နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
တမ်စီရိုးလစ်မက်စ် လက်ရှိစာမျက်နှာ

တမ်စီရိုးလစ်မက်စ်

ကင်ဆာဆဲလ်ကိုပစ်မှတ်ထားသည့် ကုထုံး

ကုန်အမှတ်တံဆိပ်အမည်များ:

Torisel®

မကြာခဏအတှကျအသုံးပွု:

တမ်စီရိုးလစ်မက်စ်ဆေးအကြောင်း

တမ်စီရိုးလစ်မက်စ်ဆေးသည် ကင်ဆာဆဲလ်ကိုပစ်မှတ်ထားသည့်ကုထုံးအမျိုးအစားတစ်မျိုး ဖြစ်သည်။ ဤဆေးသည် mTOR တားမြစ်ပစ္စည်းတစ်မျိုး ဖြစ်သည်။ ၎င်းဆေးက ဆဲလ်များကြီးထွားမှုအတွက်အရေးပါသည့် တစ်ချို့သောအချက်ပြချက်များကို တားဆီးပေးနိုင်သည်။ ကင်ဆာအကျိတ်များဆီသို့ အောက်ဆီဂျင်ပေးပို့ပေးသည့် သွေးကြောများဖြစ်တည်လာခြင်းကိုလည်း တားဆီးပေးနိုင်သည်။

၎င်းဆေးကို များသောအားဖြင့် တစ်ပတ်တစ်ကြိမ်၊ တစ်ကြိမ်လျှင် မိနစ် ၃၀-၆၀ ကြာ အကြောဆေးအနေဖြင့် ပေးလေ့ရှိသည်။ ဓာတ်မတည့်မှုကို ကာကွယ်ရန် သို့မဟုတ် လျော့ပါးသက်သာစေရန် တမ်စီရိုးလစ်မက်စ်ဆေးမပေးမီ ဓာတ်မတည့်မှုနှင့် အယားပျောက်ဆေးတစ်မျိုးဖြစ်သည့် ဒိုင်ဖန်ဟိုက်ဒရာမင်း (Benadryl®) ကို ပေးထားလေ့ရှိသည်။ လူနာများသည် သွေးဥအရေအတွက်ကို စစ်ကြည့်ရန်၊ အသည်းနှင့်ကျောက်ကပ်လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်ထုတ်နေရမည်ဖြစ်သည်။

ဆေးရည်အဖြစ် သွေးပြန်ကြောမှလည်း သွင်း၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

သွေးဥဆဲလ်အရေအတွက်လျော့နည်းခြင်း (ထိုအခါ အလွယ်တကူ ရောဂါပိုးကူးစက်ခံရခြင်း၊ သွေးထွက်ခြင်း၊ သွေးအားနည်းခြင်း နှင့်/သို့ နုံးခွေခြင်း စသည့်တို့ ဖြစ်လာနိုင်သည်။)
အနီကွက်ဖြစ်ခြင်း
လက်များနှင့် ခြေထောက်များရောင်ရမ်းခြင်း (ဖောရောင်ခြင်း)
ပါးစပ်တွင် အပူဖုကဲ့သို့ အနာများပေါက်ခြင်း
သွေးတွင်းအဆီဓာတ်များလာခြင်း
သွေးတွင်းသကြားဓာတ် များလာခြင်း
နုံးခွေခြင်း သို့မဟုတ် အားနည်းခြင်း
အနာကောင်းကောင်းမကျက်ခြင်း
အရေပြားခြောက်သွေ့ခြင်း
ခေါင်းကိုက်ခြင်း
ကြွက်သား သို့မဟုတ် အဆစ်အမြစ်များနာကျဉ်ခြင်း
သွေးတိုးခြင်း

ဝက်ခြံပေါက်လာခြင်း
ပျို့အန်ချင်လာခြင်းနှင့် ပျို့အန်ခြင်း
အစားအသောက်ပျက်ခြင်းနှင့် ကိုယ်အလေးချိန်ကျဆင်းခြင်း
ကောင်းကောင်းအိပ်မပျော်ခြင်း
လက်သည်းများတွင် ပြောင်းလဲလာခြင်း
ဓာတ်မတည့်မှုများဖြစ်ပေါ်ခြင်း (မျက်နှာ၊ နှုတ်ခမ်း သို့ လည်ပင်းများ ရောင်ရမ်းခြင်း)
ဝမ်းလျှောခြင်း
ဝမ်းချုပ်ခြင်း
ကျောက်ကပ်ပြဿနာများ
အသည်း ပြဿနာများ

တမ်စီရိုးလစ်မက်စ်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

ဆေးသွင်းနေစဉ် စပျစ်သီး သို့ ကမ္ဗလာသီး (အခါးဓာတ်ရှိသောလိမ္မော်သီး) တို့ကိုမစားပါနှင့်။ ထိုအသီးတို့ဖြင့် ပြုလုပ်ထားသော သစ်သီးဖျော်ရည်တို့ကိုလည်း မသောက်ပါနှင့်။
တမ်စီရိုးလစ်မက်စ်ဆေးသောက်နေစဉ် အရည်ပမာဏများများသောက်ရန် အရေးကြီးပါသည်။ လူနာများအနေဖြင့် ရေကို ထိုက်သင့်သည့် ပမာဏအထိ သောက်သုံးမိစေရန် ကျန်းမာရေး စောင့်ရှောက်မှုအဖွဲ့၏ ညွှန်ကြားချက်များကို လိုက်နာသင့်ပါသည်။
လိင်မှုကိစ္စဆောင်ရွက်နိုင်သည့် လူနာများတွင် ဆေးကုသနေစဉ်နှင့် ကုသမှုများပြီးစီးသွားပြီးနောက် ၃ လအထိ ကိုယ်ဝန်မရစေရန် နည်းလမ်းများလုပ်ဆောင်သင့်သည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
ဆေးပေးပြီး ရက်ပေါင်းများစွာကြာသည်အထိ လူနာ၏ ခန္ဓာကိုယ်မှထွက်သောအရည်များတွင် ဆေးဓာတ်များပါဝင်နေနိုင်သောကြောင့် လူနာပြုစုစောင့်ရှောက်ပေးသူများအနေဖြင့် အဆိုပါအရည်တို့နှင့် ထိတွေ့မှုမရှိစေရန် လမ်းညွှန်ချက်များအတိုင်း လိုက်နာသင့်သည်။

တမ်စီရိုးလစ်မက်စ်ဆေးအကြောင်းရေးသားထားသော ရင်းမြစ်များ

လိင်ဆက်ဆံမှုနှင့် ကုထုံး

တမ်စီရိုးလစ်မက်စ်အကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။