နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
Amoxicillin / Clavulanate (အမော်ဆလင် / ကလာဘူလနိတ်) လက်ရှိစာမျက်နှာ

Amoxicillin / Clavulanate (အမော်ဆလင် / ကလာဘူလနိတ်)

ပဋိဇီဝဆေး

ကုန်အမှတ်တံဆိပ်အမည်များ:

Augmentin®

သည်အခြားအမည်များ:

Amoxicillin and Clavulanic Acid

မကြာခဏအတှကျအသုံးပွု:

ရောဂါပိုးဝင်ခြင်း

Amoxicillin / Clavulanate (အမော်ဆလင် / ကလာဘူလနိတ်) ဆိုတာ ဘာလဲ။

Amoxicillin / Clavulanate (Augmentin®) ပဋိဇီဝဆေးတစ်မျိုးဖြစ်သည်။ ၎င်းသည် ကူးစက်ရောဂါဖြစ်စေသည့် ဘက်တီးရီးယားကို တိုက်ဖျက်သည်။ ၎င်းဆေးဝါးသည် ပင်နီဆီလင် ပဋိဇီဝဆေးအမျိုးအစားတွင် ပါဝင်သည်။

ဝါးစားနိုင်သော ဆေးပြားအဖြစ် ပါးစပ်မှလည်း သောက်၍ရသည်

ဆေးပြားအဖြစ် ပါးစပ်မှလည်း သောက်၍ရသည်။

ဆေးရည်အဖြစ် ပါးစပ်မှလည်း သောက်၍ရသည်

ဖြစ်နိုင်ခြေရှိသော ဘေးထွက်ဆိုးကျိုးများ

ဝမ်းလျှောခြင်း
ကလေးသေးခံကြောင့် အနီကွက်ဖြစ်ခြင်း
ပျို့အန်ချင်လာခြင်းနှင့် ပျို့အန်ခြင်း
ခေါင်းကိုက်ခြင်း
ဝမ်းဗိုက်နာကျင်မှု
ခံတွင်းပျက်ခြင်း
အရေပြားတွင် အနီကွက်ထွက်ခြင်း
မိန်းမကိုယ်တွင်း စပ်ဖျဉ်းဖျဉ်းဖြစ်ခြင်း၊ ယားယံခြင်း သို့မဟုတ် ပြည်၊ အရိအရွဲစသည် ယိုထွက်ခြင်း

ဓာတ်မတည့်မှုဖြစ်ပေါ်သည့် ရောဂါလက္ခဏာများတွင်အောက်ပါတို့ပါဝင်ကြသည်။ အနီကွက်ဖြစ်ခြင်း၊ အင်ပြင်ထခြင်း၊ ယားယံခြင်း၊ ချမ်းခြင်း၊ ဖျားခြင်း၊ ခေါင်းကိုက်ခြင်း၊ ကြွက်သားနာခြင်း၊ မောခြင်း၊ ချောင်းဆိုးခြင်း၊ လေပြွန်ကျဉ်းသွားခြင်း၊ မျက်နှာ သို့ လည်ပင်းရောင်ခြင်း

ဤဘေးထွက်ဆိုးကျိုးများကို Amoxicillin / Clavulanate (အမော်ဆလင် / ကလာဘူလနိတ်) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

လူနာသည် ဤဆေးသုံးပြီး ပြင်းပြင်းထန်ထန်ဝမ်းသွားခြင်းများဖြစ်လာပါက ဆရာဝန်အား အသိပေးပါ။
ဤဆေးသည် အချို့သော ဓာတ်ခွဲခန်းစစ်ဆေးစမ်းသပ်မှုများ၊ အထူးသဖြင့် သွေးချိုတက်နေသူများ (ဆီးချိုသွေးချို) ကို ကမောက်ကမဖြစ်စေနိုင်ပါသည်။ ဆီးတွင်း သကြားဓာတ်ကို စမ်းသပ်သည့် ကိရိယာအသုံးပြုပုံနှင့် ဖတ်ရှုပုံများအကြောင်းကို သိရှိလိုပါက ဆရာဝန် သို့မဟုတ် ဆေးစပ်သူနှင့် ဆွေးနွေးပါ။
၎င်းဆေးသည် အခြားဆေးဝါးများ၏ အာနိသင်ကို ပျက်ယွင်းစေနိုင်ပါသည်။ လူနာသုံးနေရသော ဆေးဝါးများ၊ အထူးသဖြင့် Methotrexate သို့မဟုတ် Probenecid များကို သုံးနေရပါက ဆရာဝန် သို့မဟုတ် ဆေးစပ်သူအား ပြောထားပါ။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။
၎င်းဆေးသည် ကိုယ်ဝန်တားဆေးများနှင့် ဟော်မုန်းကို အခြေခံပြီး ထုတ်ထားသော အခြားကိုယ်ဝန်တားဆေးများ၏ အာနိသင်ကို လျော့ကျစေနိုင်ပါသည်။ လိင်မှုကိစ္စ လုပ်ဆောင်သော လူနာများသည် ဤဆေးကို သောက်သုံးနေစဉ်တွင် ကွန်ဒုံးကဲ့သို့သော အခြားနည်းလမ်းဖြင့် ကိုယ်ဝန်တားထားသင့်ပါသည်။
ဆရာဝန် သို့မဟုတ် ဆေးစပ်သူက ညွှန်ကြားသည့် ဆေးအားလုံးကို သတ်မှတ်ဆေးချိန်ပမာဏ ပြည့်သည်အထိ သောက်ပါ။

Amoxicillin / Clavulanate (အမော်ဆလင် / ကလာဘူလနိတ်) ကို အိမ်တွင်သောက်ခြင်းဖြစ်ပါက−

ဆေးကို နေ့တိုင်းသတ်မှတ်အချိန်တစ်ခုတွင် သောက်ပါ။
အာနိသင်အပြနှေးသော ဆေးပြားများ− ဆေးများကို မဝါးဘဲ မျိုချပါ။ ဆေးတောင့်များကို ကြိတ်ခြေခြင်း သို့မဟုတ် ဝါးခြင်းများ မပြုလုပ်ပါနှင့်။ အာနိသင်အပြနှေးသော ဆေးပြားများကို အစာနှင့်သောက်ပါ။
အခြားပုံစံများကို အစာဖြင့်ဖြစ်စေ၊ အစာမပါဘဲဖြစ်စေ သောက်နိုင်ပါသည်။ ဗိုက်မကောင်းခြင်းများဖြစ်လာပါက အစာနှင့်တွဲသောက်ပါ။
ဆေးရည်ဖြစ်ပါက− ကောင်းစွာလှုပ်ပြီး ဆေးနှင့်အတူပါသည့် ဆေးရည်တိုင်းကိရိယာကို သုံးပါ။ ဆေးရည်ကို နို့၊ ဖော်မြူလာ သို့မဟုတ် ဖျော်ရည်များဖြင့် ရောစပ်သောက်သုံးနိုင်ပါသည်။ ချက်ချင်းသောက်ပါ။
ဝါးစားနိုင်သည့် ဆေးပြားများ- မမျိုချမီ ကြေညက်အောင် ကြိတ်သင့်ပါသည် သို့မဟုတ် ဝါးစားသင့်ပါသည်။
ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
ဆေးပြားများကို အခန်းအပူချိန်တွင် သိုလှောင်သိမ်းဆည်းပါ။
ဆေးရည်ကို ရေခဲသေတ္တာထဲတွင် သိမ်းဆည်းသင့်ပါသည်။ ၁၀ ရက်ကြာပြီးပါက ကျန်ရှိသေးသော ဆေးများကို လွှင့်ပစ်ပါ။
သက်တမ်းလွန်ဆေးဝါးများကို အသုံးမပြုပါနှင့်။
ဘေးကင်းစွာ သိုလှောင်ခြင်းနှင့် စွန့်ပစ်ခြင်းဆိုင်ရာ ညွှန်ကြားချက်များကို လိုက်နာပါ။

Amoxicillin / Clavulanate (အမော်ဆလင် / ကလာဘူလနိတ်) အကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။