پریڈنیسون اور پریڈنیسولون

• اگر پریڈنیسون خالی معدہ لی جائے تو یہ معدے میں تکلیف پیدا کر سکتی ہے۔
• پریڈنیسون بخار کو چھپا بھی سکتی ہے۔ انفیکشن کی علامات پر نظر رکھیں۔ جتنی جلدی ممکن ہو کسی ڈاکٹر یا نرس کو انفیکشن کی کسی بھی نشانیوں سے آگاہ کریں۔
• آپ کی نگہداشت ٹیم کم سوڈیم، کم شوگر، اعلی پروٹین والی غذا کی سفارش کر سکتی ہے۔ کلینیکل غذائی ماہر صحت بخش غذا کے انتخاب کرنے اور بھوک میں اضافے کو قابو میں رکھنے کے طریقوں کا مشورہ دے سکتا/سکتی ہے۔
• مریضوں کو پوٹاشیم سپلیمنٹ لینے یا پوٹاشیم سے بھرپور غذائیں کھانے کی ضرورت پڑ سکتی ہے۔
• مہاسوں سے بچنے کے لیے، مریضوں کو دن میں 2 بار صابن اور پانی سے اپنا چہرہ دھونا چاہیے۔
• کچھ دوائیں پریڈنیسون کے ساتھ تعامل کر سکتی ہیں۔ ان میں انسولین، وارفرین، اسپرین، آئبوپروفین، فینی ٹوئن، فینوباربِٹل، کیٹوکونازول، اور رِفیمپِن شامل ہیں۔ اپنے ڈاکٹر اور فارماسسٹ کو ان تمام ادویات کے بارے میں بتائیں جو آپ کا بچہ لے رہا ہے۔
• یہ دوا غیر پیدائشی بچے کے لیے خطرہ بن سکتی ہے۔ اگر آپ کا بچہ جنسی طور پر متحرک ہے تو اپنی نگہداشت ٹیم کو بتائیں۔ اپنے ڈاکٹر کو بتائیں اگر آپ کی بچی حاملہ ہے یا دودھ پلا رہی ہے۔

پریڈنیسون گھر پر استعمال کرتے وقت:

• معدے کی تکلیف سے بچنے کے لیے کھانے یا دودھ کے ساتھ دیں۔
• پریڈنیسون ہر روز ایک ہی وقت پر دیں۔ اگر دن میں ایک بار دینی ہو تو صبح دیں۔
• تاخیر سے گھُلنے والے ٹیبلٹس کے لیے، بچے کو پوری نگلنے دیں۔ نگلنے سے پہلے کچلیں، چبائیں یا توڑیں نہیں۔
• سیال پریڈنیسون کو، دوا کے ساتھ فراہم کردہ پیمائشی آلہ کا استعمال کریں۔
• جتنی جلد ہو سکے چھٹی ہوئی خوراک لے لیں۔ اگر چھوٹی ہوئی خوراک کا وقت اگلی خوراک کے وقت سے قریب ہے، تو اسے چھوڑ دیں۔ ایک ہی وقت میں 2 خوراکیں نہ دیں۔
• پریڈنیسون کو کمرے کے درجہ حرارت پر محفوظ کریں۔
• میعاد ختم ہونے کی تاریخ کے بعد دوا استعمال نہ کریں۔
• محفوظ ہینڈلنگ، ذخیرہ کرنے اور ضائع کرنے کے لیے ہدایات پر عمل کریں۔