ဘလင်နာတူမိုမက်

ကိုယ်ခံစွမ်းအားကုထုံး ပြန့်ပွားစေမည့် ပရိုတင်းတစ်မျိုးတည်းအတွက် ပဋိပစ္စည်း

ကုန်အမှတ်တံဆိပ်အမည်များ:

Blincyto®

မကြာခဏအတှကျအသုံးပွု:

ဘလင်နာတူမိုမက်ဆိုတာဘာလဲ?

ဘလင်နာတူမိုမက်ဆေးသည် ကိုယ်ခံအားကုထုံး တစ်ခုဖြစ်ပြီး bispecific T-cell engager (BITE) ဖြစ်သည့် ဆဲလ်ပွားတစ်ခုမှထုတ်ပေးသည့် ပဋိပစ္စည်းဟုခေါ်ဆိုသည်။ ဤဆေးသည် တီ-ဆဲလ် များကို သွေးကင်ဆာဆဲလ်တချို့၏ မျက်နှာပြင်‌ပေါ်တွင် တွေ့ရတတ်သည့် CD19 ဟုခေါ်သည့် ပရိုတင်းတစ်မျိုးကို ဦးတည်ချက်ထား တိုက်ခိုက်စေသည်။ ဘလင်နာတူမိုမက်ဆေးသည် ကင်ဆာဆဲလ်ကိုပစ်မှတ်ထားသည့်ကုထုံး အနေဖြင့် ယူဆနိုင်သည်။ အဘယ်ကြောင့်ဆိုသော် ဤဆေးသည် တစ်ချို့သောဆဲလ်များ၏ သီးခြားလုပ်ဆောင်မှုတစ်ခုအပေါ်တွင်သာ သက်ရောက်မှုဖြစ်စေပြီး၊ ထိုဆဲလ်များကိုသာ "ပစ်မှတ်" ထားတိုက်ခိုက်သည်။

ဤဆေးကိုအသုံးပြုနေစဉ် သွေးထဲသို့ ဆိုက်တိုကိုင်းန်များ အမြောက်အများထုတ်လွှတ်ပေးသည့် ရောဂါလက္ခဏာစုဟု (CRS) ခေါ်ဆိုသည့် ပြင်းထန်သည့်အခြေအနေတစ်မျိုးကို ဖြစ်စေနိုင်သည်။ များသောအားဖြင့် အဆိုပါအခြေအနေမျိုးမှာ ဆေးသွင်းပြီး ပထမပိုင်းရက်အနည်းငယ်အတွင်း ဖြစ်ပေါ်လာတတ်သည်။ ကနဦးရက်များတွင် လူနာများကို အနီးကပ်စောင့်ကြည့်နေမည် ဖြစ်သည်။

သွေးဥဆဲလ် အရေအတွက်ကို စစ်ဆေးရန်နှင့် အသည်း၏ လုပ်ငန်းဆောင်တာတို့ကို စောင့်ကြည့်လေ့လာနိုင်ရန် လူနာအားပုံမှန် သွေးစစ်ဆေးခြင်း ပြုလုပ်မည်။

သွေးပြန်ကြောထဲသို့ အကြောဆေးအနေဖြင့် သွင်းပေးနိုင်သည်။

ဖြစ်နိုင်ခြေရှိသော ဘေးထွက်ဆိုးကျိုးများ

တုပ်ကွေးကဲသို့သော ရောဂါလက္ခဏာများ (ဖျားခြင်း၊ ချမ်းတုန်ခြင်း)
ခေါင်းကိုက်ခြင်း
ကိုယ်အလေးချိန်တက်လာခြင်း
လက်များ သို့မဟုတ် ခြေထောက်များရောင်ရမ်းခြင်း
အဆစ်အမြစ် သို့မဟုတ် ကြွက်သားနာကျင်ကိုက်ခဲခြင်း
ခါးနာခြင်း သို့မဟုတ် ဝမ်းဗိုက်နာကျင်မှု
မအီမသာဖြစ်ခြင်းနှင့် ပျို့အန်ခြင်း
ဝမ်းချုပ်ခြင်း
ဝမ်းလျှောခြင်း
နုံးခွေခြင်း သို့မဟုတ် အားနည်းခြင်း
အနီကွက်ဖြစ်ခြင်း
သွေးအတွင်းရှိ သွေးဥဆဲလ် အရေအတွက်လျော့နည်းခြင်း (ကူးစက်ရောဂါဝင်ရောက်နိုင်ခြေမြင့်တက်ခြင်း၊ သွေးယိုစီးခြင်း၊ သွေးအားနည်းခြင်း နှင့်/သို့မဟုတ် နုံးခွေခြင်းများကို ဖြစ်စေနိုင်သည်)
အသည်း ပြဿနာများ
ပန်ကရိယပြဿနာများ

ဗဟိုနဗ်ကြောအဖွဲ့အစည်းအပေါ်တုံ့ပြန်မှုများ:- ရောဂါလက္ခဏာများတွင် ခေါင်းကိုက်ခြင်း၊ စိတ်ရှုပ်ထွေးခြင်း၊ ရုတ်တရက်တက်ခြင်းများ၊ စကားပြောလေးလာခြင်း သို့မဟုတ် စကားပြောရာတွင်အခက်အခဲဖြစ်ခြင်း၊ ဟန်ချက်မထိန်းနိုင်ခြင်း၊ မူးမေ့မလိုဖြစ်ခြင်းစသည်တို့ ပါဝင်နိုင်သည်။
သွေးထဲသို့ ဆိုက်တိုကိုင်းန်များအမြောက်အများထုတ်လွှတ်ပေးသည့်ရောဂါလက္ခဏာစု- ရောဂါလက္ခဏာများမှာ ဖျားခြင်း၊ ချမ်းတုန်ခြင်း၊ မောခြင်း၊ ခေါင်းမူးဝေခြင်း၊ မူးမေ့မလိုဖြစ်ခြင်း၊ စိတ်ရှုပ်ထွေးခြင်း၊ အလွန်အမင်းအားနည်း သို့ မောပန်းနေသလိုခံစားနေရခြင်း၊ ကြွက်သား သို့မဟုတ် အဆစ်အမြစ်နာကျဉ်ခြင်း၊ မျက်နှာအမ်းခြင်း၊ အနီကွက်ဖြစ်ခြင်း၊ ရုတ်တရက်တက်ခြင်းများ၊ ဝမ်းလျှောခြင်း၊ အန်ခြင်း

ဘလင်နာတူမိုမက်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

ဘလင်နာတူမိုမက်ဆေး ဆက်တိုက်ဆေးသွင်းခြင်း ကို CADD ဆေးသွင်းစက် အသုံးပြုပြီး စုစုပေါင်း ၂၈ ရက်တွင်တစ်ကြိမ် ကီမိုဆေးသွင်းခြင်း ကုထုံးစက်ဝန်းမှာ ၂၄-၄၈ နာရီကျော်ကြာကြာ သွင်းပေးလေ့ရှိသည်။ ဆေးရုံမဆင်းမီ ဆေးသွင်းစက်ထိန်းသိမ်းစောင့်ရှောက်ပုံနည်းလမ်းအား မိသားစုဝင်များကို သင်ကြားပေးပါလိမ့်မည်။
ဘလင်နာတူမိုမက်ဆေးသွင်းရာတွင်အသုံးပြုသည့် အကြောဆေးပိုက်ကို မိုးရေဖြင့်ထိုး၍ဆေးခြင်း (flush the line) မပြုရ။ အထူးသဖြင့် ဆေးသွင်းအိတ်များကိုလဲလှယ်ရာတွင်လည်းကောင်း၊ ဆေးသွင်းမှုပြီးဆုံးသွားပြီးနောက်တွင်လည်းကောင်း မပြုလုပ်ရ။
ကော်တီကိုစတီးရိုက်ဆေးဝါးများ (ဥပမာ ဒက်ဆာမက်သစုန်း) ကို သွေးထဲသို့ ဆိုက်တိုကိုင်းန်များအမြောက်အများထုတ်လွှတ်ပေးသည့်ရောဂါလက္ခဏာစုမဖြစ်အောင်ကာကွယ်ရန် နှင့်/သို့ ဗဟိုနဗ်ကြောအဖွဲ့အစည်းအားအကျိုးသက်ရောက်မှုများကို ကုသရာတွင် အသုံးပြုနိုင်သည်။
ဘလင်နာတူမိုမက်ဆေးကြောင့် အိပ်ငိုက်သလိုဖြစ်ခြင်း၊ မူးဝေးခြင်း၊ စိတ်ရှုပ်ထွေးခြင်းနှင့် ရုတ်တရက်တက်ခြင်းများတို့ကို ဖြစ်စေနိုင်သည်။ လူနာများအနေဖြင့်ဆေးသွင်းနေစဉ် ကာမောင်းခြင်း သို့မဟုတ် အခြားအန္တရာယ်ရှိသည့် အရာတစ်ခုခုပြုလုပ်ခြင်း မပြုလုပ်သင့်ပါ။
တုပ်ကွေးကဲသို့သော ရောဂါလက္ခဏာများသက်သာစေရန် ဒိုင်ဖန်ဟိုက်ဒရာမင်း (Benadryl®)၊ အက်စီတာမင်နိုဖန် (Tylenol®)၊ သို့ အခြားဆေးဝါးများကို ပေးနိုင်သည်။
လိင်မှုကိစ္စဆောင်ရွက်နေသည့် လူနာများတွင် ဆေးကုသနေစဉ်နှင့် နောက်ဆုံးအကြိမ်ဆေးသွင်းပြီး ၄၈ နာရီအထိ ကိုယ်ဝန်မရစေရန် နည်းလမ်းများလုပ်ဆောင်သင့်သည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

ဘလင်နာတူမိုမက်ဆေးအကြောင်းရေးသားထားသော ရင်းမြစ်များ

လိင်ဆက်ဆံမှုနှင့် ကုထုံး

ဘလင်နာတူမိုမက်ဆေးအကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။