထိုးနှံသင့်ပါ။

အကယ်၍ သင်သည် Pfizer သို့မဟုတ် Moderna ကာကွယ်ဆေးများ၏ ပထမအကြိမ် ဆေးထိုးနှံမှုနှင့် ပြင်းထန်ဆိုးရွားသည့် ဓာတ်မတည့်မှုရှိလျှင် ဒုတိယအကြိမ် ဆေးထိုးနှံမှု မပြုလုပ်ပါနှင့်။

Johnson & Johnson ကာကွယ်ဆေး

Polysorbate 80 သည် Johnson & Johnson ကာကွယ်ဆေး၏ ပါဝင်ပစ္စည်းဖြစ်သည်။ သင့်တွင် Polysorbate အတွက် ဓာတ်မတည့်မှုရှိပါက Johnson & Johnson ကာကွယ်ဆေးကို မထိုးနှံပါနှင့်။

PEG နှင့် Polysorbate အတွက် ပြင်းထန်သည့် ဓာတ်မတည့်တုံ့ပြန်မှု

PEG နှင့် Polysorbate သည် တစ်ခုနှင့်တစ်ခု နီးနီးစပ်စပ် ဆက်စပ်မှုရှိသည်။ တခါတရံတွင် "အချင်းချင်း ပြင်းထန်သည့် ဓာတ်မတည့်တုံ့ပြန်မှု" ဖြစ်ပွားနိုင်သည်။

သင်သည် အဆိုပါ ပါဝင်ပစ္စည်းများအပေါ် ဓာတ်မတည့်မှုရှိပါက ကာကွယ်ဆေးတစ်ခုခုကို ထိုးနှံခြင်းနှင့် ပတ်သက်ပြီး စိုးရိမ်မကင်းရှိနေနိုင်သည်။

သို့ရာတွင် PEG နှင့် ဓာတ်မတည့်သူများသည် Johnson & Johnson ကာကွယ်ဆေးကို ထိုးနှံနိုင်စွမ်းရှိပါသည်။ သို့ရာတွင် Polysorbate နှင့် ဓာတ်မတည့်သူများသည် Pfizer နှင့် Moderna ကာကွယ်ဆေးများကို ထိုးနှံနိုင်စွမ်းရှိပါသည်။

သင်သည် အခြား ကာကွယ်ဆေး အမျိုးအစားကို အသုံးပြုနိုင်ခြင်းရှိမရှိ သင့်ဆရာဝန်ထံတွင် မေးမြန်းပါ။ အဖြေကို ဟုတ်သည်ဟု ဖြေဆိုပါက သင့် ကာကွယ်ဆေးပံ့ပိုးသူအား သင့်တွင် PEG သို့မဟုတ် Polysorbate ဓာတ်မတည့်မှုရှိကြောင်း အသိပေးပါ။

နောက်ထပ် အချက်အလက်များသိရှိနိုင်ရန် CDC ၏ ဓာတ်မတည့်မှုများရှိသူများအတွက် COVID-19 ကာကွယ်ဆေးများကို သွားရောက်ကြည့်ရှုပါ။

အစားအစာ၊ အိမ်မွေးတိရိစ္ဆာန်များ၊ အင်းဆက်ကိုက်ခြင်း၊ သို့မဟုတ် အခြားအရာများကြောင့် ဖြစ်ပေါ်သည့် ဓာတ်မတည့် တုံ့ပြန်မှုများသည် သင့်အား COVID-19 ကာကွယ်ဆေးထိုးနှံခြင်းကို မတားဆီးနိုင်ပါ သို့မဟုတ် အထူး သတိပြုလိုက်နာရန်အချက်များကို ဆောင်ရွက်ရန် လိုအပ်ပါသည်။

ဥနှင့် ဓာတ်မတည့်မှုရှိသူသည် COVID-19 ကာကွယ်ဆေးကို စိတ်ချလက်ချ ထိုးနှံနိုင်ပါသည်။  အချို့သော တုပ်ကွေး ကာကွယ်ဆေးများနှင့် မတူသည်မှာ လက်ရှိ COVID-19 ကာကွယ်ဆေးများသည် ဥများကို အသုံးပြု၍ ထုတ်လုပ်ထားခြင်းမဟုတ်ပါ။

အမြဲလိုလို သတိပြုရန်မှာ ဓာတ်မတည့်မှုများ အပါအဝင် သင့်ဆေးကုသမှု မှတ်တမ်းအကြောင်းကို သင့် ကာကွယ်ဆေးပံ့ပိုးသူထံ ပြောဆိုရန်ဖြစ်သည်။

ကိုယ်ဝန်ဆောင်ခြင်း သို့မဟုတ် ကိုယ်ဝန်ဆောင်ရန် စီစဉ်ခြင်း

ကိုယ်ဝန်ဆောင် အမျိုးသမီးများသည် COVID-19 ကြောင့် ဖြစ်ပွားသည့် ပြဿနာများကို ပိုမိုကြီးမားစွာ ရင်ဆိုင်ရမည့် အန္တရာယ်ရှိပါသည်။

ကိုယ်ဝန်ဆောင် အမျိုးသမီးများနှင့် ကိုယ်ဝန်ဆောင်ရန် စီစဉ်ထားသည့် အမျိုးသမီးများအနေဖြင့် ကာကွယ်ဆေးများကို ရရှိသည်နှင့်တစ်ပြိုင်နက် ချက်ချင်း ထိုးနှံသင့်ပါသည်။

ကိုယ်ဝန်ဆောင်စဉ် နောက်ဆက်တွဲ ရှုပ်ထွေးသည့် အခြေအနေများဖြစ်ပေါ်ခြင်း သို့မဟုတ် သန္ဓေသားပျက်ကျမှုဖြစ်ပေါ်နိုင်သည့် အန္တရာယ်များသည် ကာကွယ်ဆေးထိုးနှံထားသည့် အမျိုးသမီးများတွင် ပိုမိုများပြားနေခြင်းမရှိကြောင်း ဒေတာများက ပြဆိုထားသည်။

ကိုယ်ဝန်ဆောင်စဉ် ကာကွယ်ဆေးထိုးနှံထားသည့် အမျိုးသမီးများ သို့မဟုတ် ကာကွယ်ဆေးထိုးနှံထားသည့် အမျိုးသမီးများက မွေးဖွားသည့် ကလေးများတွင် နောက်ထပ် စိတ်ချလုံခြုံမှုဆိုင်ရာ စိုးရိမ်ပူပန်ဖွယ်အချက်များမရှိပါ။

နို့တိုက်ကျွေးခြင်း

နို့တိုက်ကျွေးခြင်းသည် ကပ်ရောဂါကာလအတွင်းမှာပင် လုံခြုံစိတ်ချရဆဲဖြစ်သည်ဟု အကြံပင်ပြုထားပါသည်။ နို့တိုက်ကျွေးနေစဉ် COVID-19 ကာကွယ်ဆေးများထိုးနှံခြင်းသည် မိခင် သို့မဟုတ် ကလေးအတွက်အန္တရာယ်ကို ဖြစ်စေနိုင်ခြေမရှိပါ။ အမှန်တကယ်အားဖြင့် မိခင်နို့သည် ကလေးအတွက် COVID-19 နှင့်ပတ်သက်သည့် ကိုယ်ခံအားကာကွယ်မှုကို အနည်းငယ် ပေးစွမ်းနိုင်ပါသည်။ SARS-CoV-2 ဟုဆိုသည့် COVID-19 အား ဖြစ်ပေါ်စေသည့် ဗိုးရပ်စ်အား ဆန့်ကျင်သည့် ပဋိပစ္စည်းများကို ကာကွယ်ဆေးထိုးပြီးနောက် မိခင်နို့ရည်အတွင်း တွေ့ရှိရကြောင်း လေ့လာမှုများတွင် ဖော်ပြထားပြီးဖြစ်သည်။ ထို့ပြင် ကာကွယ်ဆေးထိုးနှံမှုသည် ကာကွယ်ဆေးကို ထိုးနှံနိုင်ခြင်းမရှိသည့် တစ်အိမ်တည်းနေ အိမ်ထောင်စုအတွင်းရှိ ကလေးများကိုလည်း ကာကွယ်ရာတွင် အထောက်အကူပြုသည်။ အမေရိကန် သားဖွားနှင့် မီးယပ် ကောလိပ် (ACOG) နှင့် နို့တိုက်ကျွေးနေသည့် မိခင်များဆိုင်ရာ ဆေးအကယ်ဒမီ က နို့တိုက်နေသည့် မိခင်များအတွက် COVID-19 ကာကွယ်ဆေးကို ထိုးနှံရန် အကြံပြုထားသည်။

အမြဲလိုလို သတိပြုရန်မှာ အမျိုးသမီးများသည် သီးသန့် မေးခွန်းများ သို့မဟုတ် စိုးရိမ်ပူပန်ဖွယ်အချက်များနှင့် ပတ်သက်၍ သူတို့၏ ဆရာဝန်ကို ဆက်သွယ်ပြောဆိုသင့်ကြောင်းဖြစ်သည်။

ဟုတ်ပါတယ်၊ သင့်တွင် COVID-19 ရှိနေသည့်တိုင် ကာကွယ်ဆေးကို ထိုးနှံရန် အကြံပြုထားသည်။ COVID-19 နှင့်ပတ်သက်သည့် နာမကျန်းမှုအပေါ် ကိုယ်ခံအား တုံ့ပြန်မှုသည် ကျယ်ကျယ်ပြန့်ပြန့် ပြောင်းလဲမှုရှိနိုင်သည်။ ကာကွယ်မှုသည် မည်သည့်အတိုင်းအတာထိ ကြာရှည်နိုင်သည်ကို မသိရှိရသေးပါ။ သို့သော် COVID-19 ကို ရရှိပြီးနောက် ကာကွယ်ဆေးကို ထိုးနှံခြင်းက သင့်ကို ကာကွယ်ပေးသည့် ပဋိပစ္စည်းအဆင့်ကို ပိုမိုတိုးတက်ကောင်းမွန်စေကြောင်း လေ့လာမှုများမှ ဖော်ပြသည်။

CDC က mRNA ကာကွယ်ဆေးနှစ်မျိုး (Pfizer-BioNTech သို့မဟုတ် Moderna) အနက် တစ်မျိုးအား လက်ခံထိုးနှံနိုင်သူတိုင်းသည် ထိုသို့ပြုလုပ်သင့်ကြောင်း အကြံပြုထားသညါ။ သို့ရာတွင် Johnson & Johnson ကာကွယ်ဆေးကို ပြင်းထန်သည့်ဓာတ်မတည့်မှုကဲ့သို့ ပြဿနာများကြောင့် mRNA ကာကွယ်ဆေးမထိုးနှံနိုင်သည့် အသက် 18 ကျော်သူများအတွက် ရရှိနိုင်ပါသည်။

ဤအကြံပြုမှုကို အောက်ပါတို့အပေါ် အခြေခံပြုလုပ်သည်-

• သက်သေအထောက်အထားနှင့် အကျိုးထိရောက်မှု
• ဘေးကင်းလုံခြုံမှု
• ဆိုးရွားပြင်းထန်ဖြစ်စဉ်များ

COVID-19 ကာကွယ်တားဆီးမှုအတွက် ကာကွယ်ဆေးထိုးနှံမှု လုပ်ထုံးလုပ်နည်းများဆိုင်ရာ အကြံပေးကော်မတီက ကာကွယ်ဆေးထိုးနှံမှု မပြုလုပ်ဘဲနေခြင်းထက် Johnson & Johnson ကာကွယ်ဆေးအပါအဝင် မည်သည့် ကာကွယ်ဆေးကိုမဆို လက်ခံထိုးနှံရန် အကြံပြုသည်။ 

COVID-19 ကာကွယ်ဆေးထိုးပြီးနောက်ပိုင်း ဘေးထွက်ဆိုးကျိုးများကို တင်ပြထားပြီးဖြစ်သည်။ သို့သော် ဆိုးရွားသည့် တုံ့ပြန်မှုများမှာ ရှားပါးပြီးဖြစ်ခဲပါသည်။

ဘေးထွက်ဆိုးကျိုးများတွင် ယာယီ နီမြန်းမှု၊ အနာဖြစ်ခြင်း၊ သို့မဟုတ် ဆေးထိုးနှံသည့်နေရာတွင် ရောင်ရမ်းခြင်းတို့ ပါဝင်နိုင်သည်။ ခေါင်းကိုက်ခြင်း၊ အဖျားတက်ခြင်း၊ နုံးခွေခြင်း၊ ချမ်းတုန်ခြင်း၊ ပျို့အန်ခြင်း၊ သို့မဟုတ် ကိုယ်လက်ကိုက်ခဲခြင်းတို့ ဖြစ်ပေါ်နိုင်သည်။ အဆိုပါ တုန့်ပြန်မှုများသည် အပျော့စားအခြေအနေဖြစ်ပြီး ရက်အနည်းငယ်အတွင်း ပျောက်သွားနိုင်သည်။ Ibuprofen နှင့် acetaminophen သည် အချို့လက္ခဏာများကို သက်သာပျောက်ကင်းရန် ကူညီပေးနိုင်သည်။

အလွန်ဖြစ်ခဲသည့် ဖြစ်စဉ်များတွင် နှလုံးကြွက်သားရောင်ရမ်းခြင်း နှင့် ရင်ဘတ်ကိုက်ခဲခြင်း ရှိကြောင်း တင်ပြထားသည်။ အဆိုပါ အခြေအနေများသည် ကာကွယ်ဆေးကြောင့်ဖြစ်ရသည်မှာ COVID-19 ကူးစက်မှုကြောင့် ဖြစ်ရသည်ထက် ပိုမိုနည်းပါးကြောင်း သတိပြုရန် အရေးကြီးသည်။

ဓာတ်မတည့်တုံ့ပြန်မှုများရှိကြောင်း တင်ပြထားသည့် ဖြစ်စဉ်အနည်းငယ်ရှိထားပြီးဖြစ်သည်။ သို့သော် ၎င်းသည် ကာကွယ်ဆေး သို့မဟုတ် ကာကွယ်ဆေး၏ ပါဝင်အစိတ်အပိုင်းများနှင့် ဆိုးရွားဓာတ်မတည့်မှုရှိသူများတွင် တွေ့ရှိရခြင်းဖြစ်သည်။

သင်သည် ကာကွယ်ဆေးကို မထိုးနှံရန် ရွေးချယ်ပါက သင်သည် COVID-19 ကြောင့် နာမကျန်းမှုအန္တရာယ်ကို ပိုမိုများပြားလာစေနိုင်သည်။ ထို့ပြင် ကာကွယ်ဆေးကို မထိုးနှံခြင်းအားဖြင့် သင့်ကိုယ်သင် နေ့စဉ်ဘဝတွင် သင်နှင့်အတူ နေထိုင်ပြီး အပြန်အလှန် ဆက်ဆံနေသူများကို အန္တရာယ်ကျရောက်စေနေခြင်းပင်ဖြစ်သည်။

ကာကွယ်ဆေးကို အပြည့်အဝ ထိုးနှံထားသူများအဖြစ် သတ်မှတ်သည့်အချိန်-

• Pfizer-BioNTech သို့မဟုတ် Moderna ကာကွယ်ဆေး၏ နောက်ဆုံးဆေးထိုးနှံမှုကို ရရှိထားပြီး 2 ပတ် သို့မဟုတ် အထက်
• Johnson & Johnson ကာကွယ်ဆေး၏ ဆေးထိုးနှံမှု 1 ကြိမ်ရရှိပြီးနောက် 2 ပတ်

Moderna နှင့် Pfizer-BioNTech ကာကွယ်ဆေးများသည် mRNA ကာကွယ်ဆေးများဖြစ်သည်။

Johnson & Johnson ကာကွယ်ဆေးသည် ဗိုင်းရပ်စ် ပုံတူပစ္စည်းနှင့် ပြုလုပ်ထားသည့် ကာကွယ်ဆေးဖြစ်သည်။

mRNA ကာကွယ်ဆေးများသည် COVID-19 အားဖြစ်စေသည့် ဗိုင်းရပ်စ်၏ မျက်နှာပြင်ပေါ်မှ ပရိုတင်းများ၏ ပုံစံပွားများကို ပြုလုပ်နည်းကို ကျွန်ုပ်တို့၏ ဆဲလ်များအား သင်ကြားပေးသည်။

နောင်အခါတွင် ပိုးမွှားနှင့် ထိတွေ့မိပါက ဤပရိုတင်းသည် ကိုယ်ခန္ဓာ၏ ကိုယ်ခံအားတုန့်ပြန်မှုကို စတင်လုပ်ဆောင်စေသည်။

mRNA ကာကွယ်ဆေးသည် သင့်ကို နာမကျန်းမဖြစ်စေနိုင်ပါ။ ၎င်းသည် ခန္ဓာကိုယ်အတွင်း လျင်မြန်စွာ ပျော်ဝင်သွားသည်။ ၎င်းသည် သင့် DNA ကို မည်သည့်နည်းနှင့်မှ ပြောင်းလဲသွားစေခြင်းမရှိပါ။

Johnson & Johnson ကာကွယ်ဆေးသည် ဗိုင်းရပ်စ် ပုံတူပစ္စည်းနှင့် ပြုလုပ်ထားသည့် ကာကွယ်ဆေးဖြစ်သည်။ ၎င်းသည် ဗိုင်းရပ်စ်မျက်နှာပြင်ပေါ်ရှိ စူးချွန်ပရိုတင်းများကို ဦးတည်ပါသည်။

ဗိုင်းရပ်စ် ပုံတူပစ္စည်းနှင့် ပြုလုပ်ထားသည့် ကာကွယ်ဆေးသည် သင့်ကို ကာကွယ်ရာတွင် အကူအညီရရှိစေသည့် အချက်အလက်ကို သင့်ခန္ဓာကိုယ်ထံသို့ ပို့ဆောင်ပေးရန်အတွက် "ဗက်တာ" ဟုခေါ်သည့် မတူညီသော အန္တရာယ်မရှိသည့် ဗိုင်းရပ်စ်ပုံစံတစ်မျိုးကို အသုံးပြုထားသည်။

ကာကွယ်ဆေးသည် ဗိုင်းရပ်စ်၏ မျက်နှာပြင်ပေါ်မှ ပရိုတင်းများ၏ ပုံစံပွားများကို ပြုလုပ်နည်းကို ကျွန်ုပ်တို့၏ ဆဲလ်များအား သင်ကြားပေးသည်။ သင်သည် နောင်အခါတွင် ဗိုင်းရပ်စ်ပိုးအစစ်နှင့် ထိတွေ့မိပါက သင့်ခန္ဓာကိုယ်သည် ၎င်းကို မှတ်သားသတိပြုမိပြီး ၎င်းအား တိုက်ခိုက်ရန် နည်းလမ်းကို သိရှိသွားမည်ဖြစ်သည်။

ကာကွယ်ဆေးတွင် COVID-19 အား ဖြစ်စေသည့် ဗိုင်းရပ်စ် မပါဝင်ပါ။ ၎င်းသည် သင့်ကို COVID-19 မဖြစ်စေနိုင်ပါ။

အမေရိကန်ပြည်ထောင်စုတွင် ခွင့်ပြုချက်ရရှိထားသော သို့မဟုတ် အတည်ပြုထားသော COVID-19 ကာကွယ်ဆေးများ၌ ပိုးရှင်ဗိုင်းရပ်စ်မပါရှိပါ။ ၎င်းတို့သည် သင့်ကိုယ်ခံအားစနစ် အားနည်းနေသည်ဆိုလျှင်သော်မှ လုံခြုံစိတ်ချရပါသည်။

သိပ္ပံပညာရှင်များ၊ လက်တွေ့ကုသသူများ၊ နှင့် အစိုးရ ကျန်းမာရေးလုပ်သားများအကြားမှ အစုအဖွဲ့လိုက် ဆောင်ရွက်မှုက ရရှိနိုင်သည့် လျင်မြန်သော ဖန်တီးပြုလုပ်မှုနှင့် စစ်ဆေးခြင်းတို့ကို ပြုလုပ်ခဲ့သည်။ အဆိုပါ တူညီသည့် အုပ်စုများသည် အချိန်ရလာသည်နှင့်အမျှ ရှားပါးသော ဘေးထွက်ဆိုးကျိုးများနှင့် ကိုယ်ခံအားစနစ် တုံ့ပြန်မှုများကို စောင့်ကြည့်ရန် အတူဆက်လက်လုပ်ဆောင်ခဲ့သည်။

အမေရိကန်ပြည်ထောင်စု အစားအစာနှင့် ဆေးဝါး ညွှန်ကြားမှုဦးစီးဌာန (FDA) သည် ကာကွယ်ဆေးများကို ထိန်းကျောင်းကွပ်ကဲသည်။ FDA သည် ကာကွယ်ဆေးများအနေဖြင့် လုံခြုံစိတ်ချရမှုနှင့် အကျိုးထိရောက်မှုအတွက် သတ်မှတ်ထားသည့် ခိုင်မာသော စံချိန်စံညွှန်များနှင့် ကိုက်ညီစေရန်ငှာ သိပ္ပံပညာရှင်များ၊ ကာကွယ်ဆေး ဖော်ထုတ်သူများ၊ နှင့် ပြည်ထောင်စုနှင့် ပြည်နယ် အဖွဲ့အစည်းများနှင့်အတူ ပူးပေါင်းဆောင်ရွက်သည်။

ဒေတာကို FDA ရှိ သိပ္ပံပညာရှင်များနှင့် သမားတော်များက လွတ်လပ်စွာ အကဲဖြတ်ပါသည်။ ဒေတာအပေါ် အခြေခံ၍ FDA သည် အရေးပေါ်အခြေအနေအတွက် အသုံးပြုရန် ခွင့်ပြုချက် (EUA) အရ COVID-19 ကာကွယ်ဆေးကို ခွင့်ပြုပေးနိုင်သည်။

ခွင့်ပြုချက်နောက်ပိုင်းတွင် လက်တွေ့လေ့လာစမ်းသပ်မှုများကို ဆက်လက်လုပ်ဆောင်ပါသည်။ နောက်ထပ်ဒေတာများကို ရရှိလာမည်ဖြစ်သည်။ COVID-19 ကာကွယ်ဆေးများကို ဖော်ထုတ်ပြုလုပ်နေသည့် ကုမ္ပဏီများသည် FDA ၏အပြည့်အဝ ခွင့်ပြုမှုကို ရရှိနိုင်ရန် ကြိုးစားလုပ်ဆောင်နေကြသည်။ FDA၊ CDC၊ နှင့် အခြား ကျန်းမာရေး အဖွဲ့အစည်းများက ကာကွယ်ဆေးကို ဆက်လက်စောင့်ကြည့်သွားမည်ဖြစ်သည်။

နောက်ထပ်အချက်အလက်များ သိရှိနိုင်ရန် FDA ၏ရှင်းပြထားသည့် ကာကွယ်ဆေးများအတွက် အရေးပေါ်အခြေအနေအတွက် အသုံးပြုရန် ခွင့်ပြုချက် ကို သွားရောက်ကြည့်ရှုပါ။