ကလေးဘဝကင်ဆာရောဂါ ခံစားရပြီးနောက် သွားပြဿနာများ

ကလေးဘဝကင်ဆာကုသမှုအချို့သည် သွားနှင့် ခံတွင်းဆိုင်ရာ ပြဿနာများဖြစ်နိုင်ခြေကို မြင့်တက်စေနိုင်ပါသည်။ သွားနှင့် ခံတွင်းဆိုင်ရာ ပြဿနာများသည် ကုသမှုခံယူပြီးနောက် လပေါင်းများစွာ သို့မဟုတ် နှစ်ပေါင်းများစွာကြာပြီးနောက် ဖြစ်ပေါ်လာနိုင်ပါသည်။ သင့်သွား၊ သွားဖုံးနှင့် ပါးစပ်ကို နေ့စဉ်ဂရုစိုက်ခြင်းဖြင့် သင်သည် ပြဿနာများဖြစ်ပွားခြင်းကို ကူညီကာကွယ်ပေးနိုင်ပါသည်။ သွားဆရာဝန်ထံသို့ ပုံမှန်ပြသခြင်းသည် ကုသရလွယ်ကူစဉ်တွင် ပြဿနာများကို စောစောစီးစီး ရှာဖွေတွေ့ရှိရန် ကူညီပေးနိုင်ပါသည်။ 

သွားနှင့် ခံတွင်းဆိုင်ရာ ပြဿနာများ ဖြစ်နိုင်ခြေမြင့်တက်စေသည့် အချက်များ

သွားနှင့် ခံတွင်းပြဿနာများနှင့် ဆက်စပ်နေသည့် ကင်ဆာကုသမှုများနှင့် အခြေအနေများတွင် အောက်ပါတို့ ပါဝင်ပါသည်- 

• အထူးသဖြင့် ကလေးသည် ကုသမှုခံယူချိန်တွင် အသက် 5 နှစ်အောက်ဖြင်ပြီး သက်ကြီးသွားများ အပြည့်မပေါက်သေးခင် ကင်ဆာဆေးသွင်းကုသခြင်း 
• ဦးခေါင်း သို့မဟုတ် လည်ပင်းသို့ ဓာတ်ရောင်ခြည်ဖြင့် ကုသခြင်း 
• ကိုယ်ခံစွမ်းအားစနစ်ကို ကျဆင်း‌အောင် ပြုလုပ်ပေးသည့်ဆေး အရိုးတွင်းခြင်ဆီ သို့မဟုတ် ပင်မဆဲလ်အစားထိုးကုသမှု၏ တစ်စိတ်တစ်ပိုင်းအဖြစ် အသုံးပြုသည့် ဆေးဝါးများ 
• နာတာရှည် အစားထိုးကုသမှုနှင့် လက်ခံသူ ဓာတ်မတည့်မှု ရောဂါ (GVHD)  

ကင်ဆာရောဂါမှ သက်သာပျောက်ကင်းသူများတွင် သွားနှင့် ခံတွင်းဆိုင်ရာ ပြဿနာများအတွက် ကုသမှုများ

ကင်ဆာရောဂါ ဝေဒနာရှင်များနှင့် ကင်ဆာရောဂါမှ သက်သာပျောက်ကင်းသူများသည် သွားနှင့် ခံတွင်းဆိုင်ရာ ကျန်းမာရေးပြဿနာများစွာကို ကုသနိုင်ပါသည်။ အဖြစ်များသည့် သွားနှင့် ခံတွင်းဆိုင်ရာ ပြဿနာများနှင့် ကုသမှုများတွင် အောက်ပါတို့ ပါဝင်ပါသည်- 

သွားနှင့် ခံတွင်းဆိုင်ရာ ပြဿနာများအတွက် သင်၏ သွားဆရာဝန် သို့မဟုတ် သွားညှိခြင်းဆိုင်ရာ အထူးကုဆရာဝန်နှင့် တိုင်ပင်ဆွေးနွေးပါ။ ၎င်းတို့သည် သီးခြားကုသမှုများကို အကြံပြုပေးနိုင်ပါသည်။ 

သင်၏ သွားနှင့် ခံတွင်းဆိုင်ရာ ပြဿနာများဖြစ်နိုင်ခြေ အန္တရာယ်ကို သိရှိပါ

• သင်၏ သွားနှင့် ခံတွင်းဆိုင်ရာ ပြဿနာများဖြစ်နိုင်ခြေ အန္တရာယ်ကို သိရှိပါ။ သင်သည် သင်၏ သွားနှင့် သွားဖုံးကို ထိခိုက်စေနိုင်သည့် ကုသမှုများ ခံယူဖူးခြင်း ရှိ၊ မရှိကို သင့်စောင့်ရှောက်မှုအဖွဲ့အား မေးမြန်းပါ။
• သင်ကုသမှုခံယူခဲ့သည့် ကင်ဆာကုသမှုများအားလုံးသည် နှစ်ပေါင်းများစွာကြာခဲ့သည်ဖြစ်စေ သင့်သွားဆရာဝန်ကို ပြောပြပါ။
• သင်၏ သက်သာပျောက်ကင်းသူ စောင့်ရှောက်မှု အစီအစဉ် ၏ မိတ္တူတစ်စောင်ကို ကျန်းမာရေးစောင့်ရှောက်မှုပေးသူများအားလုံးနှင့် မျှဝေပါ။ အစီအစဉ်တွင် သင်၏ ကင်ဆာကုသမှုနှင့် ပတ်သက်သည့် အသေးစိတ်အချက်အလက်များနှင့် ဖြစ်ပွားနိုင်သည့် ကျန်းမာရေးပြဿနာများအကြောင်း သတင်းအချက်အလက်များ ပါဝင်ပါသည်။
• ဖြစ်နိုင်ပါက ကင်ဆာကုသမှု၏ ခံတွင်းကျန်းမာရေးအပေါ် သက်ရောက်မှုများနှင့် ကျွမ်းကျင်သည့် သွားဆရာဝန်တစ်ဦးကို ရှာဖွေပါ။ သင်၏ စောင့်ရှောက်မှုအဖွဲ့တွင် အကြံပြုချက်များ ရှိနိုင်ပါသည်။
• ပါးစပ်ကို ဓာတ်ရောင်ခြည်ကုထုံး ခံယူခဲ့သည့် လူနာများအနေဖြင့် သွားညှိခြင်း သို့မဟုတ် ဦးခေါင်းခွံ သို့မဟုတ် မျက်နှာဆိုင်ရာပြဿနာများကို ကူညီဖြေရှင်းပေးနိုင်သည့် သွားညှိခြင်းဆိုင်ရာ အထူးကုဆရာဝန်နှင့် ပြသရန် လိုအပ်နိုင်ပါသည်။

အနာကျက်ခြင်းကို နှောင့်နှေးစေသည့် သို့မဟုတ် ရောဂါပိုးဝင်နိုင်ခြေကို မြင့်တက်စေသည့် ကုသမှုများအကြောင်းကို သင့်သွားဆရာဝန်အား ပြောပြပါ။ 

သွားနှင့် ခံတွင်းဆိုင်ရာ ကုသမှုများအတွင်း ဘက်တီးရီးယားပိုးများသည် သွေးကြောထဲသို့ ဝင်နိုင်ပြီး ပြင်းထန်သည့် ရောဂါပိုးဝင်ခြင်းကို ဖြစ်စေနိုင်ပါသည်။ အကယ်၍ သင်သည် အချို့သော လုပ်ထုံးလုပ်နည်းများ သို့မဟုတ် အခြေအနေများ ရှိခဲ့ပါက သွားနှင့် ခံတွင်းဆိုင်ရာ ကုသမှုများမပြုလုပ်မီ ပဋိဇီဝဆေးများ သောက်ရန် လိုအပ်နိုင်ပါသည်။   

သင်သည် အောက်ပါတို့ ရှိပါက သင့်သွားဆရာဝန်ကို ပြောပြပါ- 

• သရက်ရွက်ကို ခွဲစိတ်၍ ခန္ဓာကိုယ်မှ ဖယ်ရှားခြင်း (သရက်ရွက်အားခွဲစိတ်ဖယ်ထုတ်ခြင်း) 
• သရက်ရွက်ကို ဓာတ်ရောင်ခြည်ပမာဏများများဖြင့် ကုသခြင်း (40 Gy သို့မဟုတ် ထို့ထက်ပိုများသော) 
• နှလုံးအဆို့ရှင် ယိုစိမ့်ခြင်း သို့မဟုတ် အမာရွတ်ဖြစ်ခြင်း (ရင်ဘတ်သို့ ဓာတ်ရောင်ခြည်ဖြင့် ကုသမှုပြီးနောက် ဖြစ်ပွားနိုင်ပါသည်) 
• ဦးနှောက်အတွင်းခန်းမှ အရည်ကို လမ်းလွှဲရန်အတွက် ခွဲစိတ်၍ ဖော်ထားသည့် လမ်းကြောင်း (ဦးနှောက်မှအရည်ကို ဖောက်ထုတ်သည့် ပြွန်) 
• ခြေလက်အင်္ဂါဆက်ပေးသည့် ခွဲစိတ်မှု (အရိုးအစားထိုးသတ္တုချောင်း သို့မဟုတ် အရိုးအစာထိုးခြင်း) 
• နာတာရှည် အစားထိုးကုသမှုနှင့် လက်ခံသူ ဓာတ်မတည့်မှု ရောဂါ  ခံစားနေရခြင်း

သင်၏ သွားဆရာဝန်ကို ပြောပြသင့်သည့် အခြားအခြေအနေများမှာ အောက်ပါတို့ဖြစ်ပါသည်- 

• မျက်နှာ သို့မဟုတ် ပါးစပ်ကို ဓာတ်ရောင်ခြည်ပမာဏများများဖြင့် ကုသခြင်း- သွားနှင့် ခံတွင်းခွဲစိတ်မှုသည် အရိုးပြန်လည်ကောင်းမွန်ခြင်းကို ထိခိုက်စေနိုင်သည့် ဓာတ်ရောင်ခြည်ဖြင့် ထိတွေ့မှုကြောင့် အရိုးတစ်ရှူးများ သေဆုံးခြင်းရောဂါဖြစ်နိုင်ခြေကို မြင့်တက်စေပါသည်။ သင်၏ သွားဆရာဝန်သည် သွားနှင့် ခံတွင်းခွဲစိတ်မှု သို့မဟုတ် သွားနုတ်ခြင်း တစ်ခုခုမပြုလုပ်မီ ကင်ဆာကို ဓာတ်ရောင်ခြည်ဖြင့် ကုသရန် လေ့ကျင့်သင်ကြားထားသည့် ဆရာဝန် (ဓာတ်ရောင်ခြည်ဆိုင်ရာ ကင်ဆာအထူးကုဆရာဝန်ဟု ခေါ်သည်) နှင့် တိုင်ပင်ဆွေးနွေးသင့်ပါသည်။ 

ပုံမှန် သွားနှင့် ခံတွင်း စစ်ဆေးမှုများကို ခံယူပါ

ကင်ဆာရောဂါမှ သက်သာပျောက်ကင်းသူကလေးများအတွက် ပုံမှန် သွားနှင့် ခံတွင်း စစ်ဆေးခြင်းသည် အရေးကြီးပါသည်။ ပုံမှန် သွားနှင့် ခံတွင်း စစ်ဆေးမှုများတွင် အောက်ပါတို့ ပါဝင်ပါသည်- 

• 6 လတစ်ကြိမ် သွားနှင့် ခံတွင်း သန့်ရှင်းရေးပြုလုပ်ခြင်းနှင့် ဖလိုရိုက်ဓာတ် ဖြည့်တင်းခြင်းတို့ကို ပြုလုပ်ပါ။ အချို့လူများသည် အထူးသဖြင့် သွားကြွေလွှာပြဿနာများ သို့မဟုတ် ပါးစပ်ခြောက်ခြင်း ရှိပါက ပို၍မကြာခဏ သွားပြရန် လိုအပ်နိုင်ပါသည်။  
• သွားနှင့် ခံတွင်း စစ်ဆေးခြင်းနှင့် ကျန်းမာရေးဆိုင်ရာ ပြန်လည်သုံးသပ်ခြင်း။ စစ်ဆေးခြင်းတွင် သင်၏ သွားနှင့် သွားဖုံးများတွင် ပြဿနာ ရှိ၊ မရှိ စစ်ဆေးခြင်း ပါဝင်သင့်ပါသည်။ ကင်ဆာကုသမှုများ အပါအဝင် သင်၏ ခံတွင်းစောင့်ရှောက်မှု အလေ့အကျင့်များနှင့် ဆေးမှတ်တမ်းအကြောင်းကို သင့်သွားဆရာဝန်နှင့် တိုင်ပင်ဆွေးနွေးပါ။ 
• မြင်ကွင်းကျယ် (“panorex”) ဓာတ်မှန်အပါအဝင် သွားဓာတ်မှန်နှင့် ပုံရိပ်ဖော်စစ်ဆေးခြင်း။ မြင်ကွင်းကျယ်ဓာတ်မှန်တွင် သွားအမြစ်များ၊ မေးရိုးနှင့် သွားဖွံ့ဖြိုးမှုကို ပြသပါသည်။ 

ကင်ဆာဆေးသွင်းကုသမှုပြီးနောက် သွားသန့်ရှင်းရေး ပြုလုပ်ခြင်း

ကင်ဆာလူနာအများစုသည် ၎င်းတို့၏ သွေးဥအရေအတွက် ပုံမှန်ပမာဏသို့ ပြန်ရောက်သည်နှင့် ပုံမှန်သွားသန့်ရှင်းရေးကို ဘေးကင်းစွာ ပြုလုပ်နိုင်ပါသည်။ သွားသန့်ရှင်းရေးပြုလုပ်ရန် ဘေးကင်းသည့်အချိန်နှင့် ပတ်သက်၍ သင့်စောင့်ရှောက်မှုအဖွဲ့နှင့် တိုင်ပင်ဆွေးနွေးပါ။ ပုံမှန်သွားနှင့် ခံတွင်းစောင့်ရှောက်မှုသည် သွားပိုးစားခြင်းနှင့် သွားဖုံးရောဂါများကို ကာကွယ်ပေးပါသည်။   

သင်၏ သွားနှင့် သွားဖုံးများကို ဂရုစိုက်ပါ

သင်၏ သွားနှင့် သွားဖုံးများကို ကောင်းစွာဂရုစိုက်ရန်မှာ အရေးကြီးပါသည်။ သွားနှင့် ခံတွင်းကို ကောင်းကောင်းဂရုမစိုက်တတ်သည့် အလေ့အထများကြောင့် သွားပိုးစားခြင်း၊ သွားဖုံးရောဂါဖြစ်ခြင်းနှင့် သွားအမြစ်များကို ပံ့ပိုးပေးထားသည့်အရိုးများတွင် ရောဂါပိုးကူးစက်ခံရခြင်းတို့ကို ဖြစ်စေနိုင်ပါသည်။ 

• သွားကို တစ်နေ့လျှင် အနည်းဆုံး 2 ကြိမ် ဖလိုရိုက်ပါဝင်သည့် သွားတိုက်ဆေးဖြင့် 2 မိနစ်ခန့် သွားတိုက်ပါ။ ဆရာဝန်ညွှန်ကြားသည့် ဖလိုရိုက်ဓာတ်ပမာဏ လိုအပ်ခြင်း ရှိ၊ မရှိ သင့်သွားဆရာဝန်နှင့် တိုင်ပင်ဆွေးနွေးပါ။  
  • သင့်သွားဆရာဝန်မှ အကြံပြုထားသည့် နူးညံ့သောသွားပွတ်တံကို အသုံးပြုပါ။ 
  • သင်သည် သွားဖုံးတစ်လျှောက် သွားတိုက်သည့်အခါ သင့်သွားပွတ်တံကို သွားဖုံးဘက်သို့ အနည်းငယ်စောင်းထားပါ။ 
  • သင့်သွား၏ မျက်နှာပြင်များအားလုံးကို သန့်ရှင်းရေး ပြုလုပ်ပါ။ 
  • ဘက်တီးရီးယားပိုးများကို ဖယ်ရှားရန် လျှာကို ပွတ်တိုက်ပါ။ 
• နေ့စဥ်နေ့တိုင်း သွားများကို ညင်သာစွာခြစ်ပေးပါ။ 
• သင်၏ စောင့်ရှောက်မှုအဖွဲ့မှ အကြံပြုထားသည့် ပါးစပ်ဆေးရည်ကို အသုံးပြုပါ။ 
• ခံတွင်းခြောက်ခြင်းအတွက် ရေကို မကြာခဏသောက်ပါ၊ မုန့်ဖုတ်ဆိုဒါပါဝင်သည့် ပလုတ်ကျင်းဆေးရည် (မုန့်ဖုတ်ဆိုဒါ လက်ဖက်ရည်ဇွန်း 1/2 ဇွန်းကို ရေနွေး 1 ခွက်သို့ ထည့်ပါ) ကို အသုံးပြုပါ သို့မဟုတ် တံတွေးတု (ဆေးဆိုင်တွင် အလွယ်တကူ ဝယ်ယူနိုင်သော သို့မဟုတ် ဆရာဝန်ညွှန်ကြားချက်ဖြင့် ဝယ်ယူနိုင်သော တံတွေးအစားထိုးပစ္စည်း) ကို အသုံးပြုပါ။ 
• သင်၏ သွားဆရာဝန်မှ ခွင့်ပြုပါက xylitol ပါဝင်သည့် သကြားမပါသော ပီကေကို ဝါးပါ။  
• ကာဗိုဟိုက်ဒရိတ်နှင့် သကြားများ များစွာပါဝင်သည့် အစားအစာများနှင့် သောက်စရာများကို ကန့်သတ်ထားပါ။ 
• ဆေးရွက်ကြီး မသောက်ပါနှင့်၊ အရက်သောက်သုံးမှုကို ကန့်သတ်ပါ။ 

နောက်ထပ်အချက်အလက်များကို ရှာဖွေပါ

ဆက်စပ်အကြောင်းအရာများ