နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
ရော့ဒ်ဆိုလစ်တင်နစ်ဘ် လက်ရှိစာမျက်နှာ

ရော့ဒ်ဆိုလစ်တင်နစ်ဘ်

ကင်ဆာဆဲလ်ကိုပစ်မှတ်ထားသည့် ကုထုံး

ကုန်အမှတ်တံဆိပ်အမည်များ:

Jakafi®

သည်အခြားအမည်များ:

Ruxolitinib phosphate

မကြာခဏအတှကျအသုံးပွု:

မိုင်လိုဖိုက်ဘရိုးစစ် (ရိုးတွင်းခြင်ဆီတွင်ဖြစ်သောကင်ဆာ) တစ်ချို့သောနောက်တစ်ကြိမ်ပြန်ဖြစ်သည့်ကင်ဆာများ

ရော့ဒ်ဆိုလစ်တင်နစ်ဘ်ဆေးအကြောင်း

ရော့ဒ်ဆိုလစ်တင်နစ်ဘ်ဆေးသည် ကင်ဆာဆဲလ်ကိုပစ်မှတ်ထားသည့်ကုထုံးဆေးအမျိုးအစားတစ်မျိုးဖြစ်သည်။ ဤဆေးကို အမိုင်နိုအက်စစ်ကို ဟန့်တားနိုင်သောအာနိသင်ရှိသည့်ပစ္စည်းဟုလည်းခေါ်ဆိုသည်။ ၎င်းဆေးက ဆဲလ်များကြီးထွားမှုအတွက်အရေးပါသည့် တစ်ချို့သောအချက်ပြချက်များကို တားဆီးပေးနိုင်သည်။

ရော့ဒ်ဆိုလစ်တင်နစ်ဘ်ကိုအခြားဆေးများနှင့် ပေါင်းစပ်၍လည်း အသုံးပြုသည်။ ဤဆေးကို များသောအားဖြင့် တစ်နေ့နှစ်ကြိမ်သောက်လေ့ရှိသည်။

လူနာများသည် သွေးဥအရေအတွက်ကို စစ်ကြည့်ရန်၊ အသည်းနှင့်ကျောက်ကပ်လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်ထုတ်နေရမည်ဖြစ်သည်။ ရော့ဒ်ဆိုလစ်တင်နစ်ဘ်ဆေးပမာဏမှာ ဓာတ်ခွဲခန်းရလာဒ်များအပေါ်မူတည်၍ ပြောင်းလဲသွားနိုင်သည်။

ဆေးပြားအဖြစ် ပါးစပ်မှလည်း သောက်၍ရသည်။

ဖြစ်နိုင်ခြေရှိသော ဘေးထွက်ဆိုးကျိုးများ

ခေါင်းကိုက်ခြင်း
ဝမ်းလျှောခြင်း
ခေါင်းမူးဝေခြင်း
ကိုလက်စရောဓာတ် မြင့်တက်နေခြင်း
ထရိုင်ဂလစ်စရိတ်ဓာတ် မြင့်တက်နေခြင်း
အညိုအမည်းစွဲခြင်း
ပျို့အန်ချင်လာခြင်းနှင့် ပျို့အန်ခြင်း
အသက်ရှူမဝခြင်း
နုံးခွေခြင်း သို့မဟုတ် အားနည်းခြင်း
အဆစ်အမြစ် သို့မဟုတ် ကြွက်သားနာကျင်ကိုက်ခဲခြင်း
ဝမ်းချုပ်ခြင်း

လေထိုးခြင်း
အရည်ကြည်ဖုများပေါက်၍ နာကျဉ်နေခြင်း
နှာခေါင်းနှင့် လည်ချောင်းကျိန်းစပ်ခြင်း
ကိုယ်အလေးချိန်တက်လာခြင်း
ကောင်းကောင်းအိပ်မပျော်ခြင်း
အသည်း ပြဿနာများ
သွေးဥဆဲလ်အရေအတွက်လျော့နည်းခြင်း (ထိုအခါ အလွယ်တကူ ရောဂါပိုးကူးစက်ခံရခြင်း၊ သွေးထွက်ခြင်း၊ သွေးအားနည်းခြင်း နှင့်/သို့ နုံးခွေခြင်း စသည်တို့ ဖြစ်လာနိုင်သည်။)

ရော့ဒ်ဆိုလစ်တင်နစ်ဘ်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

ဆေးသွင်းနေစဉ် စပျစ်သီး သို့ ကမ္ဗလာသီး (အခါးဓာတ်ရှိသောလိမ္မော်သီး) တို့ကိုမစားပါနှင့်။ ထိုအသီးတို့ဖြင့်ပြုလုပ်ထားသော သစ်သီးဖျော်ရည်တို့ကိုလည်း မသောက်ပါနှင့်။
လိင်မှုကိစ္စလုပ်ဆောင်နေသော လူနာများသည် ကုသမှုကာလနှင့် ကုထုံးပြီးဆုံးပြီး ၆ လအတွင်းတွင် ကိုယ်ဝန်မရအောင် ကာကွယ်ရန် ကြိုတင်ပြင်ဆင်သင့်ပါသည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
ပြုစုသူများသည် ဆေးကိုဘေးကင်းစွာ ကိုင်တွယ်ရန်နှင့် စွန့်ပစ်ရန် ညွှန်ကြားချက်များကို လိုက်နာသင့်သည့်အပြင် လူနာ၏ခန္ဓာကိုယ် မှအရည်များနှင့် ထိတွေ့ ခြင်း ရှောင်ကြဉ်သင့်သည်။ ၎င်းဆေးသည် ခန္ဓာကိုယ်တွင်း ရောက်ရှိပြီးနောက် ၄၈ နာရီတိုင်အောင် လူနာ၏ခန္ဓာကိုယ်က ထွက်သော အရည်များတွင် ပါဝင်နေနိုင်သည်။

ရော့ဒ်ဆိုလစ်တင်နစ်ဘ်ဆေးကို အိမ်တွင်အသုံးပြုခြင်း-

ဆေးကို အခန်းအပူချိန်တွင် သိုလှောင်သိမ်းဆည်းပါ။
ဤဆေးကို အစားဖြင့် သို့ အစားမစားမီတွင် နေ့တိုင်းသတ်မှတ်အချိန်တစ်ခုတွင် သောက်ပါ။
ရော့ဒ်ဆိုလစ်တင်နစ်ဘ်ဆေးကို နှာခေါင်းပိုက်မှတစ်ဆင့်လည်း ပေးနိုင်သည်။ သင်၏ ဆရာဝန် သို့ ဆေးဝါးပညာရှင်မှပေးသော လမ်းညွှန်ချက်များအတိုင်း လိုက်နာပါ။
ဆေးသောက်ရန်မေ့သွားပါက မသောက်ဘဲကျော်လိုက်နိုင်သည်။ ထိုနောက် ပုံမှန်သောက်နေကျ အချိန်အတိုင်း ဆက်သောက်သွားပါ။ ဆေး ၂ ခွက်စာကို တစ်ချိန်တည်းမသောက်ရပါ။
သက်တမ်းလွန်ဆေးဝါးများကို အသုံးမပြုပါနှင့်။
ဆေးအား ဘေးကင်းစွာသိမ်းဆည်းခြင်းနှင့် ဆေးစွန့်ပစ်ခြင်း လမ်းညွှန်ချက်များကို လိုက်နာပါ။

ရော့ဒ်ဆိုလစ်တင်နစ်ဘ်အကြောင်းရေးသားထားသော ရင်းမြစ်များ

ရော့ဒ်ဆိုလစ်တင်နစ်ဘ်ဆေးအကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။