နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
Gemtuzumab (ဂျန်တူဇူမဘ်) လက်ရှိစာမျက်နှာ

Gemtuzumab (ဂျန်တူဇူမဘ်)

ကိုယ်ခံစွမ်းအားကုထုံး ပြန့်ပွားစေမည့် ပရိုတင်းတစ်မျိုးတည်းအတွက် ပဋိပစ္စည်း

ကုန်အမှတ်တံဆိပ်အမည်များ:

Mylotarg®

မကြာခဏအတှကျအသုံးပွု:

ရုတ်တရက်ဆိုးရွားစွာဖြစ်သည့် မိုင်းလွိုက် လူကီးမီးယားရောဂါ

Gemtuzumab (ဂျန်တူဇူမဘ်) အကြောင်း

Gemtuzumab (ဂျန်တူဇူမဘ်) သည် ပြန့်ပွားစေမည့် ပရိုတင်းတစ်မျိုးတည်းအတွက် ပဋိပစ္စည်းဟုခေါ်သည့် ဆေးတစ်မျိုးဖြစ်သည်။ ထိုဆေးသည် သွေးကင်ဆာဆဲလ်တချို့၏မျက်နှာပြင်‌ပေါ်တွင် တွေ့ရတတ်သည့် CD33 ခေါ် ပရိုတင်းတစ်မျိုးပေါ်တွင် တွယ်ကပ်သည်။ Gemtuzumab (ဂျန်တူဇူမဘ်) သည် CD33 ပရိုတင်းပါ ဆဲလ်များနှင့် ချိတ်ဆက်ပြီးသောအခါတွင် calicheamicin ခေါ် ကီမိုဆေးတစ်မျိုးကို ဆဲလ်ထဲသို့ ပို့လွှတ်ပေးလိုက်သည်။ Gemtuzumab (ဂျန်တူဇူမဘ်) သည် ဆဲများ၏အချို့သောဝိသေသလက္ခဏာများကိုသာ 'ပစ်မှတ်ထား"သောကြောင့် ၎င်းကို ကင်ဆာကျိတ်၏ သွေးကြောအသစ်ဖြစ်စေနိုင်မှုကို တားဆီးသော ဆေးဖြင့်ကုသည့် ကုထုံး အဖြစ် ရှုမြင်ကြသည်။

ဆေးသွင်းနေချိန်တွင် သက်ဆိုင်ရာဘေးထွက်ဆိုးကျိုးများဖြစ်ပေါ်လာခြင်းရှိမရှိကို စောင့်ကြည့်ရန်အတွက် သွေးပေါင်ချိန်၊ နှလုံးခုန်နှုန်း၊ အသက်ရှူနှုန်းနှင့် အပူချိန်များကို ပုံမှန်တိုင်းတာစစ်ဆေးသွားရပါမည်။ Gemtuzumab (ဂျန်တူဇူမဘ်) သွင်းနေချိန်တွင်လည်း ၎င်းကို အလင်းရောင်နှင့်မထိအောင် ကာကွယ်ထားရပါမည်။

Gemtuzumab (ဂျန်တူဇူမဘ်) ကို သူ့ချည်းသက်သက်ဖြစ်စေ၊ အခြားဆေးဝါးများနှင့် တွဲဖက်၍ဖြစ်စေ အသုံးပြုနိုင်သည်။ လူနာများသည် သွေးဥအရေအတွက်ကို စစ်ကြည့်ရန်နှင့် အသည်း လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်စစ်နေရမည်ဖြစ်သည်။

ဆေးရည်အဖြစ် သွေးပြန်ကြောမှလည်း သွင်း၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

မအီမသာဖြစ်ခြင်းနှင့် ပျို့အန်ခြင်း
ဝမ်းချုပ်ခြင်း
ပါးစပ်တွင် အပူဖုကဲ့သို့ အနာများပေါက်ခြင်း
တုပ်ကွေးဆန်ဆန် ရောဂါလက္ခဏာများ (အဖျားတက်ခြင်း၊ ချမ်းတုန်ခြင်းများ)
သွေးအတွင်းရှိ သွေးဥဆဲလ် အရေအတွက်လျော့နည်းခြင်း (ကူးစက်ရောဂါဝင်ရောက်နိုင်ခြေမြင့်တက်ခြင်း၊ သွေးယိုစီးခြင်း၊ သွေးအားနည်းခြင်း နှင့်/သို့မဟုတ် နုံးခွေခြင်းများကို ဖြစ်စေနိုင်သည်)
ခေါင်းကိုက်ခြင်း
သွေးပေါင်ချိန်ကျခြင်း
ခံတွင်းပျက်ခြင်း

ဝမ်းလျှောခြင်း
နုံးခွေခြင်း သို့မဟုတ် အားနည်းခြင်း
အနီကွက်ဖြစ်ခြင်း
အသည်း ပြဿနာများ
ကျောက်ကပ်ပြဿနာများ
သွေးတွင်း ပိုတက်ဆီယမ်ပမာဏလျော့နည်းခြင်း
ဆေးသွင်းခြင်းဆိုင်ရာ တုံ့ပြန်မှုများ− ချမ်းတုန်ခြင်းများ၊ မောခြင်း၊ ချောင်းဆိုးခြင်း၊ ခေါင်းမူးဝေခြင်း၊ သွေးပေါင်ချိန်ကျခြင်း၊ ရင်ဘတ်အောင့်ခြင်း၊ မျက်နှာ သို့မဟုတ် လည်ပင်းရောင်ရမ်းခြင်း

ဤဘေးထွက်ဆိုးကျိုးများကို Gemtuzumab (ဂျန်တူဇူမဘ်) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

ဖြစ်တတ်သော နောက်ဆက်တွဲဆိုးကျိုးများ

အချို့သောလူနာများတွင် ကုထုံးပြီးဆုံးပြီး လပေါင်းများစွာ သို့မဟုတ် နှစ်ပေါင်းများစွာကြာသည့်တိုင်အောင် ရေရှည် သို့မဟုတ် နောက်ဆက်တွဲဆိုးကျိုးများကို ခံစားရနိုင်ပါသည်။ Gemtuzumab (ဂျန်တူဇူမဘ်) ကြောင့် ဖြစ်တတ်သည့် နောက်ဆက်တွဲဆိုးကျိုးများမှာ−

မျိုးအောင်မှု ပြဿနာများ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေး ဖြစ်ပါစေ။

ဤဆေးနှင့် မတည့်ဘဲ တုံ့ပြန်သော လူနာအချို့ရှိနေနိုင်သည်။ ဆေးသွင်းနေချိန် ခံစားရသမျှကို သူနာပြုအားပြောကြားပါ။
တုပ်ကွေးဆန်ဆန်လက္ခဏာများကို ကာကွယ်နိုင်ရန်အတွက် diphenhydramine (Benadryl®) and acetaminophen (Tylenol®) နှင့် အခြားဆေးဝါးများကို အသုံးပြုရန် သင့်အားစောင့်ရှောက်ပေးနေသော အဖွဲ့က အကြံပြုလာနိုင်သည်။
အအန်ပျောက်ဆေးများကိုလည်း ပေးနိုင်သည်။
လိင်မှုကိစ္စတွင် လုပ်ဆောင်နေသော လူနာများသည် ကုသမှုကာလနှင့် ကုထုံးပြီးဆုံးပြီး ၆ လအတွင်းတွင် ကိုယ်ဝန်မရအောင် ကာကွယ်ရန် ကြိုတင်ပြင်ဆင်သင့်ပါသည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

Gemtuzumab (ဂျန်တူဇူမဘ်) ရင်းမြစ်များ

လိင်ဆက်ဆံမှုနှင့် ကုထုံး

Gemtuzumab Ozogamicin (ဂျန်တူဇူမဘ် အိုဇိုဂါမိုင်စင်) အကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။