သွေးတွင်းဓာတုပစ္စည်းလေ့လာခြင်းများ

အီလက်ထရိုလိုက် ဓာတ်ဆားများသည် ကိုယ်ခန္ဓာတွင်းရှိ အရည်ပမာဏများနှင့် အက်ဆစ်-ဘေ့စ် မျှခြေကို ထိန်းသိမ်းရာတွင် ကူညီပေးသည့် သတ္တုဓာတ်များဖြစ်ပါသည်။ ယင်းတို့ထဲတွင် ဆိုဒီယမ်၊ ပိုတက်ဆီယမ်၊ ကလိုရိုက်နှင့် ဘိုင်ကာဘွန်နိတ်တို့ပါဝင်ပါသည်။ ပုံမှန်မဟုတ်သည့် အီလက်ထရိုလိုက် ပမာဏများသည် ရေဓာတ်ခြောက်ခမ်းခြင်း၊ ကျောက်ကပ်ရောဂါ၊ အသည်းရောဂါ၊ နှလုံးရောဂါသို့မဟုတ် သွေးပေါင်ချိန်တက်ခြင်းစသည်တို့၏ လက္ခဏာတစ်ရပ်ဖြစ်နိုင်ပါသည်။

ယင်းစစ်ဆေးမှုများက ကျောက်ကပ်၏ လုပ်ငန်းဆောင်ရွက်ချက်ကို သုံးသပ်ပေးပါသည်။ စစ်ဆေးမှုများက သတ္တုဓာတ်များ၊ ပရိုတင်းများ၊ ဂလူးကို့စ် နှင့် ဓာတ်ဆားများအပါအဝင် အချို့သောပစ္စည်းများ၏ ပမာဏကို တိုင်းတာပေးပါသည်။ တိုင်းတာသော ပစ္စည်းများတွင် အယ်လ်ဗျူမင်၊ သွေးတွင်းရှိ ယူရီးယား နိုက်ထရိုဂျင် (BUN)၊ ခရီယာတနင်းနှင့် ကျောက်ကပ်တွင်းရှိ အညစ်အကြေးစစ်ချပေးသည့်နှုန်း ခန့်မှန်းခြေတို့ ပါဝင်နိုင်ပါသည်။ ယင်းပစ္စည်းများ၏ ပမာဏမှာပုံမှန်မဟုတ်ပါက ကျောက်ကပ်တွင် ပြဿနာများရှိနေသည့် လက္ခဏာဖြစ်နိုင်ပါသည်။

ယင်းစစ်ဆေးမှုများက အသည်း၏ လုပ်ငန်းဆောင်ရွက်ချက်ကို သုံးသပ်ပေးပါသည်။ တိုင်းတာသော ပစ္စည်းများတွင် အလနင်း အမိုင်နိုထရန်စဖာရေ့စ် (ALT)၊ အယ်လ်ကာလိုင်း ဖော့စဖာတေ့စ် (ALP)၊ အက်စ်ပါတိတ် ထရန်းစ် အမိုင်းနေ့စ် (AST)၊ ဘီလီရူဘင်၊ အယ်လ်ဗျူမင်နှင့် ပရိုတိန်းစုစုပေါင်းတို့ ပါဝင်နိုင်ပါသည်။ ယင်းပစ္စည်းများ၏ ပမာဏမှာပုံမှန်မဟုတ်ပါက အသည်းတွင် ပြဿနာများရှိနေသည့် လက္ခဏာဖြစ်နိုင်ပါသည်။

အခြေခံ ဇီဝဖြစ်စဥ်စစ်ဆေးမှုဆိုသည်မှာ သွေးတွင်းရှိ အမျိုးမျိုးသော ဓာတုပစ္စည်းများကို တိုင်းတာသည့် စစ်ဆေးမှုဖြစ်ပါသည်။ အဆိုပါစစ်ဆေးမှုများသည် ဂလူးကို့စ် ပမာဏ၊ ဓာတ်ဆားနှင့် အက်ဆစ်/ဘေ့စ် မျှ​ခြေအကြောင်း အချက်အလက်များများနှင့်အတူ ကျောက်ကပ်နှင့် အသက်ရှူလမ်းကြောင်းစနစ် လုပ်ငန်းဆောင်ရွက်ချက်အကြောင်း အချက်အလက်များကိုပါ သိရှိစေနိုင်သည်။

ပေါင်းစည်း ဇီဝကမ္မဖြစ်စဥ် စစ်ဆေးမှုဆိုသည်မှာ အခြေခံဇီဝဖြစ်စဥ်စစ်ဆေးမှုအပြင် ထပ်မံ၍ အသည်း၏ လုပ်ငန်းဆောင်ရွက်ချက်ဆိုင်ရာစစ်ဆေးမှုများနှင့် အချို့​သော သွေးတွင်းရှိပရိုတင်းတို့ကိုပါ စစ်ဆေးခြင်းဖြစ်ပါသည်။

သွေးတွင်းအဆီဓာတ်စစ်ဆေးမှုက ကိုလက်စထရော စုစုပေါင်း၊ သိပ်သည်းဆများသည့် အဆီပရိုတင်းများ (HDL)၊ သိပ်သည်းဆနည်းသည့် အဆီပရိုတင်းများ (LDL) နှင့် ထရိုင်ဂလစ်ဆရွိုက်များကို တိုင်းတာပေးပါသည်။ ဤစစ်ဆေးမှုများကို လူနာ၏ အာဟာရဓာတ်အခြေအနေကို အကဲဖြတ်သုံးသပ်ရန် နှင့် ဆေးဝါးကုထုံးအပေါ်တုံ့ပြန်မှုတို့ကို စောင့်ကြည့်ရန်အတွက် အသုံးပြုနိုင်ပါသည်။