သွေးဆဲလ်များကို စစ်ဆေးခြင်း (CBC)

ပြီးပြည့်စုံသည့် သွေးတွင်ပါရှိသော ကလပ်စည်းအမျိုးမျိုး၏ အရေအတွက်ဆိုတာ ဘာလဲ။

သွေးဆဲလ်များကို စစ်ဆေးခြင်း (CBC) သည် အောက်ပါတို့ အပါအဝင် သွေးထဲရှိ ဆဲလ်အရေအတွက်နှင့် ဆဲလ်အမျိုးအစားများကို တိုင်းတာသည်ခြင်း ဖြစ်သည်- သွေးနီဥ ဆဲလ်များ, သွေးဖြူဥများ၊ နှင့် သွေးခဲစေသော သွေးဉမွှားဆဲလ်များ.

ခြားနားနှိုင်းယှဉ်ခြင်းဖြင့် စစ်ဆေးသည့် CBC စစ်ဆေးချက် က သွေးဖြူဥဆဲလ် အမျိုးအစားများ၊ အရေအတွက်စသည်တို့နှင့် စပ်လျဉ်းသော အသေးစိတ်အချက်အလက်များကို ပြသပေးနိုင်ပါသည်။

CBC ကို ကင်ဆာ၊ သွေးရောဂါများ၊ ရောဂါပိုးဝင်ခြင်းနှင့် အခြားရောဂါများကဲ့သို့သော ရောဂါများကို ရောဂါရှာဖွေရာတွင် အသုံးပြုနိုင်ပါသည်။ သင့်ကလေး၏ ကျန်းမာရေး၊ ဆေးဝါးများ သို့မဟုတ် ကုသမှုများသည် ၎င်းတို့၏ ခန္ဓာကိုယ်ကို မည်သို့အကျိုးသက်ရောက်ပုံ နှင့် ၎င်းတို့၏ ကိုယ်ခံအားစနစ် မည်မျှကောင်းမွန်စွာ အလုပ်လုပ်ပုံအကြောင်း အချက်အလက်များ ပေးရန်အတွက်လည်း အသုံးပြုနိုင်ပါသည်။

အောက်ခြေတွင် သွေးနီဥဆဲလ် 41%၊ အလယ်တွင် သွေးဖြူဥဆဲလ် 4% ခန့်နှင့် ထိပ်ပိုင်းတွင် သွေးရည်ကြည် 55% ရှိသော သွေးတည်ဆောက်ပုံကိုပြပေးနေသည့် ဂရပ်ဇယား — သွေးဆဲလ်များကို စစ်ဆေးခြင်း (CBC) သည် သွေးထဲရှိ ဆဲလ်အရေအတွက်နှင့် ဆဲလ်အမျိုးအစားများကို တိုင်းတာသည်။

CBC စစ်ဆေးမှု ဘယ်လိုအလုပ်လုပ်သလဲ

ကျန်းမာရေးစောင့်ရှောက်မှုပေးသူသည် သင့်ကလေး၏ သွေးနမူနာအနည်းငယ်ကို သွေးကြောမှယူပါမည်။ စောင့်ရှောက်မှုအဖွဲ့သည် သင့်ကလေး၏ဗဟိုမျဉ်း ရှိပါက သွေးကိုယူနိုင်ပါသည်။

သွေးနမူနာကို ဓာတ်ခွဲခန်းသို့ ပေးပို့ပါမည်။ ရလဒ်များရရှိရန် ကြာချိန်ကွဲပြားနိုင်ပါသည်။ သို့သော် သင်သည် များသောအားဖြင့် ရက်အနည်းငယ်အတွင်း အစီရင်ခံစာကို ရရှိမည်ဖြစ်သည်။

သင့်ကလေး၏ CBC စစ်ဆေးမှုအစီရင်ခံစာတွင် သင့်ကလေး၏ရလဒ်များနှင့် နံပါတ်အပိုင်းအခြား (ရည်ညွှန်းအပိုင်းအခြား သို့မဟုတ် စံအပိုင်းအခြားဟုခေါ်သည်) ပါဝင်မည်ဖြစ်သည်။ ရည်ညွှန်းအပိုင်းအခြားများသည် တိုင်းတာမှုတစ်ခုစီအတွက် ပုံမှန်ဟုယူဆသော တန်ဖိုးများဖြစ်သည်။ သင်၏ဆရာဝန်သည် သင့်ကလေး၏ ရလဒ်များကို ပုံမှန်ဖြစ်သော ကိုးကားအပိုင်းအခြားများဖြင့် နှိုင်းယှဉ်သည်။ ပုံမှန်အပိုင်းအခြားများသည် ကွဲပြားနိုင်ပြီး သင့်ကလေး၏ အသက်၊ လိင်နှင့် အခြားအချက်များပေါ် မူတည်ပါသည်။

သင့်ကလေး၏ ရလဒ်များကို သင့်စောင့်ရှောက်မှုအဖွဲ့နှင့် ပြန်လည်သုံးသပ်ပါ။ ၎င်းတို့သည် ကိန်းဂဏန်းများနှင့် ၎င်းတို့သည် သင့်ကလေးအတွက် ဘာအဓိပ္ပါယ်ဖြစ်ကြောင်း ရှင်းပြနိုင်ပါသည်။

CBC စစ်ဆေးမှုက တိုင်းတာပေးသည့်အရာများ

CBC စစ်ဆေးချက်က တိုင်းတာပေးသည့်အရာများ-

သွေးနီဥဆဲလ်များ(RBC များ)- ကိုယ်ခန္ဓာ တစ်ခုလုံးသို့ အောက်ဆီဂျင်ကို သယ်ဆောင်သော သွေးဆဲလ်များ
သွေးဖြူဥများ(WBCs)- ရောဂါပိုးများကို တိုက်ဖျက်ရာတွင် အထောက်အကူပြုသော သွေးဆဲလ်များ
သွေးဥမွှားများ- သွေးခဲစေပြီး သွေးထွက်ခြင်းကို ရပ်တန့်စေရန် အထောက်အကူပြုသော သွေးဆဲလ်များ
ဟေမိုဂလိုဘင်- ခန္ဓာကိုယ်တစ်ရှူးများဆီသို့ အောက်ဆီဂျင် သယ်ဆောင်ပေးသော သွေးနီဥဆဲလ်များရှိ သံဓာတ်ကြွယ်ဝသည့် အသားဓာတ်တစ်မျိုး
ဟေမာတိုခရစ်(HCT သို့မဟုတ် PCV)- သွေးထဲတွင် သွေးနီဥမည်မျှဖြင့် ပြုလုပ်ထားကြောင်း
သွေးနီဥ အရွယ်အစားနှင့် ထုထည် တိုင်းတာခြင်း(MCV) – သွေးနီဥဆဲလ်များ၏ ပျမ်းမျှအရွယ်အစား
မရင့်ကျက်သေးသည့် သွေးနီဥဆဲလ် ပမာဏ– သွေးတွင်းရှိ ငယ်ရွယ်သော သွေးနီဥဆဲလ်များ၏ အရေအတွက်

ခြားနားနှိုင်းယှဉ်ခြင်းဖြင့် CBC

ခြားနားနှိုင်းယှဉ်ခြင်းဖြင့် တိုင်းတာစစ်ဆေးသည့် CBC စစ်ဆေးချက်၌ သင့်ကလေး၏ သွေးဖြူဥဆဲလ်များနှင့် စပ်လျဉ်း၍ ပိုမိုအသေးစိတ်ကျသော အချက်အလက်များ ပါရှိပါသည်။ သွေးဖြူဥများသည် ကိုယ်ခံအားစနစ်၏ အရေးကြီးသော အစိတ်အပိုင်းတစ်ခုဖြစ်သည်။ အမျိုးအစား တစ်ခုစီတွင် မတူညီသည့် အလုပ်တစ်ခု ရှိသည်။ သွေးအမျိုးအစားခွဲခြားမှုသည် သင့်ကလေး၏ ကျန်းမာရေးနှင့် ပတ်သက်သည့် အချက်အလက်များကို ပိုမိုပေးစွမ်းနိုင်ပါသည်။

သွေးဖြူဥဆဲလ် အမျိုးအစားများ

နျူထရိုဖီးလ်
လင့်ဖိုဆိုက်
မိုနိုဆိုက်
အီယိုစီနိုဖီးလ်
ဘေဆိုဖီးလ်

အတွေ့ရအများဆုံး သွေးဖြူဥဆဲလ်အမျိုးအစားမှာ နျူထရိုဖီးလ်များဖြစ်သည်။ ရောဂါပိုးကူးစက်မှုကို တိုက်ဖျက်ပေးသော ဆဲလ်များဖြစ်သည်။ သင့်ကလေး၏ နျူထရိုဖီးလ်ပမာဏကို ခြေရာခံရန် သင့်စောင့်ရှောက်မှုအဖွဲ့သည် နျူထရိုဖီးလ် အပြည့်အဝ အရေအတွက် (ANC) ကို မှာယူနိုင်ပါသည်။ ANC သည် 500 အောက် (သွေးဖြူဥနည်းခြင်း) ဖြစ်သောအခါ၊ ရောဂါပိုးဝင်နိုင်ခြေ မြင့်မားပါသည်။

CBC စစ်ဆေးမှု၏ အကျိုးကျေးဇူးများ

သင့်စောင့်ရှောက်မှုအဖွဲ့သည် CBC စစ်ဆေးမှု၏ ရလဒ်များကို အသုံးပြု၍ အောက်ပါတို့ကို လုပ်ဆောင်နိုင်သည်-

ဆေးကုသမှုဆိုင်ရာ ပြဿနာတစ်ရပ်ကို ရှာဖွေဖော်ထုတ်ရန်
သင့်ကလေးတွင် ရောဂါကူးစက်မှု ရှိ၊ မရှိ စစ်ဆေးရန်
သင့်ကလေးသည် ရောဂါပိုးကို မည်မျှကောင်းမွန်စွာ တိုက်ထုတ်နိုင်သည်ကို ပြောပြရန်
ရောဂါတစ်ခုသည် ခန္ဓာကိုယ်အပေါ် မည်သို့ အကျိုးသက်ရောက်သည်ကို စောင့်ကြည့်ရန်
ကုသမှု ထိရောက်မှုရှိ၊ မရှိ ပြောပြနိုင်ရန်

CBC စစ်ဆေးချက် ခံယူရန် အသင့်ပြင်ပုံ

စစ်ဆေးမှုမပြုမီ သင့်ကျန်းမာရေးစောင့်ရှောက်မှု အဖွဲ့၏ လမ်းညွှန်ချက်များကို လိုက်နာပါ။ သင့်ကလေးသည် အခြားစစ်ဆေးမှုများ ပြုလုပ်နေပါက သင့်ကလေးသည် (အစား မစားခြင်း သို့မဟုတ် ရေမသောက်ခြင်းဖြင့်) အစာရှောင်ရန် လိုအပ်နိုင်သည်။ ယေဘုယျအားဖြင့် အစားအစာသည် CBC စစ်ဆေးမှုရလဒ်များကို သက်ရောက်မှုမရှိပါ။ သို့သော် သင့်ကလေးသည် တစ်ချိန်တည်းတွင် အခြားသွေးစစ်ဆေးမှုများ ပြုလုပ်ပါက ထိုရလဒ်များကို သက်ရောက်မှုရှိနိုင်ပါသည်။ မေးမြန်းလိုသည်များရှိပါက ပြုစုကုသရေးအဖွဲ့ထံ မေးမြန်းပါ။

ဆေးဝါးများနှင့် ဖြည့်စွက်စာများသည် စစ်ဆေးမှုရလဒ်များကို ပြောင်းလဲစေနိုင်သည်။ သင့်ကလေးသည် အောက်ပါတို့ကို သောက်သုံးနေပါက သင့်စောင့်ရှောက်မှုအဖွဲ့အား အသိပေးပါ-

ဆေးဝါးများ (ဆရာဝန်ညွှန်ကြားချက်ဖြင့် သို့မဟုတ် ဆရာဝန် ညွှန်ကြားချက် မပါဘဲ ဝယ်ယူနိုင်သော ဆေးဝါးများ)
ဗီတာမင်များ
ဆေးဘက်ဝင်သစ်ဥသစ်ဖု ဆေးဝါးထုတ်ကုန်များ

CBC စစ်ဆေးမှု၏ ဖြစ်နိုင်ချေရှိသော အန္တရာယ်များ

CBC စစ်ဆေးမှုသည် ရိုးရှင်းပြီး မြန်ဆန်ပါသည်။ စစ်ဆေးမှုသည် ယေဘုယျအားဖြင့် ဘေးကင်းသော်လည်း ဖြစ်နိုင်ချေရှိသော အန္တရာယ်များတွင် အောက်ပါတို့ ပါဝင်သည်-

အပ်ထိုးသည့်နေရာတွင် နာကျင်ခြင်း သို့မဟုတ် မသက်မသာဖြစ်ခြင်း
သွေးထွက်ခြင်းနှင့် အညိုအမည်းစွဲခြင်း
မူးဝေခြင်း သို့မဟုတ် မောပန်းခြင်း
ရောဂါပိုးဝင်ခြင်း

သင်၏ စောင့်ရှောက်မှုအဖွဲ့ကို မေးရန် မေးခွန်းများ

ကျွန်တော့်ကလေးက ဘာကြောင့် CBC စစ်ဆေးမှု ခံယူနေရတာလဲ။
ကျွန်တော့်ကလေး CBC စစ်ဆေးမှုအတွက် ဘယ်လိုပြင်ဆင်သင့်လဲ။
CBC စစ်ဆေးမှုရလဒ်တွေရဖို့ ဘယ်လောက်ကြာမလဲ။
CBC စစ်ဆေးမှုရလဒ်တွေကို ဘယ်လိုရနိုင်မလဲ။
ကျွန်ုပ်ကလေးအတွက် နောက်ဆက်တွဲစစ်ဆေးမှုများ လိုအပ်ပါသလား။

CBC စစ်ဆေးမှု၏ အဓိကအချက်များ

သွေးဆဲလ်များကို စစ်ဆေးခြင်း (CBC) သည် သွေးထဲရှိ ဆဲလ်အရေအတွက်နှင့် ဆဲလ်အမျိုးအစားများကို တိုင်းတာသည်။
ခြားနားနှိုင်းယှဉ်ခြင်းဖြင့် စစ်ဆေးသည့် CBC စစ်ဆေးချက်က သွေးဖြူဥဆဲလ် အမျိုးအစားများ၊ အရေအတွက်စသည်တို့နှင့် စပ်လျဉ်းသော အသေးစိတ်အချက်အလက်များကို ပြသပေးနိုင်ပါသည်။
သွေးစစ်ဆေးမှုများသည် ကျန်းမာရေးကို စောင့်ကြည့်ရန်၊ ရောဂါများကို ရောဂါရှာဖွေရန်နှင့် ကုသမှုများ မည်မျှကောင်းမွန်စွာ အလုပ်ဖြစ်နေသည်ကို ကြည့်ရှုရန်အတွက် အထောက်အကူဖြစ်စေပါသည်။
သင့်စောင့်ရှောက်မှုအဖွဲ့သည် သင့်ကလေး၏ ရလဒ်များနှင့် ၎င်းတို့ကို ရည်ညွှန်းစံနှုန်းများနှင့် မည်သို့နှိုင်းယှဉ်သည်ကို နားလည်ရန် ကူညီပေးနိုင်ပါသည်။

—
ပြန်လည်သုံးသပ်သည့်ရက်စွဲ- ဩဂုတ်လ 2024 ခုနှစ်

ဆက်စပ်အကြောင်းအရာများ

ANC နှင့် သွေးဖြူဥနည်းခြင်း
ANC နည်းပါးခြင်း (သွေးဖြူဥနည်းခြင်း) ဆိုသည်မှာ သွေးထဲတွင် သွေးဖြူဥများနည်းပါးနေခြင်းကို ဆိုလိုသည်။ သွေးဖြူဥနည်းခြင်း သို့မဟုတ် "သွေးဆဲလ်အရေအတွက်" နည်းပါးခြင်းက ပိုးဝင်နိုင်ခြေကို မည်သို့မြင့်မားစေကြောင်း လေ့လာပါ။
သွေးတွင်းဓာတုဗေဒ စစ်ဆေးမှုများ
သွေးတွင်းဓာတုဗေဒ စစ်ဆေးမှုသည် သွေးတွင်းရှိ ဒြပ်ပစ္စည်းများကို တိုင်းတာခြင်းဖြစ်ပြီး ရောဂါရှာဖွေရန်နှင့် ကုသမှုလုပ်ငန်းစဉ်ကို စောင့်ကြည့်စစ်ဆေးရန် ကူညီပေးပါသည်။ သွေးတွင်းဓာတုဗေဒ စစ်ဆေးမှုများအကြောင်းကို နောက်ထပ်လေ့လာဖတ်ရှုပါ။
သွေးဆဲလ်များကို စစ်ဆေးခြင်း (CBC) နှင့် ဆစ်ကယ်လ်-ဆဲလ် ရောဂါ (sickle cell disease)
သင့်ကလေး၏ သွေးတွင်ပါရှိသော ကလပ်စည်းအမျိုးမျိုး၏ အရေအတွက်နှင့် အခြား သွေးစစ်ဆေးမှု ရလဒ်များကို သိရှိခြင်းဖြင့် သင့်ကလေး၏ ဆစ်ကယ်လ်-ဆဲလ် ရောဂါ (sickle cell disease) ရှိသော အကြောင်း အချက်အလက်များ ပေးနိုင်ပါသည်။ သွေးတွင်ပါရှိသော ကလပ်စည်းအမျိုးမျိုး၏ အရေအတွက်အကြောင်း နောက်ထပ် လေ့လာကြည့်ပါ။