နေအိမ်
ရောဂါရှာဖွေခြင်းနှင့် ကုသခြင်း
ဆေးစာရင်းများ
Omeprazole (အိုမီပရာဇိုးလ်) လက်ရှိစာမျက်နှာ

Omeprazole (အိုမီပရာဇိုးလ်)

အထောက်အကူပြုကုထုံး

ကုန်အမှတ်တံဆိပ်အမည်များ:

Prilosec®

သည်အခြားအမည်များ:

Omeprazole Magnesium

မကြာခဏအတှကျအသုံးပွု:

အစာအိမ်အနာခွက်များကို ကာကွယ်ခြင်း သို့မဟုတ် ကုသခြင်း၊ ရင်ပူနာ၊ အစာအိမ်အက်ဆစ်လျှံတက် ရောဂါ (GERD)

Omeprazole (အိုမီပရာဇိုးလ်) အကြောင်း

Omeprazole သည် အစာအိမ်အက်ဆစ်များထုတ်လွှတ်မှုကို ဟန့်တားပေးပါသည်။ ၎င်းကို အောက်ပါတို့အား ကာကွယ်ရန် သို့မဟုတ် ကုသရန်အတွက် အသုံးပြုသည်-

အစာအိမ်အက်ဆစ်လျှံတက် ရောဂါ (GERD) ဟု သိကျသည့် အက်ဆစ်ဆန်တက်မှု
အစာအိမ် သို့မဟုတ် အူ အနာခွက်များ
ရင်ပူနာ၊ အက်ဆစ်ကြောင့် ဖြစ်သော အစာမကြေရောဂါ
အစာအိမ်နှင့် အူလမ်းကြောင်း (GI) တွင် သွေးယိုခြင်း

၎င်းဆေးဝါးကိုHelicobacter pylori (H. pylori)ကြောင့် ဖြစ်ရသည့် အနာခွက်များအား ပဋိဇီဝဆေးဝါးများဖြင့် ကုသရာတွင် အသုံးပြုသည်။

ရောဂါလက္ခဏာများ အပြည့်အဝပျောက်ကင်း သက်သာစေရန်အတွက် ဤဆေးကို ၁ ရက်မှ ၄ ရက်အထိပေးရသည်။ ရင်ပူနာကို ချက်ချင်းသက်သာဖို့ဆိုလျှင် ဤဆေးကို မသောက်ပါနှင့်။

ဤဆေးကို ဆရာဝန်ဆေးစာနှင့် ဖြစ်စေ ဆေးစာမပါဘဲဖြစ်စေ (OTC) ဝယ်ယူနိုင်သည်။

ဆေးပြား သို့ ဆေးတောင့်အနေဖြင့်လည်း ပါးစပ်မှသောက်နိုင်သည်။

ဆေးရည်အဖြစ် ပါးစပ်မှလည်း သောက်၍ရသည်

ရေတိုကုသမှုနှင့်အတူ ဖြစ်နိုင်ခြေရှိသော ဘေးထွက်ဆိုးကျိုးများ

ဝမ်းလျှောခြင်း
ပျို့အန်ချင်လာခြင်းနှင့် ပျို့အန်ခြင်း
ခေါင်းခေါင်းမူးဝေခြင်း
ဝမ်းချုပ်ခြင်း
ခေါင်းကိုက်ခြင်း
ဝမ်းဗိုက်နာကျင်မှု

ဤဘေးထွက်ဆိုးကျိုးများကို Omeprazole (အိုမီပရာဇိုးလ်) သုံးနေသော လူနာတိုင်းခံစားရသည် မဟုတ်ပါ။ အဖြစ်များသော ဘေးထွက်ဆိုးကျိုးများကို စာလုံးမည်းနှင့်ပြထားသည်။ သို့သော် အခြားသော ဘေးထွက်ဆိုးကျိုးများလည်း ရှိနိုင်သည်။ မသင်္ကာစရာ ဘေးထွက်ဆိုးကျိုးအားလုံးကို သင့်ဆရာဝန် သို့မဟုတ် ဆေးစပ်သူအား အသိပေးပါ။

ရေရှည်စွဲသုံးလျှင် ဖြစ်နိုင်ခြေရှိသော ဘေးထွက်ဆိုးကျိုးများ

ဖြစ်ခဲသည်ဆိုသော်လည်း အချို့လူနာများတွင် Omeprazole (အိုမီဖရာဇိုးလ်) ကြာရှည်စွဲသုံးမှုကြောင့် အရေးကြီးသော ဘေးထွက်ဆိုးကျိုးများကို ခံစားရတတ်ပါသည်။

အရိုးပျော့သူများတွင် အရိုးကျိုးနိုင်ခြေမြင့်မားလာခြင်း (အရိုးပွရောဂါ)
မဂ္ဂနီဆီယမ် ပမာဏလျော့ကျခြင်းများ
အသည်း ပြဿနာများ
Clostridiumdifficile(C. diff) နှင့် ဆက်နွှယ်နေသော ဝမ်းလျှောခြင်း

မိသားစုများအတွက် အကြံပြုချက်များ

ဤအချက်များနှင့် အခြားထောက်ခံချက်များကို သင့်ဆရာဝန် သို့မဟုတ် ဆေးစပ်သူနှင့် တိုင်ပင်ဆွေးနွေးဖြစ်ပါစေ။

မိသားစုများအနေဖြင့် ဆရာဝန်ဆေးစာမပါဘဲဝယ်၍ရသော ဆေးများကို အသုံးပြုနေစေကာမူ Omeprazole (အိုမီပရာဇိုးလ်) ကို စတင်မသောက်သုံးမီ ဆရာဝန်နှင့် တိုင်ပင်ဆွေးနွေးသင့်ပါသည်။

Omeprazole (အိုမီပရာဇိုးလ်) ကို အိမ်တွင်သောက်သုံးရပါက−

ဆေးကို နေ့စဉ်အချိန်မှန်သောက်ပါ။ နေ့လယ်စာ၊ ညစာမစားမီ မိနစ် ၃၀ အလိုတွင်သောက်ပါ။
ဆေးတောင့်နှင့် ဆေးပြားများကို မဝါးဘဲ မျိုချပါ။ ဆေးတောင့်များကို ကြိတ်ခြေခြင်း သို့မဟုတ် ဝါးခြင်းများ မပြုလုပ်ပါနှင့်။
အာနိသင်ချက်ချင်းပြခြင်းမရှိသည့် ဆေးတောင့်များကို ပန်းသီးဆော့စ်ထဲသို့ ချက်ချင်းဖောက်ထည့်ပြီး သောက်သင့်ပါသည်။ ရေအေးတစ်ဖန်ခွက်နှင့် သောက်ပါ။
ဆေးသောက်ရန် မေ့သွားပါက သတိရရချင်း တိုက်ပါ။ နောက်တစ်ကြိမ် ဆေးသောက်ချိန်နှင့် ကပ်သွားပါကပထမဆေးတစ်ခွက်စာကို မသောက်ဘဲထားပါ။ ဆေး ၂ ခွက်စာကို တစ်ချိန်တည်းမသောက်ရပါ။
ဆေးတောင့်နှင့် ဆေးပြားများကို အခန်းအပူချိန်တွင် သိုလှောင်သိမ်းဆည်းပါ။ Omeprazole (အိုမီပရာဇိုးလ်) ကို ရေခဲသေတ္တာထဲတွင် သိုလှောင်သိမ်းဆည်းပါ။

Omeprazole (အိုမီပရာဇိုးလ်) အကြောင်း ပိုမိုလေ့လာရန်

ပုံနှိပ်ဒီစာမျက်နှာ

ဆေးအညွှန်းကို အမြဲတမ်းစစ်ဆေးပါ။ ဆေးအများစုသည် ပုံစံတူကြသည်။ ဆေးဆိုင်မှ မိမိဆန္ဒအလျောက်ဝယ်ယူထားသောဆေးများ သို့မဟုတ် အားဆေးများအပါအဝင် အခြားမည်သည့်ဆေးအသစ်တစ်မျိုးမျိုးကိုမဆို ဆရာဝန် သို့မဟုတ် ဆေးဝါးပညာရှင်တို့ကို မတိုင်ပင်ထားဘဲ မသောက်ရ။ ဆေးသောက်ရန်တစ်ကြိမ်ပျက်ကွက်သွားပါက၊ ဓာတ်မတည့်ခြင်းဖြစ်ပါက၊ သို့မဟုတ် ဆေးကုသမှုခံယူရန် အရေးပေါ်အခြေအနေမျိုးဖြစ်လာပါက မည်ကဲ့သို့လုပ်ဆောင်ရမည်ကို သင်၏ ဆရာဝန် သို့မဟုတ် ဆေးဝါးပညာရှင်တို့အား မေးမြန်းပါ။ ဤသတင်းအချက်အလက်ကို ပြီးပြည့်စုံသည့် လမ်းညွှန်တစ်ရပ်အဖြစ်သော်လည်းကောင်း၊ ကျန်းမာရေးစောင့်ရှောက်နေသူနှင့် တိုင်ပင်ဆွေးနွေးမှုနေရာကို အစားထိုးရန်သော်လည်းကောင်း မရည်ရွယ်ပါ။