နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
Methylprednisolone (မီသိုင်းလ်ပရက်ဒ်နီဆိုလွန်း) လက်ရှိစာမျက်နှာ

Methylprednisolone (မီသိုင်းလ်ပရက်ဒ်နီဆိုလွန်း)

Chemotherapy အထောက်အကူပြုကုထုံး

ကုန်အမှတ်တံဆိပ်အမည်များ:

Depo-Medrol®, Medrol®, Solu-Medrol®

သည်အခြားအမည်များ:

Methylprednisolone Acetate, Methylprednisolone Sodium Succinate

မကြာခဏအတှကျအသုံးပွု:

သွေးကင်ဆာ၊ ပြန်ရည်ကျိတ်ကင်ဆာ၊ ကင်ဆာကုထုံးများ၏ ဘေးထွက်ဆိုးကျိုးများ၊ ပင်မဆဲလ်အစားထိုး ကုသမှုပြုလုပ်ပြီးနောက် အလှူရှင်၏ ကိုယ်ခံအားဆဲလ်များက လက်ခံသူ၏ဆဲလ်များကိုတိုက်ခိုက်သည့် ရောဂါ (GVHD)

Methylprednisolone (မီသိုင်းလ်ပရက်ဒ်နီဆိုလွန်း) ဆိုတာ ဘာလဲ။

Methylprednisolone (မီသိုင်းလ်ပရက်ဒ်နီဆိုလွန်း) ဆိုသည်မှာ ကော်တီကိုစတီးရွိုက်ဆေးဝါး တစ်မျိုးဖြစ်ပြီး ၎င်းကို ကီမိုဆေးကုထုံးတွင် အသုံးပြုသည်။ ၎င်းကို အရောင်ကျဆေးအဖြစ်သော်လည်းကောင်း၊ ခုခံအားဖိနှိမ်ဆေးအဖြစ်သော်လည်းကောင်း အသုံးပြုသည်။

Methylprednisolone (မီသိုင်းလ်ပရက်ဒ်နီဆိုလွန်း) ကို ကိုယ်ခံအား၏ သဘာဝအလျောက်တုံ့ပြန်မှုကို လျော့ကျစေရန်နှင့် ရိုးတွင်းခြင်ဆီ သွေးဖြစ်ဆဲလ်အစားထိုးကုသမှုတွင် အလှူရှင်၏ ကိုယ်ခံအားဆဲလ်များက လက်ခံသူ၏ဆဲလ်များကိုတိုက်ခိုက်သည့် ရောဂါ GVHD ကာကွယ်ရန် သို့မဟုတ် ကုသရန်အတွက် အသုံးပြုသည်။ ၎င်းဆေးဝါးကို ရောင်ရမ်းခြင်း၊ ဓာတ်မတည့်ခြင်း၊ ပန်းနာရင်ကျပ်ရောဂါ၊ အရေပြားတွင် အဖုအပိမ့်၊ အနီကွက်ထွက်ခြင်း၊ အဆုတ်အအေးမိခြင်းနှင့် အဒရီနယ်ဂလင်းပြဿနာများကို ကုသရန်အတွက် အသုံးပြုပါသည်။

သွေးတွင်း ဂလူးကို့စ်ဓာတ်၊ ပိုတက်ဆီယမ်ဓာတ်၊ ကယ်လ်ဆီယမ်ဓာတ်နှင့် အချို့သော ဟော်မုန်းဓာတ်များကိုစောင့်ကြည့်စစ်ဆေးသွားနိုင်ရန်အတွက် ဆီးနှင့်သွေးစစ်ဆေးမှုများကို ပြုလုပ်ရန် လိုအပ်နိုင်ပါသည်။ Methylprednisolone (မီသိုင်းလ်ပရက်ဒ်နီဆိုလွန်း) ကို ရေရှည်သုံးနေရသည့် လူများတွင် မျက်စိပြဿနာများပေါ်မပေါ်၊ ဖွံ့ဖြိုးမှုအပိုင်းတွင် ပြောင်းလဲမှုများရှိမရှိကို စောင့်ကြည့်စစ်ဆေး သွားရပါမည်။

ဆေးပြားအဖြစ် ပါးစပ်မှလည်း သောက်၍ရသည်။

ဆေးရည်အဖြစ် သွေးပြန်ကြောမှလည်း သွင်း၍ရသည်

ဆေးရည်အဖြစ် ထိုးဆေးအဖြစ် ကြွက်သားထဲသို့ ထိုး၍လည်း သုံးနိုင်သည်

ဖြစ်နိုင်ခြေရှိသော ဘေးထွက်ဆိုးကျိုးများ

အိပ်မပျော်ခြင်း
ခံတွင်းလိုက်စေခြင်း
ကိုယ်ရည်ကိုယ်သွေး သို့မဟုတ် အမူအကျင့်ပြောင်းလဲခြင်း
ဂနာမငြိမ်ခြင်း
အစာအိမ်ရောင်ခြင်း
ရင်ပူနာ
မအီမသာဖြစ်ခြင်းနှင့် ပျို့အန်ခြင်း
ရေထိန်းခြင်း၊ ခြေ သို့မဟုတ် လက်ရောင်ရမ်းခြင်း
ကူးစက်ရောဂါဝင်နိုင်ခြေမြင့်တက်လာခြင်း
အနာကျက်နှေးခြင်း
သွေးတွင်းသကြားဓာတ် များလာခြင်း

နုံးခွေခြင်း သို့မဟုတ် အားနည်းခြင်း
ခေါင်းကိုက်ခြင်း
ခေါင်းမူးဝေခြင်း
ဝက်ခြံပေါက်လာခြင်း
အသားခြောက်ခြင်း
ချွေးထွက်များလာခြင်း
မျက်စိပြဿနာရှိလာခြင်းများ
ပုံမှန် ပုံမှန်လာနေကျ ဓမ္မတာစက်ဝန်းပုံစံ ပြောင်းလဲသွားခြင်း

ဤဘေးထွက်ဆိုးကျိုးများကို Methylprednisolone (မီသိုင်းလ်ပရက်ဒ်နီဆိုလွန်း) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

ဖြစ်တတ်သော နောက်ဆက်တွဲဆိုးကျိုးများ

အချို့သောလူနာများတွင် ကုထုံးပြီးဆုံးပြီး လပေါင်းများစွာ သို့မဟုတ် နှစ်ပေါင်းများစွာကြာသည့်တိုင်အောင် ရေရှည် သို့မဟုတ် နောက်ဆက်တွဲဆိုးကျိုးများကို ခံစားရနိုင်ပါသည်။ Methylprednisolone (မီသိုင်းလ်ပရက်ဒ်နီဆိုလွန်း) ကို ရေရှည်သုံးစွဲမှုကြောင့် ဖြစ်နိုင်ခြေရှိသော ဘေးထွက်ဆိုးကျိုးများ-

ကြွက်သားထုကျလာခြင်းနှင့် ကြွက်သားအားနည်းလာခြင်း
ခန္ဓာကိုယ်ကြီးထွားမှုပျက်ယွင်းခြင်း
အရေပြားပါးလာပြီး ထိခိုက်လွယ်လာခြင်း
အရိုးများပျော့လာခြင်း၊ အရိုးပွခြင်း
မျက်စိပြဿနာများတွင် အတွင်းတိမ် သို့မဟုတ် မျက်တွင်းဖိအားလွန်ရောဂါ
ဆင့်ပွားကင်ဆာများ (ကပိုဆီ ဆာကိုမာ)

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေး ဖြစ်ပါစေ။

ဆား၊ သကြားနှင့် ပရိုတင်းများသည့် ဓာတ်စာများကို လျှော့စားရန် လူနာကို ပြုစုစောင့်ရှောက်သည့် အဖွဲ့က အကြံပေးနိုင်သည်။ အာဟာရဗေဒပညာရှင် ကျန်းမာရေးနှင့် ညီညွတ်မည့် အစားအစာများကို ရွေးချယ်စားသောက်နိုင်မည့် နည်းလမ်းများကို အကြံပြုပေးခြင်းအားဖြင့် လူနာခံတွင်းလိုက်စေရန် စီမံပေးနိုင်သည်။
လိင်မှုကိစ္စ လုပ်ဆောင်သော လူနာများသည် ကုသမှုကာလအတောအတွင်းတွင် ကိုယ်ဝန်တားနိုင်ရန် အဆင့်ဆင့်လုပ်ဆောင်ထားသင့်ပါသည်။
လူနာများသည် ကိုယ်ဝန်ဆောင်ထားခြင်း သို့မဟုတ် ကလေးနို့တိုက်နေခြင်းဖြစ်ပါက ဆရာဝန်ကို အသိပေးထားသင့်ပါသည်။

Methylprednisolone (မီသိုင်းလ်ပရက်ဒ်နီဆိုလွန်း) ကို အိမ်တွင်သောက်မည်ဆိုပါက−

Methylprednisolone (မီသိုင်းလ်ပရက်ဒ်နီဆိုလွန်း) ကို နေ့စဉ်အချိန်မှန်သောက်ပါ။ တစ်နေ့တစ်ကြိမ်သာ သောက်ရပါက မနက်ခင်းပိုင်းတွင် သောက်ပါ။
အစာအိမ်ပြဿနာများလျော့ကျစေရန် အစာ သို့မဟုတ် နို့ဖြင့်သောက်ပါ။
Methylprednisolone (မီသိုင်းလ်ပရက်ဒ်နီဆိုလွန်း) ဆေးကို အခန်းအပူချိန်တွင် သိုလှောင်သိမ်းဆည်းပါ။
ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါက မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
သက်တမ်းလွန်ဆေးဝါးများကို အသုံးမပြုပါနှင့်။
ဘေးကင်းစွာ ကိုင်တွယ်ခြင်းနှင့် စွန့်ပစ်ခြင်းဆိုင်ရာ ညွှန်ကြားချက်များကို လိုက်နာပါ။

Methylprednisolone (မီသိုင်းလ်ပရက်ဒ်နီဆိုလွန်း) ရင်းမြစ်များ

Methylprednisolon (မီသိုင်းလ်ပရက်ဒ်နီဆိုလွန်း) အကြောင်းကို ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။