Senna (ဆန်းနာ)

အထောက်အကူပြုကုထုံး

ကုန်အမှတ်တံဆိပ်အမည်များ:

Senexon®, Senna Lax®, SennaCon®, Senokot®

သည်အခြားအမည်များ:

Sennoside

မကြာခဏအတှကျအသုံးပွု:

ဝမ်းချုပ်ခြင်းကို ကုသခြင်း

Senna အကြောင်း

Senna (ဆန်းနာ) သည် ရံဖန်ရံခါဖြစ်တတ်သော ဝမ်းချုပ်ခြင်းနှင့် ဝမ်းမာကျစ်ခြင်းကို ကုသရန်သုံးသည့် ဝမ်းနုတ်ဆေး တစ်မျိုးဖြစ်သည်။ ခွဲစိတ်ကုထုံး သို့မဟုတ် အခြား ဆေးကုသမှုလုပ်ငန်းစဉ်များမစတင်မီ အူလမ်းကြောင်းကိုရှင်းရန်အတွက်လည်း သုံးနိုင်သည်။ အူများ၏လှုပ်ရှားမှုကို မြှင့်တင်ပေးခြင်းအားဖြင့် ဝမ်းသွားခြင်းဖြစ်အောင် အလုပ်လုပ်သည်။ ပုံမှန်အားဖြင့် ၎င်းဆေးဝါးသည် ၆ နာရီမှ ၁၂ နာရီအတွင်းတွင် ဝမ်းသွားစေတတ်သည်။

Senna (ဆန်းနာ) ကို ဆရာဝန်ဆေးစာ (OTC) မပါဘဲ ဝယ်၍ရနိုင်သည် ။ အချို့သော ထုတ်ကုန်များသည် Senna (ဆန်းနာ) နှင့် Docusateကိုပေါင်းစပ်ပြီး ထုတ်ထားခြင်းဖြစ်သည်။

ဆေးရည်အဖြစ် ပါးစပ်မှလည်း သောက်၍ရသည်

ဆေးပြားအဖြစ် သို့မဟုတ် ဝါးစားနိုင်သော ဆေးပြားအဖြစ် သောက်သုံးနိုင်သည်

ဖြစ်နိုင်ခြေရှိသော ဘေးထွက်ဆိုးကျိုးများ

ဝမ်းဗိုက်နာကျင်မှု
မအီမသာဖြစ်ခြင်း
ဝမ်းလျှောခြင်း

ဤဘေးထွက်ဆိုးကျိုးများကို Senna (ဆန်းနာ) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသောဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

Senna (ဆန်းနာ) ကို လိုအပ်မှုအပေါ် အခြေခံ၍ အသုံးပြုနိုင်သည်။
ကျန်းမာရေးစောင့်ရှောက်မှုပေးနေသူမှ ညွှန်ကြားခြင်းမရှိပါက ၎င်းဆေးဝါးကို ရက်သတ္တပတ် ၁ ပတ်ထက်ပို၍ မသုံးသင့်ပါ။
ဝမ်းနုတ်ဆေးများကို ဆရာဝန် သို့မဟုတ် ဆေးစပ်သူနှင့် မတိုင်ပင်ဘဲ မသောက်ပါနှင့်။
ဆေးကို ခဏခဏမသောက်ပါနှင့် သို့မဟုတ် ညွှန်ကြားသည်ထက် ပိုမသောက်ပါနှင့်။
လူနာများသည် ၎င်းဆေးမသောက်ခင် သို့မဟုတ် သောက်ပြီး ၂ နာရီအတွင်း
ဆရာဝန် သို့မဟုတ် ဆေးစပ်သူ၏ အကြံပြုချက် မပါဘဲအခြားဆေးဝါးများကို မသောက်သင့်ပါ။

Senna (ဆန်းနာ) ကို အိမ်တွင်သောက်မည်ဆိုပါက−

တစ်နေ့တစ်ကြိမ် သောက်ရခြင်းဖြစ်ပါက ဆေးကို အိပ်ရာဝင်ချိန်သောက်ပါ။
Senna (ဆန်းနာ) ဆေးနှင့်အတူတွဲပါသည့် အရည်တိုင်းကိရိယာဖြင့် ဆေးချိန်ကို သေသေချာချာတိုင်းပါ။
ဝါးစား၍မရသော ဆေးပြားများကို အလုံးလိုက်မျိုချသင့်ပါသည်။ ဆေးတောင့်များကို ကြိတ်ခြေခြင်း သို့မဟုတ် ဝါးခြင်းများ မပြုလုပ်ပါနှင့်။ ဆေးသောက်ပြီးလျှင် ရေတစ်ဖန်ခွက်သောက်ပါ။
ဝါးစားနိုင်သော ဆေးပြားများကို ကြေညက်အောင် ဝါးပြီးမှ မျိုချပါ။
ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
ဆေးကို အခန်းအပူချိန်တွင် သိုလှောင်သိမ်းဆည်းပါ။
သက်တမ်းလွန်ဆေးဝါးများကို အသုံးမပြုပါနှင့်။
စွန့်ပစ်ခြင်းဆိုင်ရာ ညွှန်ကြားချက်များကို လိုက်နာပါ။

Senna (ဆန်းနာ) အကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။