အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ဆိုသည်မှာ ဘာလဲ။

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ဆိုသည်မှာ အုပ်စုတစ်ခု သွေးနီဥဆဲလ်များအတွင်း ဟေမိုဂလိုဘင် ထုတ်လုပ်ပေးသည့် မျိုးရိုးဗီဇတွင် ပြောင်းလဲမှုတစ်ခု ဖြစ်ပေါ်နေခြင်းကို ဆိုလိုသည်။ ဤ သယ်ဆောင်သူလက္ခဏာတွင် မျိုးရိုးဗီဇများ ပျောက်ဆုံးနေခြင်း သို့မဟုတ် ပျက်စီးနေခြင်းမျိုး ရှိတတ်ပါသည်။ အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ရှိသည့် မျိုးရိုးဗီဇများသည် ဆံပင်အရောင် သို့မဟုတ် မျက်လုံးအရောင်ကဲ့သို့ပင် မိဘများထံမှ ကလေးများဆီသို့ မျိုးရိုးလိုက်ခြင်း သို့မဟုတ် လက်ဆင့်ကမ်းလာခြင်း ဖြစ်ပါသည်။

သယ်ဆောင်သူလက္ခဏာသည် ရောဂါဖြစ်ပွားခြင်းနှင့် ကွဲပြားပါသည်

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာသည် ရောဂါတစ်ခု မဟုတ်ပါ။ အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ အများစုတွင် ဖျားနာမှုဆိုင်ရာ လက္ခဏာများ သို့မဟုတ် ရောဂါလက္ခဏာများ မရှိကြပါ။ ဤ သယ်ဆောင်သူလက္ခဏာသည် တစ်ခါတစ်ရံတွင် အပျော့စား ဖြစ်နိုင်ပါသည် သွေးအားနည်းရောဂါ (Anemia)။ သို့သော်လည်း ၎င်းသည် ပုံမှန်အားဖြင့် ပြင်းထန်သော ပြဿနာများကို မဖြစ်စေပါ။

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ရှိသော မိဘများသည် ၎င်းတို့၏ သားသမီးများထံသို့ မျိုးရိုးဗီဇများကို လက်ဆင့်ကမ်း ပေးနိုင်ပါသည်။ ၎င်းတို့၏ သားသမီးများသည် ဟေမိုဂလိုဘင် အိတ်ချ် ရောဂါ (Hemoglobin H Disease) သို့မဟုတ် မိခင်ဝမ်းတွင်း ရေဖျဉ်းစွဲရောဂါ (Hydrops Fetalis)အပါအဝင် ပိုမိုပြင်းထန်သော အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) ဖြစ်နိုင်ခြေ ရှိနိုင်ပါသည်။

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ဖြစ်ပွားနိုင်သည့် အချက်များ

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သည် အာဖရိက၊ တရုတ်ပြည်တောင်ပိုင်း၊ အရှေ့တောင်အာရှ၊ အရှေ့အလယ်ပိုင်းနှင့် မြေထဲပင်လယ်ဒေသများမှ ဆင်းသက်လာသော မျိုးရိုးရှိသူများတွင် အဖြစ်များပါသည်။ မည်သည့်လူမျိုးမဆို အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ရှိနေနိုင်ပါသည်။

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) အတွက် စစ်ဆေးမှုများ

သွေးစစ်ခြင်းဖြင့် သင့်တွင် အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ရှိ၊ မရှိ သိရှိနိုင်ပါသည်။ ၎င်းကို မျိုးရိုးဗီဇဆိုင်ရာ စစ်ဆေးခြင်း၏ အစိတ်အပိုင်းတစ်ခုအနေဖြင့် ပြုလုပ်နိုင်ပါသည်။ သင့်မိသားစုတွင် တစ်ဦးဦး၌ အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) ရှိပါကလည်း သင့်ဆရာဝန်က ဤစစ်ဆေးမှုကို အကြံပြုနိုင်ပါသည်။ 

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာတွင် ထရန့်စ် နှင့် စစ်စ်ဟူ၍ 2 မျိုး ရှိပါသည်။

1. ထရန့်စ် အမျိုးအစား (α-/α-): ဤအယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ အမျိုးအစား ရှိသူများသည် ခရိုမိုဆုန်း တစ်ခုစီတွင် အယ်လ်ဖာ ဂလိုဘင် မျိုးရိုးဗီဇ 1 ခုစီ ပျောက်ဆုံးနေပါသည်။ မိဘနှစ်ပါးစလုံးတွင် ထရန့်စ် ပုံစံ အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ရှိပါက ၎င်းတို့၏ သားသမီးအားလုံးတွင် အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ရှိလိမ့်မည်။ ထရန့်စ် ပုံစံ သည် အာဖရိကနွယ်ဖွားများတွင် ပိုမိုအဖြစ်များပါသည်။
2. စစ်စ် အမျိုးအစား (αα/--): စစ်စ် အမျိုးအစား အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ရှိသူများသည် ခရိုမိုဆုန်း တစ်ခုတည်းပေါ်တွင် ပျောက်ဆုံးနေသော အယ်လ်ဖာ ဂလိုဘင် မျိုးရိုးဗီဇ 2 ခု ရှိပါသည်။ စစ်စ် ပုံစံသည် အာရှနွယ်ဖွားများတွင် ပိုမိုအဖြစ်များပါသည်။

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) လက္ခဏာမပြဘဲ ဗီဇသယ်ဆောင်သူ

အယ်လ်ဖာ ဂလိုဘင် မျိုးရိုးဗီဇ (αα/α-) 1 ခု ပျောက်ဆုံး သို့မဟုတ် ပျက်စီးနေသူများကို အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) လက္ခဏာမပြဘဲ ဗီဇသယ်ဆောင်သူ ဟု ခေါ်ဆိုပါသည်။ ဆိုလိုသည်မှာ ၎င်းတို့သည် မျိုးရိုးဗီဇ 1 ခု ပျောက်ဆုံးနေသည့် အခြေအနေကို လက်ဆင့်ကမ်း ပေးနိုင်ပါသည်။ ပျောက်ဆုံးနေသော မျိုးရိုးဗီဇသည် ၎င်းတို့၏ ကျန်းမာရေး သို့မဟုတ် နေထိုင်ကောင်းမွန်မှုအပေါ် သက်ရောက်မှု မရှိပါ။ ယင်းကို အနည်းငယ်မျှသာဖြစ်သော အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia Minima)ဟုလည်း ခေါ်ဆိုပါသည်။

• လက္ခဏာမပြဘဲ ဗီဇသယ်ဆောင်သူ တစ်ဦးတွင် မည်သည့် ရောဂါလက္ခဏာမျှ မရှိပါ။
• သင်သည် လက္ခဏာမပြဘဲ ဗီဇသယ်ဆောင်သူ ဖြစ်ပါက၊ သင့်တွင် ဟေမိုဂလိုဘင် အိတ်ချ် ရောဂါ (Hemoglobin H Disease) မရှိသလို၊ နောင်တစ်ချိန်တွင်လည်း ထိုရောဂါ မဖြစ်ပွားနိုင်ပါ။

မွေးကင်းစကလေး စစ်ဆေးခြင်း- ဘတ်စ် ဟေမိုဂလိုဘင်

မွေးကင်းစကလေး စစ်ဆေးခြင်းတွင် ဘတ်စ် ဟေမိုဂလိုဘင်ကို တွေ့ရှိရခြင်းမှာ အယ်လ်ဖာ ဂလိုဘင် မျိုးရိုးဗီဇပြောင်းလဲမှုများ ရှိနေခြင်းကို ဆိုလိုသည်။ ကလေးငယ်တွင် အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ၊ အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သို့မဟုတ် မိခင်ဝမ်းတွင်း ရေဖျဉ်းစွဲရောဂါ (Hydrops Fetalis) ရှိနေနိုင်ပါသည်။

• မွေးဖွားချိန်တွင် ဘတ်စ် ဟေမိုဂလိုဘင် ပမာဏ အနည်းငယ်သာ ရှိနေပါက ၎င်းသည် များသောအားဖြင့် မွေးဖွားပြီး မကြာမီတွင် ပျောက်ကွယ်သွား ပါလိမ့်မည်။ ဆိုလိုသည်မှာ သင့်ကလေးတွင် မျိုးရိုးဗီဇ 1 ခု သို့မဟုတ် 2 ခု ပျောက်ဆုံးနေပြီး အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သယ်ဆောင်သူလက္ခဏာ ရှိနေခြင်း သို့မဟုတ် လက္ခဏာမပြဘဲ ဗီဇသယ်ဆောင်သူ ဖြစ်နေခြင်းကို ဖြစ်သည်။ ပုံမှန်အားဖြင့် ဒုတိယအကြိမ် မွေးကင်းစကလေး စစ်ဆေးမှုတွင် ဤအခြေအနေကို ထပ်မံတွေ့ရှိလိမ့်မည် မဟုတ်ပါ။
• မွေးဖွားချိန်တွင် ဘတ်စ် ဟေမိုဂလိုဘင် နှင့် ဟေမိုဂလိုဘင် အိတ်ချ် (Hemoglobin H) ပမာဏ အမြောက်အမြား ရှိနေပါက များသောအားဖြင့် ကလေးတွင် ဟေမိုဂလိုဘင် အိတ်ချ် ရောဂါ (Hemoglobin H Disease) (မျိုးရိုးဗီဇ 3 ခု ပျောက်ဆုံးခြင်း) ရှိနေသည်ဟု ဆိုလိုပါသည်။
• မိခင်ဝမ်းတွင်း ရေဖျဉ်းစွဲရောဂါ (Hydrops Fetalis) သည် မျိုးရိုးဗီဇ 4 ခုစလုံး ပျောက်ဆုံးခြင်းကြောင့် ဖြစ်ပေါ်လာသော အခြေအနေတစ်ခု ဖြစ်သည်။ များသောအားဖြင့် မိခင်ဝမ်းတွင်းရှိစဉ်ကတည်းက သွေးသွင်းခြင်း မပြုလုပ်ဘဲ၊ မွေးဖွားပြီးနောက်တွင်လည်း ရိုးတွင်းခြင်ဆီ အစားထိုးကုသခြင်း (Bone Marrow Transplant) ကဲ့သို့သော အမြဲတမ်း ကုသမှု မရရှိမချင်း သွေး ဆက်တိုက်မသွင်းပါက ကလေးငယ်သည် အသက်ရှင်လိမ့်မည် မဟုတ်ပါ။

မွေးကင်းစကလေး စစ်ဆေးခြင်း တွင် ဘတ်စ် ဟေမိုဂလိုဘင် တွေ့ရှိရပါက၊ နောက်ထပ်လုပ်ဆောင်ရမည့် အဆင့်များနှင့် နောက်ဆက်တွဲ စောင့်ရှောက်မှုများအတွက် သင့်ဆရာဝန်နှင့် ဆွေးနွေးတိုင်ပင်ပါ။ အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) သည် သွေးနီဥဆဲလ် နည်းပါးခြင်း (သွေးအားနည်းရောဂါ (Anemia)) ကို ဖြစ်စေနိုင်ပါသည်။ ဤအခြေအနေသည် သွေးထဲတွင် သံဓာတ်မလုံလောက်ခြင်း နှင့် ကွဲပြားခြားနားပါသည်။

သင့်ကလေးအား ဆေးကုသမှု ပေးရမည့် ပုံစံမှာ ၎င်းတွင် ဖြစ်ပွားနေသော အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) အမျိုးအစားအပေါ် မူတည်ပါလိမ့်မည်။ အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) အား စောစီးစွာ ဆေးကုသစောင့်ရှောက်မှု ခံယူခြင်းသည် ကျန်းမာရေးဆိုင်ရာ ပြဿနာများကို ကြိုတင်ကာကွယ်ရန်နှင့် စီမံခန့်ခွဲရန်အတွက် အလွန်အရေးကြီးပါသည်။

အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) ကို သံဓာတ်ဖြင့် မကုသသင့်ပါ၊ အကြောင်းမှာ ၎င်းသည် ထိရောက်မှု ရှိလိမ့်မည် မဟုတ်ပါ။ အယ်လ်ဖာ မျိုးရိုးလိုက် သွေးနီဥချို့တဲ့သော သွေးအားနည်းရောဂါ (Alpha Thalassemia) ရှိသူတစ်ဦးတွင် ၎င်းရောဂါအပြင် သွေးထဲ၌ သံဓာတ်ပါ အမှန်တကယ် နည်းပါးနေသည့် အခြေအနေမျိုး ရှိနေမှသာလျှင် သံဓာတ်ဖြင့် ကုသပေးနိုင်ပါသည်။ အကယ်၍ ဤသို့ ဖြစ်ပွားလာပါက သင့်ဆရာဝန်က သင့်ကို ပြောပြပါလိမ့်မည်။

ဆက်စပ်အကြောင်းအရာများ