မီနူ ပိတ်လိုက်

ဖမ်ဆိုက်ကလိုဗီရာ

ဗိုင်းရပ်စ်သတ်ဆေး

ကုန်အမှတ်တံဆိပ်အမည်များ:

Famvir®

မကြာခဏအတှကျအသုံးပွု:

ဗိုင်းရပ်စ်ပိုးကူးစက်မှုများ

ကလစ်ဘုတ် သင်္ကေတ

ဖမ်ဆိုက်ကလိုဗီရာဆိုတာဘာလဲ?

ဖမ်ဆိုက်ကလိုဗီရာဆေးသည် ဗိုင်းရပ်စ်ပိုးကိုသုတ်သင်ပေးသော ဆေးတစ်မျိုးဖြစ်သည်။ ကိုယ်ခံအားစနစ်အားနည်းနေသည့်လူနာများတွင် ဟားပီးစ်ဗိုင်းရပ်စ်ကူးစက်မှုကြောင့်ဖြစ်သော နာမကျန်းမှုကို ကုသရာတွင် အသုံးပြုသည်။ ထိုဆေးကို ရေယုန်များ၊ ပါးစပ်အနာများ သို့ လိင်အင်္ဂါတွင်ရေယုန်ဖြစ်ခြင်းတို့ကို ကုသရာတွင် အသုံးပြုသည်။

ဖမ်ဆိုက်ကလိုဗီရာဆေးသောက်နေသောလူနာများတွင် လူနာများသည် သွေးဥအရေအတွက်ကို စစ်ကြည့်ရန်၊ အသည်းနှင့်ကျောက်ကပ်လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်ထုတ်နေရမည်ဖြစ်သည်။ ဖမ်ဆိုက်ကလိုဗီရာဆေးပမာဏမှာ ဓာတ်ခွဲခန်းရလာဒ်များအပေါ်မူတည်၍ ပြောင်းလဲသွားနိုင်သည်။

ဆေးပြားနှင့် ဆေးတောင့် သင်္ကေတ

ဆေးပြားအဖြစ် ပါးစပ်မှလည်း သောက်၍ရသည်။

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • ပျို့အန်ချင်လာခြင်းနှင့် ပျို့အန်ခြင်း
  • ခေါင်းကိုက်ခြင်း
  • ခံတွင်းပျက်ခြင်း
  • ဝမ်းဗိုက်နာကျင်မှု
  • နုံးခွေခြင်း သို့မဟုတ် အားနည်းခြင်း
  • အနီကွက်ဖြစ်ခြင်း၊ ယားယံခြင်း၊ အင်ပြင်ထခြင်း
  • ဝမ်းလျှောခြင်း
  • သွေးဥဆဲလ် အရေအတွက်လျော့နည်းခြင်း (ထိုအခါ အလွယ်တကူ ရောဂါပိုးကူးစက်ခံရခြင်း၊ သွေးထွက်ခြင်း၊ သွေးအားနည်းခြင်း နှင့်/သို့ နုံးခွေခြင်း စသည့်တို့ ဖြစ်လာနိုင်သည်။)
  • ဓမ္မတာစက်ဝန်းပုံစံ ပြောင်းလဲသွားခြင်း
  • အသည်းလုပ်ငန်းဆောင်ရွက်ပုံ ပြောင်းလဲသွားခြင်း (အသည်းဓာတ်များဖြစ်သည့် ALT/AST/bilirubin ပမာဏများလာခြင်း)

ဖမ်ဆိုက်ကလိုဗီရာဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • ဖမ်ဆိုက်ကလိုဗီရာဆေးပြားတွင် လက်တို့စ်သကြားဓာတ်ပါဝင်သည်။
  • လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
  • ဆရာဝန် သို့မဟုတ် ဆေးစပ်သူက ညွှန်ကြားသည့် ဆေးအားလုံးကို သတ်မှတ်ဆေးချိန်ပမာဏ ပြည့်သည်အထိသောက်ပါ။

ဖမ်ဆိုက်ကလိုဗီရာဆေးအား အိမ်တွင်အသုံးပြုခြင်း-

  • ဤဆေးသည် သင့်ကို ခေါင်းမူးဝေခြင်း သို့မဟုတ် အိပ်ငိုက်ခြင်းများဖြစ်စေနိုင်ပါသည်။ လူနာများသည် ဤဆေး၏အာနိသင်သက်ရောက်မှုကို မသိရမချင်း အန္တရာယ်ဖြစ်စေနိုင်သော အလုပ်လုပ်ခြင်းများကို မလုပ်ဆောင်သင့်ပါ။
  • ဖမ်ဆိုက်ကလိုဗီရာဆေးကို အစားဖြင့် သို့ အစားမစားမီတွင် သောက်နိုင်သည်။
  • ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
  • ဖမ်ဆိုက်ကလိုဗီရာဆေးကို ဆေးကို အခန်းအပူချိန်တွင် သိုလှောင်သိမ်းဆည်းပါ။
  • သက်တမ်းလွန်ဆေးဝါးများကို အသုံးမပြုပါနှင့်။
  • ဆေးကို စိတ်ချလုံခြုံစွာ သိုလှောင်သိမ်းဆည်းခြင်းနှင့် ဆေးစွန့်ပစ်ခြင်းတို့တွင် လမ်းညွှန်ချက်များအတိုင်း လိုက်နာပါ။

ဖမ်ဆိုက်ကလိုဗီရာဆေးအကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။