انفیکشن اور سکل سیل کی بیماری

سکل سیل کی بیماری (SCD) میں مبتلا بچوں اور نوعمروں میں انفیکشن پیدا ہونے کا خطرہ زیادہ ہوتا ہے۔ ان میں شامل ہیں:

• انفلووینزا (فلو)
  
• نمونیا
  
• میننجائٹس
  
• ہڈیوں کے انفیکشن
  
• خون کے بہاؤ کے انفیکشن
  

اگر آپ کے بچے کو سکل سیل کی بیماری ہے تو انفیکشن جان لیوا ہو سکتے ہیں۔ انفیکشن سکل سیل کی بیماری میں مبتلا شیر خوار بچوں اور کم عمر بچوں میں موت کی ایک بڑی وجہ ہے۔

اگر آپ کے بچے کو بخار یا انفیکشن کی دیگر علامات ہوں تو فوراً طبی نگہداشت حاصل کریں۔

انفیکشن کی علامات

انفکشن کی نشانیوں اور علامات میں شامل ہیں: 

• بخار 
  
  • منہ کے ذریعے ناپا گیا درجہ حرارت (‎101°F (38.3°C یا اس سے زیادہ
    
  • ایگزیلری (بغل کے نیچے ناپا گیا) درجہ حرارت (‎100°F (37.8°C یا اس سے زیادہ
    
• کپکپی 
  
• پسینہ آنا
  
• کھانسی
  
• ناک بہنا
  
• گلے میں خراش
  
• سینے میں درد 
  
• سانس پھولنا، سانس لینے میں دشواری، یا تیز سانس لینا
  
• طبیعت میں چڑچڑاپن یا اضطراری حرکتیں
  
• جلد کا پیلا رنگ
  
• قے آنا (الٹی ہونا) 
  
• اسہال
  
• معمول سے زیادہ سونا یا جاگے رہنے سے قاصر ہونا
  
• جلد میں یا ہڈی یا جوڑ کے اوپر والے حصے میں سوجن، حساسیت، یا سرخی
  

بعض مریضوں میں بخار انفیکشن کی واحد نشانی ہو سکتا ہے۔

سکل سیل کی بیماری میں انفیکشن کی وجوہات

زیادہ تر معاملات میں، جسم نقصان دہ جراثیم سے خود ہی دفاع کر سکتا ہے۔ لیکن سکل سیل کی بیماری آپ کے بچے کے مدافعتی نظام کو کمزور کر سکتی ہے۔ اس کی وجہ یہ ہے کہ تلّی جراثیم کو فلٹر کرنے اور انفیکشن سے لڑنے کے لیے مناسب طریقے سے کام نہیں کرتی۔ 

تلّی جسم کے بائیں جانب پسلیوں کے پنجرے کے نیچے واقع ایک عضو ہے۔ یہ تقریباً ایک مٹھی کے سائز کے برابر ہوتا ہے۔ تلّی کے کام یہ ہیں:

• انفیکشن سے لڑنا
  
• خون کے سفید خلیات بنانا
• خون بنانا، ذخیرہ کرنا، اور فلٹر کرنا 

سکل سیل کی بیماری خون کے سرخ خلیے کو سخت، چپچپا، اور کیلے جیسی شکل کا بنا دیتی ہے۔ سِکل شدہ خون کے سرخ خلیے آپس میں چپک جاتے ہیں اور تلّی کی خون کی نالیوں کو بند کر دیتے ہیں۔ اس سے نقصان ہوتا ہے اور تلّی مناسب طریقے سے کام نہیں کر پاتی۔

آپ کے بچے کو انفیکشن زیادہ آسانی سے ہو سکتے ہیں اور انفیکشن زیادہ سنگین، حتیٰ کہ جان لیوا بھی ہو سکتے ہیں۔

اگر آپ کے بچے میں بخار یا انفکشن کے علامات پائے جارے ہیں تو کیا کرنا چاہئے

سکل سیل کی بیماری میں مبتلا بچوں میں بخار ایک طبی ہنگامی حالت ہے۔ اگر آپ اپنے بچے میں بخار یا انفیکشن کی دیگر علامات دیکھیں تو فوراً طبی نگہداشت حاصل کریں۔  

اپنی نگہداشت ٹیم کی ہدایت کے بغیر بخار کم کرنے والی ادویات جیسے ایسیٹامینوفین یا آئیبوپروفین بخار کے لیے نہ دیں۔ یہ ادویات انفیکشن کی علامات کو چھپا سکتی ہیں۔ ایسیٹامینوفین یا آئیبوپروفین دینے سے پہلے ہمیشہ اپنے بچے کا درجہ حرارت چیک کریں۔

اپنے بچے کو اس کے کلینک یا مقامی ایمرجنسی روم لے جائیں۔ آپ کا ہیلتھ کیئر پرووائیڈر معائنہ کرے گا اور انفیکشن کی وجہ معلوم کرنے کے لیے لیبارٹری ٹیسٹ تجویز کرے گا۔ وہ غالباً انفیکشن کے علاج کے لیے ایک اینٹی بائیوٹیک تجویز کرے گا۔

911 پر کب کال کریں

911 پر کال کریں یا اسے قریبی ایمرجنسی روم لے جائیں اگر وہ:  

• (‎101.3°F (38.5°C یا اس سے زیادہ درجہ حرارت رکھتا ہو
  
• سانس لینے میں دشواری ہو
  
• ردِعمل نہ دے رہا ہو اور آپ سے بات نہ کر سکتا ہو
  
• نیند سے بیدار نہ ہو رہا ہو
  
• اچانک کمزوری، احساس ختم ہونے، یا جسم کے کسی حصے کو حرکت نہ دے سکنے کا شکار ہو

انفکشن سے بچنے کے طریقے

آپ گھر پر ایسے اقدامات کر سکتے ہیں جو آپ کے بچے کو صحت مند رہنے میں مدد دیں۔

ہاتھ دھونے کی صحیح عادت اپنائیں

انفیکشن سے بچاؤ کے بہترین طریقوں میں سے ایک اپنے ہاتھ صاف رکھنا ہے۔ اپنے ہاتھ کم از کم 15–20 سیکنڈ تک صابن اور پانی سے دھوئیں یا الکحل پر مبنی ہینڈ سینیٹائزر استعمال کریں۔ یقینی بنائیں کہ آپ کا بچہ جانتا ہو کہ ہاتھ اچھی طرح کیسے دھونے ہیں۔ کم عمر بچوں کی ہاتھ دھونے میں مدد کریں۔ 

ویکسینز کو بروقت لگوائیں

ویکسینز بہت سے سنگین انفیکشنز سے بچا سکتی ہیں۔ یقینی بنائیں کہ آپ کے بچے کو وہ ویکسینز ملیں جن کی اس کی نگہداشت ٹیم سفارش کرتی ہے۔ ان ویکسینز میں شامل ہیں:

• ہر سال فلو ویکسین
• ہیپاٹائٹس B ویکسین
  
• میننجائٹس ویکسین
  
• نیوموکوکس (نمونیا) ویکسین
  
• دیگر ویکسینز جیسا کہ آپ کی نگہداشت ٹیم سفارش کرے
  

ادویات ہدایت کے مطابق دیں

سکل سیل کی بیماری میں مبتلا تمام شیر خوار بچوں اور کم عمر بچوں کو انفیکشن سے بچاؤ میں مدد کے لیے روزانہ پینسلین تجویز کی جاتی ہے۔ سکل سیل کی بیماری میں مبتلا بعض افراد کو زندگی بھر پینسلین لینے کی ضرورت ہو سکتی ہے۔ یقینی بنائیں کہ آپ کا بچہ ہدایات کے مطابق تمام ادویات لے۔ اگر آپ کے سوالات ہیں تو اپنے ہیلتھ کیئر پرووائیڈر یا فارماسسٹ سے بات کریں۔

انفیکشن کا جلد علاج کریں

انفیکشنز کو روکنا ہمیشہ ممکن نہیں ہوتا۔ آپ کا بچہ ان تمام ہدایات پر عمل کر سکتا ہے اور پھر بھی اسے انفیکشن ہو سکتا ہے۔ طبی نگہداشت حاصل کریں تاکہ انفیکشن کا جلد پتہ چل سکے۔ 

• انفکشن کی نشانیاں اور علامات پر نظر رکھیں۔
  
• اپنی نگہداشت ٹیم سے بات کریں کہ اگر آپ کے بچے کو بخار ہو جائے یا وہ بیمار ہو جائے تو کیا کرنا چاہیے۔ 
  
• جانیں کہ اگر آپ کے بچے کو اوقاتِ کار کے بعد یا ہفتے کے آخر میں بخار ہو جائے تو کیا کرنا ہے۔
  
• جانیں کہ ہنگامی طبی نگہداشت کب حاصل کرنی چاہیے۔ 
  
• دوسروں کو اپنے بچے کی حالت کے بارے میں آگاہ کریں۔ اسکول، سفر، اور ان اوقات کے لیے ایک منصوبہ تیار رکھیں جب دیگر نگراں آپ کے بچے کی دیکھ بھال کر رہے ہوں۔ 
  
• یقینی بنائیں کہ آپ کا بچہ تمام ادویات بالکل تجویز کے مطابق لیتا ہے۔  
  

اگر آپ کو انفیکشنز کے بارے میں سوالات ہوں تو اپنی نگہداشت ٹیم سے بات کریں۔ اپنی نگہداشت ٹیم کی طرف سے دی گئی ہدایات پر ہمیشہ عمل کریں۔

آپ کے نگہداشت ٹیم سے پوچھنے کے لیے سوالات  

• میرے بچے کو انفیکشن کا کتنا خطرہ ہے؟
  
• اگر میرے بچے کو بخار ہو جائے تو مجھے کیا کرنا چاہیے؟
  
• میرے بچے کا درجہ حرارت لینے کا بہترین طریقہ کیا ہے؟
  
• مجھے اپنے بچے کا درجہ حرارت کتنی بار لینا چاہیے؟
  
• کون سی نشانیاں اس بات کی نشاندہی کرتی ہیں کہ انفیکشن زیادہ خراب ہو رہا ہے؟
  
• مجھے نگہداشت ٹیم کو کب کال کرنی چاہیے؟
  
• انفیکشن کی روک تھام کے بہترین طریقے کیا ہیں؟
  

متعلقہ مواد