စိုရာဖီးနစ်ဘ်

ကင်ဆာဆဲလ်ကိုပစ်မှတ်ထားသည့် ကုထုံး

ကုန်အမှတ်တံဆိပ်အမည်များ:

Nexavar®

သည်အခြားအမည်များ:

Sorafenib tosylate

မကြာခဏအတှကျအသုံးပွု:

အသည်းကင်ဆာ၊ ‌ကျောက်ကပ်ကင်ဆာ၊ သိုင်းရွိုက်ကင်ဆာ၊ ပြင်းထန် မိုင်းလွိုက် သွေးကင်ဆာ

စိုရာဖီးနစ်ဘ်ဆေးအကြောင်း

စိုရာဖီးနစ်ဘ်ဆေးသည် ကင်ဆာဆဲလ်ကိုပစ်မှတ်ထားသည့်ကုထုံးအမျိုးအစားတစ်မျိုး ဖြစ်သည်။ ဤဆေးသည် အမိုင်နိုအက်စစ်ကို ဟန့်တားနိုင်သောအာနိသင်ရှိသည့်ပစ္စည်း သို့ သွေးကြောနံရံဖြစ်စေမှုကိုတားဆီးပေးသည့်ပစ္စည်း (vascular endothelial growth factor-VEGF) တစ်မျိုးဖြစ်သည်။ ၎င်းဆေးက ဆဲလ်များကြီးထွားမှုအတွက်အရေးပါသည့် တစ်ချို့သောအချက်ပြချက်များကို တားဆီးပေးနိုင်သည်။ ကင်ဆာအကျိတ်များဆီသို့ အောက်ဆီဂျင်ပေးပို့ပေးသည့် သွေးကြောများဖြစ်တည်လာခြင်းကိုလည်း တားဆီးပေးနိုင်သည်။

လူနာများသည် သွေးဥအရေအတွက်ကို စစ်ကြည့်ရန်၊ အသည်းနှင့်ကျောက်ကပ်လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်ထုတ်နေရမည်ဖြစ်သည်။ စိုရာဖီးနစ်ဘ်ဆေးပမာဏမှာ ဓာတ်ခွဲခန်းရလဒ်များအပေါ်မူတည်၍ ပြောင်းလဲသွားနိုင်သည်။

ဆေးပြားအဖြစ် ပါးစပ်မှလည်း သောက်၍ရသည်။

ဖြစ်နိုင်ခြေရှိသော ဘေးထွက်ဆိုးကျိုးများ

ခြေ-လက်ရောဂါလက္ခဏာစု (ခြေနှင့်လက်များ ထုံကျဉ်ခြင်း၊ အရေပြားနီမြန်းခြင်းနှင့် အရေပြားအဖတ်များကွာကျခြင်း)
အနီကွက်ဖြစ်ခြင်း၊ ယားယံခြင်း၊ အရေပြားခြောက်ခြင်း
ဝမ်းလျှောခြင်း
နုံးခွေခြင်း သို့မဟုတ် အားနည်းခြင်း
သွေးတိုးခြင်း
သွေးဥဆဲလ် အရေအတွက်လျော့နည်းခြင်း (ထိုအခါ အလွယ်တကူ ရောဂါပိုးကူးစက်ခံရခြင်း၊ သွေးထွက်ခြင်း၊ သွေးအားနည်းခြင်း နှင့်/သို့ နုံးခွေခြင်း စသည့်တို့ ဖြစ်လာနိုင်သည်။)
လက်များ သို့ ခြေဖဝါးများ ထုံခြင်း သို့ ကျဉ်ခြင်း
ပျို့အန်ချင်လာခြင်းနှင့် ပျို့အန်ခြင်း
အစားအသောက်ပျက်ခြင်းနှင့် ကိုယ်အလေးချိန်ကျဆင်းခြင်း

အသက်ရှူမဝခြင်း
အဆစ်အမြစ် သို့မဟုတ် ကြွက်သားနာကျင်ကိုက်ခဲခြင်း
ဝမ်းချုပ်ခြင်း
ပါးစပ်တွင် အပူဖုကဲ့သို့ အနာများပေါက်ခြင်း
ဆံပင်ကျွတ်ခြင်း
အနာကျက်နှေးခြင်း၊ အနာကောင်းကောင်းမကျက်ခြင်း
အသည်း ပြဿနာများ

စိုရာဖီးနစ်ဘ်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

စိုရာဖီးနစ်ဘ်ဆေးသောက်နေစဉ် အရည်ပမာဏများများသောက်ရန် အရေးကြီးပါသည်။ လူနာများအနေဖြင့် ရေကို ထိုက်သင့်သည့် ပမာဏအထိ သောက်သုံးမိစေရန် ကျန်းမာရေး စောင့်ရှောက်မှုအဖွဲ့၏ ညွှန်ကြားချက်များကို လိုက်နာသင့်ပါသည်။
လိင်မှုကိစ္စတွင် အားသန်သော လူနာများသည် ကုသမှုကာလနှင့် ကုထုံးပြီးဆုံးပြီး ၆ လအတွင်းတွင် ကိုယ်ဝန်မရအောင် ကာကွယ်ရန် ကြိုတင်ပြင်ဆင်သင့်ပါသည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
စိုရာဖီးနစ်ဘ်ဆေးသောက်နေစဉ် အခြားဆေးအသစ်တစ်ခုခုသောက်နေပါက ဆရာဝန်အားပြောပြထားပါ။ အဘယ့်ကြောင့်ဆိုသော် ထိုဆေးက သွေးထဲရှိ စိုရာဖီးနစ်ဘ်ဆေး၏အတိုင်းအဆကို ပြောင်းလဲသွားစေခြင်း သို့မဟုတ် ဘေးထွက်ဆိုးကျိုးများကိုပိုဆိုးသွားစေခြင်းတို့ကို ဖြစ်စေနိုင်သည်။
ကျန်းမာရေးစောင့်ရှောက်ပေးနေရသူများသည် ဤဆေးကို ဘေးကင်းစွာ ကိုင်တွယ်အသုံးပြုနိုင်ရန်နှင့် စွန့်ပစ်နိုင်ရန်အတွက် ညွှန်ကြားချက်များကို လိုက်နာသင့်ပါသည်။

စိုရာဖီးနစ်ဘ်ဆေးကို အိမ်တွင်အသုံးပြုခြင်း-

စိုရာဖီးနစ်ဘ်ဆေးကို နေ့တိုင်းသတ်မှတ်အချိန်တစ်ခုတွင် သောက်ပါ။
ဆေးပြားများကို အစာမစားမီသောက်ပါ။ အစာမစားမီ ၁ နာရီ သို့မဟုတ် အစာစားပြီး ၂ နာရီအကြာတွင် သောက်နိုင်သည်။ အကယ်၍ အစာအိမ်ပြဿနာဖြစ်လာပါက သင်၏ ဆရာဝန် သို့မဟုတ် ဆေးဝါးပညာရှင်ကို ပြောပြပါ။
ဆေးပြားများမှာ ရေတွင်ပျော်ဝင်နိုင်သည်။ ဆေးပြားများကို ရေ ၂ အောင်စထဲတွင်ထည့်လိုက်ပြီး၊ ၅ မိနစ်ကြာခဏထားလိုက်ပါ။ ဆေးများလုံးဝပျော်ဝင်သွားသည်အထိမွှေပေးပါ။ ထို့နောက် ဆေးရည်ကိုသောက်လိုက်ပါ။ ဆေးအကုန်အစင်သောက်မိစေရန် ဆေးဖျော်ထားသောဖန်ခွက်ထဲသို့ ရေထပ်ထည့်လိုက်ပြီး၊ ထပ်သောက်လိုက်ပါ။
ဆေးကို အခန်းအပူချိန်တွင် သိုလှောင်သိမ်းဆည်းပါ။
အကယ်၍ ဆေးသောက်ရန်တစ်ကြိမ်မေ့သွားပါက မသောက်ဘဲကျော်လိုက်ပါ။ ထိုနောက် ပုံမှန်သောက်နေကျအချိန်ဇယားအတိုင်း ဆက်သောက်သွားနိုင်သည်။ ဆေး ၂ ခွက်စာကို တစ်ချိန်တည်းမသောက်ရပါ။
သက်တမ်းလွန်ဆေးဝါးများကို အသုံးမပြုပါနှင့်။
ဆေးအား ဘေးကင်းစွာကိုင်တွယ်ခြင်းနှင့် ဆေးစွန့်ပစ်ခြင်းလမ်းညွှန်ချက်များကို လိုက်နာပါ။

စိုရာဖီးနစ်ဘ်ဆေးအကြောင်းရေးသားထားသော ရင်းမြစ်များ

စိုရာဖီးနစ်ဘ်ဆေးအကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။