ဂါဘာပန်တင်

အကိုက်အခဲပျောက်ဆေး

ကုန်အမှတ်တံဆိပ်အမည်များ:

Neurontin®, Gralise®

မကြာခဏအတှကျအသုံးပွု:

ရုတ်တရက်တက်ခြင်းများ၊ ခေါင်းတစ်ခြမ်းကိုက်ခြင်းများနှင့် နာဗ်ကြောနာကျဉ်ခြင်း

ဂါဘာပန်တင်အကြောင်း

ဂါဘာပန်တင်ဆေးသည် အတက်ပျောက်ဆေးတစ်မျိုးဖြစ်ပြီး ရုတ်တရက်တက်ခြင်းများတို့ကို သက်သာစေသည်။ ဤဆေးသည် နာဗ်ကြောပျက်စီးခြင်းကြောင့်ဖြစ်သော ခြေ/လက်ထုံကျဉ်ခြင်း သို့ အခြားနာဗ်ကြောနာကျဉ်ခြင်းတို့ကိုလည်း သက်သာစေနိုင်သည်။

ဂါဘာပန်တင်ဆေးပမာဏကို လိုချင်သည့်ဆေးပမာဏရောက်သည်အထိ တဖြည်းဖြည်းချင်း တိုးမြှင့်လာပါလိမ့်မည်။ ဂါဘာပန်တင်ဆေး အာနိသင်ပြရန် ရက်ပေါင်းများစွာ ကြာမြင့်နိုင်သည်။

ဆေးကိုသွေးအတွင်းသို့ ပုံမှန်ထုတ်လွှတ်သည့်ပုံစံနှင့် အချိန်ကြာမြင့်စွာထုတ်လွှတ်ပေးသည့်ပုံစံနှစ်မျိုးစလုံး ရနိုင်သည်။ ဆေးပမာဏနှင့်ပတ်သတ်သောလမ်းညွှန်ချက်များကို သေသေချာချာ လိုက်နာပါ။

ဆေးပြား သို့ ဆေးတောင့်အဖြစ် ပါးစပ်မှလည်း သောက်၍ရသည်

ဆေးရည်အဖြစ် ပါးစပ်မှလည်း သောက်၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

အိပ်ငိုက်သလိုခံစားနေရခြင်း
နုံးခွေခြင်း သို့မဟုတ် အားနည်းခြင်း
ပျို့အန်ချင်လာခြင်းနှင့် ပျို့အန်ခြင်း
ခေါင်းမူးခြင်း
ဝမ်းလျှောခြင်း
ဝမ်းချုပ်ခြင်း
အနီကွက်ဖြစ်ခြင်း
ဝမ်းဗိုက်နာကျင်မှု
မျက်စိအကြောဆွဲခြင်း

ဂါဘာပန်တင်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

ဤဆေးသည် အိပ်ငိုက်ခြင်း သို့ ခေါင်းမူးခြင်းတို့ကို ဖြစ်စေနိုင်ပြီး၊ လဲကျနိုင်ခြေကိုလည်း တိုးလာစေတတ်သည်။
ဆေးပညာရှင်၏ ကြီးကြပ်မှုမပါဘဲ လူနာအနေဖြင့်ဂါဘာပန်တင်ဆေးသောက်ခြင်းကိုရပ်တန့်မပစ်သင့်ပါ။
ကိုယ်ဝန်ဆောင်နိုင်သော အသက်အရွယ်ရှိသည့် အမျိုးအသမီးများအနေဖြင့် ဂါဘာပန်တင်ဆေးသောက်နေပါက ကလေးမယူမီ ဆရာဝန်နှင့်တိုင်ပင်သင့်သည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

ဂါဘာပန်တင်ဆေးကို အိမ်တွင်အသုံးပြုခြင်း-

ဆေးကို နေ့တိုင်းသတ်မှတ်အချိန်တစ်ခုတွင် သောက်ပါ။
ဆေးပြားနှင့် ဆေးတောင့်များကို အလုံးလိုက် ရေများများဖြင့်သောက်ပါ။ ဆေးတောင့်များကို ကြိတ်ခြေခြင်း သို့မဟုတ် ဝါးခြင်းများ မပြုလုပ်ပါနှင့်။
ဆေးတောင့်တွင်ပါလာသောအမှုန့်များကို ဆေးမသောက်မီ အစားအနည်းငယ်တွင်ဖြစ်စေ၊ ဖျော်ရည် သို့ အရသာထည့်ထားသောအရည်တို့တွင်ဖြစ်စေ ရောစပ်နိုင်သည်။
ဆေးပြားနှင့် ဆေးတောင့်များကို ဆေးကို အခန်းအပူချိန်တွင် သိုလှောင်သိမ်းဆည်းပါ။
ဂါဘာပန်တင်ဆေးရည်ဖြစ်ပါက ဆေးနှင့်အတူပါလာသော တိုင်းတာသည့်ပစ္စည်းကို အသုံးပြုပါ။
ဂါဘာပန်တင်ဆေးရည်ကို ရေခဲသေတ္တာထဲတွင် သိမ်းဆည်းထားပါ။
ဆေးသောက်ရန် မေ့သွားပါက သတိရရချင်း တိုက်ပါ။ အကယ်၍ နောက်တစ်ကြိမ်ဆေးသောက်ရမည့်အချိန်မှ ၄ နာရီအတွင်းဖြစ်နေပါက မသောက်ဘဲကျော်လိုက်နိုင်သည်။ ဆေး ၂ ခွက်စာကို တစ်ချိန်တည်းမသောက်ရပါ။
သက်တမ်းလွန်ဆေးဝါးများကို အသုံးမပြုပါနှင့်။
ဆေးအား ဘေးကင်းစွာသိမ်းဆည်းခြင်းနှင့် ဆေးစွန့်ပစ်ခြင်း လမ်းညွှန်ချက်များကို လိုက်နာပါ။

ဂါဘာပန်တင်ဆေးအကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။