အင်တာလူကင်-2

ကိုယ်ခံစွမ်းအားကုထုံး

ကုန်အမှတ်တံဆိပ်အမည်များ:

Proleukin®

သည်အခြားအမည်များ:

Aldesleukin, IL-2, T-Cell Growth Factor

မကြာခဏအတှကျအသုံးပွု:

နူရိုဘလက်စတိုးမား၊ မယ်လန်နိုးမား

အင်တာလူကင်-2 ဆေးအကြောင်း

အင်တာလူကင်-2 (IL-2) ကိုယ်ခံအားမြှင့်တင်ပေးသည့် သဘာဝကုထုံးဟုခေါ်ဆိုသည့် ကိုယ်ခံအားကုထုံး အမျိုးအစားတစ်မျိုး ဖြစ်သည်။ ဤဆေးကို ခန္ဓာကိုယ်မှသဘာဝအတိုင်းထုတ်ပေးသော ဓာတ်ပေါင်းများနှင့်ဆင်တူအောင် ပြုလုပ်ထားသည်။ IL-2 ဆေးမှာ ကိုယ်ခံအားစနစ်မှ ကင်ဆာကိုတိုက်ထုတ်နိုင်ရန် ဆဲလ်များကိုလှုံ့ဆော်ပေးသည့်နည်းဖြင့် အလုပ်လုပ်သည်။

သွေးဥဆဲလ် အရေအတွက်တို့ကို စစ်ဆေးရန်နှင့် အသည်းနှင့် ကျောက်ကပ်တို့၏ လုပ်ငန်းဆောင်တာတို့ကို စောင့်ကြည့်လေ့လာနိုင်ရန် လူနာအားပုံမှန် သွေးစစ်ဆေးခြင်း ပြုလုပ်မည်။ သွေးသွင်းနေစဉ်ဖြစ်ပေါ်တတ်သည့် ဘေးထွက်ဆိုးကျိုးများကို သိရှိစေရန် သွေးပေါင်ချိန်၊ နှလုံးခုန်နှုန်း၊ အသက်ရှုနှုန်း၊ ကိုယ်အပူချိန်စသည်တို့ကို စောင့်ကြည့်လေ့လာနေမည်။

ဆေးရည်အဖြစ် သွေးပြန်ကြောမှလည်း သွင်း၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

တုပ်ကွေးကဲ့သို့သောလက္ခဏာများ (ဖျားခြင်း၊ ချမ်းတုန်ခြင်း၊ ခေါင်းကိုက်ခြင်း)
မျက်နှာနီမြန်းလာခြင်း၊ နီမြန်းခြင်း သို့ အနီကွက်ဖြစ်ခြင်း
သွေးပေါင်ချိန်ကျခြင်း
နုံးခွေခြင်း သို့မဟုတ် အားနည်းခြင်း
မအီမသာဖြစ်ခြင်းနှင့် ပျို့အန်ခြင်း
ဝမ်းလျှောခြင်း
ခံတွင်းပျက်ခြင်း
ပါးစပ်တွင် အပူဖုကဲ့သို့ အနာများပေါက်ခြင်း
အဆစ်အမြစ် သို့မဟုတ် ကြွက်သားနာကျင်ကိုက်ခဲခြင်း
စိတ်ရှုပ်ထွေးခြင်း သို့ မှတ်ဉာဏ်ဆိုင်ရာပြဿနာများ
အိပ်ငိုက် သို့ မူးဝေနေသလို ခံစားနေရခြင်း
နှာရည်ယိုခြင်း
ကိုယ်အလေးချိန်တက်လာခြင်း
‌ဆေးထိုးထားသည့်နေရာတွင် နာကျဉ်ခြင်း သို့ ရောင်နေခြင်း
သွေးဥဆဲလ် အရေအတွက်လျော့နည်းခြင်း (ထိုအခါ အလွယ်တကူ ရောဂါပိုးကူးစက်ခံရခြင်း၊ သွေးထွက်ခြင်း၊ သွေးအားနည်းခြင်း နှင့်/သို့ နုံးခွေခြင်း စသည့်တို့ ဖြစ်လာနိုင်သည်။)
သွေးတွင်းသကြားဓာတ် မြင့်တက်နေခြင်း
နှလုံးခုန်နှုန်းမြန်လာခြင်း
အသည်း ပြဿနာများ
ကျောက်ကပ်ပြဿနာများ

အရည်နှင့်ပရိုတင်းဓာတ်များ သွေးကြောငယ်များ၏ အပြင်ဘက်သို့ စိမ့်ထွက်သွားသည့် ရောဂါ- ရောဂါလက္ခဏာများတွင် သွေးပေါင်ချိန်ကျခြင်း၊ နှလုံးခုန်သံပုံမမှန်ဖြစ်ခြင်း၊ ရင်ဘတ်အောင့်ခြင်း၊ မောခြင်း၊ ပုံမှန်မဟုတ်ဘဲ ကိုယ်အလေးချိန်တက်လာခြင်း၊ ဆီးတွင်သွေးပါခြင်း သို့ ဆီးမသွားနိုင်ခြင်း စသည်တို့ပါဝင်ကြသည်။

အင်တာလူကင်-2 ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

တုပ်ကွေးကဲ့သို့သောရောဂါလက္ခဏာများမှ ကာကွယ်ပေးနိုင်ရန် လူနာများအား ဒိုင်ဖန်ဟိုက်ဒရာမင်း (Benadryl®)၊ အက်စီတာမင်နိုဖန် (Tylenol®)စသည့်ဆေးများကို ညွှန်းပေးနိုင်သည်။
အအန်သက်သာသည့်ဆေးနှင့်/သို့ ဝမ်းလျှောသက်သာသည့်ဆေးများကိုလည်း ပေးထားနိုင်သည်။
အစာအိမ်အူလမ်းကြောင်းတွင် (GI) သွေးထွက်ခြင်း သို့ အနာဖြစ်ခြင်းတို့မှ ကာကွယ်နိုင်ရန် အန်းတစစ်ဆေးကိုပါ ပေးထားနိုင်သည်။
လိင်မှုကိစ္စဆောင်ရွက်နိုင်သည့် လူနာများတွင် ကိုယ်ဝန်မရစေရန် နည်းလမ်းများလုပ်ဆောင်သင့်သည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

အင်တာလူကင်-2 အကြောင်းရေးသားထားသော ရင်းမြစ်များ

လိင်ဆက်ဆံမှုနှင့် ကုထုံး

အင်တာလူကင်-2 အကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။