မီနူ ပိတ်လိုက်

Pegaspargase (ပယ်ဂတ်စပါဂျေ့စ်)

Chemotherapy

ကုန်အမှတ်တံဆိပ်အမည်များ:

Oncaspar®

သည်အခြားအမည်များ:

PEG-L-asparaginase

မကြာခဏအတှကျအသုံးပွု:

သွေးကင်ဆာ၊ ပြန်ရည်ကျိတ်ကင်ဆာ

ကလစ်ဘုတ် သင်္ကေတ

Pegaspargase (ပယ်ဂတ်စပါဂျေ့စ်) အကြောင်း

Pegaspargase (ပယ်ဂတ်စပါဂျေ့စ်) သည် ကီမိုဆေးအမျိုးအစားဖြစ်သည်။ ၎င်းသည် ဆဲလ်များကြီးထွားနေမှုကို နှေးကွေး သို့ ရပ်တန့် သွားစေသည့် အာနိသင်ရှိသည်။ အခြားဆေးဝါးများနှင့်လည်း တွဲဖက်အသုံးပြုနိုင်သည်။ Pegaspargase (ပယ်ဂတ်စပါဂျေ့စ်) သည် Asparaginase (Elspar®) သို့မဟုတ် Erwinia Asparaginase ကဲ့သို့ တူညီသော ဆေးဝါးများအပေါ် ဓာတ်မတည့်သောတုံ့ပြန်မှုများပြုတတ်သည့် လူနာများအား အခါအားလျော်စွာ ပေးလေ့ရှိသည့် ကီမိုဆေးအမျိုးအစားဖြစ်သည်။

လူနာများတွင် ဓာတ်မတည့်တုံ့ပြန်မှုဆိုင်ရာ လက္ခဏာများပေါ်လာခြင်းရှိမရှိကို နီးကပ်စွာ စောင့်ကြည့် စစ်ဆေးသွားပါမည်။

လူနာများသည် သွေးဥအရေအတွက်ကို စစ်ကြည့်ရန်၊ သွေးခဲစေသည့် အချက်များ၊ ပန်ကရိယနှင့်ဆိုင်သော အင်ဇိုင်းများ၊ သွေးတွင်း သကြားဓာတ်၊ အသည်းနှင့်ကျောက်ကပ်လုပ်ငန်းဆောင်တာကို စောင့်ကြည့်စစ်ဆေးရန်အတွက် သွေးကို ပုံမှန်ဖောက်စစ်နေရမည်ဖြစ်သည်။

ထိုးဆေးသင်္ကေတ

ကြွက်သားထိုးဆေးအဖြစ်လည်း ထိုးပေး၍ရသည်

 
သွေးပြန်ကြောမှသွင်းလျှင် သုံးသည့် အိတ်သင်္ကေတ

ဆေးရည်အဖြစ် သွေးပြန်ကြောမှလည်း သွင်း၍ရသည်

 
စက်ဝိုင်းသင်္ကေတထဲမှ အာမေဋိတ်အမှတ်အသား

ဖြစ်နိုင်ခြေရှိသော ဘေးထွက်ဆိုးကျိုးများ

  • သွေးတွင်းသကြားဓာတ် များလာခြင်း
  • သွေးယိုစိမ့်နိုင်ခြေ သို့မဟုတ် သွေးခဲနိုင်ခြေမြင့်တက်လာခြင်း
  • အသည်း ပြဿနာများ
  • သွေးထဲရှိ ထရိုင်ဂလေဆရိုက်ဒ်ပမာဏမြင့်တက်လာခြင်း
  • ပျို့အန်ချင်လာခြင်းနှင့် ပျို့အန်ခြင်း
  • ဖျားခြင်း
  • ကျောအထိပျံ့နှံ့နိုင်သည့် ဝမ်းဗိုက်နာကျင်မှု၊ ပန်ကရိယ ရောင်ရမ်းမှု (ပန်ကရိယရောင်ရမ်းခြင်း)
  • လေဖြတ်နိုင်ခြေမြင့်တက်ခြင်း
  • ကြွက်သားထဲသို့ထိုးပေးပါက ထိုးသွင်းရာနေရာတွင် ရောင်ရမ်းခြင်း၊ နာကျင်ကိုက်ခဲခြင်း၊ နီမြန်းခြင်းနှင့် ပူနွေးခြင်း

ဓာတ်မတည့်သည့် တုံ့ပြန်မှုတွင် အင်ပျဉ်၊ အနီကွက်များထခြင်း၊ ယားယံခြင်း၊ အသက်ရှူရခက်ခဲခြင်း နှင့်/သို့မဟုတ် အစာရေစာမျိုချရခက်ခဲခြင်း၊ သွေးပေါင်ချိန်ကျခြင်းများပါဝင်သည်။

ဤဘေးထွက်ဆိုးကျိုးများကို Pegaspargase (ပယ်ဂတ်စပါဂျေ့စ်) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုသင်္ကေတ

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

  • လူနာများသည် အောက်ပါအခြေအနေများနှင့် ကြုံရပါက ဆရာဝန်ကိုပြောသင့်ပါသည်−
    • ပန်ကရိယရောင်ရမ်းခြင်း သို့မဟုတ် ရောင်ရမ်းခဲ့ဖူးခြင်း၊ သွေးခဲခြင်း သို့မဟုတ် ပြင်းထန်စွာ သွေးထွက်ခြင်း၊ အထူးသဖြင့် asparaginase (Elspar®) သို့မဟုတ် pegaspargase (Oncaspar®) များဖြင့် ကုသချိန်တွင် ဖြစ်ပွားပါက ထိုသို့ဖြစ်တတ်သည်။ 
    • ဆီးချိုရှိခြင်း သို့မဟုတ် ဆီးချိုဖြစ်ခဲ့ဖူးခြင်း
  • လိင်မှုကိစ္စလုပ်ဆောင်နေသော လူနာများသည် ကုသမှုကာလနှင့် ကုထုံးပြီးဆုံးပြီး ၆ လအတွင်းတွင် ကိုယ်ဝန်မရအောင် ကာကွယ်ရန် ကြိုတင်ပြင်ဆင်သင့်ပါသည်။
  • လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

Pegaspargase (ပယ်ဂတ်စပါဂျေ့စ်) ရင်းမြစ်များ

Pegaspargase (ပယ်ဂတ်စပါဂျေ့စ်) အကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။