နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
အာဝင်းနီးယား အက်စပါးရာဂျင်နေ့စ် လက်ရှိစာမျက်နှာ

အာဝင်းနီးယား အက်စပါးရာဂျင်နေ့စ်

Chemotherapy

ကုန်အမှတ်တံဆိပ်အမည်များ:

Erwinaze®

သည်အခြားအမည်များ:

Asparaginase Erwinia chrysanthemi

မကြာခဏအတှကျအသုံးပွု:

သွေးကင်ဆာ

အာဝင်းနီးယား အက်စပါးရာဂျင်နေ့စ်အကြောင်း

အာဝင်းနီးယား အက်စပါးရာဂျင်နေ့စ်သည် ကီမိုဆေးသွင်းခြင်း ကုထုံးဆေးတစ်မျိုး ဖြစ်သည်။ ၎င်းသည် ဆဲလ်များကြီးထွားနေမှုကို နှေးကွေး သို့ ရပ်တန့် သွားစေသည့် အာနိသင်ရှိသည်။ အခြားဆေးဝါးများနှင့်လည်း တွဲဖက်အသုံးပြုနိုင်သည်။ အာဝင်းနီးယား အက်စပါးရာဂျင်နေ့စ်ဆေးကို ၎င်းနှင့်အလားသဏ္ဌာန်တူညီသည့် အခြားဆေးများဖြစ်သည့် အက်စပါးရာဂျင်နေ့စ် (Elspar®) နှင့်/သို့ ပက်အက်စပါးဂေ့စ် (Oncaspar®)ဆေးတို့အား ဓာတ်မတည့်ပါက ပေးလေ့ရှိသည်။

ဓာတ်မတည့်သည့်လက္ခဏာများရှိ/မရှိသိနိုင်ရန် လူနာကိုအနီးကပ်စောင့်ကြည့်နေမည်။

သွေးဥဆဲလ် အရေအတွက်၊ သွေးခဲစေသည့်ဓာတ်ပေါင်းများ၊ ပန်ကရိယအင်ဇိုင်းများ၊ သွေးတွင်းသကြားဓာတ်တို့ကို စစ်ဆေးရန်နှင့် အသည်းနှင့် ကျောက်ကပ်တို့၏ လုပ်ငန်းဆောင်တာတို့ကို စောင့်ကြည့်လေ့လာနိုင်ရန် လူနာအားပုံမှန် သွေးစစ်ဆေးခြင်း ပြုလုပ်မည်။

ကြွက်သားအတွင်းသို့ ထိုးသွင်းနိုင်သည်

ဆေးရည်အဖြစ် သွေးပြန်ကြောမှလည်း သွင်း၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

သွေးတွင်းသကြားဓာတ် များလာခြင်း
သွေးထွက်နိုင်ခြေ သို့ သွေးခဲဖြစ်ပေါ်နိုင်ခြေတို့ကို များလာစေခြင်း
အသည်း ပြဿနာများ
သွေးတွင် ထရိုင်ဂလစ်စရိုက်အဆီဓာတ်ကို များလာစေခြင်း
ပျို့အန်ချင်လာခြင်းနှင့် ပျို့အန်ခြင်း
ဖျားခြင်း
ဗိုက်နာနေပြီး နောက်ကျောဘက်အထိပါ နာကျင်လာခြင်း၊ ပန်ကရိယရောင်ရမ်းခြင်း (ပန်ကရိယရောင်ခြင်း)
လေဖြတ်နိုင်ခြေများလာခြင်း
ဖောခြင်း၊ နာကျဉ်ခြင်း၊ နီမြန်းခြင်းနှင့် အကယ်၍ အသားဆေးထိုးထားပါက အပ်ထိုးထားသည့်နေရာတွင် ပူနွေးနေခြင်း

ဓာတ်မတည့်မှုဖြစ်ပေါ်သည့် ရောဂါလက္ခဏာများတွင်အောက်ပါတို့ပါဝင်ကြသည်။ အနီကွက်ဖြစ်ခြင်း၊ အင်ပြင်ထခြင်း၊ ယားယံခြင်း၊ အသက်ရှုခက်ခဲခြင်းနှင့်/သို့ အစာမျိုရာတွင်ခက်ခဲခြင်း

အာဝင်းနီးယား အက်စပါးရာဂျင်နေ့စ်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

လူနာများအနေဖြင့် အောက်ပါလက္ခဏာတစ်ခုခုရှိနေပါက ဆရာဝန်ကို ပြောပြထားသင့်သည်။
- ယခင်က သို့ အခု ပန်ကရိယရောင်နေခြင်း၊ သွေးခဲဖူးခြင်း သို့ အလွန်အကျွံသွေးထွက်ခြင်း၊ အကယ်၍ အက်စပါးရာဂျင်နေ့စ် (Elspar®) (သို့) ပက်အက်စပါးဂေ့စ် (Oncaspar®) ဆေးတို့ကို သောက်နေစဉ်ဖြစ်ပါက အထူးဂရုပြု ပြောပြသင့်သည်။
- ဆီးချိုရှိနေပါက (သို့) ရှိခဲ့ဖူးပါက
လိင်မှုကိစ္စတွင် အားသန်သော လူနာများသည် ကုသမှုကာလနှင့် ကုထုံးပြီးဆုံးပြီး ၆ လအတွင်းတွင် ကိုယ်ဝန်မရအောင် ကာကွယ်ရန် ကြိုတင်ပြင်ဆင်သင့်ပါသည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

အာဝင်းနီးယား အက်စပါးရာဂျင်နေ့စ်အကြောင်းရေးသားထားသော ရင်းမြစ်များ

အာဝင်းနီးယား အက်စပါးရာဂျင်နေ့စ်ဆေးအကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။