ဖေလ်ဂရက်စတင်

အထောက်အကူပြုကုထုံး

ကုန်အမှတ်တံဆိပ်အမည်များ:

Granix®, Neupogen®, Zarxio®

သည်အခြားအမည်များ:

G-CSF, Filgrastim-sndz, Granulocyte Colony Stimulating Factor, Tbo-Filgrastim, Tevagrastim

မကြာခဏအတှကျအသုံးပွု:

နျူထရိုဖီးလ်အရေအတွက်နည်းခြင်း ( သွေးဆဲလ်ဖြူတမျိုး နည်းခြင်း)

ဖေလ်ဂရက်စတင်ဆေးအကြောင်း

ဖေလ်ဂရက်စတင်ဆေး သို့ ဂရမ်နျူလိုဆိုက်သွေးဖြူဥဆဲလ်များ ထုတ်လုပ်မှုကို အားပေးသော ဂလိုင်ကိုပရိုတင်းများ (G-CSF) သည် နျူထရိုဖီးလ်ဟုခေါ်သည့် သွေးဖြူဥဆဲလ်များကို ခန္ဓာကိုယ်ထဲတွင်ထုတ်လုပ်စေသည်။ နျူထရိုးဖီးလ်သည် သွေးဖြူဥများဖြစ်ကြပြီး ရောဂါပိုးများကို တိုက်ထုတ်ပေးသည်။ ကီမိုဆေးသွင်းခြင်း ကုထုံးဆေးများကြောင့်ပျက်စီးသွားသော နျူထရီုဖီးလ်များကို ပြန်လည်ပွားများလာစေရန် လူနာတစ်ချို့တွင် ဤဆေးကိုလိုအပ်လာနိုင်သည်။ သွေးထဲတွင် နျူထရိုဖီးလ်အရေအတွက်နည်းနေခြင်းကို "နျူထရိုးဖီးလ်အရေအတွက်နည်းခြင်း" ဟုခေါ်သည်။

၎င်းဆေးဝါးကို ဆေးရုံ၊ ဆေးခန်း သို့မဟုတ် အိမ်၌ပင် ပေးနိုင်သည်။

ဆေးကို အရည်အနေဖြင့် အရေပြားအောက်သို့ထိုးသွင်းနိုင်သည်။ (အရေပြားအောက်)

ဆေးအား သွေးပြန်ကြောထဲသို့အကြောဆေးအနေဖြင့်ပေးနိုင်သည်။

ဖြစ်နိုင်ခြေရှိသော ဘေးထွက်ဆိုးကျိုးများ

သိပ်မပြင်းထန်သော အရိုးနာကျဉ်ခြင်း
ဆေးထိုးထားသည့်နေရာတွင် နာကျဉ်ခြင်း သို့ အညိုအမည်းစွဲခြင်း

ဓာတ်မတည့်မှုဖြစ်ပေါ်သည့် ရောဂါလက္ခဏာများတွင်အောက်ပါတို့ပါဝင်ကြသည်။ အနီကွက်ဖြစ်ခြင်း၊ အင်ပြင်ထခြင်း၊ မျက်နှာ သို့ လည်ပင်းရောင်ခြင်း၊ ရင်ကျပ်ခြင်း သို့ အသက်ရှုရခက်ခဲခြင်း။

ဖေလ်ဂရက်စတင်ဆေးသောက်သူတိုင်း အဆိုပါဘေးထွက်ဆိုးကျိုးများကို တွေ့ကြုံရမည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

ကိုယ်ဝန်ဆောင်နိုင်သော အသက်အရွယ်ရှိသည့်အမျိုးသမီးလူနာများတွင် ဖေလ်ဂရက်စတင်ကိုအသုံးပြုနေပါက ကလေးမယူမီ ဆရာဝန်ဖြင့်တိုင်ပင်သင့်သည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

ဖေလ်ဂရက်စတင်ဆေးကိုအိမ်တွင်အသုံးပြုခြင်း-

အကယ်၍ ဖေလ်ဂရက်စတင်ဆေးကို အရေပြားအောက်ထဲတွင်ထိုးရပါက (အရေပြားအောက်ထိုးဆေး)၊ သူနာပြုတစ်ဦးမှ ထိုးဆေးထိုးနည်းကို ပြသပေးပါလိမ့်မည်။
ဖေလ်ဂရက်စတင်ဆေးကို ရေခဲသေတ္တာထဲတွင် သိမ်းဆည်းထားပါ။ လိုအပ်ပါက ၎င်းကို အခန်းအပူချိန်တွင် ၂၄ နာရီကြာ ထားနိုင်သည်။ ဆေးကို မအေးခဲပစ်လိုက်ပါနဲ့။
ဖေလ်ဂရက်စတင်ဆေးကို အသုံးမပြုမီ၊ တစ်နာရီကြိုတင်၍ ရေခဲသေတ္တာထဲမှထုတ်ထားပြီး၊ အခန်းအပူချိန်တွင် နွေးသွားပါစေ။
ဆေးပုလင်းကို မလှုပ်ရ။ ပူစီပေါင်းများတက်လာပါက ဆေးအချိန်အဆအမှန်ကို စုပ်ယူရာတွင် အခက်အခဲဖြစ်စေတတ်သည်။
ဖေလ်ဂရက်စတင်ဆေးသည် အမြဲတစေကြည်လင်နေရမည်ဖြစ်ပြီး၊ အရောင်မရှိသောအရည်တစ်မျိုး ဖြစ်သည်။ အကယ်၍ ဆေးအရောင်နောက်နေခြင်း၊ အရောင်ပြောင်းသွားခြင်း၊ သို့မဟုတ် ဆေးရည်ထဲတွင် အဖတ်များ သို့ အမှုန်များရှိနေခြင်း စသည်တို့ကိုတွေ့ရပါက အသုံးမပြုပါနှင့်။
ဆေးသောက်ရန်မေ့သွားပါက သတိရရခြင်း ထိုးပေးပါ။ အကယ်၍ နောက်တစ်ကြိမ်ဆေးထိုးရမည့်အချိန်နှင့်ကပ်နေပါက ကျော်လိုက်နိုင်သည်။ ထိုနောက် ပုံမှန်ထိုးနေကျအချိန်ဇယားအတိုင်း ဆက်လက်ထိုးသွားပါ။
သက်တမ်းလွန်ဆေးဝါးများကို အသုံးမပြုပါနှင့်။
ဘေးကင်းစွာကိုင်တွယ်ခြင်းနှင့် ဆေးစွန့်ပစ်ခြင်း လမ်းညွှန်ချက်များအတိုင်း လိုက်နာပါ။

ဖေလ်ဂရက်စတင်ဆေးအကြောင်းရေးသားထားသော ရင်းမြစ်များ

ဖေလ်ဂရက်စတင်ဆေးအကြောင်း ပိုမိုလေ့လာကြည့်ပါ

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။